** تجمع الي مسوين جراحة الفك**

[Esraa.a]

السلام عليكم بنات كيف حالكم ؟ ♡♡
بسالكم حبيباتي احد منكم يعرف خوووخه1 او اي شي عنها كيك تويتر اي شي ؟
ابيها ضروري تكفون وهل هي دخلت قريب للمنتدى ياليت اللي يعرف عنها شي يخبرني ♡

ايييي والله اليوم مكلمتها


ناسية باسووردها فما تقدر تدخل


وسوت أكاونت يديد لكن مو راضي يتفعل رسمي ليلحين >> ان شاء الله تلقى حل بأسرع وقت وتكلمج

 

[Esraa.a]

هلا وغلا اسراء يسلمو ع ردك عزيزتي بس تتوقعين احتمال يسوي توسيع الفك العلوي مع ترجيع الفك السفلي ولو وسع العلوي بتصير العملية اصعب؟

مو أصعب بالمعنى اللي انتي متخيلته


لكن بشكل عام لو سويتي فك واحد أسهل عليج انتي من ناحية التعب واسهل على الدكتور
وعدد ساعات العملية أقل



توكلي على الله وان شاء الله سهالات لاااتحاتين >> أغلبنا مسوي فكين

 

[Esraa.a]

انـآ عمليتي ان شاء الله عند احمد يماني بس خخخايفه
كل تجارب البنات في المنتدى مع احمد يماني يقولو فاشله
ايش اسسسوي ابغا ارتاح خايفهههه

فاااشله !!



أنا عن نفسي ما سمعت عنه إلا كل خير .. لدرجة صيته واصل خارج السعودية


ونصيحة لا تقيسوون حالتكم على أي حالة ولا تحكمون على الدكتور بدون ما تشوفون بعينكم >> لأنه ممكن الاختلاف يكون جذري بخطة العلاج حتى لو المشكله الظاهرية متشابهه


وفيه مقاييس لفشل العملية > ممكن يكون من غير تقويم ,, ممكن المريض نفسيا ما يتقبل شكله بعد العملية أو يسمع كلام يحبط من اللي حوليه نتيجة عدم تقبل الشكل الجديد فيقول العملية فاشلة وهي بالأساس ناحجه


كثري انا محد سمع كلام تحبيط ..الكل كان يقولي بعد العملية اجكريييييتي ( صرتي شينه) وتغيرتي >> ما كانوا متقبلين شكلي الجديد

لكن كنت صاااامده وكلامهم ما كان يهز فيني شعرة .. لو كنت متأثرة بكلامهم كان نفسيا تعبت وحتى لو النتيجة حلوه ممكن أشوفها سلبية

بمعنى أغض النظر عن الايجابيات وأركز على السلبيات


أنا الحمدلله كنت العكس >> وهالشي ضروووري جدا تركزون عليه بفترة بعد العملية >> مهم جداااااااااااااااااااااااا

شوفوا الجانب الايجابي وغضوا البصر عن الجانب السلبي


الحين تعالي شوفيهم شيقولون عني ( بعد ما تقبلوا الشكل ) .. صرت ملكة جمال بعينهم


ترى انتي شخصيا ممكن تعطين انطباع عن نفسج لدى الغير

مثلا: طول الوقت تقولين تندمت ليش سويت العمليه .. عمليتي فاشلة .. ماني قادرة اتقبل نفسي ..... إلخ
تخلين الناس يشوفون هالأشياء فيج ويركزون عليها


عكس لما تقولين .. انا متقبلة شكلي الجديد .. سعيدة اني سويت العملية .. العملية حلت مشكلة نفسية وعضوية فيني .. نتايج العملية كثير حلوه .. احلويت .... إلخ
من خلال هالكلام تخلين اللي حوليج يشوفون هالأشياء فيج

خلي عقلج الباطن يملئ بالكلام الايجابي .. لانه ما تتخلين مدى انعكاسه وتاثيره عليج




ولو تلاحظين ردود البعض بعد العملية مباشرة ممكن يكون سلبي .. أو متذبذب مره سلبي ومره ايجابي >> نتيجة لعدم استقرار الشكل بهالفترة



