البارت 26
جامعة اوكسفورد
قاعدين بالحديقه واللي اهم قروب مشاري
(ريم ومنال واريام وشباب عمر ومنصور و وليد ومشاري كلهم نفس التخصص هندسة معماريه بالنسبه للقروب بس فتره الدوام يعني اذا خلصت محاظراتهم تفرقوا واهم متواجدين عشان يساعدون بعض بما انهم بنفس الكليه بااوكسفورد ومن ديرة وحده )
منال لفت تطالع اللي تمشي : هههههه وليننن والله ملينا واحنا ندليج الطريق
الكل لف لانهم افهموا منو تقصد
...
عند انسانه مليئه بالكأبه والحزن انسانه مكسوره من داخله عايشه بضياع ماتعرف غير انها لازم تداوم ومو عارفه ولا كلمه انجليزي واهي لها اول سنه بجامعة اكسفورد وضايعه فيها ( بما انها بجامعه كبيررره نفس اوكسفورد اللي كل كليه بمكان بروح وكل كليه لها اسم معين واهي ضايعه ومتوهقه ومو عارفه اهي ليش اهني ) عرفتوها
هديل البطله الرابعه :عمرها 20 ملامحه هاديه وحلووه لكن يغلب عل هذا كلله جسمها منيكان منحوت نحت بس لبسها كل اسود باسود مو مهتمه بنفسها
عيونها تحت هالات سوده شفايفها متشققه .وجهها كل من شافه يقول هذي تعبانه شلون تداوم واهي فيها ألم روحي اكثر من آلم الجسدي ولبسها كل تي شيرتات وسيعه وجينزات وينعدون عالاصابع ملابسها ولبسها بين الرمادي والاسود والازرق وكله تلم شعرها تسويه كبه
هديل مرت من صوبهم وقلبها يرقع
عمر : يررحمم امك غلططان وين رايح اهني كلية الهندسسه متى تفهم ي بابا _(يكلم هديل جنها صبي يعني )
هديل وقفة لحظه وبقلبها " يالله واانا متى بعرف وين كلاساتي اووف شكبررها هالجامعه تضييع "
منصور : ولج انتي شلج بهالمعاناه ارجعي ديرتج احسن لج
هديل طالعت فيه وانتبهت لشخص(مو اول مره تشوفه نظراته لها تسبب مغص بطنها) يخززها ويدخن زقاير وملامحه حاده تدل على شر مجسسم حيل شكله شاذ بينهم لابس تيشرت رمادي لازق عالجسم مبينه عضلات جسمه وبطنه سكس باك ..شعر اسود كثيييف وحواجبه مرسومه رسسم عيونه وسييعه شفايفه متوسطه وفمه وسيع بس مو متفوخه حاط له عوارض وقفل ابتسم بسخريه : شفيك متنح ؟؟ اصمخ ماتسمع شقال
منصور : مشيري شفيك هذي طرما لا تستغرب اذا كانت صمخه
هديل بسررعه رجعت من المكان اللي جت منه وقامت تطالع بطلبه الكل لاهي اللي مع ربعه واللي رايح محاظراته اما اهي اقعدت عالدرج والدموع بدت تجمع بعيونها " ياربي منو اسأل ولا واحد يتكلم عربي واللي لقيتهم يتكلمون عربي ومن ديرتي يتمصخرون علي ما اقدر اطلب منهم المساعد ه يارب ساعدني وواهي سرحانه ومو ملاحظه انها قاعده تعيق حركة الطلاب بما انها قاعدة عالدرج
..: excuse me ,can I password " المعذرة , هل يمكنني المرور "
هديل ؟؟؟ : ....
