اجهضت للمره الثانيه ....الحمدلله

[اهـات]

قوة بنات اخباااااركم

بناتي ابي اسال من مثل حالتي انا اجهضت مرتين
في الاجهاض الاول تقول لي الدكتوره ان الماء حول الجنين شوي ومو قاعد يكبر يوقف على ست أسابيع وما عرفت الا متاخر مفروض اكون بالاسبوع الثامن تفاجات اني بالاسبوع السادس وكان فيه نبض عطتني اسبرين وبعد يومين سويت سونار لقيت النبض متوقف وسويت تنضيفات
والاجهاض الثاني الماء حول الجنين شوي واجهضت على الاسبوع الثامن سوت سونار في الاسبوع السادس وقالت مافي ماي حول الجنين وعلى طول عطتني ابر السيوله ومثبتات لان كان معي شويت دم ودفستون والاسبرين كنت اكله من حللت ودريت اني حامل واستمر الحمل ثمان اسابيع وقف النبض

بنات تكفون من مرت مثل حالتي وعرفت شنو السبب
الحمدلله كل شي عندي سليم ولا عندي اجسام مضاده ولا شي صراحه اخاف احمل ثالث مره واجهض لانه بصراحه تعبت نفسيا وجسديا والحمدلله على كل حال
الدكتوره تقول احتمال المشيمه ضعيفه شلون اقوي المشيمه بنات من تعرف
تكفون بنات ادعوا لي اني احمل حمل سليم مايكون فيه مشاكل

 

[روان_الكويت]

الحمدالله على سلامتج اهات
ان شالله ماعليج
ارتاحي عقب هالاجهاض لا تحملين على طول واكلي حبوب فيتامين مخصصه لقبل الحمل فيها فوليك اسيد اكليها عالاقل شهر وحملي الي وراه
ولا تيأسين من رحمة ربج وان شاء الله الله يرزقج بالذريه الصالحه
واذا حملتي لا تعلمين احد الا بعد 4 او 3 اشهر

 

[مزآجيه!]

الله يعوضج ويمسح ع قلبج

بالعكس لا تيأسين ولا تخافين كل امر ربي خيره

انتي ريحي الحين من الحمال واكلي فوليك اسيد

والتزمي بقراءة سورة البقره والاذكار

ومثل ما قالت روان اذا ربي اراد وكتب لج الحمل لا تعلمين احد الا لما تعدي ٣ شهور

والله يرزقج ان شاءالله بالطفل السليم المعافى كامل الخلق والخلقه

 

[أم حسوون]

السلام عليكم
الله يعوضج يا قلبي ، توكلي على الله وإن شا الله بيرزقج ، وضروري تبحثين في النت لأن إجهاضج له سبب ، وبعدين روحي لإستشارية قبل الحمال تسوي لج تحاليل ، شوفي يمكن عندج نقص بشي وقولي لها عن حالتج بالضبط ، كثري من الاستغفار و الدعاء وقراءة القرآن والصدقة والله يرزقج آمين .

 

[floor]

الحمدالله على سلامتج اخيتي وخيرة ان شاءالله
اوالله يعوضج بالحمل السليم المعافى انا اقول اخذي تقرير وارسليه برا بالخارج او راجعي لدكتورة شاطرة ممكن تبين لج الاسباب وتهيئج جسديا حق الحمل الجاي ان شاءالله
واهم شي الدعاء والصدقه لانه كل شي بيد رب العالميين
والله يفرح قلبج بكل خير ومافي الا العافيه

 

[اهـات]

مشكورين بنات ماقصرتوا

حاليا ما افكر بالحمال الدكتوره تقول اقل شي ست شهور لا تحملين وانا افكر سنه راح اريح والله كريم

بنات من نقص ماء البيبي اول حمالها انا اسمع اخر الشهور بس غريبه الشهر الثاني
وشلون تقول المشيمه ضعيف اتوقع لسى ماتكونت المشيمه توا يبيلها وقت علشان المشيمه تكبر ويبدا مفعولها

ياربي احس شي يحير

الحمدلله على كل حال
ان شاءالله يوم الاحد بسوي تنظيفات والله كريم

 

[~Jana]

حبيبتي الله يعوضج خير يا رب ويمسح على قلبج 3>

سويت بحث بالنت ولقيت إن أسباب قلة السائل الأميوني (الماي) الرئيسية مجهوله
لكن في أسباب ثانوية ممكن تساعد في تقليل الماء:

1- إرتفاع ضغط الدم عند الأم الحامل
2- الإصابة بسكر الحمل
3- أخذ أدوية معينة منها دواء الضغط أو iboprofen
4- مشاكل في المشيمة (لكن في حالتج ليلحين المشيمة ما تكونت)
5- مشاكل في كلى الجنين (هذا في المراحل المتطورة من الحمل)

