الحقن المجهري

[Mwa_321]

سويت حقن مجهري عند باتريك وفي خامس يوم لارجاع الاجنة سافر الدكتور واللي رجعها لي الدكتورة منى الشرهان وللاسف فشلت العملية وتحطمت وزعلت وكل شي ربي كاتبه بس انا متأكدة انها ماعرفت ترجعلي الاجنة لان رجعتها ومثانتي فاضية وكانت وقتها مرتبكة ومو مرتاحةالله يعاوضني خير ويرزقني عاجل غير اجل انا وكل محرومة
ارجوكم اللي يقرا كلامي يأمن على دعائي ترا الملائكة ترد عليكم ولكم مثل ذلك

 

[qoot]

امييين يارب

 

[glby7sas]

اميين يارب

بس اذا عندج مجمده قولي لباتريك محد يردهم غيركم ماتقطني على احد احسلج وربي يعوضج ياارب

 

[الرونقيه]

الله يرزقني ويرزقج ويرزق كل محروم يارب العالمين ..


وترا اغلاب البنات مو من اول مره تنجح عملية الحقن المجهري


انا سويتها بعد وفشلت بدون سبب الحمدلله على كل حآآال

 

[Mwa_321]

الله يجزاكم خير جميعا
قلبي حساس انا ما عندي مجمد للاسف ماتطلعلي بويضات واجد
الونقية هذي رابع مرة اسوي فيها حقن مجهري وتفشل ما ادري ليش ما تنغرس في رحمي الله يعوضني خير ويرحم ضعفي وقلة حيلتي

 

[عسل حدي]

حبي حللتي اجسام مضاده؟؟
وشخبار هرمون الحليب وفحص الغدد؟؟

 

[Mwa_321]

حبي حللتي اجسام مضاده؟؟
وشخبار هرمون الحليب وفحص الغدد؟؟

اي حللت اجسام مضادة الحمدلله مافيني بس عندي بروتين c يساعد على تجلط الدم واذا صار حمل لازم اخذ اسبرين
وكل شي عندي سليم الحمدلله كل الهرمونات سويتها
عشى الله يفؤج كربتي في القريب العاجل
ااامين

 

[Mwa_321]

اخطاء املائية ههههههه

 

[glby7sas]

اختي انا الدكتور عطاني الاسبرين والمثبتات قبل العمليه يعني من يوم سحب الاجنه بلش معاي مثبتات واسبرين وفي بعد ابر السيوله وايد بنات ياخذونها خل يجرب.

روحي لعمرو مدني والله انه ريال فاهم لدرجه كبيره اخذي تقريرج من باترك وحجزي موعد عنده وقليله عن التحليل

 

[Mwa_321]

اختي انا الدكتور عطاني الاسبرين والمثبتات قبل العمليه يعني من يوم سحب الاجنه بلش معاي مثبتات واسبرين وفي بعد ابر السيوله وايد بنات ياخذونها خل يجرب.

روحي لعمرو مدني والله انه ريال فاهم لدرجه كبيره اخذي تقريرج من باترك وحجزي موعد عنده وقليله عن التحليل

فديتج قلبي حساس على هالنصايح الله يثبت مافي ارحامج ويقر عينج بشوفتهم اامين
الدكتور باتريك مارضا يعطيني لا ابر ولا اي ادوية بس عطاني فولك اسيد وتحاميل مثبته ويالله يالله رضوا يعطوني اسبرين انا اصريت اخذه ومتى عطوني اياه بيوم الارجاع خذيت الاسبرين
شكلي بروح عند عمرو مدني والله يقدملي اللي فيه الخير

 

[glby7sas]

اميين ياارب ايي والله انصحج في الدكتور عمرو مدني وان شاءالله تبشريني بحملج ياارب