سويي اشعة الصبغه؟؟ذكري لنا تجربتج وفيدينا

[ميمي الحلوه]

مرحبا كويتيات

شخباركم ؟ يارب تكونون بخير

انا صراحه بتكلم عن موضوع اشعة الصبغه منها نشجع بعض ومنها نضيع وقت من هالتفكير
ومنها ندردش

كل وحده سوت اشعة صبغه تذكر لنا تجربتها وشنو فايدتها

وبعد جم شهر حملتي لما سويتيها؟؟؟



انا امس سويتها وكنت ميته خوووووف

قالت لي الدكنوره اخذي ابره مسكن وانتظريني بغرفة الاشعه...

رحت وطوطحت براسي مادري شسوي جيت بروحي وزجي مايدخلونه برا

لا ام لااخت:eh_s(2):كلهم بعيديين عني...
ادري انهم ماراح يسون شي لو انهم موجودين بس النفسيه شوي تتغير في ناس تهديج..احد يقولج لاتخافين ..بس ماااااااش

رحت وانا روجولي طق بعض من الخوووف

قالت لي السستر نامي ع السرير وافتحي رجلينج انا هني بغيت ارجع من الخوف:eh_s(11):

وحطوو ففق بطني جهاز تصوير الاشعه ولما دخلت الدكتوره قلت لها شنوو هذا ؟حسستوني اني بحرب
الكل يركض ومتوتر وتورني زياده

جت اقعدت الدكتوره دخلت المنظار وقمت اصيح لااااا دكتوره يعور قالت ماسويت شي للحين قلت مدري خفت يعورني ههههه,,
بدت توسع وتفر وتوسع وانا اقول عادي.... البلا بالصبغه مو بهذي

جاك الموت ياتارك الصلاه ..وافكر شلون انحااش طيب؟؟ 3 ممرضات انا اقول بنفسي استاهل احسن ليش جيت من قالولي اقعدي رحت اركض ع السرير وانا اقعد اتحلطم

وانا حاطه بالي من البنات اللي قريت عنهم الوحده تمووووووت من الالم...

المهم

بعد ماوسعت حسيت شي دخل فيني وانا اقول لااااا تكفين والله يعوور وصج كان في الم بس مايعور مثل ماصحت.انا من الخوف يجيني احاس بالم راح اصيح منه فا اصيح قبل لا اتعور

وهي دخل وانا تكفين مابي خلاااص بقوم وهي تقولي استني شويه

قلت مابي خلاااص ..انا مدري شجابني اليووم شحقى جيت ياربي

واقعد استغفر وادعي واكبر واهلل حسيت نفسي بعمليه جهاديه صراحه...

لما خلصت وقالت خلاص فنش ...قلت يمه مابغيتوووو الدقيقه صارت ساااعه

يمه يوووم خلصوووو فكو الاشعه وقامت الدكتوره حسيت اني مسجونه وفكوو عني
اختنقت

ولما قمت نزل معاي شوي دم وعزكم الله وصخ مثل الاقرازات البنيه اللي تنزل علينا
حسيت ان في شي او بقايه من دوره وتسقيط كان موجود ونزل الحمدلله

قالت لي راح ينزل دم شوي وبعدين عادي...والم اخذي مسكن وخلاص كل شي تمام

كان الالم مثل الدوره بالظبط سبحان الله بس زياده شوي

يعني الم تقدرين تتحملينه بس حنا عيارات والله

وع حسب ايد الدكتوره بعضهم ثقال صراحه,,


المهم طلعت النتيجه سلييييمه وهي مستانسه الدكتوره

قلت تووووووووبه اسويها ولا افكر فيها خلاص بنساها ..تضحك الدكتوره تقول باذن الله ماتحتاجينها..

