حكايتي مع المرض والمفآجأه .. من حبي لكم تذكرتكم يا اخواتي بهذا اليوم

[ريحة العوود]

السلام عليكم​

الحمدلله الذي قدر كل شئ تقديرا​

بنات بقولكم سالفتي​

انا ليا 7 سنوات ماحملت .. وقبل 4 سنوات رحت صلحت تحاليل .. طبعا الدوره تغيب اشهر واذا جاتني يجي نزيف يستمر شهر واثنين ولا ينقطع الا بعلاج​

طبعا تحاليلي كان تكيس شديد .. كسل ببعض الهرمونات .. ونشاط بهرمونات ثانيه مثل الذكوره والحليب​

المهم اني درت ع المستشفيات الكبيره بجده وصار الكل يعرف ريحة العوود وعند كل طبيبه انهار وابكي​

تعبت تعبت لحد حتى العلاجات كرهتها​

ومن قبل كم شهر رجعت عملت تحاليل .. وقلت بسال البنات هنا عن نتيجتها قبل اعرضها لاي طبيب​

طبعا دورتي ملخبطه وحالتي تشكى الى الله سبحانه​

اللي صار بعض البنات قالوا هرموناتك تمام وبنات قالوا فيه ارتفاع بسيط​

وهالكلام قبل يومين تقريبا​

انا من 10 ايام بديت احس بثقل بصدري وقلت اكيد هرمون الحليب
غير كذا الام الدوره تعبتني ولا نزلت
وألم بظهري​

وطلعتلي حبوب بوجهي على الرقبه وجانب الوجه صغار وكبار والنفسيه رايحه فيها
غير كذا حرارة وجهي مرتفع ع الاخر وكل شوي اقوم اغسل وجهي بمويه بارده
وجاييني ضيق بالتنفس .. وكتمه .. وتعب حتى لو امشي خطوتين​

اليوم طلعت بالليل ومريت الصيدليه قلت اديني جهاز اختبار الحمل​

وعارفه النتيجه لان كل شهر ع هالحال​

اللي صار​

طلعت حامل والحمدلله من قبل ومن بعد
وباقي اتاكد تحليل دم​

طبعا كثير بيقولون شو استخدمتي​

انا من سنتين تركت كل الادويه وبرمضان استخدمت القسط الهندي مرتين باليوم بعد الفطور وقبل السحور لمده 20 يوم
وبعدها صرت كل مره احطه بفمي اجلس استفرغ وانتو بكرامه
وتعبت منه وتركته​

لكن النتيجه ان الدوره جاتني من دون علاج بالشهر اللي بعده
وهي بالاصل ماتنزل الا بعلاج​

بنات عليكم بالقسط الهندي والاستغفار والدعاء انا كنت انام وانا ادعي واستغفر
والحمدلله ربي اكرمني واعطاني اكثر مما تمنيت
كانت امنيتي تضبط هرموناتي وتتعدل دورتي عشان اروح اعمل انابيب​

والحمدلله لله تعالى من قبل ومن بعد​

وان شاءالله ارجع اتاكد تحليل دم واخبركم​

والله يرزق كل وحده بطفل سليم مشافى معافى​

تذكروني / وادعولي
:eh_s(17):​

 

[Joury86]

سبحان الله

ألف مبرووووك حبيبتي عالحمل والله يثبته ويخفف حمله ويسهل ولادته،،،

شفت موضوعج الاول وكنت بكتب رد لكني شفتج كاتبه ان في موضوع جديد،،،،والحمدلله فرحتيني بهالخبر الحلو،،،،

الله يفرح قلبج مثل مافرحتيني والله دمعت عيوني

 

[Joury86]

مايحتاج اوصيج هالله هالله بنفسج،،،الزمي الفراش وارتاحي واكلي الفوليك اسيد وابتعدي عن كل مايضر الجنين،،،،،،

 

[أأأميرة الورد]

ماشالله الف الف الف الف مبرووووووووووووووك

والله يتمم حملك على خيييييييير ويفرح قلبك انتي وزوجك

 

[M!SS.LOBY]

الله يسهل عليج

 

[ReD&FoSHia]

الحمدلله يارب .. انا لاحظت بتحليل ال lh انه ثاني واحد و ورابع واحد مرتفعين .. الحمدلله يارب انه حملتي و ديري بالج على روحج ياقلبي ..

 

[جولينار]

الحمد لله

رحمة ربي واسعة

الله يقر عينك بحملك


ويرحمنا ويطمن قلوبنا بالحمل

 

[ماي زهر]

لا إله إلا الله و لا حول و لا قوة إلا بالله
تبارك الرحمن الله يتمم عليج و يرزقج أكثر و أكثر
و يرزقني و يرزق كل محروم و محرومه

إي والله تعبنا من العلاج و الهرمونات
آنا نفسج تكيس شديد و مافي تبويض
و إذا خذيت منشط يتضخم عندي المبيض و البويضات صغار و أوقف العلاج

بس القسط الهندي الأبيض و لا الأحمر
و أشلون أستخدامه ؟؟؟؟

جزاك الله خير عطيتيني أمل و لا تنسيني بالدعاء

 

[نبض السعاده]

الله يثبت حملج يرزقج بالولد الصالح السليم

 

[ريحة العوود]

