♥♡♥ تجمع لجميـع مواليـــد 2014 حيــــــاكمـ ♥♡♥

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

شحلات الكفرات نور الكويت يهبلووون

 

[BaЯBya]

رد: تجمع مواليد أكتوبر 2014 بإذن الله

السلام عليكم

بنات متى تخلص تنزيلات سنتر بوينت ؟؟

 

[نور الضي]

رد: ❤❤❤موااليد اغسطس ❤❤❤2014بأذن الله حيااااااكم

دكتور براون ينقط
خواتي كانوا يستعملونه
بس اكثر شي بيجون للمواليد

 

[كتكوته حبيبي]

رد: تجمع مواليد أكتوبر 2014 بإذن الله

باربيا تخلص تنزيلات سنتربوينت 14/6 انا سالت الي يشتغل وبعدين نكست مسوي تنزيلا وبالملابس نكست لايعلى عليه انا ماشريت من سنتربوينت ملابس بس فوط وباجي الاغراض ومن نكست اخذت الافرولات حلوين ويكدون

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

اي نور

كانت تغثني رضاعات دكتور براون

اول شي اذا بغيت اخض الحليب مايندمج ويدش بالعود وينشب

وفوق هذا حيل تسرب جييييل

 

[ككوته]

رد: تجمع مواليد أكتوبر 2014 بإذن الله

مشتااقه رووحي لاتخلين نفسج السكر وايد يتلخبط بالحمل وادايما خلي عندج قياس السكر عشان تتابعين
باربيا اشدعوه انا مو معاكم
موعد ولادتي 16 وفيني باذن الله بنت
انا افضل افرولات نكست يهبلوووووووون من قلب ومقاساتهم مضبوطه

 

[اهذريبك~]

رد: تجمع مواليد أكتوبر 2014 بإذن الله

انتيكا يعطيج العافيه على الصور و ان شاء الله باقرب وقت اروح اشتريهم قبل لاتخلص التنزيلات

 

[برديـــس]

رد: مواليد شهر سبتمبر 9 لعام 2014..حياكم الله اللي حللوا☆★☆

هاي بنات شلونكم
بسالكم عن اسعار المستشفيات بجم
لاني حالة خاصه ولادتي الاولى بالصباح

فموعارفه حق المستشفيات الخاصه
وخايفه لان اغلبهم قامو الحين على طول قيصري

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

صباح الخير كروشات

شلونكم ..

الكفرات تهببببل عجبتني حيييل

 

[نـور الكويت]

رد: ❤❤❤موااليد اغسطس ❤❤❤2014بأذن الله حيااااااكم

احلى المميات ماركة بيجووون ..

وعمليات حيييل ..

 

[حبي وحياتي]

رد: ❤❤❤موااليد اغسطس ❤❤❤2014بأذن الله حيااااااكم

​

صباح الخير
نور الكويت
ماقصرتي حبيبتي على الصور
مشتاقتلك المميات بيجون حلوين وعمليين وايفنت هم زينين اغلب اللي اعرفهم يستخدمونهم

 

[مــتــنــحــة]

رد: ❤❤❤موااليد اغسطس ❤❤❤2014بأذن الله حيااااااكم

صباح الورد حبايبي

اي والله نشتري اشكال رضاعات وماركات جديده ونتفنتق واخر شي نرد على بيجون

انا لاهيه بتخرج عيالي هاليومين فديتهم

عاد الله يالتخرج

واحد من روضه والثانيه من حضانه

ومشتطه حدي:eh_s(9):

 

[Q6RYA]

رد: تجمع مواليد أكتوبر 2014 بإذن الله

انتيكا مشكوره حبيبتي

كتكوته حبيبي ااالف مبروك الحمال ماكنت ادرى انج معانا والله انتي كنتي معاي بتجمع مواليد اكتوبر 2012 يعني بنتج كبر ولدي بالظبط شخبار كتكوتج الله يهون عليج وانا معاج مادري شسالفتنا مع اكتوبر هههه

 

[Q6RYA]

رد: تجمع مواليد أكتوبر 2014 بإذن الله

بنات الي بدو يجهزون بحطلهم لسته فادتني في حملي الاولي واايد انا بولدي بديت اجهز في السابع وهالمره نفس الشي انشالله
وترا التجهيز مايطول اذا كنت مرتبه نفسج وحاطتلج لسته كلها جم طلعه الا انتي مخلصه الاغراض

http://forum.hwaml.com/imgcache2/hwaml.com_1289146186_242.jpg

http://static.hawaacdn.com/upload/1/0/7/9/6/6/4/4fa10c7f7165c.jpg

وهذا موضوع كنت حاطه فيه الشغلات الي استفدت منها و انفعتني مع البيبي شوفوه تحت
http://www.q8yat.com/t1121248.html

 

[كتكوته حبيبي]

رد: تجمع مواليد أكتوبر 2014 بإذن الله

هلا قطريه الحمدالله انا بخير او ولدي بخير هههههه انا جارتج تجمع نوفمبر بس ادخل هني مرات لان تجمعنا ناايم وان شاء الله اولد باكتوبر لان ادخل التاسع 15/10 وان شلء الله الحق على اكتوبر ودي عيالي ايبهم بنفس الشهر

 

