ساعدوني

[ورقة ناعمة]

السلام عليكم

شحالكم خواتي عساكم بخير

محتاجة مساعدتكم

انا اختكم من الامارات وتقدملي واحد كويتي وبيون اهله باذن الله عشان يتقدمولي رسمي ويشوفوني

وبتكون اول مره اهله يشوفوني فيها

فمحتاره شو البس وكيف هي عاداتكم بالضبط لان اخاف تختلف عنا

يعني نحن اول زيارة الحريم ومعاها النضرة الشرعيه وثاني زيارة الريايل يخطبون رسمي ويتفقون على المهر وكل شي ومتى الملجه

وياليت لو في اماراتية ماخذه كويتي في المنتدى تتواصل معاي

ودعوولي ان الله يسر امري معااه ويجمعنا بالحلال عاجلا غير ااجل

 

[الجادل الخشف]

نفس طريقتكم مانختلفواهم شي خلج طبيعيه لاتحطين مكياج حطي طبيعي حييل ولاتكثرين اساله وخلي ابوج والا امج احسن يسالون اهله عن وظيفته وجذي
والله يوفقج

 

[ايمان7]

وعليكم السلام أختي

ألبسي بدلة ناعمة أو دراعة كشخة وكيوت
مكياجج خليه ناعم وطبيعي ولاتلبسين كعب عالي حييل

طبعا أول شي يدخلون الحريم ويقعدون مه امج و بيطلبون يشوفونج ادخلي عليهم من غير شيلة
وسلمي عشان الحريم تشوف شعرج وملامحج عدل

بعدها إذا دخل الرجال لبسي ملفعج وقعدي شوي تشاوفوا عدل واذا بخاطركم اسأله سألوه والعكس صحيح
بعدها قومي
وعسى الله يكتب اللي فيه الخير لج وله ياارب

 

[افريقيا]

لبسي نفنوف حلو وحطي مكياج ناعم والمره والريال يقعدون فترة على ما يتعرفون على بعض يعني ازورها البيت بعدين الرياييل اهمه اللي يحددون متى وقت الملجه .. وقت الملجه تكونيين بيت اهلج تالي الريال اييي وياخذج وتطلعون تتمشون عاد انتو بعد الملجه متزوجين اما العرس كيفج تبين تسوين عرس ما تبين تسوين علشان لا تخسرين فلوسج يعني بدال لا تقطيهم بالعرس سافري فيهم جم بلد أحسلج بدال المخاسير او تسوين فيهم شقتج طبعا لازم حتى لو جزء بسيط منهم تشترين فيهم هدوم طلعه وبيت وباجي الفلوس خشيهم

 

[زهرا_*]

ما عندي فكره

 

[الـكـايـدة]

عاداتنا و تقاليدنا وحدة ماكو اختلاف ولا شي
و مثل ماقالت اختي الجادل الخشف
خلج طبيعية ولا تحطين مكياج حييل
لبسي جلابية كشخة ولا نفنوف ناعم

عسى الله ييسر امورج يا رب و يشرح صدرج
ويجمع ما بينكم بالحلال *

 

[Tom ♥ Jerry]

.


السلام عليكم و رحمه الله و بركآته ..
حبيبتي الله يوفقج آنشالله

لا تصعبين الامور في بالج و اهيه ماراح تصير صعبه بأذن الله،
آهمه لمآ ايون يشوفونج النظره الشرعيه
بعدها يروحون و بعد جم يوم يدقون عليكم يقولون لكم اذا الولد موافق و لا لا
اذا موافق يحددون معاكم موعد للزياره


موفقه:*

 

[ورقة ناعمة]

نفس طريقتكم مانختلفواهم شي خلج طبيعيه لاتحطين مكياج حطي طبيعي حييل ولاتكثرين اساله وخلي ابوج والا امج احسن يسالون اهله عن وظيفته وجذي
والله يوفقج

مشكوووره اختي عالرد ماقصرتي


مممم فالنضره الشرغيه منو يكوون مووجود امه وامي ولا لازم ابوي يكون موجود ؟

 

[ورقة ناعمة]

وعليكم السلام أختي

ألبسي بدلة ناعمة أو دراعة كشخة وكيوت
مكياجج خليه ناعم وطبيعي ولاتلبسين كعب عالي حييل

طبعا أول شي يدخلون الحريم ويقعدون مه امج و بيطلبون يشوفونج ادخلي عليهم من غير شيلة
وسلمي عشان الحريم تشوف شعرج وملامحج عدل

