السلام عليكم
بالنسبه لمشاكل الصبايا
الهالات
كتبت رد طوييل بخصوص هالموضوع كرد لوحده من العضوات
+ حطيت خلطه كريمات للعضوه عميقه جدا
+ اقترحت انه نتشارك في خلطه و نجربها مع بعض
فما عندي ردود اكثر بالنسبه للهالات
تساقط الشعر
بعد مثل ما قلتلكم اول شي نبحث عن السبب
قبل لا تبدون الحمله المفروض مسوين فحص دم لان حرام تتعبون ع خلطات بدون ما تعالجون اللي داخل تعبتكم بيروح ع الفاظي
+ تفحصون الفروه لان مرات يكون مرض جلدي فالفروه هو اللي يسبب تساقط
بعدها عاد تبدا العنايه
من زيوت + ماسك اسبوعي + العقص قدر الامكان
وفي انبولات من شركه فيتشي تنباع فالصيدليه يمدحونها وايد و انا ببدا استخدمها ان شاءالله
توحيد لون الجسم
حمام مغربي كل اسبوع او كل اسبوعين ع الاقل
و الترطيب ثم الترطيب ثم الترطيب
السيلولايت
الرياضه و اهمها المشي + شرب الماي لترين يوميا
و الكريمات مثل كريم نيفيا يعتبر عامل مساعد و حتى فرك المنطقه بالقهوه
و تعرفون الفرشاه مالت الجسم؟ امشو فيها ع الجسم وهو ناشف يعني مش مبلول يسمى بالتقشير الجاف ابحثو عنه فالنت
بس هذي بدون رياضه و شرب ماي بتكون حلول مؤقته بس
الحبوب
تختلف الاسباب و الافضل مراجعه طبيب جلديه
واللي تعاني منها بس وقت الدوره في صوره حق لوشن حطيته لكم قبل بينفعكم
تشقق الاقدام
ترطيب المنطقه ع طول بمرطب كثيف مثل الفازلين و يمدحون كريم شول للتشققات
برد القدم من تحت اسبوعيا
لا تلبسون شرابات نايلون
صفار الاسنان
استخدام معجون اسنان مبيض+ مضمضه مبيضه + لصقات كرست او اي نوع ترتاحون له من الصيدليه
وتقليل شرب القهوه و المشروبات الغازيه
الركب و الاكواع
الترطيب بشكل دايم + حمام مغربي
وفي طريقه سمعتها في فيديو ع اليوتيوب و هي انه تحطين زيت زيتون عالركب و تيبين ليمونه و تغمسينها فالملح او السكر و تبدين تفكرين المنطقه لعده دقايق و عقب تخلين الخليط 5 دقايق
تغسلين و ترطبين
جربوها
الاظافر
اعتقد الغذاء الداخلي لو تحسن بتتحسن
+ اخذ فيتامينات مثل الاوميغا 3
+ في مغذي للاظافر في الصيدليه شخصيا ما جربته
زياده الوزن
ماشي غير تاكلون ههههه يعني 5 او 6 وجبات فاليوم
و شي بعد يساعد وايد انه تلعبون رياضه و بعد الرياضه تاكلون
وها مجرب مني شخصيا
جفاف الشعر
اذا كنتي تستخدمين السدر عرفي انه منه
لازم تهتمين بتزييت الشعر + تسخدمين ماسك للشعر + كريم مرطب
الجفاف غير انه يخلي شكل الشعر بشع بيسوي تقصف و بتشوفين الشعر يتقطع و مافيه صحه
اسمرار الشفايف
سكراب + ترطيب
المناطق الحساسه
تكون ناشفه طول الوقت اهم شي + فالبيت لا تلبسون اندروير
سكراب خفيف مرتين فالاسبوع
ترطيب لان الجفاف هو السبب الاول للسمار لاي مكان فالجسم
في كريم من الصيدليه مجرب من صديقتي
و اذا تبون شي طبيعي
عندكم زيت اللوز او زيت الورد
