اسالتي

[ورقة ناعمة]

السلام عليكم ورحمة الله وبركاته


خواتي عندي كم استفسار وياليت تجاوبوني عليهم


انا عرسي فالامارات باذن الله وبعدها بيسولي حفلة استقبال فالكويت فحبيت اسال فهالحفله شو هو اللبس المناسب واسماء صالونات

وام زوجي تبا حفلة الاستقبال بعد العرس باسبوع يعني العرس بيصادف الجمعه وهي تبا الاستقبال الجمعه الي بعدها فتبانا نتم فدبي اسبوع وعقب نتم فالكويت اسبوع وعقب نسافر شهر العسل وانا مابا الصراحه حاولت اقنعه ان بعد العرس على طول نسافر شهر العسل وبعدها نسير الكويت عشان نفسيتنا واجازتنا بس امه مب راضيه وهذا مخططها واقولها اذا تمينا اسبوع فدبي وعقب اسبوع فالكويت ماراح نقدر نسافر شهر عسل لان اجازتنا راح تكون بس اسبوعين .. فشو الحل لان يوم كلمته قال الي امي تبغيه بيصير


وانا عندي هرمون الحليب مرتفع ويوم اتعالج ينزل وفجاه يرد يرتفع بدون سبب هل خطيبي لازم يعرف عن هالشي او اسكت لان قريت انه ياخر فالانجاب رغم اني ناوية اكل حبوب منع حمل لمدة اول سنتين عشان ما احمل بس بعد موضوع الهرمون مخوفني


وشو تنصحوني اسوي ليزر او سوفت لايت او حلاوة حق جسمي ؟


ساامحوني وايد اساله عندي بس حبيت تكون فموضوع واحد

ومشكورين

 

[الاء حسين]

اولا الف مبروك والله يسعدك ويهنيك يارب

بالنسبة الليزر افضل واريح لو في وقت ولازم يكون عند مركز او عيادة شغلهم زين

بالنسبة لهرمون الحليب بنت عمي عندها هرمون الحليب وعندها تلات اطفال ماشاءالله هو اهم حاجة يصير بمعدلة الطبيعي

وفي ادوية تعالج هرمون الحليب وان شاءالله يكتبلك الله الدرية الصالحة افضل ماتخبرينة لانوا ماراح ينفع لان هدا مو مرض مزمن

عادي تكشفين و تاخدين حبوب من عند الدكتورة وكل شي يصير اوكي

والباقي يفيدونك البنات هدي وجهة نظري وربنا يوفقك

 

[ورقة ناعمة]

اولا الف مبروك والله يسعدك ويهنيك يارب

بالنسبة الليزر افضل واريح لو في وقت ولازم يكون عند مركز او عيادة شغلهم زين

بالنسبة لهرمون الحليب بنت عمي عندها هرمون الحليب وعندها تلات اطفال ماشاءالله هو اهم حاجة يصير بمعدلة الطبيعي

وفي ادوية تعالج هرمون الحليب وان شاءالله يكتبلك الله الدرية الصالحة افضل ماتخبرينة لانوا ماراح ينفع لان هدا مو مرض مزمن

عادي تكشفين و تاخدين حبوب من عند الدكتورة وكل شي يصير اوكي

والباقي يفيدونك البنات هدي وجهة نظري وربنا يوفقك

الله يبارك فيج

اختي انا تعالجت عن الهرمون وخذت ادويه بس قبل كم يوم رديت سويت تحليل والهرمون رد ارتفع وصابني احباط بصراحه لان لازم ارجع على كورس العلاج مره ثانيه

اشكرج على الرد اختي

يزاج الله خير

 

[الغضى]

حبيبتي أنا ما أييدج بأكل حبوب مانع لأنه اوردي عندج هرمون الحليب مرتفع وراح يتأخر الحمل
واخاف تاكلين حبوب وتصير لج مضاعفات انتي بغنى عنها


ونصيحتي لاتقولينه عن الهرمون لأنه يتأثر ويلعب بالنفسية فعالجي نفسج بنفسج وعلى فكرة اعرف بنات يحملون واهم الهرمون مرتفع عندهم بس يتعالجون


الليزر اذا فيه وقت سويه بعيادة زينه واذا لا سوي شيره

والحفلة حبيبتي سمعي كلام ريلج وامه واكسبيهم من الاول ولاحقة على السفر مادام اهو مصر على رايه.

