اهل زوجي !!!

[شمس وورده]

ياحياتي انا والله متقبله كل كلامكم وعادي ماراح ازعل وانا والله ماقاطه نفسي عليهم بس ما احب الزعل وهيج كطع وانت من كتبت الكم بهل منتدى اريد تكولولي شلون اتصرف وياهم شلون ابين الهم انا مامهتمه لهل موضوع لان همه حسبالهم انا هسه ميته قهر لان همه مايحجون وياي بس بصراحه انا زعلانه علمود ريلي لان احسه مقهور وضايج من هل وضع وحياتي انا بعد قررت خلاص من ازعل ازعل ابيتي وما اتركه لو مهما صار هيه غلطه وصارت بعد وبالنسبه لام ريلي ما اكدر بعد احاول وياها اكثر من جذي لان هيه من تحجي تجرح بكلامها وتغلط وانا انغث من الكلام والمشكله يظل ابالي ماانساه وعادي عدها ماتحترم مشاعر احد تغلط على اهلي وانا بصراحه ما اتحمل وانا خلاص قررت بعد لا اتصل ولا احاول لان ما اكدر انزل من كرامتي اكثر لان راح انزل من عينهم بعد ومحد راح يحترمني ومشكورات خواتي عالرد واهتمامكم بموضوعي ومثل ما كلت الكم انا ابي اعرف شلون اتصرف شلون ابين اني خلاص مامهتمه الهم ولايهمني امرهم بعد وبس عندي بيتي وريلي وانا اسفه لان تعبتكم وياي ودوختكم

 

[M!ss CoLoRz]

ما تسوين اي شي ولا له داعي اتبينين لهم ان كنتي مهتمة او لا .. تعاملي مع الموضوع كشي حطيتيه في صندوق وقفلتي عليه ما تروحين تطلين عليه ولا ترزينه جدامج .. خلاص شي مقفول عليه وحاليا ناسينه

تعيشين حياتج ولا تسألين زوجج عنهم وإذا صار وتطرق للموضع قولي الله يسعدهم ، الله يهنيهم بس لا أكثر ولا أقل

يوم اللي يزور اهله تخلينه ياخذ العيال معاه وانتي لا تمدين البوز وتقولين بقعد بروحي وتهدوني ولا تروحين حق اهلج في هاليوم ... الا ابتسمي وقولي له انتوا روحوا وانا بروح الصالون مثلا او حتى روحي السوق او قعدي في البيت وجابلي التلفزيون و ريحي بالج .

وإذا اهوه سالج تبين أييب لج شي معاي قولي سلامتك بس بين فترة وفترة قولي اي خاطري في هالشي بس اختاري شي على طريجه

ولما يرجعون استقبليه بابتسامة ويا حبيبي وحشتني ، تسألينه تغديت؟ تعشيت؟ اوكي عليك بالعافية . لا اكثر ولا اقل

ما تسألينه من كان هناك وشقلتوا وشنو سويتوا ولا حتى تسألينه العيال أزعجوك ولا شي ... وإذا لا سمح الله واحد من عيالج رجع متهاوش مع العيال الثانين تعاملي مع الموضوع مثل لما يرجعون من المدرسة بنفس الموقف

دخلي نشاط يديد في حياتكم ولو كان سخيف وتافه ، اهم شي ان الضحكة تكون حاضرة في بيتج حاليا

 

[shak!shoka]

يا بنت الحلال هدي اعصابج

الوقت كفيل يصلح كل شي

ارضي زوجج وصلحي امورج معاه اهوا الاهم

الله يسخرهم لج و يحنن قلبهم عليج و يفرج همج

 

[شمس وورده]

M!ss colorz حبيبتي كلامج وايد حلو وخوش نصائح حبيتهم وان شاء الله راح اسوي مثل ما كلتي مشكوره يابعد عمري الله يحقق الي بالج ويسعدج امين يارب

 

[شمس وورده]

يا بنت الحلال هدي اعصابج

الوقت كفيل يصلح كل شي

ارضي زوجج وصلحي امورج معاه اهوا الاهم

الله يسخرهم لج و يحنن قلبهم عليج و يفرج همج

امين يارب مشكوره يابعد عمري على هل دعوه الحلوه مثلج ان شاء الله يتصلح كلشي
والله مثلج ماكلتو بنات انا هسه عندي اهم شي ابني وريلي والباقين الله يسامحهم على الي سوه بيا

 

[عاشقة العباس]

حبيبتي انتي خلج احسن منهم مردهم بعرفون قيمتج وقت الشده وايام الله وااااااايد تطمني قلبي المهم الحين ريلج وولدج هذولي اهم شئ بحياتج وربي خليهم لج ووفقج أأأأغاتي

مثل ماقال الامام علي سلام الله عليه :: من لانت كلمته وجبت محبته:eh_s(7):

مردهم بعرفون قيمتج وحبونج:eh_s(22):

 

[شمس وورده]

ياعمري عاشقة العباس والله كلامج صح مردهم يحسون بيا ويعرفون قيمتي لان والله ما أذيتهم بشي ولا تحجيت عنهم بشي ودائماً محترمتهم واحبهم الله يهديهم بس ما اكول غير جذي مشكوره يابعد روحي

 

[عاشقة العباس]

ياعمري عاشقة العباس والله كلامج صح مردهم يحسون بيا ويعرفون قيمتي لان والله ما أذيتهم بشي ولا تحجيت عنهم بشي ودائماً محترمتهم واحبهم الله يهديهم بس ما اكول غير جذي مشكوره يابعد روحي

تسلميلي يا الغالية:eh_s(7):

 

[حلم *]

