سؤال لكل وحده مسويه حقن ذاتي للوجه

[التوأمتان]

صباح الخير عليكم
عزيزاتي يأجمل عضوات
انا بسوي انشالله انفي وابي مره وحده احقن دهون ذاتيه في وجهي لان وجهي مرررره نحيف خصوصا من تحت العيون المنطقه غائرررره سارت جلده خفيفه
لان مافيني اسوي عمليه ثانيه علشان الحقن سألت الدكتور قال ممكن بس راح تكون التورمات مرررره زايده الدبل يعني
بس انا ابي المجربات
من جربت فيكم الحقن الذاتي وكيف شكله طبيعي او يبين مثل حقن المواد الخارجيه
وهل استمر الحقن لفتره طوبله او اختفى بسرعه
هل تتوقعون الفنانه باسمه حماده حاقنه دهون ذاتيه لان ماشالله مبين طبيعي ومعطيها بيااااض ونظاره واخر مسلسلاتها ماتحط مكياج ابدا
ياااااليت تفيدوني
ابي اعرف واقرر لان عمليت انفي يمكن تكون قبل العيد

 

[ساره العامر]

صاحبتي سوت الحقن الذاتي بسكن كير الخبر الشغل يجنن بس اهي نحيفه وقالها الدكتور لازم تحافظين على غذائك ماحافظت على غذائها وعلى طول تغيرت النتيجه معها لازم اذا سويتيه تحافظين على غذائك ولا ترا تطلعين كانك ماسويتي شي احس وجها صار كبير مع ان اول ماسواه كان يجنن وجها مايل على الطول ويوم سوته صار كأنه مدقوق من تحت حلو زي ماقلت لك النتيجه تطلع حلوه باذن الله بس اهتميييي بالاكل

 

[التوأمتان]

اهلين فيك ساره
ياللللليت والله انا ابي اسوي في الخبر لاني ساكنه فيها
هل هو نفسه الي في شرفت الخليج مع مستشفى مغربي
مره رحتلهم قالتلي فيه دكتور ودكتوره
صديقتك عند مين سوت الحقن وكم كلفها وكان
وكيف يعني سار وجها اطول يمكن ترهل الوجه بسبب الحقن او الدكتور حقن لها الذقن
بليييييز اسالي صديقتك وخبريني

 

[طفشت90]

توأمتان
ماراح يكثر لك عند العيون و يفضل مايحط شي عشان الكسور لانها منطقه قريبه من الخشم

 

[التوأمتان]

يعني الافضل اسوي كل عمليه لحالها لان انا مشكلتي الكبيره تحت عيوني ابي احقن كثير

 

[Jojo1000]

حبيبتي نصيحه لا تحقني وجهك دهون ذاتية لان اول شي ما يثبت ثاني شي إذا ثبت ممكن يتأثر بوزنك لو زدني كيلو بيبان بوجهك على طول مو حلو
ودكتور لبناني وخبره قال مااااانصح بحقن الدهون للوجه وما حد يحقن دهون اللي اللي بيشفطون فلوس لان كل مره بيسحبون ويحقنون لين يثبت من اول مره ما يثبت وإذا قال لك أجمد الدهون اعرفي انه اكبر نصاب بالدنيا لان الخلايا الدهنية فتره وتموت فا ماراح تستفيدي شي غير الخسائر واللي تحقن وجهها دهون بعد فتره ينزل تحت ويخلي وجهك يترهل
وإذا بتحقني ماده ثانيه انتبهي لاحد يحقن لك دائم اقري تجارب البنات بمنتدى التمايط بتبكي اقسم بالله يوم قريت البلاوي اللي تصير لهم الشعر بدني بغيت ابكي الله يعينهم
وعلى فكره كلهم ملعوب عليهم أنها حقن موقت وهم قاعدين سنيين بعدها التهبت وتكتلت الماده
والمؤقت كذا ماركه وكذا اسم
نصيحه مني لاختي لا تدخلي بدو أمة التجميل لان محد بيرضى بشكله سبحان الله
وكلامي كله بعد بحث وخبره
معلش طولت بالرد بس من قهري من دكاترة التجميل بس همهم ماده