 

[فتاة الكوخ]

الف الف مبروك
الله يسعدك يارب

 

[Miss Cherry]

موضوع شهر العسل لاتسوين منه مشكلة من اول زواجكم

الليزر اذا بتسوين اقل شي قبل عرسج ٤ جلسات عشان يبين مفعوله اذا عندج وقت كافي سوي ليزر

وهرمون الحليب امره بسيط اعرف واجد حملوا وهم يعانون من ارتفاع هرمون الحليب وترا كثرة التفكير والمحاتاة ترفعه

 

[M!SS.LOBY]

بالتوووووووووووفيق

 

[M!SS.LOBY]

بالتوووفيق

 

[ورقة ناعمة]

حبيبتي أنا ما أييدج بأكل حبوب مانع لأنه اوردي عندج هرمون الحليب مرتفع وراح يتأخر الحمل
واخاف تاكلين حبوب وتصير لج مضاعفات انتي بغنى عنها


ونصيحتي لاتقولينه عن الهرمون لأنه يتأثر ويلعب بالنفسية فعالجي نفسج بنفسج وعلى فكرة اعرف بنات يحملون واهم الهرمون مرتفع عندهم بس يتعالجون


الليزر اذا فيه وقت سويه بعيادة زينه واذا لا سوي شيره

والحفلة حبيبتي سمعي كلام ريلج وامه واكسبيهم من الاول ولاحقة على السفر مادام اهو مصر على رايه.

مممم لازم اكل حبوب لان ابا ااجل موضوع الحمل سنتين لاني ادرس ومابا اخاطر وسبحان الله احمل لان اشوف بعض الردوود ان حريم كانو يعانون من ارتفاع الهرمون والله كتب لهم بالحمل

والحفلة بحاول اخليه يقتنع لان ماعندي غير اسبوعين اجازه وعقب بنرجع لدواماتنا فحرام اقضيها فالبلاد والكويت يعني المفروض يفكرون فيني انا ويكون لي راي فهالموضوع


بس خواتي ماجاوبتوني عن اللبس المناسب لحفلة الاستقبال انا ولامره شفت استقبالاتكم فهل البس فستان او مغربيه

 

[ورقة ناعمة]

الف الف مبروك
الله يسعدك يارب

حبيبتي والله .. الله يبارك فيج ويسعدج ويسر امورج

 

[ورقة ناعمة]

موضوع شهر العسل لاتسوين منه مشكلة من اول زواجكم

الليزر اذا بتسوين اقل شي قبل عرسج 4 جلسات عشان يبين مفعوله اذا عندج وقت كافي سوي ليزر

وهرمون الحليب امره بسيط اعرف واجد حملوا وهم يعانون من ارتفاع هرمون الحليب وترا كثرة التفكير والمحاتاة ترفعه

بس شهر العسل وايد مهم و ماراح يتكرر غير مره فالعمر والمفروض امه تقدر هالشي وتقدر ان اجازتنا قصيره وحفلتها تقدر تسويها عقب اسبوعين فالويك اند


عرسي شهر 11 فبسير عياده باجر باذن الله وبدخل على دكتوره استشييرها .. انا كنت متردده لان سويت الليزر المنزلي وشعر جسمي زاد فاضطريت ارجع للحلاوه عشان اخفف الشعر

اشكرج عالرد الغاليه

 

[ورقة ناعمة]

بالتوووووووووووفيق

بالتوووفيق

شكرا لج اختي

 

[Light-MoON]

أولاًُ الف مبروك وعسى الله يتمم عليج بالخير ويرزقج الذريه الصالحه

الأهم من هذا كله فكري أشلون تتأقلمين مع حمولة زوجج وحاولي تتعلمين اللهجه الكويتيه وتتكلميين فيها قبل حفل الاستقبال وهذي نصيحه من أختج ولها فوائد حيل كبيره

ثانياً : ماله داعي تقولين له ان عندج مشاكل بهرمون الحليب لنا هذا مايعتبر مرض ينخاف منه

ثالثاً : نصيحه مني لج سوي ليزر أفضل

رابعاً : ما اقول الا عسى الله يهنيج ويوفقج دنيا واخره ويبارك لج بالذريه الصالحه

 

[ورقة ناعمة]

أولاًُ الف مبروك وعسى الله يتمم عليج بالخير ويرزقج الذريه الصالحه

الأهم من هذا كله فكري أشلون تتأقلمين مع حمولة زوجج وحاولي تتعلمين اللهجه الكويتيه وتتكلميين فيها قبل حفل الاستقبال وهذي نصيحه من أختج ولها فوائد حيل كبيره

ثانياً : ماله داعي تقولين له ان عندج مشاكل بهرمون الحليب لنا هذا مايعتبر مرض ينخاف منه

ثالثاً : نصيحه مني لج سوي ليزر أفضل

رابعاً : ما اقول الا عسى الله يهنيج ويوفقج دنيا واخره ويبارك لج بالذريه الصالحه

فديتج الله يبارك فيج .. اللهم امين

انا ماراح اعيش مع اهل زوجي متفقين نسافر الكويت مره فالويك اند كل شهر وفالاجازات الرسميه يعني بالكثير يومين وراجعين وصعب علي اتعلم اللهجه بهالسرعه واخاف ينقلب لساني بس بحاول


مشكوره على الرد عزيزتي وعسى الله يوفقج ويسر امورج

 

[مآيكبرني نك]

اهم شي تتعلم اللهجة تراهآ الآ بنت الييرآن مافرقت كلنآ اهل الخليج

الله يتمم لج ع خير