لا تاخذين الكلام إلا بعد مرور سنه عالأقل من الجراحة

 

[Esraa.a]

انا من الكويت وبسويها باذن الله .. بس الحين انا في مرحلة التقويم .. صارلي تقريبا ٦ اشهر

قالي الدكتور راح يرفع الفك العلوي ويقدم السفلي مع اني اتمنئ يرجع الفك العلوي بس مو رااااضي الدكتور وبحاااول فيه علشان يرضا

انا بسالكم لما كنت صغيرة حطيت تقويم وشلت من اسناني اللي فوق سنين وتسكرت الفتحات تمام .. بس بعد احس في بروز بالفك العلوي .. علشان جذيه اقوا حق دكتوري ابيك ترجعه يقولي لا .. لازم اقدم السفلي وارفع العلوي بس .. يقولي اذا رجعته راااح اخرب واايد اشياء بويهج فيقولي حراام

والحين شلت سنين من اللي تحت وحاطة تقويم وانتظر .. بسالكم هل لازم تتسكر الفتحات علشان يقدر يسويلي الدكتور العملية .. لانه جذيه بقعد انطر واايد ع ما تتسكر الفتحات مكان الاسنان اللي شلتهم

وانا ابي اسويها اليوم قبل باجر ..

طبعا بالخاص عند دكتور بشار رجب

اييي لازم تتسكر المسافات >> بس مو بشكل تام


روحي استشيري دكتور هيثم مراد



وايد مركزة على دكتور هيثم انا هالفتره .. مو علشان شي والله العظيم بس لأني تحسفت ليش ما سويت عمليتي الأولى عنده
أبيلكم الخير والنتيجة الحلوه لا أكثر ولا أقل



أنا حالتي مثلج تقريبا >> مشكلتي الأساسية بروز الفك العلوي


في البداية حطيت تقويم عادي .. لكن النتيجة ما عجبتني والبرزو ما زال موجود
لذلك لجأت للجراحة وركبت تقويم جراحي مره ثانيه


قالي الكتور ما أقدر أرجع لج فكج العلوي لأنج خالعه ضرسين والمسافات متسكرة وفكي ما يسمح
فأقنعني إنه لما يجدم فكي السفلي والذقن المشكلة راح تنحيل بشكل كبير



فعلا المشكله انحلت بشكل كبير وتقدم الفك السفلي والذقن ضيع لي البروز لكن بالأساس البروز ما زال موجود


اللي صار معاي انه مستوى الفك متقدم أكثر من مسوى الجبهة
بالنسبة لي أشوف من مقاييس الجمال إنه مستوى الجبهة يكون موازي لمستوى الفكين

" أرد وأكرر من وجهي نظري الشخصيه يعني مو بالضروره تقيسون علية"

أنجلينا جولي مثلا >> مستوى الفك عندها مو نفس مستوى الجبهة لكنها جميييلة بشهادة الجميع


بس أحس انه إذا الفكين كانوا بنفس المستوى يعطي ملامح ناعمة أنثوية
أما إذا كان مستوى الفك أعلى من مستوى الجبهة يعطي ملامح شرسة أو بالأحرى حادة


والجمال ينقسم لجمال ناعم وجمال حاد


المهم ما علينا



لما رحت حق دكتور هيثم بعد ما سويت العملية >> صدمني لما قالي كان بالامكان أرجع الفك العلوي بالنسبة لحالتج :eh_s(16):

انا الحمدلله حلوه الحين >> حدي مغروووووووورة صح :eh_s(3)::eh_s(13):

ههههههههههههههههههههههه المهم .. احسن لو كان الدكتور مرجع فكي العلوي كان صرت أحلى وأحلى واحلى

كان صارت ملامحي على بيبي فيس أكثر .. الحين ملامحي على حده أكثر



أتمنى وصلت المعلومة

وعلى فكرة بنات .. بأغلب ردودي الكلام موجه للجميع مو مقتصر على الشخص اللي راده عليه
وذلك بهدف الافادة

 

[nouf94]

ايييي والله اليوم مكلمتها


ناسية باسووردها فما تقدر تدخل


وسوت أكاونت يديد لكن مو راضي يتفعل رسمي ليلحين >> ان شاء الله تلقى حل بأسرع وقت وتكلمج

