حمل خارج الرحم

[أم للغالي]

السلام عليكم خواتي

انا تركت المانع من مده 3 شهور وكان المانع طبيعي توقعت اول شهر اتركه احمل لكن ما الله اراد الشهر الثاني جتني اعراض حمل و قبل موعد الدورة شرفت الدورة .. الشهر الثالث جتني اعراض مبكرة الم بظهرررري شديد و الم بجهة اليسار اسفل بطني ..


تاخرت الدورة علي 35 يوم فرحت و رحت حللت طلع لي ويك بيوزتف حمل ضعيف قالوا لي تعالي بعد اسبوع وسوي التحليل ان شاء الله يكون بيوزتف وبعد اسبوع طلع لي بيوزتف

بعد 3 ايام صار ينزل عندي ماء ودائما احس بهالمنطقة رطوبة قلت يمكن من الاجهاد و التعب ريحت لكن زاد الم ظهري

الدورة الحين منقطعه عني ستة اسابيع كاملة بيوم اللي كنت بروح اسوي تحليل وسونار جاني الم كانو طلق وموقادرة امشي من قوة الالم الدكتورة شافتني كذا ع طول قالت سونار مهبلي ساعتها وهي تسوي السونار اغمى علي من قوة الالم بعد ما فقت قالوا لي انو حمل خارج الرحم و انتي بتحملي قنبلة موقوته ممكن تنفجر بأي وقت صحت صياح مو طبيعي ليش يصير فيني كذا قالوا لي يا ابرة كيماوي او عملية نشيل الانبوب و الحمل ..

اخترت الكيماوي لاني ما ابغي العمليه خير شر

كان هرمون الحمل 1228

حاليا الهرمون 774 :eh_s(2):

و لو مانزل من الممكن يعطوني كيماوي مرة ثانية

بنات طمنوني ممكن احمل مرة ثانية و اللي مرت بهالحاله متى احملت :yaaaaaarb:

علما عندي 3 اطفال و حلم زوجي البنت لكن مالله اراد

للمعلومية خواتي هذي ثاني مرة يصير لي الحمل خارج الرحم

 

[أم للغالي]

طمنوني وريحوا بالي ربي يعطيكم على قد ما تتمنون ويوفقكم و يسخرر لكم ازواجكم و يرزقكم بالخير الوفير و العيش الرغيد​

 

[glby7sas]

والله ماعرف بس حبيت ادعيلج الله يعوضج يارب ببنوته تفرح قلبج وقلب ريلج يارب

 

[أم للغالي]

ربي يسمع منك حبيبتي ولك من دعائك نصيب

 

[نبض السعاده]

اي تحملين عادي الله يصلح لج ذريتج يرزقج

 

[Om_HoBi]

والله ماعندي اي فكره الاطباء ابخص
استشيري اكثر من دكتور والله يسهل غليج
بس حمل خارج الرحم عادي ممكن تحملين عادي بعدين مو شرط
دام حملتي من قبل طبيعي


كل يوم اقري على بطنج سورة مريم و توكلي على الله

 

[shai6ona19]

استغفر الله صاير منتشر حيل حمل خارج الرحم

انا صار معاي حمل خارج الرحم شهر ٢ اللي طاف

كان هرمون الحمل عندي ٨٠٠
عطوني ابرتين ونزل

وليما الحين ماحملت مادري ليش مع انه فحوصاتي كلها سليمه وماكوو شي

عندي بنت وحده حملت فيها اول ماتزوجت طبيعي وتمينا انا وزوجي عزل طبيعي

واول ما قررنا اني احمل الحمدلله بنفس الشهر حملت بس مثل ماقلتلج طل خارج الرحم ومادري شنوو السبب
وانا خايفه يتكرر معاي

انتي اول حمل خارج الرحم متى صار معاج ؟؟ قبل عيالج او بعد ؟؟

 

[sweetpink1990]

انا اول حمل لي كان خارج الرحم الحمدالله على كل حال وغززوني كيماوي ونزل الحمدالله لازم تحملين بعدها ب٦اشهر عشان يروح مفعول الكيماوي من جسمج الحمدالله بعدها حملت طبيعي بس صح وايد كان عذاب والم

 

[أم للغالي]

اي تحملين عادي الله يصلح لج ذريتج يرزقج

ربي يسمع منك حبيبتي ولك من دعائك نصيب​

​

 

[أم للغالي]

والله ماعندي اي فكره الاطباء ابخص
استشيري اكثر من دكتور والله يسهل غليج
بس حمل خارج الرحم عادي ممكن تحملين عادي بعدين مو شرط
دام حملتي من قبل طبيعي


كل يوم اقري على بطنج سورة مريم و توكلي على الله

تدرين خوفوني قالوا لي دام تكرر معاج المرة الثانية و بنفس الانبوب اليسار معناته العله في الانبوبة نفسها يا ان فيها انسداد او التصاق او التهاب و الافضل نشيلها وانا جد خايفه ..