حبيبتي ياشمس
الله يعطيك فووووق نيتك يارب
ياسبحان الله كافي الاخلاق الجميله اللي نلاحظها بكلامك فعلا اصعب شي لما الواحد فينا يطلعون له ناس يكرهونه حتى لو من اهله او قرايبه او حتى ناس ما يعرفهم شخصيا
مافي اجمل من الحب والاخلاق العالية لما تحسين فيها من اللي حواليك ومافي ابشع من المشاكل والحزازيات عوار قلب وراس
الله يسخر اهل زوجك لك ويهديهم خلك مثل ما انتي بهالاخلاق الحلوة و لاتحاولين تشترين رضاهم لاكبيرهم ولا صغيرهم حتى امه؛ بس قدام زوجك وصيه عليه قولي اكسب رضا امك رضاها من رضا الله عليك خل يحس ويشوف بعينه وهو بدورة راح ان شاء الله يوضح لأهله الصورة لحلوه اللي تتكلمين عنهم فيها وتطبعينها بباله دايم
الرجال تكبرين بعينه ويحترمك ويقدرك بقد ما انتي تحترمين اهله ولا بعمرك تنتقصين منهم قدامه لا بفترة زعل ولا رضا عديهم كأنهم اهلك !
تعاملي بما يرضي الله فيهم وفي زوجك
عداك العيب حاولتي تبينين لهم الامور حاولت تبادرين بصلتك معاهم وبلخير بس دام رفضوا وجرحوك لا هنا اوقفي وخليهم مصير الايام والمواقف تثبت لهم منو انتي !!!
ولايكون اكبر همك شلون ابين لهم اني مو مهتمه لهم بعد اللي صار لأ شيلي هالشي من بالك لا تبينين ولا تفكرين ن اساسه لا تخربين اي صورة حلوة لك بعين زوجك من ناحيتهم اهتمي بأهلك بصاحباتك بزوجك وبتلهين فيهم عن اهل زوجك الين الله يصلح حالهم ويعرفون قدرك
اعذريني طولت بالكلام بس والله طالع من قلبي
الله يسعد قلبك ويسخر لك كل النااااس يارب ويريح بالك

 

[شمس وورده]

اختي حلم حياتي انتي تسلمين ياعمري انتي كلج ذوق واخلاق عاليه كلامج وايد حلو ويبرد الجبد الله يحفظج يابعد عمري وانا الحمدلله هذا الشي تربية عليه امه مثل امي بالضبط والله كل شهر اكله اعطيها من معاشك صح هيه عدها بس اكوله ميخالف تفرح من تعطيها انت ودائماً اوصي فيها اكوله امك رضها اهم شي واذا مرات يعصب عليها والله ازعل منه اكوله ليش جذي تعصب عليها عيب هاي امك مايصير جذي حرام ياويلك من عذاب ربك والله هذا كله تعلمته من امي الله يخليها لي لكن همه مع الاسف مايحترموني ولايحترمون اهلي حتى من جنت اروح الهم زواره من اتكلم يضحكون عليه حمويني ونسوانهم ويعلقون لو يتمسخرون وانا اشوف واسكت ومايسون جذي كدام ريلي لا من هو طالع لان يعرفون بي هو يتكلم مايسكت عنهم والله الله يسامحهم بعد ومصير الايام تكشف كلشي لهم ومشكوره يااختي الغاليه على الكلام الراقي

 

[حلم *]

يا بعد قلبي الله يسلمك ،تستاهلين الكلام الطيب والله
ماشاء الله عليك ربي يحفظك يارب
عفيه عليك وعلى امك اللي احسنت تربيتك ربي يعطيها طولة العمر ويجزاها الجنه
وهم خليهم حسابهم على الله انتي صيري احسن منهم بكل شي
عسى الله يوفقك ويسعدككك ياحبابه ..!

 

[شمس وورده]

يا بعد قلبي الله يسلمك ،تستاهلين الكلام الطيب والله
ماشاء الله عليك ربي يحفظك يارب
عفيه عليك وعلى امك اللي احسنت تربيتك ربي يعطيها طولة العمر ويجزاها الجنه
وهم خليهم حسابهم على الله انتي صيري احسن منهم بكل شي
عسى الله يوفقك ويسعدككك ياحبابه ..!

تسلمين يابعد عمري هذا كله من ذوقج ياورده ربي يسعدج دنيا واخره

 

[Lilli133]

بالناقص أريح لك

 

[شمس وورده]

بالناقص أريح لك

صحيح اريح الي لان حيل يدخلون بحياتي همه بس ريلي مضايق من هل شي وجاي يكتم بكلبه وانا ما احب الخلافات والزعل مو حلو الكطع بالارحام انا اكثر هل شي ما احبه اموت منه وشكراً لردج عمري

 

[Koko7taty]

الله يهديكم ويصلح بينكم

 

[شمس وورده]

الله يهديكم ويصلح بينكم

شكراً يابعد قلبي امين يارب

 

[شمس وورده]

شكراً لكل البنات الي ردو عليه ربي مايحرمني منكم

وناطره باقي الردود من خواتي

 

[wajan]

إبعدي عن الشر وغنييييييييييييييييييييييييييييييييييييييييييييييييييييييييييييييييله .. عطيهم احلى طاف وخلي راسج بارد وعليج بعيالج وزوجج وبس والله لا يحوجج لاحد

 

[شمس وورده]

إبعدي عن الشر وغنييييييييييييييييييييييييييييييييييييييييييييييييييييييييييييييييله .. عطيهم احلى طاف وخلي راسج بارد وعليج بعيالج وزوجج وبس والله لا يحوجج لاحد

والله يا اختي كلامج صح الله لايحوجني الهم مشكوره يابعد عمري