ياحبي لك يا اسراء الله يوفقك ويسعدك وين مارحتي دائما بردودك سباقه ما الوم لما في اغلب الصفحات يكون لك مدح من البناات اسمك يتكرر ويحرصصون على ردودك تستاهلين
ايه انا كلمتها على الخاص وان شاء الله ترد علي مشكوره ماقصرتي

 

[مسالمة66]

اييي لازم تتسكر المسافات >> بس مو بشكل تام


روحي استشيري دكتور هيثم مراد



وايد مركزة على دكتور هيثم انا هالفتره .. مو علشان شي والله العظيم بس لأني تحسفت ليش ما سويت عمليتي الأولى عنده
أبيلكم الخير والنتيجة الحلوه لا أكثر ولا أقل



أنا حالتي مثلج تقريبا >> مشكلتي الأساسية بروز الفك العلوي


في البداية حطيت تقويم عادي .. لكن النتيجة ما عجبتني والبرزو ما زال موجود
لذلك لجأت للجراحة وركبت تقويم جراحي مره ثانيه


قالي الكتور ما أقدر أرجع لج فكج العلوي لأنج خالعه ضرسين والمسافات متسكرة وفكي ما يسمح
فأقنعني إنه لما يجدم فكي السفلي والذقن المشكلة راح تنحيل بشكل كبير



فعلا المشكله انحلت بشكل كبير وتقدم الفك السفلي والذقن ضيع لي البروز لكن بالأساس البروز ما زال موجود


اللي صار معاي انه مستوى الفك متقدم أكثر من مسوى الجبهة
بالنسبة لي أشوف من مقاييس الجمال إنه مستوى الجبهة يكون موازي لمستوى الفكين

" أرد وأكرر من وجهي نظري الشخصيه يعني مو بالضروره تقيسون علية"

أنجلينا جولي مثلا >> مستوى الفك عندها مو نفس مستوى الجبهة لكنها جميييلة بشهادة الجميع


بس أحس انه إذا الفكين كانوا بنفس المستوى يعطي ملامح ناعمة أنثوية
أما إذا كان مستوى الفك أعلى من مستوى الجبهة يعطي ملامح شرسة أو بالأحرى حادة


والجمال ينقسم لجمال ناعم وجمال حاد


المهم ما علينا



لما رحت حق دكتور هيثم بعد ما سويت العملية >> صدمني لما قالي كان بالامكان أرجع الفك العلوي بالنسبة لحالتج :eh_s(16):

انا الحمدلله حلوه الحين >> حدي مغروووووووورة صح :eh_s(3)::eh_s(13):

ههههههههههههههههههههههه المهم .. احسن لو كان الدكتور مرجع فكي العلوي كان صرت أحلى وأحلى واحلى

كان صارت ملامحي على بيبي فيس أكثر .. الحين ملامحي على حده أكثر



أتمنى وصلت المعلومة

وعلى فكرة بنات .. بأغلب ردودي الكلام موجه للجميع مو مقتصر على الشخص اللي راده عليه
وذلك بهدف الافادة

مشكورة حبيبتي ع ردج

وهيثم ما شاء الله واضح عليه شاطر .. انا راح اشوف بس اخلص مدة التقويم واذا قربت عمليتي راح اكلم دكتوري اذا ما رضا اروح عند هيثم علشان ما اتسرع باي شيء

انزين بسالج انت رفعوا لج الفك العلوي .. لان انا ما احس اني لما اضحك تطلع اللثة حيل واضحة جزء بسيط منها .. مو نفس الصور اللي اشوفها حق اللي ارفعوا لهم الفك كانت اللثة جدا واضحة

وشنو فايدة رفع الفك العلوي ؟ هل يصغر المسافة اللي بين الخشم والشفى العلوية ؟

 

[التوت المحروق]

انـآ عمليتي ان شاء الله عند احمد يماني بس خخخايفه
كل تجارب البنات في المنتدى مع احمد يماني يقولو فاشله
ايش اسسسوي ابغا ارتاح خايفهههه

