من الـ 70 ـنات إلى الـ 60 ـينات ... اللي بتشارك حياها

[حلاتي بدنيا]

اليوم بلشت برجيم جديد والي أهو اول يوم كله روب وياررررررررررب ننزل بصحه وعافيه من غير تعب

 

[$كشوخه$]

العنوود ..

هذا هوو

شوفي الافكار اللي مسوينها فيه

:eh_s(7):

 

[$كشوخه$]

اليوم تريقت متأخر .. كليت كورنفلكس مع حليب خالي الدسم .. مع ٢ بيضه مسلوقه ..

 

[آلعنـود]

وآآآو ححييل حبييتتته كشوخه !
يببيلي اسير ع جمعيتننآآآ هاليومين وآآخذلي
حبييتت فككرره البيتزآآ عاد انا ادممآآن بيتزآآ بشتريه وبقعد اسوي بيتزآآ كل يوم =))

طيب بنآآت شرايكم بكورن فليكس فتنس؟ خوآآتي دايم ياكلونه بس انا احب العآآدي

 

[بـ سـ كـ وتـ ة]

$كشوخه$

ألف مبروك وصولج الوزن اللي متوقعته وان شالله تحققين هدفج يا رب

وان شالله هالأسبوع تبشرينا إن البنطلون صار قدج

الكرش حله الوحيد مشي وتمارين معدة

بحط لج تمرين سهل كنت أسويه واييب نتيجة

والأحلى إنه سهل إذا حفظتيه تقدرين تسوينه بفراشج قبل ما تنامين آنا كنت أسويه جذي

بدوره وأحط اللنك ماله

وبالنسبة حق اليوم الفري في ناس يناسبهم وفي ناس يثبت وزنهم أو يخليهم يهدون الريجيم

آنا إذا ما خذيت يوم فري وزني يثبت الفري يحركه

طبعابالإضافة إلى اني في البيت فصعب أتقيد لأن بنتي اسم الله عليها ما تكمل أكلها ومضطرة أكمله عشان ما نقط النعمة

الويكند بالنسبة لي مو التزام 100%

وشطورة قاومتي الخبز تحسين نفسج قوية لما تقررين إنج تفكرين قبل ما تاكلين

الجاي الأبيض جربته طعمه نفس الأخضر تقريبا

بدورلج اللنك ان شالله أحصله وإذا ما حصلته يبيلي وقت بس أسويله upload لأنه موجود في كمبيوتر البيت كنت منزلته

 

[بـ سـ كـ وتـ ة]

كشوخه

حصلت لج الفيديو

Have a Flat Stomach with The Perfect Ab Workout IN HD

 

[بـ سـ كـ وتـ ة]

العنود

تمام ان شالله تكونون استانستوا يا رب

الكدمة حطي عليها ثلج عشان تروح وما تشوفين شر حبيبتي

بالعكس استغلي نقطتين ايجابيين ... النقطة الأولى انتي بديتي رياضة لما رقصتي يعني قطعتي نص المشوار كمليه بالأكل

النقطة الثانية الناس مدحوا جسمج وانتي ودج يكون أفضل يعني قربتي عالوزن المثالي لا تخلين الوزن يتراكم عليه ويطول مشوارج

تبدين اليوم أسهل من باجر

مادام انتي في الجامعة استغلي الفراغ بين المحاضرات في المشي مادام ما تقدرين تروحين الجيم الحين

ولاتحبطين نفسج يا عمري لا مالت عليج ولا شي

بالعكس انتي خذيتي قرار صح وكليتي أكل صحي مع إن كان بإمكانج تطلبين وتريحين نفسج

آنا الحمدلله اي التزمت نوعا ما بالرياضة بس لو زوجي ينام امبجر أقدر أسوي وقت أطول

المشكلة ماخذ إجازة ويقعد في الصالة اللي أسوي فيها رياضة ويرن منبهي عشان أقوم ألقاه بعده ما نام

أستحي أسوي جدامه وأصلا مافي مكان الصالة صغيرة لازم أكون فيها بروحي

ووزني ثبت لأن هالأسبوع خذيت يومين أوف ما مدا الوزن مال التخبيص ينزل

وأمس خذيت ملين لأن الأسبوع اللي طاف أهملت الماي بسبة الشغل أكون عطشانة بس أخاف أشرب ماي وأحتاج وانتي بكرامة الحمام وآنا ما كان عندي وقت بالمرة هههه

يالله شدي حيلج معانا ونبي نشوفج كل يوم يا عسل

 

[بـ سـ كـ وتـ ة]