وربنا كريم يرزقنا ويرزق كل محروم ومحرومه ياكريم​

 

[M!SS.LOBY]

سبحان الله وبحمده

 

[خطف قلبي]

ما شاء الله
الله يكتبلج الخير فيها و يرزقج يارب
وين سويتها و شسم دكتورتج ؟؟

 

[ميمي الحلوه]

خطف قلبي

تسلمين...انا حاليا بالسعوديه وسويتها

بس في دكاتره شاطرين بالكويت يمدحونهم والبنات بيفيدونج

الله يرزقج ويرزقنا معاج يارب....

 

[3houd86]

سويتها بالسلام شهر سته, الأشعه طلعت سليمه الدكتوره و هي تصور قالت لي.
ما تعور ذاك الزود عاديه, ما أخذت مسكن و ما نزل علي شي وراها.

و حملت بنفس الشهر اللي سويتها.
الحمدلله.

 

[مسك أبيض]

سويتها قبل 3 سنوات تقريبا بتخدير كاااااامل و للحين ماحملت

 

[om_ibrahim]

أنا سويتها بمستشفى العدان وعورني الدكتور حيل مو شوي ومن كثر العوار قمت أصرخ لا بنج لا شي ويوم قمت حسيت بعوار بحوضي كله وكان العوار قوي وقعدت ٣ايام ينزل علي دم وأمي تدهني حسيت الدكتور قاعد يذبح يذبحيه عذبني عذاب الله لا يعوده من يوم

 

[قاهره عذالي]

مبروك ع النتيجه

ليش ما عطتج مضاد حيوي عشان مايصير لج التهاب ؟؟

 

[قاهره عذالي]

أنا سويتها بمستشفى العدان وعورني الدكتور حيل مو شوي ومن كثر العوار قمت أصرخ لا بنج لا شي ويوم قمت حسيت بعوار بحوضي كله وكان العوار قوي وقعدت ٣ايام ينزل علي دم وأمي تدهني حسيت الدكتور قاعد يذبح يذبحيه عذبني عذاب الله لا يعوده من يوم

يا فشلتي

صراحه اشعة الصبغه اذا مو دكتوره فشله

بس الحكومه تقدم اي دكتور

والله لو دكتور رجال يسويلي ما ارضى حيييييييل فشله

 

[qoot]

انا سويتها السنه اللي طافت لا بنج ولا شيء حسيت بالم دوره بو نص ساعه

ونزل علي دم يوم واحد

النتيجه كانت سليمه وللحين ماحملت

 

[ميمي الحلوه]

سويتها بالسلام شهر سته, الأشعه طلعت سليمه الدكتوره و هي تصور قالت لي.
ما تعور ذاك الزود عاديه, ما أخذت مسكن و ما نزل علي شي وراها.

و حملت بنفس الشهر اللي سويتها.
الحمدلله.

ماشاء الله
يمكن انتي صبوره تبارك الرحمن...

الله يتمم لج ع خير يارب

دعواتج لنا..

سويتها قبل 3 سنوات تقريبا بتخدير كاااااامل و للحين ماحملت

يارب يرزقج ياكريم وتفرحينا

أنا سويتها بمستشفى العدان وعورني الدكتور حيل مو شوي ومن كثر العوار قمت أصرخ لا بنج لا شي ويوم قمت حسيت بعوار بحوضي كله وكان العوار قوي وقعدت ٣ايام ينزل علي دم وأمي تدهني حسيت الدكتور قاعد يذبح يذبحيه عذبني عذاب الله لا يعوده من يوم

فعلا تحسين انج كنتي بكابوس مزعج,,مرات افكر لو اسويها مره ثانيه عادي عندي؟؟؟؟ لاااااااااااااا يمه ماصدقت ع الله خلصتها
بس ايده ثقيله هالدكتور ليش جذي لانه لو بمكانج وجرب جان حس:eh_s(2):
عاد بعدها حملتي ولا لسا؟؟

مبروك ع النتيجه

ليش ما عطتج مضاد حيوي عشان مايصير لج التهاب ؟؟

الله يبارك بعمرج..
عطتني قبلها بيوم مضاد حيوي وتحميله وثاني يوم قبل الاشعه ابرة مسكن نص ساعه

انا سويتها السنه اللي طافت لا بنج ولا شيء حسيت بالم دوره بو نص ساعه

ونزل علي دم يوم واحد

النتيجه كانت سليمه وللحين ماحملت

اي نفس الالم اللي جاني بس انا من الخوووووووف اصيح,,احس ان بيجيني الم يذبحني مفسبا جذي هههههههه

انا بس يوم نزل علي وخلاص بس للحين احس بالم مثل الدوره مادري ليش...

