البارت 33
....
داليا : وانا ماقلت شي احنا رايحين داخل الكويت رايحين
مشاري : غير هالحجي ؟؟
ياسمين : لا قصدها مركز سلطان
جراح : احلفي بترقعينها يعني
تحررير : لاعاد مو منصجك مو من بعده مركز سللطان
مشاري يتطنز : لا صااجه مو بعيد قريب
ياسمين : بلليييز مششيري تككفى الله يخليك
تحرير : اي اي تكفى اانا اول مرة اطلبك تكفى
داليا : تككفى مشاري الله يخليكك
وقامو ييتكلمون بأصوات متفرقه ومع بعض كلهم ( تخيلو بسياره بنات يتكلمون مع بعض بوقت واحد )
مشاري بحده : بسسسسس
سككتوا
مشاري : مزعجات والله
ياسمين مسكت زنده : مشيري حيااتي انت ي عمممري تكفى لاتردناا انت مودينا الجمعيه مودينا
مشاري لف عليها : خلااص اوككيه زززين بس اقرب فرع لمركز سلطان غيره انسوا
داليا بصوت واطي قالت : يس
مشاري استغرب سكوت لييال طالعها بمنظرة السايق شافها ساكته : ليال
ليال طالعت بالمنظظره اللي اهو يطالعها فيه : هلاا
طالع بعيونها وقال : شفيج ساكته
ليال بهدوء : لا ولاشيء
مشاري : ششاركينا الحديث عالاقل
ليال بهمس : ماعندي شي اقوله
ياسمين : مافيها شيء بس شوي راسها يعورها
مشاري يطالع بعيونها واهي تطالع فيه طول واهو يخزهاا وبسرعه نزلت عينها وقلبها يدق
جراح " ردت شكوكه انها اهي ليال اللي راح لها عبدالرحمن وقال لازم اكلم ياسمين السالفه مصخت "
ياسمين دشت الواتس اب ودخلت على جراح وقامت تنادي
" ج"
"ر"
"ا"
"ح"
وتعيد الاحرف
ورن الواتسب عنده اكثر من مره وقال مشاري : ي عمي رد عالمطيوور هذا شوف شيبي
جراح عرف انها ياسمين اهي الوحيده هذي حركتها
دخل وقال
"هلا "
"هلا "
"هلا"
"هلا"
ياسمين "ليال طلعت اهي نفسها اللي راح لها عبدالرحمن "
جراح ماكان منتبه لككلامها وكان مركز عالااحررف ويكتب " هلا"
"هلا"
"هلا"
"هلا"
ياسمين " جرااااااااااح انا اكلمك لا تستخف دمك "
جراح قرا المسج اللي فوق ودزلها فيس مصدوم ":I + @@ "
جراح " احلفي "
ياسمين " والله قالت لي ليال و ماتلاحظ شكلها متغير عن قبل وكله سرحانه واليوم رحنا الجمعيه عشانها نبيها تغير جوو "
جراح " الحين البنت متضايقه تودونها الجمعيه حق البلعه بسس "
ياسمين " اي شنسوي "
جراح " انا اكلم عبدالرحمن واقوله دام جذي انحلت المشكله اجل "
ياسمين " اي ان شاءالله يتزوجون على خير ونخلص "
جراح " ان شاءالله ويلاطسيي " وطلع من الواتس اب وسكر تلفونه
ياسمين انقهرت من حركته ودزت له فيساات معصببه وطلعت ودشت الانستغرام
بعد فتره وصلوا مركز سلطان ونزلوا البنات وقال مشاري : هي هي انتي وياه
لفوا البنات
مشاري : انطروا بنروح معاكم
ياسمين : مشيري عاد شنو اول مره ندش الجمعيه بندخل لاتصير مليغ عاد
تحرير : مو منصجك
مشاري مشا وقال : امشوا جدامي وخلوا الخبال يلا عاد
داليا تمشي جنبه : احسن شي صفنا طابور مره وحده جهال احناا
مشاري عطاها افا : جب انتي لا احطج بدبة السياره
داليا مسكت رقبتها بألم : ايييي هفف
جراح يمشي جنب مشاري وكان مركز على ليال وليال لاحظت هالشي بس ماهتمت
جراح لاحظ شكلها غير حيييل عن اول مره شافها وقال بقلبه " حسبي الله عليج ي مها "
ودخلوا البنات
داليا وتحرير سسله ( عربانه )
ليال وياسمين سله
مشاري يطالع فيهم : ان شاءالله ماتقشوون الجمعيه كلها
ياسمين : بفلوسناا
وودزت سلتها
وكان وقتها 10 الصبح و الجمعيه فاااضيه
الكل رايح مخيمات مزاررع محد فاضي يعني
وقال جراح : ماعليكم منه انتشرروووووواا
ماصدقوا خبر البنات ياسمين دزت سلتها وتركض وتحرير نفس الشي اما داليا ورا تحرير تركض اما ليال تمشي تتبع ياسمين
جراح يطالع داليا ويضحك : هههههه مشيري طالع داليياا شلون تركض اهي ونظاراتها هههههههه
مشاري : هههههههههههه يمه يمه على رقيقه انا ماتحمل ههههههه
صج ركضتها تضحك جنها تدلع بس اهي طبيعتها جذي ( لابس نظارات كارتير اسود ( ماك جكن ) )
دق تلفون جراح وقال : هلااا فوااز
عبدالرحمن :انا حمني مو فواااز
جراح : حممني انت مو ناسي شي
عبدالرحمن : امبلى داق عليك ابيك تجيبه
جراح : اقول مالي خلق امرك تعال بمركز سلطان اللي ب ...