حلاتي بدنيا

حياج الله وحلو نزولج

ان شالله مع الالتزام توصلين وزن أحلامج يا رب

آنا مثلج أحب الجري بس للأسف ما عندي مكان

 

[حلاتي بدنيا]

بسكوته يحيج ياعمري


أمس بالشت برجيم كل يوم انقص كيلو عاد اول يوم والي أهو أمس كله روب واليوم كله بطاط مسلوق وان شاء الله يطلع معاي نتيجه مرضيه

 

[بـ سـ كـ وتـ ة]

soouad

هذا المطلوب

نبي الصفحة يطلع منها نار من كثر الحماس

عفية عليج خلج ملتزمة وبتشوفين نتايج قريبة ان شالله

جبنا التايهة

إذا يناسبج النظام ليش لأ

أهم شي لا تشربين الخلطة عالريج لأن الدارسين وايد قوي عالمعدة بيتعبج

العنود

دايما أنسى أرد على أسئلتج عن الأكل هههه

فيتنس حلو ويشبع وتقدرين تاخذين النوع اللي بالعسل واللوز لذيذ

وإذا ما تحبينه مو شرط عادي أي نوع تحبينه اخذب منه كمية بكف الايد بس

 

[آلعنـود]

ححلووو ححلو بشوف عججل
انا بديتت اغير اكلي من قليل الدسم لخالي الدسم
واللبن خلاص ثبت من المراعي لاكتيفيا
والككورن فلكس بحاول اثبت على فيتنس دامه خفيف
طيبب بنآآآت ترررى عصير الاورنج الفرش مففيييدد حيييل ويضعف
ويعطيس احساس بالانتعاآش نصيحه اشربوه دايم الصباح وقبل النوم
والرممآآن بعد فيه نسبه حرق ععاليه ووحده من ربعي اضعفت عليه ووآآجد ماشاءالله عليهآ
سوو بعد حطيته بنظآآمي واتعشى عليه مرآت, خلوو الخدامه تقطعه لكم وتخلي الصحن بالثلاجه لاجات حزت العشاء اكلوه
وهوو بآآآرد كذآآ شي خييالي

 

[$كشوخه$]

العنود ..

زين تسوين ابدي من الحين صج راح تشوفين نتائج بطيئه بس صدقيني راح تكون احسن من ولا شي ..

بس تحملي تشربين عصير برتقال حتى لو فريش بالليل .. لانه فيه سكريات بكميه عاليه حتى لو ما ضفتي له سكر .. الآفضل تاكلين البرتقاله كامله .. لان ماتبين هالسكريات تتخزن بجسمج بالليل ..

كورنفلكس فيتنس ممتاز وافضل من العادي ويشبع اكثر .. واذا تبين بعد نوع احسن منهم كلهم اسمه all bran .. بس مشكلته يجيج خشن حيل


بسكووته ..

تسلمين حبيبتي عالمقطع حلوه التمارين يبيلنا نجررب :rerrerek:

 

[$كشوخه$]

اليوم وامس للاسف رديت للنشويات بسبب الضغط والشغل اللي علي .. بس يلا ان شاء الله فتره وتعدي

اليوم تريقت نص خبزه وحمص ..

وبعدها شربت كابتشينو بدون سكر وكليت فواكه

وتعشيت شوي كشري مع تبوله

احاول قد ما اقدر ما اكثر نشويات هالفتره عشان لا ارد اللي نزلته

 

[آلعنـود]

خلنآآ ع فتنس دام كلن يعرفه ولذيذ ويممكن اجرب الي بالعسللل الي تمدحه بسسككووته حسيته لذيييذذ
وهاذذاا متأكده كشوخه انه عصير الفرش قبل النوم يمتن؟ ماظظن اخابررهه انا يضعف ويسهل الهضم وكذآآآ
ومآققصصد قببلللل قببل النوم بكم دقيقه لآآآآآآ =))
اقصصدد يعني مع اخخرر وجبه :$

آمس بنآآت خليت الخدآمه اتسويلي فتتهه ففضضيييععه فضيعه وححييلل خفيفه عن الي دايم نسويهآآ بالدسم
خخليتتههآآ اتسوي البطاطس بالفرننن والنخي تنقعه بمآآآآي
ووالحمسه حقته احمسته بـ زيت زيتوون شوي والصوص الي فوق روب خالي الدسم مع قفشه او قفشتين صوص لذيذ اسمه ايزلاند
ووالخبزز المحموس قطعتته وسط ورشت عليه زيت زيتوون ودخلته الفرننن لين انحمس وحططته فوق الصوص
الطبقآآآآتت آوول شي البطاطس والنخي حامسينها مع الحمسه عقب الصووص وعقب الخبز المحموس
لذذذذذيييييذذذذذ لذيذ اتعب واناا اقوووول لذذذذيذ وخخفيف ع البطننن فررق بينه وبين الي كله دسم !!!!
وطبعآآ مع لبن اكتيفيآ قليل الدسم :$

حبييتت الفكره ومن اليوم ورآآيحح بسسوي كل اكله بخآآطري دون زيت وبالفرن

 

[$كشوخه$]

العنود ..

