ابي دوله باوربا نفس نظام اورلاندوا بأمريكا? ابي رد سريع بليييز

[الدكتوره2009]

السلام عليكم
حبيباتي اشتقتلكم
مهما لهينا بالانستقرام مردنا لمنتدانا الغالي فديته تبين مواقفه بالظروف الصعبه ووقت الحاجه:eh_s(15):
والله مادري شقولكم فجأه قررنا نسافر هالشهر امريكا قبل الدوامات لاتبدأ بشهر 9:bbbiu:
لكن للاسف الفيزا تطول وحتى حاولنا نسوي فيزا vipسريعه وماراح تخلص قبل اسبوع ومايمدي يعني سفرتنا بتصير قصيره ماتسوى بصراحه! فقررنا نسافر اوربا لان الفيزا تخلص بسرعه بس ماعمري سافرت لها ولا اعرف جوها انا مابي بس طبيعه ابي نفس نظام امريكا اورلاندوا دزني وملاهي وكافيهات وجذي وبروح انا وزوجي بس واللي ابي اعرفه الميزانيه حوالي جم باوربا انا سمعت انها غاليه بس بليز ابي من صاحبات الخبره حوالي جم 2000 او 3000؟؟ وجم المده المناسبه؟؟:eh_s(10):
ومابي اكثر من دوله ماحب التنقلات وايد عباااله :bbbiu:

المهم ...
بليييز انقذوني الوقت يداهمني ماني عارفه وين اروح باوربا
يقولوت فرنسااا نار وسويسرا نااار يعني بحدود جم التكلفه لاسبوعين فيهم؟؟ والمانيا يقولون نفسيات ومافيها غير طبيعه ومقاهي وسمعت النمسا ارخص وحده ونفس نظام المانيا بس كلها عرب وانا منحاشه من العرب بليز ابي نفس اورلاااندواا امريكا وين اروح:eh_s(11):
ادري طولت عليكم سامحوني وانشاء الله ماتقصرون يالغاليات
اختكم محتاجتكم:eh_s(7):
لاتطولووون:eh_s(16):

 

[احب المدرسة]

حبيبتي اوربا عموما كلها نار واسعارها نار
انا من اسبوع راده من ايطاليا وسويسرا وفرنسا والمانيا
بصراحةةة كلهم نار واسعارهم مولعه
بس حبيتهم كلهم الجو يرد الروح والطبيعةة
ماكان ودي ارد والله

 

[الدكتوره2009]

حبيبتي اوربا عموما كلها نار واسعارها نار
انا من اسبوع راده من ايطاليا وسويسرا وفرنسا والمانيا
بصراحةةة كلهم نار واسعارهم مولعه
بس حبيتهم كلهم الجو يرد الروح والطبيعةة
ماكان ودي ارد والله

ماقصرتي حياتي عالرد فديتج:*
انزين بغيت اعرف اشكثر نااار اسعارهم يعني انا وزوجي تكفينا 2000 او 3000 لمدة اسبوعين مثلا ولا اكثر؟؟
وبغيت اسالج ماتعبتي من التنقلات من دوله لدوله وسالفة تشيلون اغراضكم كل شوي؟ انا ادري انهم قراب يم بعض بس مادري احس تعب ياريت توضحيلي ! واللي لاحظته اللي يروح اوربا مايروح لدوله وحده لازم يمر على كذا دوله شنو السبب هل لان ماتحتاج بعض الدول الا ايام معدوده وبعدها يصير ملل او بسبب قلة النشاطات فيها؟
وشنو اكثر دوله فيها نشاطات وايد باوربا وملاهي وكافيهات لو حبيت اقعد بدوله وحده ؟؟
ادري مصختها سووري
شسوي مالي غيركم

 

[الدكتوره2009]

حبيبتي اوربا عموما كلها نار واسعارها نار
انا من اسبوع راده من ايطاليا وسويسرا وفرنسا والمانيا
بصراحةةة كلهم نار واسعارهم مولعه
بس حبيتهم كلهم الجو يرد الروح والطبيعةة
ماكان ودي ارد والله

ماقصرتي حياتي عالرد فديتج:*
انزين بغيت اعرف اشكثر نااار اسعارهم يعني انا وزوجي تكفينا 2000 او 3000 لمدة اسبوعين مثلا ولا اكثر؟؟
وبغيت اسالج ماتعبتي من التنقلات من دوله لدوله وسالفة تشيلون اغراضكم كل شوي؟ انا ادري انهم قراب يم بعض بس مادري احس تعب ياريت توضحيلي ! واللي لاحظته اللي يروح اوربا مايروح لدوله وحده لازم يمر على كذا دوله شنو السبب هل لان ماتحتاج بعض الدول الا ايام معدوده وبعدها يصير ملل او بسبب قلة النشاطات فيها؟
وشنو اكثر دوله فيها نشاطات وايد باوربا وملاهي وكافيهات لو حبيت اقعد بدوله وحده ؟؟
ادري مصختها سووري
شسوي مالي غيركم

 

[الدكتوره2009]

اشدعوا بنات 135 مشاهده وبس رد واحد
وين فزعتكم وين ايام قبل
صج المنتدى تغير

 

[dreamer_33]