ليه خايفة مادام محتاجه العملية
انا من اللي عملت عند الدكتور احمد يماني عملت العملية الاولى باقي الثانية هو قرر لي عمليتين
ما اقولك شغل بيرفكت ولا اقدر احكم لاني لسى بفترة علاج التقويم والاخطاء تصير مع اي جراح ودكتور
الدكتور احمد يماني يحتاج تحددي له وش تبغين وبيعطيك النسبه اللي يقدر عليها لحالتك
فوضي أمرك لله لو محتاجه العمليه ربي ييسرها معاك

ربي يعوضنا خير

 

[nouf94]

احمد يماني كثير يمدحونه وهو استاذ لكثير من الاستشاريين المعروفين وتدربوا على يدينه هذا اللي سمعته توكلي على الله والله ييسرلك امرك

 

[DODI AL]

المشكلة انا احمد يماني مقتنعه فيه من زمان من ايام المتوسط
بس لمن اشوف تجارب البنات معاه يذموه عشان كذا خفت
وانا اخترتو لان مافي قدامي حل الا هوه او مافي عمليه
لان دكتور التقويم يقولي مشكلتك حلها عندي انا واحمد يماني
ولمن رحت عند فهد السليماني قلتلو مشكلتي ع اسساس فك واحد الي هوه العلوي (قيم سمايل) ومتقدم
قلي والفك السفلي نقدمه يعني انا ماقلت لهم ايش الي ابغاه همه حددو ليا الخطة وكمان حامد البارقي قلي نفس الكلام
بس انا ممممممره اتمنى النتيجه تكون مرضيه ماهمني تعب العمليه اهم شي النتيجه
وقلي تكلف بين 70-90 ولسع افكر اذا سويت العمليه هل اسوي تقديم للذقن او لا
؟؟

 

[DODI AL]

والله بفضل الله ثم المنتدددى ماكان انا دحين بخطة العلاج
صراحه ماكنت اعرف ارضي من سماي لكن المنتدى هذا فتح عيني ع الدكاتره والعمليه
ممممممره اشكركم من اعماق قلبي بذات اسراء ولوليتا ورشا بصراحه ساعدوني
ادعولي اتوفق بالعمليهه ويتحقق حلمي

 

[Esraa.a]

ياحبي لك يا اسراء الله يوفقك ويسعدك وين مارحتي دائما بردودك سباقه ما الوم لما في اغلب الصفحات يكون لك مدح من البناات اسمك يتكرر ويحرصصون على ردودك تستاهلين
ايه انا كلمتها على الخاص وان شاء الله ترد علي مشكوره ماقصرتي

حبيييبتي مشكوووورة :eh_s(7):


مااا سويت شي .. حق و واجب

 

[Esraa.a]

مشكورة حبيبتي ع ردج

وهيثم ما شاء الله واضح عليه شاطر .. انا راح اشوف بس اخلص مدة التقويم واذا قربت عمليتي راح اكلم دكتوري اذا ما رضا اروح عند هيثم علشان ما اتسرع باي شيء

انزين بسالج انت رفعوا لج الفك العلوي .. لان انا ما احس اني لما اضحك تطلع اللثة حيل واضحة جزء بسيط منها .. مو نفس الصور اللي اشوفها حق اللي ارفعوا لهم الفك كانت اللثة جدا واضحة

وشنو فايدة رفع الفك العلوي ؟ هل يصغر المسافة اللي بين الخشم والشفى العلوية ؟

ليش تنطرين تخلصين فترة علاج التقويم !!!


كل دكتور له خطة علاج معينة .. وممكن تختلف خطة علاج التقويم تبعها


روحي اخذي استشارة منتي خسرانه شي .. يمكن دكتور هيثم يقولج نفس كلام دكتورج ما تدرين وتستمرين مع دكتورج

انا رفعوا الفك العلوي وحالتي ما كانت قمي سمايل >> رفعوها بهدف تطايق العضة والفكين علشان تصير القياسات مضبوطة >> انا حالتي استثنائية شوي بسبب التقويم السابق وخلع الأسنان >> شارحة حالتي بالتفاصيل من قبل


لا ما تقصر المسافة بين الشفايف والخشم >> ماله علاقة
بس اللي صار إنه برزت خدودي أكثر >> أنا بالاساس عندي خدود وبعد العملية برزت أكثر