[كتكوته حبيبي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

شلونكم بناات

امس فرينا الكويت كلها نبي نسوي سونار كنت بروح مستوصف الضامر بس ما ادله ولا ريلي يدل بالجهرا شي طلعت عنوانهم بالنت بس هم مودال ريلي قال نروح الراشد ومافي الا ايفا وايفا كلش ماتقول بالسونار كله عندها تو الناس فاتصلت عالسلام ابي امل عبدالعزيز وقالو خلص دوامهم كانت الساعه 8 واتصلت على دار الشفا مايردون ورحنا الهادي وهم مافي دكتوره وفي مستوصف بجليب شيوخ اتصلنا قال تعالو موجوده الدكتوره لي ال10 رحنا قال لا مافي سونار او واحد يزاه الله خير قالنا في مستوصف وراه فاتح رحنا واخيرااا دخلنا عالدكتوره هنديه وقالت كل شي زين الحمدالله وتمام البيبي وفصلتلي كل شي وقالت بين ريوله مومبين شي ولا في شي فاانا اقولج بنت بس مادري مومصدقتها لان ماشفنا ولاشي لاعضو بنت ولاعضو ولد ولا شي كان صغير وسونارهم قديم موواضح قالتلي تاكدي بعد اسبوعين فبنطر موعد الحكومه 17/6 اكون داخله الخامس وبروح لدكتورتي بعد لان مارادتها من زمان

 

[كتكوته حبيبي]

رد: تجمع مواليد نوفمبر 11 - 2014 بإذن الله .. الي حللو حياكم حبايبي ♡

احساسي يقول بنت بس احلامي كلها تدل على ولد

 

[mi corazon]

رد: مواليد شهر سبتمبر 9 لعام 2014..حياكم الله اللي حللوا☆★☆

كارزون لج وحششششه والله فقدت سوالفج بالقروب والله و مداحرج و تحلطمج .. جان زين تردين .. و يروح و يرد بالسلامه زوجج و خلج مريحه لا تضغطين على نفسج بالشغل

مي تووووووووو لولو شلونج شخبارج ومنور بعد وينهي غاطه

وشلون النونو،؟

امس رفيجتي زارتني ابيت امي وقالت لي خبر جد جد فرحني.. اهي ع قولتها حملت بالغلط ماكانت مخططه

بس الحمدلله خيره لان طلع فيها صبي واهي عندها ثلاث بنات وحيييل خاطرها بالولد

قاعده توصفلي الموقف لما درت وتبجي بجتني معاها .. يارب ترزق كل وحده مرادها

::::::

اقول لكم عاد امس كان موعدي

حصلت لي زفه كبيييره من الدكتوره قالت البيبي الحمدلله وضعه تمام ويتحرك وايد الحمدلله الحمدلله

بس قالت لي مابيج كلش تقومين من الفراش الا للحمام عزكم الله لان راس البيبي تحت بالحوض قالت دربالج

وعطتني موعد بعد اسبوعين حق إبرة كورتيزون علشان رئة البيبي تحسبا لأي ولادة مبكره (مستعيل الأخ يب يطلع ويا ويهه)

وبتحليل البول عزكم الله قالت في شوية نسبة سكر قتلها يمكن لان شربت سبرايت اول مره ،. قاطعته من السنين الغازيات ف قالت اي يمكن من جذي

بس هم خرعتني قالت اكو نسبة بروتين بالبول وهالشي لو استمر لي الأخير ممكن يرفع الضغط ويسبب قيصرية



نشرة اخبار اليوم ههههههه


يالله أنتو طمنونا عنكم شلونكم وشلون الحركه والنومه ؟

 

[mi corazon]

رد: مواليد شهر سبتمبر 9 لعام 2014..حياكم الله اللي حللوا☆★☆

هاي بنات شلونكم
بسالكم عن اسعار المستشفيات بجم
لاني حالة خاصه ولادتي الاولى بالصباح

فموعارفه حق المستشفيات الخاصه
وخايفه لان اغلبهم قامو الحين على طول قيصري

ربي يتمملج على خير

اكو وحده منزله موضوع كامل بالأسعار

واكو موضوع مع الصور

جوسي بالمنتدى او طلعيه من قوقل

 

[لوولوو_88]

رد: تجمع مواليد أكتوبر 2014 بإذن الله

​

♡♡♡ لستة تجمع كروشات أكتوبر ♡♡♡

1- قلب زوجي و ولدي .. 1/10 .. ( ولد )


2- katrina90 .. 4/10 ..


3- TINA .. 5/10 .. ( بنت )
4- fg60 فوفو .. 5/10 ..
5- كلي هداوه .. 5/10 .. ( بنت )


6- لوولوو_88 .. 7/10 .. ( ولد )
7- امورته .. 7/10 .. ( ولد )
8- حكاية قلب .. 7/10 .. ( ولد )


9- اهذريبك .. 14/10 .. ( ولد )


10- ككوته .. 16/10 .. ( بنت )


11- عروسة أكتوبر .. 18/10 .. ( ولد )


12- مهابه .. 21/10 .. ( بنت )
13- bulbul3001 .. 21/10 .. ( بنت )


14- ^^ أم الزين ^^ .. 25/10 .. ( ولد )
15- المشتاقه للجنة .. 25/10 ..


16- بدون بس مغتربه .. 26/10 .. ( ولد )


17- الفوز حلو .. 28/10 .. ( ولد )


18- تولة مسك 030 .. 29/10 .. ( ولد )
19- BarBya .. 29/10 .. ( ولد )
20- انتيكا .. 29/10 ..


21- QA6RYA .. 31/10 ..



♡♡♡♡♡♡♡♡♡♡♡♡♡♡♡


تم تعديل على اللسته .. و الي ما انضافت تكتب آخر تاريخ ولادة و جنس البيبي .. ربي اتمم على الجميع