زوجي عنده الحركه 3٪ بس الحقوني محتاجه مساعدتكم

[ارواج المساعيد]

السلام عليكم

زوجي من شهر8 للحين مو راضي يسوي اي تلقيح صناعي او مجهري او انابيب يقول يا طبيعي او لا وانا صراحه نفسيتي تعبت فاذا الحركه مالها علاج قولولي.
هل انفصل عنه ؟ العمر يركض وانا انتظره

العدد زاد بس الحركه مازادت

شنو العلاج الي لازم ياخذه عشان يرفع الحركه

شنو الاكلات الي ياكلها والشغلات الي لازم يبعد عنها

ارجوكم ساعدوني

 

[Mrs.Q]

اختي قرار الانفصال انتي تقررينه مو احنا ومايجوز نشجعج عالانفصال
اللي ابيج تفكرين فيه هل زوجج من النوع اللي شاريج ويحبج ويهمه رضاج وسعادتج؟ اذا ريلج يحبج حرام تنفصلين عشان العيال هذا رايي
واهم شي دااااايما ادعي الله ان يسخره لان اهو بيده قلب زوجج مو انتي ولا احد غيرج فادعي ان يسخره ويرضى بالتلقيح
وبالنسبة للحركة ماعندي خبرة غير المكسرات والهسل والزنجبيل والحبة السودا هذي حدود علمي
الله يسخره لج حاسة فيج والله

 

[&هند&]

شدعوه انفصال مره وحده انا زوجي كانت مشكلته الحركه والعدد ولما تعالج صار بس الحركه وسويت تلقيح لانهم يحطون مواد تسرع حركة الحيوانات المنويه ومشاء الله حملت

كلميه وحاولي تقنعينه وسوي تلقيح وما يكلف شي التلقيح مراجعات وكل شي تقريبا 200 بس والله يرزقج

 

[glby7sas]

حبيبتي خليه يروح لدكتور واهو راح يقنعه بسالفه العمليه
قرار الانفصال صعب تحملي وادعي الله وان شاءالله تتيسر الامور ترا ملنا رياييلنا بالبدايه ماكانو راضين بس لما راحو لدكاتره وشافو بنفسهم اقتنعوو

بالنسبه للاكل
العسل بالمكسرات الجوز والربيان والمحار خل ياكلهم بكثره وايد مفيدين الحجامه بعد مفيده والله ايسرلج امورج

 

[ارواج المساعيد]

والله يا خواتي مو عارفه شيوي يقولي يانحمل طبيعي او لا يقولي اذا في دكتور يعطي ابر تزيد الحركه وتقلل التشوهات شوفيه لي فهل احد يا اخوات يعرف دكتور يعطي ابر لهلحالات

 

[glby7sas]

كل الدكاتره يعطون ابر خل يروح اهو عباله سهالات نفس ريلي قبل خليه يروح ويجرب صدقيني اهو من نفسه بيقتنع

 

[الرونقيه]

في دكتور اسمه عامر مدحت وايد زين

بين فتره وفتره ايه زياره لمستشفى عاليه

تخصصه حق الريايل فالنصيحه خلي زوجج يروحله


وهم الاكل له فايده مثل
الجرجير
واللوز
والمكسرات

ووهم النفسسسسسسيه تعتبر العامل الاكبر​

 

[ارواج المساعيد]

والله يا اختي انا نفسيتي تعبت حيل خصوصاً حماتي قاعد تضغط علينا وزوجي يقول ابي طبيعي مابي غير طبيعي اليوم تناجرت معاه قالي شوفيلي افضل دكتور ممتاز لحالاتي ويعطي ابر حق الحركه واذا مافاد الي تبينه نسويه. وهو مدري منو الي قايله هلشغلات مو زينه ويمكن يطلع للولد شي او لا فامانه ياجماعه انا في حيره من امري ومتضايقه فقالي يبي دكتور يعطي ابر في احد يعرف دكتور عطى ابر وياب نتيجه معاه ومنو هدكاتره ؟؟؟؟؟ وقريت بلانترنت عند ابر اعشاب اسمها ار٤١ المانيه هل موجوده بلكويت؟

 

[ارواج المساعيد]

والله يا اختي انا نفسيتي تعبت حيل خصوصاً حماتي قاعد تضغط علينا وزوجي يقول ابي طبيعي مابي غير طبيعي اليوم تناجرت معاه قالي شوفيلي افضل دكتور ممتاز لحالاتي ويعطي ابر حق الحركه واذا مافاد الي تبينه نسويه. وهو مدري منو الي قايله هلشغلات مو زينه ويمكن يطلع للولد شي او لا فامانه ياجماعه انا في حيره من امري ومتضايقه فقالي يبي دكتور يعطي ابر في احد يعرف دكتور عطى ابر وياب نتيجه معاه ومنو هدكاتره ؟؟؟؟؟ وقريت بلانترنت عند ابر اعشاب اسمها ار41 المانيه هل موجوده بلكويت؟

 

[ارواج المساعيد]

شدعوه انفصال مره وحده انا زوجي كانت مشكلته الحركه والعدد ولما تعالج صار بس الحركه وسويت تلقيح لانهم يحطون مواد تسرع حركة الحيوانات المنويه ومشاء الله حملت

كلميه وحاولي تقنعينه وسوي تلقيح وما يكلف شي التلقيح مراجعات وكل شي تقريبا 200 بس والله يرزقج

تلقيح صناعي ولا مجهري

 

[ارواج المساعيد]

ياجماعه امانه فيدوني اي دكتور يعطي ابر للحركه اوًسمعتو فيه قولولي ماودي اتاخر وهو اليوم قالي ما يبتي اسم الدكتور او اسم الابر الي يعطونها

 

[glby7sas]

كلهم يعطوني ابر وتقريبا ابر الرياييل وحده

مثل ماقتلج روحي ايهاب الملاح تلقينه بطيبه

 

[&هند&]

اذا العدد زين سوي تلقيح صناعي الي هو بنفس اليوم ياخذون العينه ويحطون لها مواد تنشط حركتها وتكلف تقريبا200 الابر والمراجعات

 

[راقية باخلاقي]

6 شهور يخذ هالعلاج هو بودره تحطينه بربع كوب عصير ويشربه بعد الغدا والعشا بعدها يحلل

والعسل زين

وانصحك يخذ هالدوا وتسون اطفال انابيب وتحملين مليون بالميه رفيجتي نفس حالتكم وحملت واحد ورا الثاني

 

[ارواج المساعيد]

الله يعطيج العافيه ومشكوره هو يقولي مايبي ابر هرمونات يبي ابر فيتامينات وقاعد ياخذ بروفرتيل وبروكسيد بلس مع فيتامينات والله كريم بس هل في عيادات تعطي ابر فيتامينات للانجاب؟؟؟؟؟