الحين اللي يشوفني على طووول يحط بباله إني حاقنه خدودي .. لأنه صايرة كأنها وجنات وتبرز أكثر وقت الضحك

 

[Esraa.a]

والله بفضل الله ثم المنتدددى ماكان انا دحين بخطة العلاج
صراحه ماكنت اعرف ارضي من سماي لكن المنتدى هذا فتح عيني ع الدكاتره والعمليه
ممممممره اشكركم من اعماق قلبي بذات اسراء ولوليتا ورشا بصراحه ساعدوني
ادعولي اتوفق بالعمليهه ويتحقق حلمي

لا شكر على واجب حبيبتي

والله يحقق لج مرادج وكل اللي تتمنينه بأقرب وقت ان شاء الله

 

[**كادي**]

مرحبا اخت اسراء شخبارج كنت بدزلج خاص وماشالله فل المسجات
انا متابعتج من زمان وماشالله ملمه وفاهمه بالهموضوع بس باابدايه كنتي تمدحين عادل العصفور وبعدين دكتور هيثم
مع انه توه جديد او صغير بالعمر ..ليش ياترى؟

انا عندي تراجع بالذقن (حنجي صغير) هلله علاقه بالفك ولا الموضوع تجميلي مو تخصص ه الدكاتره؟

ودكتور عادل هل يفيدني ؟ والحل بالسليكون؟

 

[Esraa.a]

مرحبا اخت اسراء شخبارج كنت بدزلج خاص وماشالله فل المسجات
انا متابعتج من زمان وماشالله ملمه وفاهمه بالهموضوع بس باابدايه كنتي تمدحين عادل العصفور وبعدين دكتور هيثم
مع انه توه جديد او صغير بالعمر ..ليش ياترى؟

انا عندي تراجع بالذقن (حنجي صغير) هلله علاقه بالفك ولا الموضوع تجميلي مو تخصص ه الدكاتره؟

ودكتور عادل هل يفيدني ؟ والحل بالسليكون؟

انا ما ذميت دكتور عادل
لكن هناك دكتور شاطر و دكتور أشطر

دكتور هيثم للاسف ما عرفته إلا توه .. عقب ما سويت عمليتي .. ما كنت اعرفه من قبل

والعمر مو مقياس علشان نحكم على شطارة الدكتور صح ولا انا غلطانه ؟؟



بنات انتوا شرايكم
مقاييس الجمال الحديث تاخذونها من دكتور عمره بالثلاثينات ولا بالستينات ؟؟

بعدين عمليات تعريض الفك بالكويت محد يسويها الا دكتور هيثم (دكتور عادل ما يسويها) وهي تعتبر من العمليات الحديثه
لازم يسويها دكتور شاطر ودارس وممارس العمليه >> علشان يعرف التفاصيل من ناحية الماده المستخدمه وآثارها ومن ناحية زاوية التركيب
العملية مو قص ولقص ... اخذ القطعه وركبها وخلاص

حتى دكاتره التجميل اللي رحت لهم قالولي ما نسويها او بالاصح ما مرت علينا والقليل قال مرت علينا لكن ما مارسناها ابدا

واللي ما مرت عليهم العملية بعضهم كان بدرجة البروفيسور >> عرفتي ليش قلت لج العمر مو مقياس

بعض الدكاتره قالي اسويها لكن انتي اول حاله بالنسبه لي >> في البدايه قلت لأ ماني فار تجارب

بعدها من كثر ما كنت حابه العمليه وابيها عزمت اسويها ودفعت فلوس العمليه عند د.عماد النجاده ورضيت اكون اول حاله
لكن سبحااان الله صليت استخاره وما صارت
دقوا علي العياده قالوا للاسف الدكتور عنده مؤتمر بنفس وقت عمليتج وما يقدر وتضايقت حيييل وقتها
ورحت وحددت موعد ثاني وهم ما ضبط وتضايقت

سبحاان الله الحين عرفت انه اللي كان يصيرلي خيره .. الحمدلله رب العالمين


علشان جذي بنات اذا الامور ما مشت معاكم لا تتضايقون .. لعلها خيره
صلوا استخاره و كلوا أمركم لله وثقوا بالله
"لو علمتم كيف يدبر الله أموركم لذابت قلوبكم من محبته"