اي هاذي المعلومه قالها فهد اليحيا بانستقرام ..

حلوه فكره الفته للعشا .. عليج بالعافيه حبيبتي

 

[$كشوخه$]

اليوم تريقت كورنفلكس خالي الدسم مع حليب ..

وغداي كان العصر متأخر .. كليت كشري مع شوي دقوس ..

والحين قاعده اشرب جاي احمر بدون سكر

وخلاص عطيت نفسي 3 ايام اوف بسبب انشغالي بس بكره برد اقطع النشويات ان شاء الله

لآن رحت اخذيلي جم شغله للريجيم لهالاسبوع

 

[فديت خبآلي]

السلام عليكمممم قوهه صبايا انا ناوية ابدي وياكم بعد اذا مافيه مامع :$ عاد والله ححييييييل خاطري اشيل كرشتي هذي اللي حالفةة ما تروح مني وانا توني بنية الله يعين بس وان شاءلله نشجع بعض وكل وحده توخر اللي كارهته وان شاءلله ببدي وياكم من باجر باذن الله وبحول كل شي من دسم لي خالي الدسم مع العلم اليوم العشاء كان من ماك ���� وشكلي بودعه بس اهم شي اصير رشييقةة �� يا رب ان شاءلله قريب وانا وزني خبري فيه قبل شهر 67 ان شاءلله ان شاءلله انزل وطولي هو هو ما يتغير 164 بس اهم شي عندي الجسم الطول عادي الله يسلم الكعب �� وان شاءلله ناوية اوصل لما 55 يعني باذن الله الهدف الاول 60 والهدف الثاني 55 وان شاءلله اوصل يا رب اتمنى امشي وياكم صح ومن باجر بكتب معاكم يومياتي وصجج مشكووورررة حياتي العنود تسلمين والله لو ما ارسلتي الرابط وشجعتيني وربي جان لي يومج هذا قاعده ع شفط بطني �� هي الوحيدة اللي غاثتني الله يستر وتروح وروحة بلا رده

اي اي صج بنات انا علي الحجية واليوم الخامس ابدي ولا تنصحوني انطر لما تخلص وابدي بانتظار ردكم خوواتي فديتكم ��

 

[آلعنـود]

آآرررححححبببببببببببببببببببي يآآبعد آآلببي وعنيآآآآ آنننتتي فديت خبآآلي نوورر نور الموضوع في ذممتييي ذممهه :eh_s(6):
ووييت ويت طولس 164؟ كيفف قصيرره عججل مايصيررر
واذا طولس 164 وززنس المثثالي بيككون 64 على طولس بالضبط
حلوو يعني تقريبآآ بيبقى لس 4 كيلوو الا اذا ملززمه تبين للـ 55 فحيآآآس خخل نطول مع بعض وننزل مع بعض =))
لانه وززني تقريبآآآ 69 على 70 يعنني حولس ونبي ننزل نفس الوزن تقريبآآآ سوو ليتز دو آآتت قييررل

آممم ما اتوقع انه مضره ! اول الايام ممكن بس الححييننن لاآآ عآآدي بلآآآ حرككآآت دلع ويلآآآ شدي من الحين قدآآمي اشوف

 

[~أغلى الغاليات~]

صباح الخير ..شلونكم بنات ..ادري مقصره ما دخلت كم يوم بس حبيت ابلغكم ..ان وزني صار 71.8 ولله الحمد ..اخيرا وزني بدا يتحرك ..بس جاتني الدوره فاتوقع لها تاثير ..بس مستمره بالرجيم وان شاء الله انزل كيلو هالاسبوع

 

[$كشوخه$]

حياج الله فديت خبالي ... نورتي الحته

عادي انتي باليوم الخامس ابدي مافيها مضره ان شاء الله

اخذي وزنج الصبح ع بطن فااضي وابدي معانا .. عشان حسابات نزولج تكون دقيقه

....

أغلى الغاليات

مبروووك .. و اي الدوره لها تأثير فا اتوقع نازله اكثر .. استمري والنتيجه بتبين ان شاء الله

..

وينج بسكوته مفتقدينج .. عسى المانع خيرر