تقدملي رجال ومدري اوفق ولالا

[مـزنـه]

السلام عليتسن
صبحتسن الله بالخير

ماسجلت اهنيا الا اني اخذ بشورتسن
البارحه تقدم لي واحد وشافني شوفه شرعيه وشفته والولد عمره 18 سنة وانا 20
ورجال متوظف وهو اكبر اخوانه وهوممن لجماعه .. وانا ادرس حالياًً جامعه واهلي بهم اعجله على الملكة وزواج والله ومدري هالحين متوهقه انا ما ودي احاكي ابوي وقوله اني مابا زواج الا بعد ماخلص الجامعه خوفي يعصب وامي مالها كلمة من بعد ابوي والله مدري ويش اسوي ودي اكمل دراسة وانا عند اهلي ولولد مابه عذاريب رجال وقريب منا بس خاف اعلم ابوي بالي ابيغه لانها فشلة هذا من لجماعه

 

[مآيكبرني نك]

تتزوجين طفل !!

 

[taliya]

ممممم انا لو مكانج ما اوافق من البدايه..

 

[اوبراا]

الزواج مو لعبه انتبهي تضيعي حياتج يااحبيبتي وتندمين العمر كله وقتها ماينفعج الندم لاتوافقين

 

[مـزنـه]

يامرحبا حياتسن الله
الولد 18 سنه مهوب طفل ورجال واعي وفاهم ومافيه خلاف من ناحيته هو بس اهي مشكلتي بتحديد اني ودي اكمل دراسه وتزوج بس بعد ماخلص والله يسهل

 

[مـزنـه]

انا ماعندي مشكلة لو اني اتزوج وكون جالسه بيتنا ادرس لان هو بيتهم بسعودية وانا بالكويت هذي هي المشكله مابا اطلع وانا ماخلصت دراسه

 

[مـزنـه]

صراحه حرام بعد ذاتعب كله اني اوقف دراستيء .. والله من قرادت حظيء . محتاره بينه وبين دراسه

 

[الجادل الخشف]

١٨ مو رجال هذا مراهق وبعدين مايمديه توظف اكيد داش الجيش وللحين ماكون نفسه وشخصيته ماتكونتانتبهي لدراستج وادري انج خايفه مايجي غيره لاتخافين نصيبج بييج وبعدين اصغر منج بسنتين مو حلوه كلش تلاقين عقله صغير يمكن باجر يلعوزج بتصرفاته المراهقيه

 

[كاملة الدسم]

عفوا اختي انتي كويتيك وبتاخذين سعودي !! وعمره ١٨ !! لا مستقبل لا بطيخ وشحقه مستعيله اصلا ارفضي

 

[مـزنـه]

مرحبا الله يعافيتس .. العقل مهب بالعمر وهذا لولد من الجماعه ورجال هذا واصل مع شيبان ورجاجيل وتكانه وقلت من الاوله ماعليه خلاف ..بس مشكلتيء اني بكمل دراسه ومابا اسكن بالسعودية

 

[عاشقة العباس]

بنااااات صلواااااا على النبي شنو هالحجي ياهل مراهق مايفهم واذيج مسرع ما عرفتوه ومن متى اساسا الانسان يقاس بسنه يامه رياااااايل اعمارهم في الاربعينات جنهم يهال حبيبتي مافيها شي لي تزوجتي واااحد اصغر منج انا اعرف واااايد شباب تزوجو في هذي الاعمار والحمد الله عايشين حياتهم طبيعية

وهو شنو راح يرفض انج تدرسين ؟؟؟؟؟

 

[عاشقة العباس]

بنااااات صلواااااا على النبي شنو هالحجي ياهل مراهق مايفهم واذيج مسرع ما عرفتوه ومن متى اساسا الانسان يقاس بسنه يامه رياااااايل اعمارهم في الاربعينات جنهم يهال حبيبتي مافيها شي لي تزوجتي واااحد اصغر منج انا اعرف واااايد شباب تزوجو في هذي الاعمار والحمد الله عايشين حياتهم طبيعية

وهو شنو راح يرفض انج تدرسين ؟؟؟؟؟

 

[مـزنـه]

اي هو لياهالحين بدورة مابعد تخرج دورة ظباط بالسعودية وهو ولد عز وعندهم خير ونعمة ومهب قاصرهم اي حاجه

 

[مـزنـه]

الله يعطيتس لعافيه على ردتس الجميل والله ياختي انا لهالحين ماكلمته عن دراستي ولا اهلي بس خواتيء ان شاء الله اني حاول اكلم ابوي يكلمه عن دراستي ونشوف حل ذالبلوه

 

[مـزنـه]

هو ولد خير ونعمة والله رازقهم بالمال والخير.. ياختيء

 

[عاشقة العباس]

الله يسهل عليج حبوبه ووفقج صدقيني في كل الاحوال ماراح اصير الا الي الله كاتبه

حبيبتي لا تسمعين كلام بعض البنات الله يهديهم اشوفون الريال بعمره هذا مو منطق لا الله ولا رسوله قالو جذي اكرمكم عند الله اتقاكم الاعمار مالها شغل

على كل حال كل وحده اتقول رايها بس الي الله يبه بصير وربي يوفقج ويسر امرج وسهل عليج يااااااااارب

 

[عاشقة العباس]

الله يوفقج

 

[الجادل الخشف]

لاحظت انج تكررين بكثره انه ولد عز وخير ونعمه ترا الفلوس مو كل شي اهم شي يكون معاشه زين والاخلاق ودوره الضباط اللي اعرفه اربع سنيين اذا بتوافقين اشرطي انه مايتم زواج الا بعد تخرجج وماعتقد بيرفض لانه من حقج الكل الحين يشرط هالشروطوبالتوفيق

 

[عاشقة العباس]

لاحظت انج تكررين بكثره انه ولد عز وخير ونعمه ترا الفلوس مو كل شي اهم شي يكون معاشه زين والاخلاق ودوره الضباط اللي اعرفه اربع سنيين اذا بتوافقين اشرطي انه مايتم زواج الا بعد تخرجج وماعتقد بيرفض لانه من حقج الكل الحين يشرط هالشروطوبالتوفيق

كلامج جميل اهم شئ الاخلاق والدين:eh_s(15):

 

[مـزنـه]

الجادل الخشف , عاشقة العباس يامرحبا فيتسن وماتقصرن على ردود الزينه والله يعطيتسن طولت العمر , ولكل من علق ورد عليء وانا ان شاء الله من ليوم باحكيهم وجزيل الشكر لتسن يابنات .. فديتسن