ودكتور هيثم لما كان بأمريكا مارس هالعمليه وعرف تفاصيلها ..
واصلا الطب يبيله update باستمرااااار لانه في تطور مستمر

الله اعلم اذا فيه دكتور الحين يسويها غير دكتور هيثم .. مادري ما عندي علم
بس لما انا كنت ابحث بهالموضوع قبل سنتين تقريبا .. ما لقيت الا دكتور هيثم
وسويتها عنده والحمدلله مرتاحه وشفت شغله بعيني على حالات
اتكلم من باب التجربة .. والمثل يقول إسأل مجرب ولا تسأل طبيب


وللعلم
انا متواصله مع مرضى دكتور عادل و مرضى دكتور هيثم .. فعارفة تفاصيل دقيقه وما مدحت من فراغ

دكتور هيثم يهتم بالتفاصيل الصغيره والنواحي الجماليه للوجه بشكل عام .. بمعنى اذا شاف مثلا انه خدودج مسطحه (مافيه خدود) يقترح عليج يركب لج حشوات تجميلية لابراز الوجنات او اذا مو حابه يقترح عليج حقن الخدود (بعد الجراحه)
و اذا شاف حالتج تستدعي تعريض الفك .. يقترح عليج تعريض الفك
و اذا شاف شفايفج تحتاج حقن .. يقترح عليج حقنها
إلى آخره
واذا مو حابه ولا شي .. مو ضروري
عموما هو ما يبدي بخطة العلاج الا ما يقتنع فيها المريض

مر عليكم يا بنات القائمة الحديديه دكتور جذي ؟؟؟

بعض الدكاتره يسوي لج العمليه بهدف علاجي بالدرجة الاولى خصوصا الدكاتره الكبار بالعمر
والعضه تكون 1000٪ سليمه والنواحي الطبيه تمام التمااام لكن النواحي الجماليه للوجه أبدا مو تمام

مثلا الوجه طال أو الشفايف صغرت او الخدود انمسحت او برزت زياده عن اللزوم
( بزور الخدود اذا كان زياده عن اللزوم ممكن يقترح عليج حقن ابر تذويب الدهون بهالمنطقه ) واقترح على وحده من صديقاتي وموجود اسمها بالقائمة الحديديه لانها خدودها صارت اوووفر بعد الجراحه بسبب رفع الفك العلوي زياده عن الارتفاع الطبيعي

ومن ضمن التفاصيل الجمالية اللي يهتم فيها دكتور هيثم (الخشم)
يخيطه لج ويثبته علشان ما يفرش (لجراحات الفك العلوي)

بعض الدكاتره ما يهتم ابدا حق هالامور

فيه وحده صار معاها جذي ؟؟ خلونا نتكلم بصراحه شوي


انا كثير بنات يكلموني بهالموضوع على المستوى الشخصي او على الخاص
فللأسف انتوا ما تشوفون تجاربهم وتفاصيلهم الدقيقه

فعلا بنات كلموني عالعام علشان الكل يستفيد .. حرام انا اجاوب صفحة كامله ومحد يستفيد منها إلا شخص واحد

مثلج انتي سؤالج عام ليش كلمتيني عالخاص؟؟ ههههههههههههههههه


كلموني عالعام حبايبي علشان الكل يستفيد من أسئلتكم ومن تجاربكم .. واللي بتكلمني عالخاص عاااادي خل تكلمني ما عندي اي مشكله .. اخذوا رااااحتكم
لكن هدفي انه الفائدة تعم للجميع


بس أتمنى من مرضى دكتور هيثم المتابعين بصمت خلف الكواليس او اي وحده راجعت عنده تكتب تجربتها علشان ما يقولون انا عندي تحيز لدكتور معين

أرجع واقول أنا مااا ذميت دكتور عادل لكن هناك دكتور شاطر ودكتور أشطر


دكتور هيثم مو بس شاطر .. انا اعتبره فنااااان

والله العظيم وأقسم بالله وانا محاسبة على كل كلمه اقولها امام ربي انه مو قاعده أسويه له دعاية و انه ماتربطني فيه علاقة مصلحة او علاقة شخصية نهااااائيا
والله يشهد علي
بس اشوف انكم تستاهلون اني افيدكم لاني مريت بتجربتكم قبل وكنت ابي اي معلومه تفيدني >> حاسه بمعاناتكم لاني مريت فيها

وهذا الموضوع لتبادل الخبرات والتجارب .. لييش أصير أنانيه وأخش عنكم


الكلام اللي قلتله كله للكل مو بس لج انتي

نرجع حق الموضوع الاساسي اللي هو لج انتي هههههههههههههههه >> وايد قرقت صح


بالنسبة حق حالتج حبيبتي

اكيييييد دكتور عادل او اي جراح فك ممكن يفيدج


يعتمد اذا التراجع بس بالذقن او بالذقن والفك السفلي

اذا بس بالذقن ممكن يكبره باستخدام الحشوه او عن طريق العظم نفسه
والعظم نفسه افضل لانه ما الوقت يلتئم ويبين شكله طبيعي

اما اذا معاج تراجع بالفك السفلي .. تحتاجين تقديم للفك السفلي والذقن


وألف الحمدلله انج ما تعانين من مشكله بالفك العلوي وتحتاجين جراحه فيه


الله يسهل لج أمورج حياتي ويكتب لج العمليه عند أفضل دكتور وتطلعين بالنتيجه اللي تتمنينها واحلى بعد



تحياتي لكم جميعا

 

[ليدي نانا]

السعر صراحة ممتاز مقارنة بالطويرقي والبازعي
يليت تعلمينا في أي عيادة؟ وكيف النتيجة؟
واحمد اليماني في جدة أو الرياض

هلا بك ياقمر
الدكتور احمد موجود في عيادات سمايا في جدة
جدا تعامله كويس
النتيجة لسا مابينت صارلي اسبوعين من سويت العمليه

 

[ياقهار]

بنات ادعو لي تتسهل انا ماسويت ولاخطوة ابدا ع الجراحة ولا التقويم بسبب الظروف المادية صعبة شوي ومافي امكانية ادعو ربي يفتحها ع زوجي ويرزقه وتتسهل الامور بسرعه لاني مرة ابي ع الاقل ابدا بالموضوع وارتاح وابي اخلص من مشكلة فكي باسرع وقت ممكن احتااااج دعواتكم

 

[يونيك تامي]

انا رحت عند الدكتور توماس شافني قال المشكلة عندج صعوبة اطباق الشفتين بسبب تراجع الفك السفلي شوي فقال اسوي التقويم واذا اريد بيقدملي الفك السفلي 2 سم وبيسويلي ذقن.. انا ابتسامتي حلوه بشو تنصحوني

 

[Esraa.a]

بنات ادعو لي تتسهل انا ماسويت ولاخطوة ابدا ع الجراحة ولا التقويم بسبب الظروف المادية صعبة شوي ومافي امكانية ادعو ربي يفتحها ع زوجي ويرزقه وتتسهل الامور بسرعه لاني مرة ابي ع الاقل ابدا بالموضوع وارتاح وابي اخلص من مشكلة فكي باسرع وقت ممكن احتااااج دعواتكم

الله يسهل لج كل امورج ياااااااارب ويكتب لج اللي فيه الخير ان شاء الله

 

[Esraa.a]

انا رحت عند الدكتور توماس شافني قال المشكلة عندج صعوبة اطباق الشفتين بسبب تراجع الفك السفلي شوي فقال اسوي التقويم واذا اريد بيقدملي الفك السفلي 2 سم وبيسويلي ذقن.. انا ابتسامتي حلوه بشو تنصحوني

ما فهمت بشنو تبينا ننصحج !

هو الدكتور ناصحج وقايل لج تفاصيل حالتج وخطة علاجج


إذا قصدج من ناحية تسوين الجراحة أو لأ

هالقرار راجع لج انتي بالدرجة الأولى .. وعلى حالتج النفسية


إذا تعانين من هالمشكله ومأزمتج نفسيا و وظيفيا >> بديهيا راح انصحج تسوينها


أما إذا عادي عندج تتعايشين مع المشكله بقية حياتج من غير مشاكل >> مو ضروري تسوينها