أسألتكم واستفساراتكم - حياكم الله

[ام رحيم]

السلام عليكم
خواتي الفاضلات انا ولدي ما نزل معاشه من شهر 2 الي فات وراجعناهم وقالوا تجديد البيانات وجددنا كل المطلوب
بس ?الي الحين ما نزل منو صار لها شذي ومتي راح ينزل ؟؟؟؟؟؟
افيدونا وجزاكم الله خير حبايبي?

 

[الصابرة المحتسبة]

وعليكم السلام

اغلب الحالات نفس المشكلة

 

[زوجت الشمري]

السلام عليكم انا قدمت حق ولدي معاش له وبدل سايق وخادمه اول مره من شهر 3 ومانزل له شي الا الان متى ينزلونه وهل ينزلونه اثر رجعي وكم جزاكم الله خير هواعاقه شديده ربي يشافيه ويشافي مرضاكم

 

[ام منمونة]

حياكم الله انا عضوة جديدة بالمنتدى ولكنى غير كويتية فهل المنتدى للكويتيات فقط ام انه يرحب بالجميع
وهل يحق لى كتابة موضوعات او الرد على موضوعات وخاصة اننى اعمل معلمة ذوى احتياجات خاصة باحدى مدارس الكويت

 

[الصابرة المحتسبة]

وعليكم السلام
منتدى كويتيات يرحب بالجميع
والمواضيع جميعها مسموح بها الا التي تخالف قوانين المنتدى فسوف تحذف دون تبليغ.

وحياج الله بين خواتج.

 

[الصابرة المحتسبة]

وعليكم السلام
منتدى كويتيات يرحب بالجميع
والمواضيع جميعها مسموح بها الا التي تخالف قوانين المنتدى فسوف تحذف دون تبليغ.

وحياج الله بين خواتج.

 

[زوجت الشمري]

السلام عليكم ومبارك عليكم الشهر بقيت استفسر راتب الاعاقه متى ينزل واذاكان حساب ولدي بنك الوطني متى بظبط ينزل اي تاريخ باشهر

 

[الله يحفظهم]

السلام عليكم خواتى العزيزات وشلوكم وشلون عيالكم ان شاء الله بخير خواتي ابى منكم مساعده ابى عيادة اسنان حق بنتى معاقه اللي تعرف ترد والله يجزاها الف خير

 

[الصابرة المحتسبة]

وعليكم السلام

تفضلي



عيادة الدكتور وليد الديولي فتح عيادة جديدة في الجابرية هذا رقمها 25328093

 

[الله يحفظهم]

الله يجزاج خير ويكون في ميزان حسناتج يا رب:eh_s(17):

 

[shams2008]

من شهر 12/2012 ما نزل راتب بنتي مومعقوله الي قاعد يصير باجر براجعهم
ليش هالبووووووق

 

[A7la-SmiLe]

عساج ع القوه اختي
بستفسر بنت صديقتي لها 42 يوم من ولادتها وفجاه ماقامت تتنفس واطرافها صاروا زرق ودودها المستشفى وقالوا احتمال تلوث بالدم وان الام ماخذه ادويه واثر عليها سوا تحاليل والنتيجه ولله الحمد ايجابيه مافي تلوث ، اشعه والرنين المغناطيسي بين ان المخيخ مومكتمل وان محيط الراس من الولاده لي الحين نفس الحجم ماكبر ، النتيجه النهائيه تعاني من ضمور بالمخ سؤالي من بعد الله سبحانه وتعالى شنو علاج هالمرض ؟ بعمرها شهر ونص شنو ممكن نسوي ؟ وين نراجع ويزاج الله خير اذا في مواضيع تقدرين تفيديني فيها​

 

[الله يحفظهم]

:yaaaaaarb:السلام عليكم جميعا خواتى العزيزات شلونكم وشلون عيالكم ان شاء الله بخير شلونج اختى الصابره ان شاء الله بخيرخواتى ابى منكم نصيحه بنتى الله يحفظها على سن البلوغ وهى عندها اعاقه ذهنية وحركيه فا شنهو تنصحونى فيه عشان اهيأها حق هالشى الله يعافيكم اللي عندها نصيحه تقول لى عارفه طولت عليكم

