بنات تكفون اعطوني رايكم مره محتاااااااااااااااااااااجة
اقول لكم قصتي سريعا انا سويت جراحة رفع فك علوي من 6 سنوات بدون تقويم جراحي , طبعا النتيجة فاشلة وبدون تطابق... وتألمت كثير, وردة فعل مني تركت اسناني كل هالفترة.
فكرت من قريب اعدل اسناني كثر الكلام عليها ورحت الدكتور عادل الهدلق وسعد الخرسة وقال مستحيل تطابق بدون ما تقدمين فكك السفلي, أما فكك العلوي ما فيه مشكله بعد العملية
استشرت الدكتور عبد العزيز الوتيد ومريم الهندي وكلهم نفس الكلام المشكله في السفلي فقط.
واتفقت مع الوتيد يعمل لي العملية بعد ما انتهي من التقويم في الشميسي لان حالتي المادية صراحة مو جيدة وركبت التقويم عند عادل الهدلق
وشرحت للدكتور الوتيد تضايقي من انفي نزل وعرض وانحرف بعد رفك فكي العلوي قال الان سوي عملية شيلي الصفائح ثم عدلي انفك فيما اسنانك تجهز للعملية
لان عملية الفك السفلي ما تأثر على الانف,/ وتخيلوا شلت الصفائح وعملية انفي الاسبوع القادم..
المهم والمشكلة هي أني ما تطمنت ان فكي العلوي ما فيه مشكلة, قلت استشارة اخيرة عند عثمان الطويرقي ورحت امس له
قال رفع الفك العلوي بدون ارجاع جعل شفتك العلوية مستقيمة واخر انفك مرفوع ولازال فيه بروز لازم يرجع 2مل او 3 حتى يروح البروز ويتعدل شكل الانف والشفة والعملية تكلف من 90 الف الى 100 الف ريال, ...
وعملية الانف الان لا تسوينها
وش رايكم بنات قلب راسي؟ اصدق كلامه أو كلام اللي استشرت قبل, وقال اذا تبغين اكلم عادل الهدلق واشرح له كلمته,, والمشكله كيف بيقتنع الوتيد في الشميسي برأيه وما عندي قدرة على فلوس العملية
وانا عمري بداية الثلاثين كيف انتظر في الحرس ما يقارب ثلاث سنوات عشان اعملها عند الطويرقي؟؟؟؟
نصيييييحه من قلب ابعدي عن الشميسي
راح اقولك سالفتي معاهم
انا سويت عمليتي 2011
دخلوني العمليات بدون تقويم جراحي مجرد ركبو لي الهوكس عشان العمليه
اثناء العمليه صارت لي مضاعفات وحرقو لي رجلي اليمنى
والى الان مو عارفه سبب الحرق وليش انحرق ووين بالعمليات ولا بالعنايه ومتكتمين ع الموضوع تكتم تااااام
اوراق عمليتي كلها توقعت من د بيشي القرني وبعد مابديت اشتكي من سوء نتيجه العمليه تبين لي ان مو بيشي اللي مسويها لي .. سلمني لجراح اسمه ايمن العثمان
وهذا الجراح ماااااعمري قابلته خلال مراجعاتي بالمستشفى .. لي سنه و 4 شهور رايحه وجايه عليهم ولااااا مره قابلني او شرح لي خطه عمليه او دخل معاي لدكتور التقويم
فتخيلي انتي واحد بناء على اوراق انكتب له من متدربين عاينو له الحاله واخذو القياسات يدخل العمليات ويسوي عمليه لمريضه ماعمره فحصها او كشف على حالاتها او حتى سألها شنو اللي مضايقكك بالموضوع ؟؟؟
نتيجه العمليه
الذقن متقدم بشكل مقرف ولا يتناسب جماليا مع الوجهه ككل
الفك السفلي ماقدموه بالشكل المطلوب واحتاج لعمليه ثانيه عشان يتقدم وفقدان تام للاحساس بالفك السفلي
الفك العلوي نفس حالتك بالضببببببط بالضبببببط .. رفع الفك بدون الارجاع وهالشي خلى بروز وااااضح بالفك العلوي بالرغم اني كنت اشتكي فقط من القمي سمايل مو من البروز وغير كذا نتيجه للرفع الزايد اسناني اختفت اثناء الكلام
ومؤخرا شفت اشعه معروضه بعياده التقويم لبيت مسويه الفكين لو تشوفينها استغفر الله عمليه تشويه مو تجميل فك
صارت جبهتها مره داخله والاسنان والفك بارزه والشفايف ماتطابق ابدااااا
اما بخصوص عبد العزيز الوتيد اسألي اكثر بخصوصه لا تسلمي نفسك له والسلام .. الشميسي يبحث عن حالات ليتم التطبيق عليها والشرح للطلبه المتدربين
وبخصوص حالتي
رحت لاكثر من دكتور بالرياض
علي الجهني عبدالله العتل صالح البازعي مساعد الباحاذق علي الفارسي ودكتور اردني نسيت اسمه متواجد بالمستشفى البريطاني
وبجده
احمد يماني و د علي حبيب الله
والكويت راسلت د عادل العصفور و د نائل الهزيم
والكل اجمع على ان عمليتي فاشله رفعو لي الفك بزياده وبدون ارجاع وهالشي واضح في برزو العظم
والفك السفلي يحتاج تقديم والذقن يرجع لوضعه الطبيعي ..
هذا غير ان الصفيحه من جهه خدي اليمين وضوعوها ع الغده الدمعيه لعيني اليمني واعاني من جفافها دايما ولما ابكي عيني اليسرى تدمع ام اليمنى لا
اذا كان اضطرارك للحكومي بسبب التكلفه المرتفعه للجراحه استشيري د مساعد باحاذق هو بالتخصصي وهذا رقم جواله 0555202180
بالنسبه لي انا اثق تماااام الثقه فيه لانه نصحني من قلب وبصدق وتابع معاي تطور حالتي وانا مو مريضته
اما بالنسبه لعثمان الطويرقي احد الدكاتره نصحني بالابتعاد عنه وقالي بالحرف الواحد د عثمان يوديك للبحر ويرجعك ناشفه كلامه كثير على قل سنع
امااااا تقويم الشميسي جدااااااا سيئ
وتخييييلي وتخيييلي اني انا المريضه اشرح للدكتور شنو يسوي لاسنانسي!!!!!
تركته ورحت كملت تقويم بخاص والان انا مختاره د هيثم مراد نصحتني فيه حبيبتي اسوره
ورايحه له بشهر فبراير بإذن الله
ملاحظه حابه تنتبهي له .. لو رجعو لك الفك العلوي راح يفرش انفك اكثر