بعدها إذا دخل الرجال لبسي ملفعج وقعدي شوي تشاوفوا عدل واذا بخاطركم اسأله سألوه والعكس صحيح
بعدها قومي
وعسى الله يكتب اللي فيه الخير لج وله ياارب

اللهم اميين
مشكورة الغاليه عالرد الوافي وماقصرتي
الحمدلله الي قلتيه مثلنا نلبس مغربيه بس اللهم يوم يدخل الريال نلبس العباه والشيله

 

[ورقة ناعمة]

لبسي نفنوف حلو وحطي مكياج ناعم والمره والريال يقعدون فترة على ما يتعرفون على بعض يعني ازورها البيت بعدين الرياييل اهمه اللي يحددون متى وقت الملجه .. وقت الملجه تكونيين بيت اهلج تالي الريال اييي وياخذج وتطلعون تتمشون عاد انتو بعد الملجه متزوجين اما العرس كيفج تبين تسوين عرس ما تبين تسوين علشان لا تخسرين فلوسج يعني بدال لا تقطيهم بالعرس سافري فيهم جم بلد أحسلج بدال المخاسير او تسوين فيهم شقتج طبعا لازم حتى لو جزء بسيط منهم تشترين فيهم هدوم طلعه وبيت وباجي الفلوس خشيهم

صح كلامج حفلة العرس هي الي تكلف الريال واايد وفالنهاية محد ياكلها غير الحرمه والريال ويمكن مايقدرون يسافرون بعد
انا وهو للحين ماتكلمنا عن المهر والحفله والسكن ,, ان شاء الله تتيسر امور الخطبة اول عقب بنتكلم عن هالاموور
مشكوووره عالرد والنصيحه

 

[ورقة ناعمة]

ما عندي فكره

اشكرج عالمرور

 

[ورقة ناعمة]

عاداتنا و تقاليدنا وحدة ماكو اختلاف ولا شي
و مثل ماقالت اختي الجادل الخشف
خلج طبيعية ولا تحطين مكياج حييل
لبسي جلابية كشخة ولا نفنوف ناعم

عسى الله ييسر امورج يا رب و يشرح صدرج
ويجمع ما بينكم بالحلال *

اللهم امين مشكوووره عالدعوه الحلوه ويسر اموورج
ولاحظت انها وحده في وايد اموور

 

[ورقة ناعمة]

.


السلام عليكم و رحمه الله و بركآته ..
حبيبتي الله يوفقج آنشالله

لا تصعبين الامور في بالج و اهيه ماراح تصير صعبه بأذن الله،
آهمه لمآ ايون يشوفونج النظره الشرعيه
بعدها يروحون و بعد جم يوم يدقون عليكم يقولون لكم اذا الولد موافق و لا لا
اذا موافق يحددون معاكم موعد للزياره


موفقه:*

الله يسهل يااارب .. والله وايد خايفه واحاتي راي اهله يوم يشوفوني وراي اهلي في الولد فمن جي اسال مابا اسوي شي غلط جدامهم او شي غير عن عاداتكم

مشكووووره اختي عالرد وماقصرتي

 

[افريقيا]

صح كلامج حفلة العرس هي الي تكلف الريال واايد وفالنهاية محد ياكلها غير الحرمه والريال ويمكن مايقدرون يسافرون بعد
انا وهو للحين ماتكلمنا عن المهر والحفله والسكن ,, ان شاء الله تتيسر امور الخطبة اول عقب بنتكلم عن هالاموور
مشكوووره عالرد والنصيحه

لا تتلكمين عن المهر جدام أهل الخطيب أو الريال اللي بيخطبج حتى لو وقت فترة التعارف ... لانه الرياييل أهل المعرس وقت الملجه اهمه اللي يسلمون المهر ... بعدين الحريم يدشون قبل بعدين الريال .. احنا عندنا يم الصالة غرفة لمن يبي يشوفها أول مره الريال الريال والمره يقعدون بس الباب مفتوح عشان يتكلمون براحه و الأهل بالصالة

 

[امون المطيري]

عاداتنا وحده كلنا يااهل الخليج مااتوقع في اختلاف
الله يوفقج يااارب ويكتب لج الخير

 

[لهفه لقاء]

الله يوفقتس

 

[ورقة ناعمة]

اشكركم خواتي على نصايحكم لي وسامحوني ماقدرت ارد عليكم حزتها بس قريت ردودكم

والله يسر اموركم ويعطيكم ماتتمنون

بفضل من الله .. الله جمعني معاه بالحلال وباذن الله شهر 11 عرسنا .. ادعولنا بالتوفيق والسعاده والذرية الصالحه