موضوع يمكن يهمكم ! ع الاقل بالنسبة لي ، هالموضوع مو مخليني انام ۔۔

[نـــدى]

السلام عليكم


انا انخطبت وملجت وعقب تركنا بعض وانفصلنا واثّر هالشي على نفسيتي وشعري تساقط وصار شعري خفيف مايجمّلني (خفيف لدرجة ماعندي غرة)
فصرت ألبس باروكة من الشعر الطبيعي وحتى اهلي مصدقين انه شعري مايدرون
و عادت لي الثقة بنفسي وارتحت وااااايد
الحين تقدم لي واحد وشافني وانعجب فيني و زواجي قريب لكن مايعرف اني لابسة باروكة
ومايعرف ان هذا مو شعري وان شعري خفيف

وحاليا قاعدة اتعالج وزواجي ف سبتمبر

كيف اخليه مايكتشف اني لابستله باروكة حتى بعد الزواج ؟؟
لأن شعري يبي وقت على مايرجع لوضعه الطبيعي أو تصير لي غرّه عالاقل وبعدها ماعاد للباروكة اي حاجة عندي


انا خايفة على مستقبلي

ابي المتزوجات ينصحوني


:eh_s(17):

 

[M!SS.LOBY]

الله يوفقج سمعت وايد ناس تزرع شعر طبيعي استفسري عن الموضوع وان شاءالله البنات يفيدونج ومايقصرون

 

[نـــدى]

مشكوره اختي كلش مايمدي

 

[Adele]

حاولي تاكلين حبوب حق شعرج
او تحطين زيوت و تهتمين فيه و ان شاء الله يرد
و حاولي تعدلين نفسيتج عشان مايطيح اكثر

 

[نـــدى]

مهما سويت مارح ينبت قبل سبتمر وحتى لو نبت مارح يطول

وانا عروس ولازم شكلي يكون حلو !


سؤالي هل رح يكتشف؟ واذا اكتشف بتصير لي مشاكل كبيرة بسبب هالشي ؟؟ ساعدوني

 

[جيرازksa]

حبيبتي ترى الي سويتيه من الوصل وهذا غش وتدليس حرام عشان كدا الله لعن الواصله والمستوصله

قولي الحقيقه لزوجك لان لو اكتشف بعدين ممكن توصل لطلاق لانك غشيتيه قوليله وبنفس الوقت خليكي واثقه من نفسك
وقوليله مارح تطول الشغله وبيطول سريع


الله يوفقك

 

[Shinexo]

حبيبتي ترى الي سويتيه من الوصل وهذا غش وتدليس حرام عشان كدا الله لعن الواصله والمستوصله

قولي الحقيقه لزوجك لان لو اكتشف بعدين ممكن توصل لطلاق لانك غشيتيه قوليله وبنفس الوقت خليكي واثقه من نفسك
وقوليله مارح تطول الشغله وبيطول سريع


الله يوفقك

مش حرام اذا كان هالشي يأثر على نفسيتهاا ,

بعد مايصير تقعد ماعندها شعر كلش

جربي توصلين شعرج مؤقت .. سوي الوصله اللي تكون ب لزقه فوق وحده من رفيجاتي شعرها خفيف حيل حيل ووصلت شعرها بين كنه طبيعي وحلو صج عليها , وترى كل 6 اسابيع ترفع الوصله فوق لان ينزل مع نباث الشعر

 

[ايمان7]

التوصيل والباروكة حرام شرعا

قوليله بطريقة ماتخرب عليج الموضوع لان ماتدرين شنو بتكون ردة فعله
قوليله انج عروس وخايفة ونفسيتج تعبانة عشان جذي أثر هالشي على شعرج وبدا يتساقط أو انحسدتي
وهذا فعلا يصير بأغلب العرااايس
واكيد هو راح يتقبل هالشي
ومني لشهر 9 ان شاء الله يطلع وتتغير الامور للاحسن
عسى الله يتمم عليج حبيبتي

 

[نـــدى]

سألت شيخ واجاز لي لأني عروس وقال صارت نفس سالفتج بعهد الرسول


اختي Shinexo الوصلة جربتها واتعبتني وحسيتني مرتاحه للباروكة اكثر بنفس الوقت احس بيكتشف الوصله بسهوله مو نفس الباروكة
و انا احاول انه مايكتشف لين يطول شعري بإذن الله واستغني عنها



تأيدوني بالباروكة الطبيعية ؟ صارلي فوق السنة ونص البسها عند اهلي محد فيهم اكتشف انه مو شعري بس ادري الزوج غير عشان جذي حيرانه (

 

[صداف]

اي انا مؤيدة لج

صحيح اهو ما فيه شي بيطلعه في اقل من 6 شهور

خذي انبولات او بخاخات الشعر ، واهتمي بتغذيتج لنفسج

ولا تتضايقين بسرعة رجال يروح يجون عشرة غيره ،اهم شي رضا رب العالمين عليج

 

[حمووشه المطيري]

حبيبتي لا تخااافين ان شاء الله شعرج بيرد احسن من اول

حطي حنه كل اسبوع وزيدي معاه محلب حلوو للشعر

وقبل ما تسبحين حطي بشعرج زيت خروع يكثف ويطول واكلي حبوب مقويات للشعر واهتمي فيه واهم شي نفسيتج عشان كل شي ما يروح ع فاضي ما تلاحظين الحامل شعرها يكثر ويطول لانها مداومه ع الفيتامينات والحديد

 

[حبيب الله]

أنا قبل اسبوع شريت زيت للشعر
للامانه استخدمته مره وحده ورفيجاتي يمدحونه
حيل اذا حابه تتفرجين هذا الاكاونت مآلهآ

nfnoof11_11@

والله يوفقج ويتمم فرحتج علي خيررر .. ����

 

[سارةةة]

شوفي حبيبتي ما شفت مثل الحلبة في تكثيف الشعرر

و وحدة من خالاتي كانت شبه مصلعة .. اعطيتها ذي الوصفة و ماشاء الله نبت شعرهاا و صاير له لمعه تجنن .. حتى الكوفيرة الي هي تروح لهاا تقولها ماشاء الله ايش سويتي بشعرك انتي كنتي صلعة ..

الخلطة هي //
1- فنجال حلبة تحمسينهاا على النار لين يصير لونهاا بني ( نحمسهاا عشان ما تعلق ريحة الحلبة بشعورنا بعد ما نغسلها )
2 - فنجالين زيت زيتون

نطحن الحلبة و نضيف لها زيت الزيتون و نخليهاا بعلبة موية صحة تتنقع بالشمس .. 10 ايام

تقدري تستخدميها بعد تنقيع يوم .. وترجعيها في الشمس .. عشان تكمل 10 ايام ..

استخدميها يوم و ترك .. و باذن الله راح تدعي لي ...

 

[سارةةة]

توي قريت موضوع للعضوة dl3 في عالم حواء كاتبة عن زيت للصلع تشرية من امازون عشان جبهتها كبيرة و نبت شعرها بنسبة 90%

و نتيجة دائمة ...

الزيت اسمه vadik herbs brahmi hair oil

بصراااحة تجربتهااا رووووووووووعة و باذن الله باشتريه

 

[ظبية بوظبي]

زين استخدمي ذيك البودره الي تخفي الصلع

 

[م.الحمد]

بسرررعه قبل كل شي روحي طقي ابر الميزوثيرابي
تكثف الشعر وتطوله
ولاتستخدمين الحلبه انتي عروس والحلبه لها ريحه خايسه
والاعشاب تكثف شعرج وتطوله ويصير يهبل بس تقطعينهم شعرج يصير يطيح
ابر الميزو انا مستخدمتهم فرق والله

 

[مالك لزوم]

عـأإدي حبيبتي هونيهـأ تهون ..

لو خبيتي عليه واكتششف تالي يمكن يزعل لآنج خبيتي

الأفضل أنج تصارحينه بهذا الموضوع وترتاحين : )

الله يعينج حبيبتي ..

 

[jessica almutairi]

انتي عالجي شعرج الحين و شوفي الوقت المناسب الي تقولين له
و اذا يحبج و يبيج ان شاء الله يفقهم وضعج و اقري البقره و كثري من الدعاء
وريحي بالج لا تحاتين والله يوفقكم يارب :eh_s(22): :eh_s(17):

 

[afaf]

في وحدة بلاستقررام تبيع زيت اسمهاا زيت حنان يبووووي يطول الشعرر وقسم بالله ومنزلة صورا بنات وتجربهم والله بس ناسية استقرامة والله