انتي شنو فيج بالضبط
شوفي انا بنصحج نصيحة لوجه الله
قبل عرسي كانت دورتي مو منتظمة راجعت وقالوا لي تكيسات و هرمون الحليب مرتفع وهرمون ذكورة مابقى علة ماخطوها فيني وقعدت سنة قبل عرسي من دكتور لي دكتور ومن عيادة لي عيادة واذكر دكتورة معروفة الله يسامحها عطتني حبوب ياسمين ويوم قلت لها اخاف يسببون لي عقم قالت انتي على بالج راح تحملين ؟ حبيبتي انتي ماراح تحملين الا بعلاج
عقب ماتعبت نفسيتي رحت للدكتور الشومر عيادته بالجابرية وهو دكتور غدد وهرمونات الله يعطيه الف عافية كان باقي على عرسي شهر جيته بعيادته وقعدت ابجي كنت منهارة والنفسية صفر طمني وقالي مافيج شي بس تعالجين هرمون الحليب ووضعج بالسليم عطاني دوستنيكس نص حبة بالاسبوع اخذ وقالي لا توقفينها ليما تحملين والحمد الله بفضل ربي عقب عرسي على طول حملت
اذا تبين دكتور نسا شاطر بدار الشفا ابو المعاطي ترا خوش دكتور نفس الشي قبل جيته من درا اني بنت مو متزوجه قالي ماتحطين بحلجج حبة مانع عقب عرسج نشوف اذا ماحملتي نشوف علاج بس كان يتابع هرموناتي كل شهر