متكلة على الله بس ما ابغيهم يشيلون الانبوبه​

​

 

[# غنوجة بيبي #]

الله يرزقج بالبنت اللي تتمنينها

مو شرط خلل من الانبوب

بس لان لما تلقحت البويضه ظلت بالانبوب ما راحت الرحم

الحمل الياي ان شاءالله طبيعي

انا خرعوني قالولي انتي 6 شهور لا تفكرين بالحمل

بنفس الشهر حملت


الله القادر فوق كل شي


و اعرف اكثر من وحده عندهم عيال و حملوا خارج الرحم و بعده حملو باكثر من واحد طبيعي


الحمدلله على كل حال

 

[أم للغالي]

استغفر الله صاير منتشر حيل حمل خارج الرحم

انا صار معاي حمل خارج الرحم شهر 2 اللي طاف

كان هرمون الحمل عندي 800
عطوني ابرتين ونزل

وليما الحين ماحملت مادري ليش مع انه فحوصاتي كلها سليمه وماكوو شي

عندي بنت وحده حملت فيها اول ماتزوجت طبيعي وتمينا انا وزوجي عزل طبيعي

واول ما قررنا اني احمل الحمدلله بنفس الشهر حملت بس مثل ماقلتلج طل خارج الرحم ومادري شنوو السبب
وانا خايفه يتكرر معاي

انتي اول حمل خارج الرحم متى صار معاج ؟؟ قبل عيالج او بعد ؟؟

لآحول و لا قوة الا بالله

منتشر وايد ربي يفك كربهم و يغير حالهم الى احسن حال وفيه حريم مساكين ما استجابو للكيماووي
ربي يخلي بنتك و تربى بعزج و دلالج اهم شيء لا تخافين انو يتكرر لان له تأير التفكير ومن الممكمن انو يصير

خلي املك بالله كبير و ان شاء الله اللي ذقناه ما يذوقه لا عدو ولا صديق
انا صار لي هالحمل بعد اولادي

* تدري اللي خلاني اكتب هالموضوع حجي و كلام الامهات الكبار يقولون يا انج مستضرة او عين وانا ابد ما فكرت بها التفكير بس كلامهم خلاني ما انام و افكر كثير وما ودي الجأ للطب الشعبي ​

​

 

[أم للغالي]

انا اول حمل لي كان خارج الرحم الحمدالله على كل حال وغززوني كيماوي ونزل الحمدالله لازم تحملين بعدها ب6اشهر عشان يروح مفعول الكيماوي من جسمج الحمدالله بعدها حملت طبيعي بس صح وايد كان عذاب والم

اللي يعطونها ابرة وحده مفعولها يروح بعد ثلاثة شهور انا ما عطوني الا وحده وموعدي الياي يوم الاربعاء هالاسبوع وعساني ما احتاج لجرعه ثانية
الحمل خارج الرحم عذاب نفسي و ارهاق و الم بمعنى الكلمة تدري بعد الكيماوي يتني حاله نفسية من الهستريا صرت اصيح :eh_s(11): طول اليوم بالمستشفى و جاني ضيق بالتنفس وطول الوقت الوم نفسي ليش خليتهم يغزوني هالأبرة لان الدكتورة واهي تغزني لابسه ملابس خاصه تقولين كأنها داخله معمل كيماوي فما ب جرعه كيماوي داخله جسم يالله ايام لا تعيدها :yaaaaaarb:

الحمد لله حملتي طبيعي وربي يتمم لج على الف خير ​

 

[أم للغالي]

الله يرزقج بالبنت اللي تتمنينها

مو شرط خلل من الانبوب

بس لان لما تلقحت البويضه ظلت بالانبوب ما راحت الرحم

الحمل الياي ان شاءالله طبيعي

انا خرعوني قالولي انتي 6 شهور لا تفكرين بالحمل

بنفس الشهر حملت


الله القادر فوق كل شي


و اعرف اكثر من وحده عندهم عيال و حملوا خارج الرحم و بعده حملو باكثر من واحد طبيعي