سبحان الله

ألف مبرووووك حبيبتي عالحمل والله يثبته ويخفف حمله ويسهل ولادته،،،

شفت موضوعج الاول وكنت بكتب رد لكني شفتج كاتبه ان في موضوع جديد،،،،والحمدلله فرحتيني بهالخبر الحلو،،،،

الله يفرح قلبج مثل مافرحتيني والله دمعت عيوني

الله يبارك بعمرك حبيبتي وجزاك الله خير / وشكرا ياقلبي ع مشاعرك العاليه واخلاقك الرفيعه الله يسعد قلبك :eh_s(7):

مايحتاج اوصيج هالله هالله بنفسج،،،الزمي الفراش وارتاحي واكلي الفوليك اسيد وابتعدي عن كل مايضر الجنين،،،،،،

تسلمين حبوبه وان شآءالله انتبه لعمري

ماشالله الف الف الف الف مبرووووووووووووووك

والله يتمم حملك على خيييييييير ويفرح قلبك انتي وزوجك

يبارك ربي بعمرك يالغاليه والله يسعدك ياقلبي

الحمدلله يارب .. انا لاحظت بتحليل ال lh انه ثاني واحد و ورابع واحد مرتفعين .. الحمدلله يارب انه حملتي و ديري بالج على روحج ياقلبي ..

انتي بالذات كان لك وقفه معاي والله يجزاك خير يالغاليه والحمدلله ربي رحمته وسعت كل شئ

الحمد لله

رحمة ربي واسعة

الله يقر عينك بحملك


ويرحمنا ويطمن قلوبنا بالحمل

الله يجزاك خير
والله يرزق كل محرومه ويحقق امنيتها بالحمل السليم المعافى

 

[الأميرة جوري]

مبروووووووك

 

[ريحة العوود]

لا إله إلا الله و لا حول و لا قوة إلا بالله
تبارك الرحمن الله يتمم عليج و يرزقج أكثر و أكثر
و يرزقني و يرزق كل محروم و محرومه

إي والله تعبنا من العلاج و الهرمونات
آنا نفسج تكيس شديد و مافي تبويض
و إذا خذيت منشط يتضخم عندي المبيض و البويضات صغار و أوقف العلاج

بس القسط الهندي الأبيض و لا الأحمر
و أشلون أستخدامه ؟؟؟؟

جزاك الله خير عطيتيني أمل و لا تنسيني بالدعاء

شوفي حبوبه انا كان التبويض شبه معدوم عندي
وكنت احس بجفاف عكس الحريم عندهم افرازات وكذا وانتي بكرامه

وغير ان عندي هرمونات ولخبطه وتكيس والدوره ما احلم تنتظم ونزيف مثل ماذكرت لكم

كان عندي جرثومه القطط

المهم

انا العلاج الوحيد اللي استمريت معاه حق تنظيم الدوره
بس ما انتظمت ابد من بدات العلاج من سنوات وهي ماتنزل الا بحبوب واذا ما خذيت الحبوب بهذاك الشهر مستحيل تنزل


برمضان جاء ببالي القسط الهندي والله العالم اني ما اعرفه من قبل ولاعمري شفته ع الطبيعه وهو لونه بني يشبه العوده
وريحته الله يكرم النعمه قرف
وخذيته مطحون اول يوم خذيت ملعقه صغيره ع مويه
وع طول طلعته وجلست اشم ريحته حتى بيدي واطلع وانتي بكرامه

قمت قريت طريقه اني اعجنه بشوي زمزم وااجمده مثل اقراص الحبوب
واخليه بالفريز ر

وفعلا جمدته بس برضوا ماقدرت ابلعه مع مويه كنت اخذ عليه لبن بالفراوله يخفي الطعم وريحته اللي تحوم الكبد

لكن ما قدرت استمر اكثر من 20 يوم وتركته ولحد الحين موجود ومجمد
والشهر اللي بعده جاتني الدوره بوقتها وبنفس فتره زمان قبل اعرف المرض 5 ايام
والشهر هذا حملت الحمدلله يعني انا استخدمته برمضان وماكملت 20 يوم

بس حبوبه انا لي فتره مسويه حميه عن كل شئ اشك انو فيه هرمونات
اللحوم والمعلبات والعصيرات المعلبه
وصار اكلي فواكه وخضراوات وحليب وزبادي

طولت عليك بس اني حسيت بمعاناتك وقلت افيدك

ولاتنسوني حبيباتي من دعاؤكم

 

[ريحة العوود]

الله يثبت حملج يرزقج بالولد الصالح السليم

جزاك ربي كل الخير فديتك يالغاليه

 

[ميمي الحلوه]

ماشاء الله تبارك الرحمن

الله يتمم عليج..

 

[Super_lady]

الف الف الف مبروووووك الله يتثب حمالج ويرزقنا الذريه الصالحة

 

[برنسيسة2007]

ماشاء الله ولا حول ولا قوه الا بالله



بالفعل اللي سويتيه افضل علاج وانا بنفس الطريقه حملت
الله عظيم كريم رزاق رحيم

 

[تبيني آرضى عليك]

مبررووووووووك

 

[بنت مكه غير]

الله يتمم لك على خير يارب

 

[لوولوو_88]

مشالله تبارك الله الله يتمم عليج و يثبت حملج و تقر عينج بشوفته سليم معافه يا رب

و تشوفينه معرس او عروسه هههه << مستعيله

و يرزقني بالذريه و الصالحه و يرزق كل محرومه باذن الله