مااعرف شنو يصير معاي!!!!!

[شمس وورده]

السلام عليكم بنات انا جديده هنا بس متابعتكم من زمان بدخل بالموضوع
انا متزوجه وعندي طفل عمره سنتين وحالياً قررت احمل وصارلي كم شهر اعاني من مشكله ما اعرف شنو الي جاي يصير معاي كل مره تتأخر الدوره كم يوم وبعدين تنزل ويوم ثاني يصير عندي ألم مثل ألم الطلك ويصير اكرمكم الله الدم هواي وتنزل قطعة دم بكبر حبه الفول بس ألم فضيع يصير معاها وما اعرف ليش وبعدين يوم ثاني يروح الالم وينزل دم عادي خفيف بس حبيت اعرف منو صار معاها جذي او سامعه بجذي ياريت تساعدوني بنات ارجوكم

 

[teenaa]

رفع

 

[دلوعه ناعمه]

اعتقد فيج سدد لان الالم من الدم المتجمد .. حاولي تشربين دارسين حار وزنجبيل وزعتر عليج بالمشروبات الدافيه .. سوي سيرچ بقوقل وان شاء الله تلاقين اللي يفيدج ، لازم تهتمين بالدوره وتدفين جسمج وتلبسين دلاغات وبعدي عن المشروبات الغازيه

 

[شمس وورده]

مشكوره اختي على الرد الله يعطيج العافيه ان شاء الله خير والله خايفه حيل اكول اخاف شي موزين لا سامح الله وايد احاتي هل شي

 

[شمس وورده]

مشكوره اختي على الرفع

 

[نـور الكويت]

هلا اختي

ان شاءالله ماكو الا العافيه ..

اكلي رشاد ينظف الرحم اكليه مع تمر حلوو ..
واعشاب ..

يمكن معاج سدد .. شووفي مرخه تعطيج علاج وان شاءتلله ماكو الا العافيه

 

[نـور الكويت]

هلا اختي

ان شاءالله ماكو الا العافيه ..

اكلي رشاد ينظف الرحم اكليه مع تمر حلوو ..
واعشاب ..

يمكن معاج سدد .. شووفي مرخه تعطيج علاج وان شاءتلله ماكو الا العافيه

 

[شمس وورده]

طيب اختي نور ممكن سؤال شنو يعني سدد ؟؟؟

 

[ام عبد العزيز م]

للرفع

 

[لوولوو_88]

آب آب

انشالله البنات يفيدونج حبي

 

[ام الحلوااات]

ســــــــــــدد
يـــعــنـــــي دم مـتـجــمــــد بــاالــرحــــم يــمـنـع نــزوول الـدوره
واذا نــزلـــت تـكــون قـلـيــه ولـونــهـــا مــتــغــيـــر​

 

[شمس وورده]

ســــــــــــدد
يـــعــنـــــي دم مـتـجــمــــد بــاالــرحــــم يــمـنـع نــزوول الـدوره
واذا نــزلـــت تـكــون قـلـيــه ولـونــهـــا مــتــغــيـــر​

مشكوره اختي عالرد يابعد عمري
لا موقليله اصلاً بالعكس ينزل كثير دم يعني احسه ينزل مو طبيعي مثل النزف وتنزل معاه هاي القطعه

 

[أم عزوزي الغالي]

اقضل شي راجعي دكتورة نسا وقولي لها مشكلتج وان شاءالله خيييرررر

 

[# غنوجة بيبي #]

سدد و علاجها مو عند الدكاتره ..عند الردادات

انصحج بام فيصل بجابر العلي..اخذي اعشابها تنزل كل السدد اللي فيج

انا مجربتها نزلت لحمه كبيره مع اعشابها و حملت بنفس الشهر

 

[شمس وورده]

مشكورات بنات ان شاء الله خير راح اراجع لو دكتوره لو رداده والله كريم ماقصرتو حبايبي الله يعطيك العافيه ويبعد عنكم الشر

 

[كوكيز بالكريمة]

اسأل الله يرزقج الضنى السليم عاجلا" غير آجل .. اختي واضح معاج سدد و هالشي يمنع الحمل ﻻنه بقايا دم دوره قديم متجمع عزج الله .. ف الحل تهتمين بنفسج عدل وقت الدوره تتدفين عدل و تشربين اعشاب و مثل ما قالت اﻻخت اكلي تمر معبوج برشاد و حبه سوده و زيت زيتون .. و اهم شي ﻻاااا تجوعين نفسج ﻻنه الجوع يسبب هوا بالرحم

و تكرمين غزاره دم الدوره والكتل دليل ان رحمج فيه شي و قاع ينظف نفسه بنفسه من هالشي اللي اهوا سدد

و اشتري من العطار .... مره+عنزروت+محلب (المره ملعقه كبيره و العنزروت ملعقه كبيره ونص و المحلب ملعقه جاي صغيره .... اطحنيهم ونقعيهم ابطل ماي صحه صغير و اشربي منه ينظف رحمج عدل و ديري بالج المره ﻻااازم لونها بني اشقر مو اسود او غامج ﻻنه كل ما غمج لونها دل على انها قديمه مو زينه .. و اي شي تبين حياج ع الخاص

 

[شمس وورده]

يا بعد عمري كوكيز كفيتي وفيتي ماقصرتي ما شاء الله عليج الله يعطيج الصحه والعافيه ويبعد عنج الامراض ويرزقج ويحققلج كلشي تتمني امين يارب