تجمع مراجعات مستشفى رويال حياة

[noufb]

اي اول فحص وكان لي ١٠ايام بالتاسع انا قلتلها سويلي وقالت اوكي تهبل لاتحاتين تسمي وتفحص

 

[درة التاج]

شفتو اسعارهم الحين ؟ ليش جذي زايدين :\

هلا حبيبتي
ما زادوا بالسعر
الي شفتيه هذا سعر الكاميليا لما الوحدة تولد قيصري مو طبيعي وأتوقع أنها أكثر بشوي

انتي لما تدخلين ولادة ان شاء الله راح تدفعين ألف هي سعر البكج مالتك ولادة طبيعية مع إقامة غرفة يومين

اي شي زيادة راح تدفعين سعره مثل إبرة الظهر
شفط البيبي
البيبي بالحضانة
تضييق
قعدتي زيادة بغرفة الولادة أكثر من ست ساعات
طلبات الوحدة اذا تحب تسوي استقبالها
خدمات المستشفى الفندقية

 

[درة التاج]

يارب يسهل عليكم وتفرحون بالمواليد
وتقومون بالسلامة
Aloe vera
سيكولوجية
شلونكم ؟ ان شاء الله بخير

 

[سيكولوجية]

هلا حبيبتي درة

بخير لله الحمد انتي شخبارج

الله يسهل عالجميع يارب
ونرتاح بهالمستشفى ان شاءالله

 

[..[[خٰجّل الوْردِٰ]]..]

السلام عليكم كيف الحال

بنات انا بولد ان شاءلله برويال الحياه من احسن دكتوره

فيه مابي اجنبيه اخاف منهم

مدحو وحده اسمه زينب احد جربها زينه ولالا

 

[حبيبة اهلهاا]

خجل اكثر زحمه ع نداء و خالده و رفيجتي حيل تمدح خالده


و من اهلي حيل يمدحووون نداء

 

[سيكولوجية]

خجل

انا اراجع عند دكتورة نجلاء
وحيل مرتاحه لها ومادحينها لي وايد

 

[حبيبة اهلهاا]

نسيت لا ارد عليج السلام و عليككم السلام حبيبتي

 

[baa6aa]

يعطيكم العافيه بنات

وطلعت رفيجتي متخربطه و الله يسهل علينا جميعا

اللي سالت عن دكتورة زينب انا امس رحت لها كنت تعبانه شوي

وماشاءالله ماشاءالله تهبل تهبل كلامها عسل تطمن الوحده باسلوبها مع اني رايحه و صج مخترعه بس ما طلعت منها الا والكشره من هني لي هني و عطتني مقدمة شنو راح يصير بعدين و كل شي ..

تتكلم باسهاب و بالتفصيل

صج تهبل حق اللي بتروح لها

 

[طعم الشهد]

بنات ابرات الظهر مو سعرها 200

انا ليش بولد برويال لان احسن مستشفى بالتخدير وابرات الظهر نسبهم خفيفه وامنه ع الجسم ماتتعبين منه

 

[..[[خٰجّل الوْردِٰ]]..]

ريحتوني الله يريحكم دنيا واخره

ويسهل عليكم ولادتكم

 

[Aloe Vera]

السلام عليكم


بنات الحمدلله انا توني والدة برويال حياة قبل ٣ ايام
و هذي ولادتي الثالثة برويال حياة
و الحمدلله الحمدلله كانت ولادتي حلوة و دكتورتي منى ابو طعام عجيبة و طلع علي السعر وايد حلوووو

خذيت جناح الكاميليا مع خدمات استقبال كامل مع موالح لمدة يومين طلع علي ١٢٠٠ دينار بس!
و كانت اقامتي عندهم حلوة كالعادة الحمدلله و عناية ممتازة



الحمدلله ما اخذت ابرة ظهر و لا طلبت تجميل و لا احتجت شفط و لا طولت بغرفة الولادة فا مادفعت اي شي زيادة عن سعر باكج الولادة الطبيعية

 

[درة التاج]

:eh_s(9):
:eh_s(9):
:eh_s(7):
:eh_s(7):
ألف ألف مبروووووووك Aloe vera
وناسة انا اول وحدة تبارك لك
الحمد لله علا سلامتك
وفرحت لك لما رحتي للدكتورة منى
الله يعطيها الصحة والعافية
تقبلي مروري

 

[سيكولوجية]

الو فيرا

حبيبتي الف الف مبروك ويتربى بعزج البيبي
صارلي جم يوم اقول فاقدتها اكيد ولدت

الحمدالله على سلامتج حبيبتي

 

[درة التاج]

الو فيرا

حبيبتي الف الف مبروك ويتربى بعزج البيبي
صارلي جم يوم اقول فاقدتها اكيد ولدت

الحمدالله على سلامتج حبيبتي

ان شاء الله بعد أبارك لك سيكولوجية علا ولادتك بهون وسلامة
وتفرحين بالضنى ويكون سليم وذرية صالحة

 

[Aloe Vera]

درة التاج

سيكولوجية


الله يبارك فيكم كلكم حبايبي

 

[طعم الشهد]

حمدالله على سلامتج مبروك ماياج
بس منو دكتوره منى طعمه اهي برويال تولد ً
وشلون ولادتها

 

[amonitta]

Aloe Vera

الحمدلله على سلامتج ومبروك مايااج

أشوه طمنتيني عالدكتوره لأنه ناويه أولد عندها ان شالله ونفسج مابي آخذ ابرة ظهر ولا أبي تجميلي

يلا الحمدلله على سلامتج والفال لنا نولد بالسلامه

 

[baa6aa]

Aloe vera

مبرووووووووووووووووك ما ياج
والحمدلله على سلامتج يلا عقبال الباقي ان شاء الله

 

[سمسومة ام عبودي]

الحمدلله علي سلاااااامتج اليو فيرا ويتربي بعزكم البيبي

حبيبتي بسألج الموالح بروحها جم درزن طلبتي وجم السعر بضبط ؟
واذا ماعندج مااانع يليت تحطين جم صورة حق الحلو والموالح وجذي يعني:016::016: