تجمع مراجعات مستشفى رويال حياة

[مسـك]

استخيري وشوفي حق منو ترتاحين

انا عن نفسي عند خالده وتسوى النطره

 

[Aloe Vera]

طموحة


انا اكره النطرة و انغث من الزحمة و جربتها مع اول ياهلين بعدين بثالث حمل رحت دكتورة منى وايد ارتحت فرق لمن تروحين العيادة و تخلصين بسرعه و بين لمن تقعدين تنطرين و تتوترين على ما ايي دورج و انتي حرة باختيارج
بس صج فرق و راحة اكبر

 

[طموحه بزياده]

والله شكلي ارتحت لمنى اكثر

واحس خالده حق حالات اصعب

 

[الحبيبه الدبيبه]

كم اسعار الولاده عند دكتوره خالده ؟

 

[طموحه بزياده]

بنات مكان المستشفى فيه زحمه شوارع واختناقات مروريه؟؟؟

لان بيتي بالقرين اخاف كل مره بروح زوجي يسويلي سالفه

 

[مناوووي]

ليش تصعبون النطره
موقادره تنطرين اخذي رقم والسكرتيره تدق عليج قبل دورة بكم وحده وتجين على طول
وبس
النطره تسوا عند خالده
بحمالي الاول كل مواعيدي مااخذ رقم انطر وبهذا بعد بس يوم تعبت صرت اخذ رقم وتدق علي السكرتيره قبل دوري بكم وحده
والسهالات من رب العالمين

 

[مناوووي]

بنات مكان المستشفى فيه زحمه شوارع واختناقات مروريه؟؟؟

لان بيتي بالقرين اخاف كل مره بروح زوجي يسويلي سالفه

والله دايم زحمه قبله بشوي ماعرف اسامي الشوارع بس دايم زحمه اذا كان وقت دوامات
بس سهالات مو ذاك الزحمه
عن زوجي تحلطم اول المراجعات بعدين عادي لانه مجبور
دكتورتي خالده ومستحيل اغيرها
الله يسهل امورج

 

[مناوووي]

كم اسعار الولاده عند دكتوره خالده ؟

على ماعتقد من 300 لي 350

 

[طعم الشهد]

كلهم سعر واحد من المستشفى حسب الغرفه الي تاخذينها

 

[؛؛sokrrah؛؛]

اانا سمعت ان خالدة مو دكتورة توليد اهي دكتورة اجنة
وماتعرف تخيط وخياطها خرابيط
هل صحيح هالكلام

 

[Aloe Vera]

مناوي


انا جربت اراجع عند دكتورة كويتية مشهورة وايد شخصيتها حلوة بس النطرة و سالفة انطر دوري و اطلع و تدق السكرتيرة بصراحة مغثة و يخرب يومي و يضيع وقتي و انا مادري متى راح يصير دوري مايسوااا الموضوع انا ثالث حمل خلاص ماقدرت اتحمل
و مع دكتورة منى اوصل المستشفى ادخل دوري على طوووووول سواء واصله امبجر او متاخر
و ساعات اكون رايحة المستشفى بدون موعد و ادخل عليها علطول بدون لا انطر و الدكتورة عجييييييبة فرق شاسع بصراحة

 

[Aloe Vera]

سكرة


بالعكس الدكتورة خالدة عاد يمدحون خياطها
و اهي بعد استشارية شلون مو دكتورة ولادة؟؟ اهي تخصصها اجنة

 

[Aloe Vera]

طموحة

انا بيتي بعيد بس اخذ شارع فحيحيل اوصل رويال حياة ب٢٠ دقيقة بالضبط مع الزحمة
الحلو ان شارع واحد و طريج سهل
ولا ذاك اليوم رحت المواساة واي مت مت من الطريج دواعيس دواعيس مادري انا ماعرف اسوق ولا اهو صج مكانه مقلقص؟

 

[طعم الشهد]

انشالله الاربعاء الياي بترجع دكتورتي زينب ادعولي تولدني وفتك وقولكم تجربتي معاها

 

[؛؛sokrrah؛؛]

يارب يارب يارب توصل دكتورتج وتولدج ولادة حلوه وعجيبه

 

[؛؛sokrrah؛؛]

اي تخصصها اجنه مو توليد
ووالله مادري هذا اللي سمعته

 

[Aloe Vera]

سكرة

اهي دكتورة توليد بس تخصص اجنه لانها استشارية و متخصصة عرفتي شلون؟

 

[مسـك]

خالده مو توليده وخياطها خرابيط !!!!


منو قالج حبيبتي هالمعلومه العوجا


دكتوره توليد وفوق هذا استشاريه ولحالات الحمل والولاده الحرجه وتخصص اجنه ماشاءالله عليها



وخياطها نظيف ومرتب

 

[طموحه بزياده]

مرحبا بنات


واخيرا زوجي وافق يوديني رويال حياة افتح ملف لانه معصب مستشفا بعيد وزحمه

المهم اخترت دكتوره منى والله يوفق عاد خايفه من المستشفى اول مره اروحله مادري ليش خخخخخخخخ

 

[مناوووي]

خالده مو توليده وخياطها خرابيط !!!!


منو قالج حبيبتي هالمعلومه العوجا


دكتوره توليد وفوق هذا استشاريه ولحالات الحمل والولاده الحرجه وتخصص اجنه ماشاءالله عليها



وخياطها نظيف ومرتب

معاج حق
بعدين الي مايمدح الدكتوره تلقينها سامعه بس مومجربتها