وكطرق علاج، اهما برة عندهم إن يحطون سائل داخل رحم الأم يشبه السائل
الأميوني عشان تزيد كمية الماي إذا ما عرفوا سبب نزول كمية الماي، وهذا النوع
من العلاج عادةً يستخدمونه في المراحل المتطورة من الحمل عشان ما تصير
ولادة مبكرة أو إذا كان الجنين بوضعية ما تسمح له بالولادة الطبيعية .. وكاتبين
إن المرأة الحامل كل ما تشرب ماي أكثر يزيد السائل الأميوني للجنين أكثر


هذا اللي لقيته بس عليج بالدعاء والصبر والصلاة (واستعينوا بالصبر والصلاة) واليقين
إن الله بيستجيب لج وبيرزقج بالحمل والطفل السليم المعافى يا رب :eh_s(7):

 

[اهـات]

مشكوره jana ماقصرتي

اتوقع الابره الى بالشهور الاخير اما انا توه صغير شلون يحقنون له ماء

وكلت امري لربي الحمدلله رب العالمين

 

[بنت عطا]

كل شي بييد الله الله موكاتبه واكيد خيره لج

الحين لازم لازم تريحين وهالفتره تاكلين حبوب فوليك اسد يوميا الفتره الي بترتاحين فيها وانصحج اقل شي ست شهوور اجهاضين وايد يعني جسمج تعب حيل فارتاحي وردي صحتج وخلج عالفيتامين هالفتره راجعي دكتوره شاطره تفحصج عدل

 

[اهـات]

مشكوره بنت عطا ماقصرتي


بنات بليز ابي دكتوره او دكتور يعرف لحالتي ويعرف سبب نقص الماء اول الشهور الحمل وضعف المشيمه

 

[اهـات]

اب


اب



اب

 

[*~زمردة~*]

الحمدلله على سلامتج
و الله يعوضج ان شاء الله
ريحي فترة
انصحج تروحين حق دكتورة ماجدة كميخ
برج مزايا بالجابرية
ما شاء الله عليها شاااااطرة
امي عقب أختي ١٠ سنين كل ما تحمل تجهض
يمكن ٤ او ٥ مرات و عقب ما راحت لها عرفت السبب
و حملت الحمدلله
و كانت رايحة حق اكثر من دكتورة محد عرف غيرها

 

[New_bride]

الله يعوضج خير يارب

انا بعد اجهاضي الاول اللي صار نهاية الشهر الرابع وكان السبب مجهول
خذت فوليك اسيد و فيتامينات لفترة الحمل عشان الجسم يقوى
وتمرنت رياضه

والحمدلله بعدها بكم شهر حملت
بالنسبه للماي اصلا يقل بعد توقف نمو الجنين
انتي اهتمي بنفسج الحين و عليج بالدعاء ثم الدعاء

 

[اهـات]

مشكورين بنات ما قصرتوا


الله كريم

 

[الله ياكثرعذالي]

اهات انتي نفسي بضبط طيحت مرتين وسبه قله ماي حول الجنين يقل وسمعت نبض وكل شي ربج يعوض لا تحاتين سوي تحااليل عطاني ورقه قالي سويهم بس ضايعه وربي يرزقج انن

 

[~Jana]

حبيبتي العفو ما سويت شي

جربي الدكتورة خالدة المجيبل ربويال حياة اهي ممتازه بعلم الأجنه والسونار

والله يرزقج حبيبتي الحمل السليم والطفل السليم المعافى يا رب

 

[NewMommy]

حبيبتي غيري الدكتوره احسن احس كلامها مو مقنع و اول وأخير كل شي بيد الله سبحانه
الله يعوضج و يرزقج بالذريه الصالحه عاجل غير آجل يارب​

 

[~Rou7~]

الله يعوضج يارب ويكتب لج الحمل السليم والي فيه خير
عادي لاتفكرين بالاسباب الحريم تسقط مره ومرتين وتحمل ويثبت الحمل
بس لا توسوسين ولا تيآسين

 

[اهـات]

اهات انتي نفسي بضبط طيحت مرتين وسبه قله ماي حول الجنين يقل وسمعت نبض وكل شي ربج يعوض لا تحاتين سوي تحااليل عطاني ورقه قالي سويهم بس ضايعه وربي يرزقج انن

ان شاءالله يارب يرزقنا بالحمل السليم يارب

طيب شنو اسم التحاليل يمكن تفيدني بشي

 

[اهـات]

ما قصرتوا بنات والله كريم