 

[ساره العامر]

صديقتي اول يومين شفتها بلصور كانت تصورلي النتيجه كانت روووووعه بس بعدين صار وجهها كبير تحسينه حتا اهي لاحظت هلشي انا اشوف امي تحقن فلر عادي وماشالله يبان طبيعييي والحمدلله بسماظ الله عليها ماحاها شي وام صاحبتي تحقن بسكن كير بس ماتحقن دهون صاحبتي حقنت عند دكتور مصري هناك

 

[ساره العامر]

كلفها ٥٠٠٠ريال

 

[التوأمتان]

مشكورااااات ياقلبي على ردودكم
جوجو
انا قريت كثير تجارب في منتدا الدكتور سلطان والاغلبيه يمدحون الحقن الذاتي ماحد اشتكى منه وتواصلت مع كثير عظوات حاقنين من سنين ويقولون ماسببلهم ترهل صحيح خفت الدهون لاكن
مااختفت كلها
وشفت مواضيع في اليوتيوب عن تجميل العيون وكثير دكاتره ينصحون بالحقن الذاتي لتحت العيون اذا كان الدهون مختفيه مررره
انا عيوني مرره تعبانه لان لبست النضاره سنين واثرت في وجهي كثير ومن خمسه شهور سويت تصحيح نضر لازم الاقي حل لعيوني

 

[Jojo1000]

مشكورااااات ياقلبي على ردودكم
جوجو
انا قريت كثير تجارب في منتدا الدكتور سلطان والاغلبيه يمدحون الحقن الذاتي ماحد اشتكى منه وتواصلت مع كثير عظوات حاقنين من سنين ويقولون ماسببلهم ترهل صحيح خفت الدهون لاكن
مااختفت كلها
وشفت مواضيع في اليوتيوب عن تجميل العيون وكثير دكاتره ينصحون بالحقن الذاتي لتحت العيون اذا كان الدهون مختفيه مررره
انا عيوني مرره تعبانه لان لبست النضاره سنين واثرت في وجهي كثير ومن خمسه شهور سويت تصحيح نضر لازم الاقي حل لعيوني

والله إذا تحت العيون مادري بس انا قلت تجربتي ورأيي وكلام دكاترة لي والقرار لك وان شاء الله تظبط معك

 

[Jojo1000]

صديقتي اول يومين شفتها بلصور كانت تصورلي النتيجه كانت روووووعه بس بعدين صار وجهها كبير تحسينه حتا اهي لاحظت هلشي انا اشوف امي تحقن فلر عادي وماشالله يبان طبيعييي والحمدلله بسماظ الله عليها ماحاها شي وام صاحبتي تحقن بسكن كير بس ماتحقن دهون صاحبتي حقنت عند دكتور مصري هناك

كم مره حقنت صديقتك وليش تحسي وجهها كبر من الدهون ولا ترهل واوين حقنت خدود بس ولا من الجوانب

 

[ساره العامر]

حقنت ذقن وخدود بلبرايه وجها طلع مثل المثلث حلووو بس بعدين اخترب وحقنت دهون من بطنها سحب وحطاه بخدها

 

[التوأمتان]

ساره عند مين حقنت امك
صاحبت امك فلير
ويمكن علشان كذا صديقتك بان وجها طويل لانها حقنت الذقن

طيب يابنات هل شفتو تجارب عند الدكتوره عطف في بروكير في الحقن والشفط
يمدحوها كثير في شد البطن والصدر والتكبير

 

[$نرجس$]

ررررررررفع

 

[فطمطم]

زوجة خالي حقنت بس كم شهر ورد وجهها نحيل والله خسارررررررررة فلوس

 

[التوأمتان]

