تجمع مراجعات مستشفى رويال حياة

[مناوووي]

السلام عليكم كيف الحال

بنات انا بولد ان شاءلله برويال الحياه من احسن دكتوره

فيه مابي اجنبيه اخاف منهم

مدحو وحده اسمه زينب احد جربها زينه ولالا

عن تجربه دكتوره خالده المجيبل
لو اتكلم عنها ماراح اوفيها بحقها
حيل مرتاحتلها مراجعات حمالي وولادتي عندها
وكل حملاتي ان شاءالله ناويه عندها مافكر اغيرها
الله يسهل عليج

 

[tota77]

الوي الحمدلله على سلامتج ..

انا باخذ كاميليا انشالله بس مو متاكده اذا التامين يوافق عليها او لا ..

بنات ماعندكم صور حق غرفه ليلي ودي اشوفها ..

خبري فيها قبل سنتين نفس مااهي ولا غيروها ؟

 

[baa6aa]

البنات يقولون ان مغيرينها وصارت حلوة و اكشخ اذا رحتي المستشفى يورونج الصور بالايباد وتقدرين تسالين اذا ضمن التامين او لا

 

[tota77]

انا دقيت عليهم قالوا التامين بس يشمل ليلي

بس قالت اذا دشيتي التاسع تعالي وندز اوراق التامين اذا يوافقون على كاميليا او لا ..

من جذي بشووف ليلي ..

باجر موعدي انشالله وعيادتي بالجابريه لي خلصت اروح واشووف

 

[baa6aa]

اي احسن عاد ان شاء الله في غرفة فاضيه عشان تشوفينها مو بس صور

 

[tota77]

ايي انشالله
واذا لقيت بصور واحطهم عشان الي تبي تشووفها بعد

 

[baa6aa]

اي تكسبين فينا اجر صراحه

 

[سمسومة ام عبودي]

tota77

انتي اي تأمين ؟؟

انا تأمين الخليج وسالناهم قالو تحطون الفرقيه مثلا من ليلي لي كامليا طبيعي ودكنور مستشفي الفرقيه تطلع 450
واتاكدي اكثر ياقلبي وعطيني خبر ،، غرفة التامين فوق عند الكامليا تسالينهم عن كل شي ..

 

[tota77]

انا تاميني شركة وربه ..

وبتاكد اذا ادفع الفرقيه عاادي مو مشكله

 

[حبيبة اهلهاا]

ليلي بالصوره ترا حيل ظالمينها بس وايد حلوه بس هم وايد صغيره رااقيه

 

[ms_5ajoola]

ان شاءالله انا بع بوولد ب مستشفى رويال حياة بصراحة واااي مرتاحله ومرتاحة حق دكتورة خالة والله يسهل علي وعليكم جميعا يااارب .

 

[أشبـاهـ المطـر]

الوفيرا تستاهلين مل خير
تهقين يعطوني هديه بعد لوووووول
انا ان شاء الله بتكون هذي ثاني ولاده عندهم احب سوالف الهدايا تغير النفسيه

 

[Aloe Vera]

اشباه


انا بعد ثاني ولادة سوولي حفلة يابولي طاولة عليها كيكة و حركات جذي و دشو بنص استقبالي و الناس قاعدة امبيه حدي انحرجت و طلعو كاميرا يبون يصورون معاي و انا لا لا
عطوني عاد كوبون سبا و ما اتذكر شنو بعد كان قبل ٣ سنين

 

[أشبـاهـ المطـر]

الله كريم ماعليه حفله وناسه بس اتوقع عشانج تسوين استقبال
وتاخذين غرف غير لليلي يمكن عشان جذي انا المره الي طافت ليلي
وهالمره احتمال هم الليلي بعد

 

[Aloe Vera]

مادري يمكن على حسب الجناح

عاد اذا ولدتي بالسلامة ان شاء الله قوليلنا كل شي و كل التفاصيل

 

[noufb]

الحمدالله يارب ولدت بالسلامه

تقييمي للدكتوره الحمدالله مثل ماتوقعت تهبل

ملاحظتي للمستشفى للاسف ماكن زين من ناحية السسترا خلوني اطلق بروحي وطلق صناعي بدون كمام بروحي انا وريلي بالغصب يو عءوني الكمام وراحو وخلونه عقب يت السستر وانا اهلوس او واصله5 سانتي ومستويه من العوار تبي تعطيني الحقنه الشرجيه وتتكلم انجليزي ومصطلحات طبيه انا فهمت بس مو قادره من العوار ارد عليها ونفسيتها خايسه عصبت وراحت عقب عطوني ابرة الظهر وصلت 9 سانتي قمت احس بالراس يبي يطلع اصارخ اقولهم نادو الدكتوره. بتطلع حاقريني يوم يت الدكتوره ولا صج وصلت 10 وبتنزل خلاص

عقب ماولدت وراحت الدكتوره خلو بنتي مفصخه تبجي ساعه كامله بالضبط محد يه خذاها امي راحت تناديهم جان اتقولها السستر اوووه. سوري ويت وراحت تدور احد ياخذها

رديت البيت بنتي محزوزه ريولها من الخيط اللي رابطينه اييبونها لي طلبتها حلجها كله حليب مو منظفينها عطل عادي ساعتين انطر علي ما اييبونها

صج فرق بنهم وبين دار الشفاا

عطوني تحميله وكريم احطهم لازم يوميا
اتي يالسستر تحط التحميله وتروح اقولها والكريم تقولي اي اوكي يالله بالغصب يشتغلون وييع

المهم قمت بالسلامه الحمدالله

 

[Aloe Vera]

الحمدلله على سلامتج نوف

و سبحان الله الناس تجاربهم غير
و مثل ما في ناس تمدح رويال في ناس تجربتهم مثل كلامج

المهم شنو خذيتي اي غرفة و جم طلعت الفاتورة ؟


و اذا عندج شكوى عالسسترات قدميها عالادارة احسن لا تسكتين

 

[noufb]

الله يسلمج حبيبتي اي صح كلامج كل وحده تجربتها غير انا اخذت كاميليا واخذت ابرة الظهر حسابي كله 145. والله كان ودي ااستكي بس عن منو ولا منو تخيلي ايون ينظفون الغرفه يخلون تكرمين الحمام انرد اناديهم عشان يردون مره ثانيه واللي اتييب الاكل من تحطه كل 10دقايق اتيي تسال خلصتي ولا لا لين زفيتها. فيه سستر هنديه للامانه تهببببل وحنوووونه وعلمتني عالرضاعه وايد حبيتها حسافه ماعرفت اسمها

 

[أم بشبوشة]

بنات التجمع أبي نصيحه كل ما أروح المستشفي الغرف فل و أنا دكتورتي من بره شلون تنصحوني اشد طلق صناعي ؟

 

[أشبـاهـ المطـر]

نوف حبيبتي انا ولدت بعز الزحمه ايام الالف الكل بولد نفسه غصب
وكانوا السسترات الجناح يعلون الجبد بس الباجي لا بس انا نظامي اذا جات البورتر اقولها سوي
جذي وجذي عطيني كلينكيس فوط اذا بتخلينها تشتغل من كيفها ماراح تسنع وهالشي وارد بكل مستشفى
بس الوجبات كانوا يدقون علي ويقولون شنو تبين ومتى نوصلها لج ولا يابوها ماينطروني عادي مادري شعندهم معاج


الوفيرا ان شاء الله لاتوصين حررريص