 

[بنوته كيكه]

من شهر 12/2012 ما نزل راتب بنتي مومعقوله الي قاعد يصير باجر براجعهم
ليش هالبووووووق

راجعيهم قسم الماليه لا تسكتين

 

[بنوته كيكه]

عساج ع القوه اختي
بستفسر بنت صديقتي لها 42 يوم من ولادتها وفجاه ماقامت تتنفس واطرافها صاروا زرق ودودها المستشفى وقالوا احتمال تلوث بالدم وان الام ماخذه ادويه واثر عليها سوا تحاليل والنتيجه ولله الحمد ايجابيه مافي تلوث ، اشعه والرنين المغناطيسي بين ان المخيخ مومكتمل وان محيط الراس من الولاده لي الحين نفس الحجم ماكبر ، النتيجه النهائيه تعاني من ضمور بالمخ سؤالي من بعد الله سبحانه وتعالى شنو علاج هالمرض ؟ بعمرها شهر ونص شنو ممكن نسوي ؟ وين نراجع ويزاج الله خير اذا في مواضيع تقدرين تفيديني فيها​

الله يشفيها وقومها في السلامه اختي علاج ابن سينا بْــْْ♡ـْْسّ اهم يعرفون اهو تخصصه مخ وعصاب. كان. اخوي يروح بْــْْ♡ـْْسّ عالج برا انشاءالله احد يرد

 

[بنوته كيكه]

:yaaaaaarb:السلام عليكم جميعا خواتى العزيزات شلونكم وشلون عيالكم ان شاء الله بخير شلونج اختى الصابره ان شاء الله بخيرخواتى ابى منكم نصيحه بنتى الله يحفظها على سن البلوغ وهى عندها اعاقه ذهنية وحركيه فا شنهو تنصحونى فيه عشان اهيأها حق هالشى الله يعافيكم اللي عندها نصيحه تقول لى عارفه طولت عليكم

العمر كله يارب انا انصح تعلمينها. علي الاشيا. غلط في ابسط صوره علشان تستوعب عرفتي يعني علميها علي شي تفهم وشوي شوي وربي يحفظها وانتي لزم تكونين معها

 

[شانيل نمبر 5]

عندي سؤال
هل المريض نفسيه يعني يعالج بالطب التفسي...هل تعتبر معاق؟!!

 

[شانيل نمبر 5]

....الطب النفسي

 

[Canon~]

عندي سؤال
هل المريض نفسيه يعني يعالج بالطب التفسي...هل تعتبر معاق؟!!

هناك فرق بين المعاق والمريض نفسي
المعاق ذهنيا-توجد لديه الاعاقه منذ الولاده نتيجه احدى مسببات الاعاقه-ويوجد لديه قصور في مستوى الذكاء عن المعدل الطبيعي للافراد العاديين ومن المستحيل علاجه مثل"متلازمة داون"المشهوره ويتم تعليمه او تدريبه حسب مستوى ذكائه وقدراته
المريض النفسي-وجد لديه المرض نتيجة ضغوط وتراكمات نفسيه ادت الى وجود مرض نفسي ديه مثل"الاكتئاب"وغيرها ويمكن علاجه ومستوى الذكاء لديه يكون طبيعي وربما اعلى من الطبيعي

ذوي الاحتياجات الخاصه:التصنيفات الرئيسيه:
الاعاقة الحركيه
الاعاقة البصريه
الاعاقه السمعيه
صعوبات التعلم
التوحد والاضطربات السلوكيه
الاعاقه العقليه

 

[بعيوني الهلاكـ]

مساء الخير بنات
بغيت أستفسر بالنسبة للخليجيين هل يصرفون لهم مخصص إعاقة أو خاص بالكويتيين فقط
لأن قريت في أحد المواضيع انه تم استثناء الخليجيين من شرط الجنسية ويعاملون معاملة الكويتيين
أحد عنده فكرة عن الموضوع
ولدي شلل دماغي