الحين في طريقه جديده علشان تثبت الدهون هي خلطها مع بلازما الدم
بس اكيد التكلفه راح تكون اكبر
وكمان شفت كثير مقاطع يوتيوب دكاتره يتكلمو عن الحقن
ان المفروض الدكتور وهو يشفط الدهون في طريقه معينه علشان ماتتكسر هذي الدهون وتكون بدون فايده يعني يحول يحافظ عليها وقت الشفط والحقن

 

[$نرجس$]

اول شي انا شاايفه نتايج عمليات حقن الدهون والدكتور اللبنااني الي اتقول عنه جووجو ثقه ما اعتقد انه ثقه لانه من كلاامه نصاااااااب لان تلقيينه ما درس التقنيه هاذي نفس دكااترتنا للحين يعتمدون شفط البطن والجسم بنج كااامل واذاا قاال موضعي تلقيينه يقوول للمرييضه يعور عشاان تنحد على العام عجزاانيين يجيببوون ادويه البنج الموضعي القويه لانهاا اتكلف عليهم وفي شغلات ثانيه اشكثر لو بتكلم ما اخلص
اول شي الحقون الذاتيه اامن شي للوجه ومووو كل الدكااتره شطاار فيهااا يبيلهااا حرفنه وشطااره وعكس مواد التعبئه الثانيه الي اتسبب بلااوي وتليف والتهاباات اما الدهون كافي انهاا من جسمج طبيعيه بس لااازم اتكوون على ثلااث مرااحل مو مره وحده ويين قااعديين اول مره يحقن ررااح يورم الوجه وهااذاا شي طبيعي وبعديين اتشووفين النتيجه اذاا تبين اتزودين او لاااا اماا دكااتره مصر مره وحده وفي بعض دكااتره لبناان من تجاارب بناات يحقن بكميات كبيره اهي تعتمد على شطااره الدكتورر

بعديين احس نص البناات فااهميين غلط حقن الدهوون تختلف عن حقن البلازما المشبعة بالخلايا الجذعية، اهي عبارة عن دم المريض الذي يصفى وتستخرج منه البلازما صفرا جنها دهن والخلايا الجذعية وتحقن عادة بطريقة الميزوثيرابي لتعطي نـضارة للبشرة اما الدهون، اهي دهون المريض الي تستخرج بعملية شفط، وبعدين تحضر وتحقن من جديد للملء والتكبير لكنها على خلاف الفيلرزاهي دائمة

 

[$نرجس$]

تعبت هههههه الله يسخرلج الدكتور الشاطر

 

[Jojo1000]

نرجس انا حقنت خدودي ذاتي وابتلشت فيها اذا زدت نص كيلو انتفخت غير اسوي دايت والدكتور اللبناني قاله لي ومو هو اللي حقن لي اللي حقن لي حقن كميه كبيره عشان بعد فتره يبقى
صدق اول الشهور حسيت راح مدري ليش الحين يمكن لان زدت كم كيلو انتفخت وبزيادة لازم أحاسب على وزني
وفيه دكتور بعد قال الدهون تنزل بعد فتره من الخدود لتحت ترهل الوجه
فما ادري اذا معلوماته صحيحه او لا
بس اللي متأكده منه ان الخدود تنفس وتنتفخ وتصير أوفر مو مضمونه وهذا من واقع تجربه

 

[التوأمتان]

نرجس
جوجو
مشكورات على مداخلاتكم
انا الحين بسوي انفي عند الدكتور ايمن الشيخ وكلمته ابي اسوي في نفس الوقت حقن دهون لتحت العيون بس
لاني قريت كثير مسويات في نفس الوقت تجميل الانف والحقن
لاكن هو رفض وقال ماحقن ابد تحت العيون دهون
يحقن الوجنات والاصداغ والذقن اما تحت العيون يقول انه يفضل الفلر
انا استغربت قلت لييييش كل الدكاتره يحقنون عادي
قال لا بعد فتره تتكتل والجلد الي تحت العيون مررره رقيق مايتحمل الدهون الذاتيه
والفيلرافضل
وياااااخساره كان ودي اسويها مع بعض