.. تأشر بأيدينها: can you step aside "هل يمكنك التنحي جانبا "
هديل تشوفها تأشر عاليسار وتحت نزلت راسها شافت كتبها شالتهم وحطتها بحظنها وتطالع بالبنت واهي مو فاهمه
...حطت ايدها على راسها : oh my god , I told you set aside " يا ألهي , قلت لك تنحي جانبا "
هديل " ياربي هذي شقاعد تقول اووف وتلفت صوبها
..: why do not you understand,what i say"ماذا الا يمكنك فهم ما اقول "
هديل توهقت ماتدري شتبي تشوفها تأشر عليها
...بملل : let's set aside to what do you see " هيا تنحي جانبا الا ماذا تنظرين "
هديل توهقت وبعفويه قالت بسرعه : شتبيين (حست وجهها حمر احراج على خجل وقلبها يعورها )
...: انتي عربيه
هديل بصدمه : تكلمين عربي
...: اوووه انا قاعده افهمج صارلي ساعه وطلعتي خليجيه بعد
هديل تنحت : تكلمين خليجي
..: ههههه اي اتكلم خليجي صار لي ساعه اقول وخري شوي ابي امر انتي مو معبرتني كلش
هديل باحرااج وبطريقه طفوليه: ها اي ماعرف انجليززي
..: شنو عيل شلون كملتي وتداومين
هديل توهقت : انا صارلي ثاني كورس وو مادري عمي جابني اهني
..: عمج اا المهم ما علينا انا اسمي نوال من البحرين وانتي
هديل ارتاحت لها : هديل من الكويت
نوال : تشرفت فيج تدرين شلون امشي نروح نقعد بكوفي واعرف شسالفتج شكلج ضايعه بالجامعه
هديل ارتاحت لقت احد يساعدها وبنظرات كلها احراج وخجل : اي والله ياليت لانه حدي متوهقه
....
عند قروب مشاري
منال : وويع وييع مو منصجها صار لها سنه واهي تجي صوب الهندسه غباء ولا شنو ياربي
وليد : ماله شغل البنت لو تدل طريق ماجت اهني ومن شافت شيّفكم خرعتوها بدال ماتساعدونها وتدلونها تمصخرونها
منصور : شكلها مايساعد كلش
مشاري : وليد شفيك تدافع عنها هامتك حيل اشوف
وليد : ماله شغل بس مالكم شغل بخلق الله يمكن صج ماتكلم و انتوا فالحين طنازه فيها
عمر : الا اقول تعطونها اي جنسيه
وليد : طالع هذا انا اروح كلاسي(محاظرة ) ابرك منكم وراح
منصور يستعبط : سيرلانكا
مشاري: والله انت الي شكلك منهم
منصور : اقول عاد مشيري لاتغلط
عمر : طالع هذيل تهاوشوا خلصوني والله جد اسأل
مشاري: انا اقول يبا اهي زبده بيضا وجسم منيكاان مستحيل انها تكون خليجيه
اريام عصبت : لاوو الله شفينا ان شاءالله
ريم : حبيبي احنا ملح وقبله مافي مثلنا
منصور يطفرهم : لا اجل خليجيه بس اغسل ايدك تطلع كويتيه
اريام تحط رجل على رجل : مووت حررره حاصلك كويتيه
منصور يخززها
مشاري : انا اقول ملامحها عربيه يعني ي سوريه او ارددنيه يعني من الشام
عمر : اي و الله صاج
اريام : ماففي ثقه بالانتاج الوطني كلشش
ريم : الحين انتوا مو توكم تطنزون عليها وجهها كله كابه وجثه تمشي فجأة تمدحونها
عمر : اهو شوفي صج شكلها مريضه ومادري شسالفه اللي من داومت واهي مريضه بس هذا مايخفي ملامحها
منصور : اي والله صحح و لاجسمهاا عذاب
منال : حلااتها تطلع كويتيه عشان نبط عيونكم
عمر : اي خير كويتيه اقولج ززبده
منال: ليش مافي بيض بالكويت وين عايشين بافريقيا وبعدين لحظه لحظه منو يتكلم عالجمال مو ناقص الا انتووا
مشاري: ليش شفينا
منال شالت كتبها وقامت : سحووت جييااككرر وووع
اريام : جللح (السماار الخايس المبقع لوووول اقرب مثال )
مشاري : هههههه حاصلج سمر انتي تكفين ي انصع بياضا
منال : لا انا ببيضه بس اسوي تان
عمر : خلااص متفقين جذذي يعني السمر حلوين
منال انقهرت
منصور : هههههه
مشاري : حبيبتي هذيل السمر تغنووا عنهم اهل الطرب
اريام شالت كتبها وقامت : بدت العنصريه يلابنات مشينا
عمر: هههههههههههه
.....