الحمدلله على كل حال

الله يسمع منج حبيبتي و الله القادر الكريم والله اذا اراد للشيء ان يكون يكون :yaaaaaarb:​

​

 

[مذهلة2013]

ربي يرزقج بدال الواحد توأم وبنات بعد

خلي ايمانج قوي وبالعكس هذا اختبار من ربي

وكل تاخيره فيها خيره حبيبتي

ربي يرزقج كل خير

 

[أم للغالي]

ربي يرزقج بدال الواحد توأم وبنات بعد

خلي ايمانج قوي وبالعكس هذا اختبار من ربي

وكل تاخيره فيها خيره حبيبتي

ربي يرزقج كل خير

الله كريممممممممم وربي يسمع منك :yaaaaaarb: و ان شاء الله ربي يحقق مناي بتؤوم بنات

ومشكورة حبيبتي على دعائج ​

 

[shai6ona19]

لآحول و لا قوة الا بالله

منتشر وايد ربي يفك كربهم و يغير حالهم الى احسن حال وفيه حريم مساكين ما استجابو للكيماووي
ربي يخلي بنتك و تربى بعزج و دلالج اهم شيء لا تخافين انو يتكرر لان له تأير التفكير ومن الممكمن انو يصير

خلي املك بالله كبير و ان شاء الله اللي ذقناه ما يذوقه لا عدو ولا صديق
انا صار لي هالحمل بعد اولادي

* تدري اللي خلاني اكتب هالموضوع حجي و كلام الامهات الكبار يقولون يا انج مستضرة او عين وانا ابد ما فكرت بها التفكير بس كلامهم خلاني ما انام و افكر كثير وما ودي الجأ للطب الشعبي ​

​

وانا بعد سمعت انه عين

ياعمري الله يسهل عليج وتحملين عقبها طبييعي

بس سوي اشعة صبغه احتياط يمكن لاسمح الله عندج التصاقات او انسدادات
انا سويتها الحمدلله مافيني شي

 

[بيبي غيرل]

بعد عمري والله العالم عين ما صلت على النبي
من ناحيه حبيبتي الحمدلله ان انتي عندج ذريه والحمدلله هذا شي يهون عليج
والحمل باذن الله بيصير طبيعي دام صار معاج ولاتشيلينه مالج شغل فيها خل تولي
رحي عند دكتوره شاظره بهالسوالف واستعيني بالقران وماي زمزم وزيت زيتون معاه حبة بركة مقري عليه ودهني في بطنج
ونصيحه من اخت كل يوم قبل لاتنامين اكلي 7 حبات حبة البركه وادعي بكل حبه تاكلينها و فالج حمال بتوم بنات ياقلبي

وادعيلي اكون حامل بولد صالح تام الخلق والخلقه يا حبيبتي
ترى تصير بس سوي الي قتلج عليه وبتشوفين نتيجه ان شالله انا من ناحيتي اشوف عين والله يكافينا شرها وياج ياربي
وكل البنات يحميهم من هالحمل الي خارج الرحم

 

[سميره مملوحه]

حبييتي الله يعوضج بالحمل السليم المعافى ياااارب

 

[أم للغالي]

وانا بعد سمعت انه عين

ياعمري الله يسهل عليج وتحملين عقبها طبييعي

بس سوي اشعة صبغه احتياط يمكن لاسمح الله عندج التصاقات او انسدادات
انا سويتها الحمدلله مافيني شي

ربي يحفظنا جميعا من كل عين

قال الدكتور بيشوف الانابيب بس اخلص كورس العلاج اللي تبع الحمل خارج الرحم

اتمنى ما يكون شيء جايد :yaaaaaarb: وسبب بسيط عشان اقدر احقق امنية زوجي لاني تعبت وحاليا يقول لي دام صار لج مرتين حمل خارج الرحم و شفت الموت بعيونك حلمي تحملين مرة ثانية :eh_s(11):
ربي يسخر زوجي و ما يعند معاي بها السالفه

الحمد لله اختي انو ما فيك شيء و ربي يسهل لك امرك و يفرج كربك و يحقق كل امانيك بقدرة قادر فأمره محكوم بين كاف ونون ان قال للشيء كن فيكون
​