هلا حبيبتي

التكلفة تعتمد على التذاكر والسكن والسيارة اولا وبعدين باجي المصروفات

واذا انتي و زوجج بس حلاتها تفرين اوروبا بهالاسبوعين مو بس تقعدين بمكان واحد

وانتو خفيفين ليش تضيعين الوقت كله بنفس الاماكن ؛:: ماتسوى


المناطق حسب جوج واللي تحبينه العاب متاحف رحلات اسواق :: انا ماازرت اورلاندو عشان اقولج

ممكن تروحين لندن وباريس اذا تحبين الزحمه والاماكن الحيه وماتحبين الهدوء

 

[احب المدرسة]

ماقصرتي حياتي عالرد فديتج:*
انزين بغيت اعرف اشكثر نااار اسعارهم يعني انا وزوجي تكفينا 2000 او 3000 لمدة اسبوعين مثلا ولا اكثر؟؟
وبغيت اسالج ماتعبتي من التنقلات من دوله لدوله وسالفة تشيلون اغراضكم كل شوي؟ انا ادري انهم قراب يم بعض بس مادري احس تعب ياريت توضحيلي ! واللي لاحظته اللي يروح اوربا مايروح لدوله وحده لازم يمر على كذا دوله شنو السبب هل لان ماتحتاج بعض الدول الا ايام معدوده وبعدها يصير ملل او بسبب قلة النشاطات فيها؟
وشنو اكثر دوله فيها نشاطات وايد باوربا وملاهي وكافيهات لو حبيت اقعد بدوله وحده ؟؟
ادري مصختها سووري
شسوي مالي غيركم

احنا كنا رايحين 3 انا واخوي واختي وخذينا معانا 600 دينار بس حق مصروف هناك غير المشتروات
وعلما ان ماكنا ناكل من مطاعم يعني ب 17 يوم يمكن 8 مرات بس كلينا من مطعم وكنا مودين معانا من هني ورق عنب معلب وجبن وكرواسون وهالسوالف ف اذا بس حق مصروفكم هناك اي تكفي وتزيد واذا ع المشتروات بصراحةة انا كنت موديةة معاي 1000 يورو وكنت اي شي اشوفه اخذه ماخليت شي بخاطري وزاد منهم بعد بس اغلب مشترواتي من اوت لت سيرافالي قريب من ايطاليا
بصراحةة بلا تعبنا وايد بالتنقل احنا كنا رايحين مع حملةة نظام قروبات ف المواصلات كانت عليهم كانوا مسوين جدول رحلةة كل يوم رحلةة عليهم وكل شي من زيورخ لي ميلان 5 ساعات ماحسينا فيهم لان ساعتين ونص وتالي وقفنا بأستراحةة وعقب كملنا
بس اللي تعبنا فيها من ميلان لي ثون!! المفروض 4 ساعات بس قعدنا 9 ساعات!! ازدحام ماله نهايةة ووقفنا بأستراحةة هذا اللي خلانا نتأخر وظهرنا يقول ع الدنيا السلام=))
اما من ثون لي جنيف لا كلش ما حسينا 3 ساعات طريج بسرعةة عدو
بس اللي تأذينا فيه شيلةة الاغراض خصوصا ان كل مدينةة ما قعدنا فيها اكثر من 4 ايام ف كنا نتعب كل شوي مبطلين ومسكرين ومرتبين ومنزلين
اهو التنقل كان له هدف من اكثر من ناحيةة
يعني من ناحيةة انج ما تزهقين بمكان واحد وخصوصا ان زيورخ ماكان فيها وايد اشياء بس لما نمل نروح السنتر نفتر شوي ونفس الشي بثون و ميلان وجنيف
ومن ناحيةة ثانيةة عشان تشوفين باجي الدول مره وحده وتعرفين اي ديرة تسوى تعيدين زيارتها واي ديرة ما تسوى تردين لها
بالنسبةة حق النشاطات ما صادفنا الا ب جنيف كانو كل يوم الساعه 10 يسوون احتفال العاب نارية عند النافورة بس مارحنا من التعب والوقت متأخر وخصوصا ان كنا حاجزين بكراون بلازا مو بالسنتر يعني لازم باص و5 دقايق تقريبا ولازم نركز ع المحطه اللي نوقف فيها ومانضيع
اما بالنسبةة حق المانيا وفرنسا ف رحنا لهم يوم ورجعنا يعني ما قعدنا فيهم
المانيا رحنا يوروبا بارك , تينن تينن تينن تينن!!! صج صج صج استانسنا حتى اختي عمرها 27 وايد استانست هناك وودنا نرد صج احلى مكان رحناله وكانت اول رحله لنا طريج ساعه ونص تقريبا من زيورخ
وفرنسا رحنا يوم مدينةة آنسي , حلوةة تاخذين فره بالبحيرة و السوق هناك عندهم حلو بس ما يسوى انج تعيدين زيارتها واليوم اللي وراه رحنا حديقةة الزهور , كلش ما انصح فيها اول شي الجو ماكان يساعد كان حر ومافيها شي والمطاعم مافيها غير اكل بحري ومحد فينا كان يحب الاكل البحري والحديقةة مافيها غير وردةة وميته بعد ف ما انصحج تروحين لها
واي استفسار حبيبتي انا موجودةة :eh_s(7):