& تجمـع مراجعـات مستشفى السيـف &

[Poison_Girl]

الكمام عجيب

 

[مذهلة2013]

باذن الله ناويه اولد فيه

 

[angel of love]

بالتوفيق ان شاء الله

 

[Om_Ksha]

بنات راجني ولا روبينا !!

 

[al39laa]

انا مدحولي روبينا ان شاءالله الاسبوع الياي ابلش اراجع عندها

 

[زهرة التولاي]

انا حالياً اراجع عند روبينا ودي تكلمون الي ولدو بالسيف عن الكمام لاني مااحب ابرة الظهر وشرايكم بالمستشفى وخدماتهم وهل صحيح يصدمونكم بالفلوس عند الطلعه وشرايكم بولادة الدكتوره روبينا

 

[مذهلة2013]

انا ولدت فيه حلو واينن والسسترات عسل
حتى بوقت الولاده ايننون
ودكتوري حيان الاحمد من برا المستشفى
انا كنت قيصري واخذت قاعه السيف مع
جناح الريان ٣ ليالي بحكم اني قيصري
طلع حسابي الفين وشي

 

[حبيبة حمد]

اختي ولدت فيه ووايد يهتمون بالمريضة والسسترات يهبلون
ولدت عند الدكتورة رائدة ولادة طبيعية
وطلع عليها ب ١٤٠٠ دينار

وانا ناوية اولد بالمستشفى ان شاءالله
وان شاءالله الدكتورة رائدة تداوم وهي اللي تولدني

بس ابي اسأل عن ابرة الظهر للي خذوها بالمستشفى
منو الدكتور اللي تنصحون فيه وايده خفيفة بغز الابرة ومايعور

 

[مذهلة2013]

انا قزني الابره دكتور صغير
مت بجي منها عورني حيل ايده ثقيله

 

[صيتة الخالد]

مذهلة2013


حبيبتي الحمد لله على سلامتج ومبروك البيبي
يتربى بعزكم ان شاالله
ولادتي ان شاالله بعد ٣ايام
قيصرية ودكتورتي من برا
نفس حالتج������
يعني انا عاجبني المستشفى وهيك بس متخوفة منه،،،شكثر سمعت انه تجاري ويصدمونج بالفاتورة وموذاك الرعاية ولا ذاك الخبرة الطبية

وبسألج عن الاسعار طلعت مثل ما اهمه حاطين ومثل حسبتج بالضبط ولا اصدموج بالسعر؟؟؟
ويعني اذا كان في زيادة على حسبتج حول جم تقريبا؟؟؟

قلتي انج اخذتي قاعة السيف،،،هذي تكلفتها جم بروحها؟؟؟ موناوية اخذها بس عشان اشيلها من حسبة السعر الي طلع عليج


وابرة الظهر عندهم شلونها؟؟؟


واي شكثر قرقت بس سوري حدي مشتهيته ومتخوفه بنفس الوقت

 

[صيتة الخالد]

حسابج طلع ٢٠٠٠ وشي،،،الشي بحدود ال١٠٠ ولا فوقها؟؟

 

[مذهلة2013]

الله يسلمج حبيبتي
شوفي انا اخترت ابره الظهر واهي تقريبا 110 وخذيتها يومين عشان مااحس بالعوار يعني احسابها 220
وخذيت قاعه السيف اليوم ب 550 دينار
واحساب دكتوري حيان الاحمد للقيصري 400
وخذيت جناح الريان + الادوية + التحاليل طلع كل شي 2900

وحطي ببالج القيصري اغلى من الطبيعي
انا الحمدلله حاطه ببالي اكثر وميمعه اكثر وباجيلي تقريبا 500 دينار حاطته احتياط لانه ماتدرين شيصير بوقتها
ربي يسهل ويهون عليج

 

[مذهلة2013]

للامانه الرعايه الطبيه ايننون السسترات بوقت العمليه وحتى بالجناح ايننون بس يضحكون وياج
بس انا ماعجبني شيء منهم انه لما طلعت مازارني دكتور اطفال يتلي سستر وعطتني دوا الغازات وماقالتلي شيء
وبالصدفه عرفت انه المفروض ينحط بالثلاجه لانه فيه نفس الخميره ويخرب!!!!!
شوفي اذا قررتي تولدين فيه قوليلهم ابي دكتور اطفال واذا عطوج دوا غازات حطيه بالثلاجه لانه اذا حطيتيه برا راح يخرب
اسم الدواbiogaia دقيت على السيف عقب وكلمت الدكتور ياسر للاطفال وقالي لاتعطين الدوا للبيبي لانه خرب
قلت له المفروض احد يعلمني يقولي انه الدوا لازم ينحط بالثلاجه ف قاعد يتاسف انه محد يالي
حبيت انبهج بهالنقطه

 

[صيتة الخالد]

حبيبتي مذهلة يعطيج العافية ماقصرتي��
انقذتيني������

انا ماكنت حاطة ابالي كلش السيف تو قررت من يومين
كنت حاطة ابالي الشفا عساس بولد طبيعي،،بس تو قرروا لي عملية
عاد قلت دامها عمليه وتعب ولوعة خل اونس عمري بمستشفى حلو وشرح
وكلش موحاطة حسبة لكل هالميزانيه ،،،بس ماعليه تتدبر مني مناك حطيته ابالي خلاص ����


الله يقومج بالسلامة حبيبتي ويخليلج عيالج وزوجج��

 

[فرزاشيهـ]

مافي شي اسمه يصدمون بالسعرر لازم الوحده تحسب حسابها و قبل لا تدخلين تسالين عن كل التفاصيل


المستشفى عجييب ولدت فيه قبل سنتين بالضبط و السسترات نفسياتهم تهبل ماشالله و كل شوي يسالونج تبين شي


يعني من الاخرر جدااا رااقي و عنايتهم توب .،~ و ناويه اولد هالمره عندهم ان شالله

 

[زهرة التولاي]

اب


اب


وينكم مافي أحد يراجع بالسيف او توها والده سولفولنا ليش التجمع نايم

 

[مذهلة2013]

انا ولدت بالسيف

خوش مستشفى

و اي سؤال انا حاضره

 

[al39laa]

ولدتي بأي غرفه

افتريت عليهم كلهم ماعجبتني الا اللي ب 2900 احس وايد على غرفه

 

[زهرة التولاي]

ولدتي بأي غرفه

افتريت عليهم كلهم ماعجبتني الا اللي ب 2900 احس وايد على غرفه

رحتي الدور الـ15 والدور 17 أجنحة الريان والدلال

 

[زهرة التولاي]

انا ولدت بالسيف

خوش مستشفى

و اي سؤال انا حاضره

الحمدلله على سلامتج مذهله ومبرووووك ماياج حبيبتي شلون غرفهم وطوارئ لم دخلتي عندهم والكمام وغرفة الولاده