يارب يزقج ويرزقني معاج ياكريم...

 

[جولينار]

أنا وقتها كنت بس ابكي وارجف وحالتي حالة كأني داخله استشهد مو أسوي أشعه

كنت متوترة جداً


وسبحان الله ماحسيت بشي ابد ألم دورة خفيف

واقول شوي يجي الألم شوي يجي الألم وماجا هههه


جد اللي مترددة تسويها انا اجلتها سنة وليتني مااجلتها

والنتيجة سليمة

 

[glby7sas]

ليش يسوون اشعه الصبغه شنو تفيد فيه ؟!
واذا المشكله من زوجي ممكن تساعدني الاشعه؟

 

[مسك أبيض]

ليش يسوون اشعه الصبغه شنو تفيد فيه ؟!
واذا المشكله من زوجي ممكن تساعدني الاشعه؟

حبيبتي الصبغة هي اشعه يحقنون لك مادة في الانابيب حتى يتأكدون من سلامة الانابيب عندك و لازم تسوينها بعد تأخر الحمل قبل التلقيح الصناعي والحقن المجهري انا سويتها وكنت خايفة سويتها تخدير كامل بس ماشاءالله البنات يقولون مره عادية مثل ألم الدورة ، هي الاشعه تساعد لو لا سمح الله في مشكلة في الانابيب تكتشف المشكلة و احيانا يكون في سدد بسيط تفتحه :eh_s(9):
المهم ان شاءالله انك حامل وماتحتاجينها

 

[glby7sas]

واي مسك صار فيني عقده من شي اسمه بنج لووول
ان شاءالله مااحتاجها يارب وانتي بعد ونحمل كلنا يارب عاد ساعتها نتكلم عند اي مستشفى بنول لووول

 

[M!SS.LOBY]

سبحان الله العظيم

 

[مسك أبيض]

واي مسك صار فيني عقده من شي اسمه بنج لووول
ان شاءالله مااحتاجها يارب وانتي بعد ونحمل كلنا يارب عاد ساعتها نتكلم عند اي مستشفى بنول لووول

:yaaaaaarb: اللهم آمين ان شاءالله تبشرينا الجمعة

 

[ميمي الحلوه]

أنا وقتها كنت بس ابكي وارجف وحالتي حالة كأني داخله استشهد مو أسوي أشعه

كنت متوترة جداً


وسبحان الله ماحسيت بشي ابد ألم دورة خفيف

واقول شوي يجي الألم شوي يجي الألم وماجا هههه


جد اللي مترددة تسويها انا اجلتها سنة وليتني مااجلتها

والنتيجة سليمة

شعووورج مثل شعوري الخوف سبب لنا هالاحساس هههههههههه
فعلا ماتعور مثل الم الدوره
ولازم كل وحده تسويها
يارب يرزقنا ياكريم

واي مسك صار فيني عقده من شي اسمه بنج لووول
ان شاءالله مااحتاجها يارب وانتي بعد ونحمل كلنا يارب عاد ساعتها نتكلم عند اي مستشفى بنول لووول

الله يرزقج ويرزقنا معاج

:yaaaaaarb: اللهم آمين ان شاءالله تبشرينا الجمعة

امين يارب...

 

[مسك أبيض]

الحمدلله عالسلامة ميمي الحلوة

 

[نبض السعاده]

الله يرزقج اعرف ناس حملو