بالحديقه
هديل انجبرت تقولها قصتها كلهاا لانها محتاجه مساعده
نوال مصدوم : هذا مو انسان في احد بهالزمن يسوي بنت اخوه جذي
هديل ساكته
نوال : انزين مادق عليج
هديل : امبلا بس مرتين من وصلت اهني
نوال ماتدري شتقول ماتوقعت قصتها جذي : انزين شرايج تروحين سفارة الكويتيه و وترجعين ديرتج
هديل : ماقدر
نوال : لييش
هديل مخنوقه ماتبي تقول اكثر : عمي حاط علي منع سفر
نوال : لا هذا مو صاحي (بعد فتره ) اووبس سورري هدول والله مو قصدي
هديل : لا عادي انا بس ابيج تساعديني انا مو عارفه ولا شيء
نوال : انا مستغربه شلون مشيتي نفسج الكورس اللي طاف والكورس هذا
هديل : من قروب تطوع طلاب كويتين ساعدوني ونفس شيء الكورس هذا
نوال : ليش ماقلتي لهم قصتج
هديل : ما قدرت عبالج ماحاولت
نوال :انزين اخذتي رقم احد فيهم
هديل : لاا انا من اللحظه اللي جابني اهني عمي وانا مو قادره افكر احس تفكيري انشل مادري مادري شلون اقولج
نوال : لاتحاتين راح اسأعدج بس اول شيء وريني جدولج
.......... وبدت نوال تساعدها على قد ماتقدر ومع الايام معاها نوال تساعدها وتدليها وين المكتبه والحدايق والكليات شنو ..ألخ وعطتها جم كتاب مبتدئين اللغه الانجليزيه يساعدها شوي وفعلا تحسنت شوي
بعد اسبوع
عند قروب مشاري
عمر ومنصور ومشاري بس الموجودين الباقي محاظرات
عمر : مو ملاحظين شيء غريب
مشاري: امبللاا ملاحظ
منصور يتثاوب : لا شنوو
عمر : البنت الطرما ( الخرسا ) صار لها اسبوع ما تنشاف
مشاري : ليكون ماتت
عمر :يمكن ههههه
مشاري بعد فتره : اهي وين تدرس تعرفون
عمر : مادري عنها شدراني
مشاري سحب عمر وقام
منصور : وين رايحين شباب
مشاري : تعالل
وراحوا معاه صار له ربع سساعه يفتر بالجامعه
عمر وقف مشاري : انت وين رايح ي خي دوختنا
مشاري : بدورها
منصور : تدور منو
مشاري يتطنز : البنت الطرما هههههه
عمر : توني ادري انك تافه انت صاحي جامعه شكبرها فيها ستين الف كليه تبي تدورها لا وبعد ماتدري اي كليه
منصور : انا اشهد انك حششت
مشاري : هههههه يبا اشفيكم بطمن عليها بشوفها عايشه ميته بعرف
عمر : والله مو هين يبي يتطمن حسستني حبيبتك
مشاري : تخسي بس جذي فضول ابي اعرف وين اختفت صار لها اسبوع
منصور : بقلعت وادرين احنا شكو تالّنا ( ساحبنه ) معاك
عمر : اي والله صاج وبعد يمكن اسحبت اوراقها من الجامعه لاتنسى طفرناها
مششاري بملل : ماعلينا يالله باقي جم كليه امشووا
منصور : بابا روح افتر برووحك ماكو شغل
مشاري : وانا شقايل
عمر طالع مشاري وشاف اللي وراه
مشاري :شفيك ؟
عمر اشر برأسه على اللي وراه وبسخريه : الطرما
مشاري بدهشه :هديل
ولف وطالع فيها
منصور : منو هذي اللي معاها
عمر : مرشدتها السياحيه هههههههه
مشاري : وانا اشوف وينها مختفيه اثاري لقت المساعده
منصور : شباب تكلم لاتطوفكم
عمر بعبط : وين
منصور : ويين بعد من فمهاا
مشاري : وشفيها صايره طرما عندنا
عمر : انا ادري
عند هديل انتبهت لهم ولاشعوري لزقت بنوال ومسكت ايدها
نوال : شفييج
هديل : هاا لا ببس ( ولفت تطالع شباب )
نوال لفت للمكان اللي تطالعه هديل وشافت ثلاث شباب اشكالهم مجسمين اوفر وسمرر وبينهم واحد شاذ شكله
نوال : وي مصيبه هذيل شباب ولا شاحنات
هديل ضحكت غصب : هههههه
نوال : وي مصيبه هذاك اللي بنص يخررع (تقصد مشاري )
هديل : لاتطالعينهم خل نمشي تكفين
نوال : شنو الجامعه جامعت ابوهم ماكو شغل خل يولون زين
واهم يمشون ونوال طبعها تحب تعلق
نوال : وي هههههه شوفيهم نفس اللون ودررجه بعد
هديل لفت وضحكت
قرب مشاري ومعاه ربعه
مشاري : اهلا اهلااا
نوال اخترعت بس تمسكت بهديل وهديل هم خايفه
نوال : نعم بغيت شيء اخوي
مشاري بتجاهل : هي انتي ( يكلم هديل ) طرمما مالج لسان اشوفج تكلمين منساع
عمر : يبا انت منو تكلم ؟
منصور : شوف هذي ميته بس متحنطه يعني شلون ..(يكلم هديل )انتي تاكلين نفسناا
نوال انصدمت من اسلوبهم " يماا هذيل شيبوون "
هديل تبلع ريجها وتبي تمر
ولا مشاري ماسكها من ن تيشيرتها من جدام وسحبه حيل هديل شهقت
نوال : هددها ا انت ماتستحي هذي بنت شلون تمسكها جذي
مشاري : كيفي انتي مالج شغل
هديل ماسكه تيشيرتها وتحاول تفك ايده
مشاري بحقاره قرب منها يوزع ابتسامات : شنو شفييج مستحيه شنو حتى انتي عندج صدر بعد وتبين تغطينه (ويسحب التي شيرت ازيااده ) نوال شهقت
مشاري ييطالع بوقاحه : ههههه لا بأس فيه
هديل دموعها نزلوا وبهمس : هدني الله يخلييك
نوال بعصبيه تحاول تسحب هديل: هدها و ولا انادي لك الامن الحين
عمر : ههههههه خوفتينا بالامن روحي نادي اشوف
نوال خزته : انتوا شنو مافي بدمكم حيا ماعندكم غاريه هذا بدال ماتشوفنها خليجيات وبالغربه تساعدونها ومو تسون جذي
عمر : انجعمي لا اسوي لج نفسها
نوال انصدمت ومسكت قميصها من عند صدرها (تحمي نفسها ) :....
بالحظه نفسها مشاري قربها له حيل ( صدرا مكشوف بحيث انه ساحب تي شيرت حيل ) : ما اسمع عيدي
هديل تشاهق وباحراااج : هددني تكفى
مشاري دززها رجعت ورااه و تيشيرتها توسسع وبسرعه غطت صدرها ولما دزها مشاري كان مغطي عليها بحيث انه ربعه ماشوفوا شي
هديل طالعت فيه فتره مصدومه و وسحبتها نوال : امششي امشيي
و راحوا
نوال :عمى بعينهم مايستحون يستقوون علينا بس عشان شافونه ضعاف
هديل تبجي ورافعه تيشيرتها من جدام متوسع وتقريبا انشق
نوال نزلت سكارفها ولفته على رقبة هديل وغطت صدرها
هديل تبجي مو مصدقه اللي صار
نوال : انا اسفه ياليتني اقدر اسسسوي لج شي ولا وقفتهم عند حدهم
هديل : لا انتي مالج شغل لاتدخلين مرة ثانيه عشان ماتأذين منهم مابي اجيب لج المشاكل
نوال : قهروني ليش سووا لج جذي بعرف
هديل : ...
نوال : تعرفينهم
هديل : لا بس جمعني معاهم كذا موقف وكانو يتطنززون علي ومعاهم بنات وو دايم اغلط واروح كلية الهندسه واضيع مبني محاظراتي
نوال : اهاا ليش يايين عيل كليتج ,,جنهم كانو يدورون عليج