عبدالرحمن بملل : انزين على الاقل بالديره يلا اوكيه جايك
جراح : قريب انت
عبدالرحمن : اي قريب عطني 10 دقايق
عند تحرير وداليا
داليا وقفت السله وقالت : لحظه تحرير بركب بالسله
تحرير : هههههههه بزر انتي تركبين داخل
داليا : يووو اي اي بزر ابي اركب فيني فصله
تحرير : ي العبيطه احنا بالجمعييه
داليا : مافيها احد الجمعيه فاضيه
المهم ركبت السله داليا وتحرير تدز السله واهي ميته ضحك عليها وداليا قاعده متربعه داخل السله و وتاخذ كاكاوات من الارفف وتحط وواخر الممر لفوا
وقالت تحرير واهي تدز العربانه : لاا هذا مال بهارات ومادري شنوا
داليا داخل السله متربعه وقالت : رف البطاط مناك امشي
تحرير تدز السله : هههف داليو انزززلي تكفين ثقيله ترى انتي
داليا : حيااتي وزني 58 رشيقه ي عووومري قولي مالج خلق
تحرير : وووويع خلصي وبعدين هذي سلة اكل مو حق نعجه نفسج تركبها
داليا تنرفزت : جااااااب ودزي يالله ونزله ماني نازله
تحرير تحلطم واهي تدز السله وتوهم بيلفون على رف الثانيي ولا يطلع جدامهم
مشاري وجراح وعلى رراسهم علامة استفهام ؟؟؟؟؟؟؟
مشاري @@ بحده : شنو هذا
دالياه : هاااع شنو يلا وخرو نبي نمر
جراح مات من ضحك : هههههههههه ولججج انززلي انززلي فضحتيناا
داليا بعنااد :مابي ماببيييييي
مشاري استوعب شكلها ومات ضحك : فيج نقص طفوله انتي انزلي
تحرير : تكفى مشيري دز السله عني ولا نزّزل سحيله هذي
داليا : ماني نازله ولا راح يدزها بدزينها انتي
مشاري : ي حليلج عشان انا ثاني يوم نازل بالكيك حق الفضايح
جراح يضحك : داليا والله منصجج انزلي يالخبله
داليا : ااووووووه مااابي
جراح فتحه تلفونه وصورها واهو يضحك وقال : صورتج هذي بدزها بالققروب انا اعلمج مابي
داليا : عاااااادي ( حطت فبالها مارا يدز الصور بس يهدد) المهم مشى الحال جذي واهم ياخذون اغراض السهرا
جراح ومشاري معاهم و يستعبطون على داليا ويضغطونها واهي طاااف
دق تلفون جراح : هلاا
عبدالرحمن : انا داخل الجمعيه انت وينك
جراح : انت وينك انا اجيك
عبدالرحمن : صوب رف المشروبات الطاقه وعصاير
جراح : يلا جايك وسكر
عند ياسمين وليال
ياسمين : ليوووول يلا عاد اضحكي شفيج خلاص انحلت المشكله ليش متضايقه مو احسن من انج تطلعين ماتعرفين منو احمدي ربج انه عنده ضمير لو واحد غيره والله ما سأل فيج
ليال تنهدت : الحمدالله .. ماخلصتي انتي
ياسمين : امبلااا بس ابي رد بول وابي فريز
ليىال : يمكن البنات اخذوا
ياسمين لفت على رف العصاير واهي تقول : عاادي ناخذ زيااده
وقفت السله عند الثلاجات وفتحت الثلاجه واهي تاخذ فريز
ليال تساعدها وتحط معاها ولفت راسها لا ارادي وانصدمت بالشخص اللي واقف جدامها وعيونها صاروا جذي @@@@
عبدالرحمن كان ياخذ رد بول وسكر ثلاجه وانتبه باللي واقفه ججدامه وقال بهمس : ليال
ليال شهقت بصدمه وحطت ايدينها على فمها
ياسمين مسكت جتفها وقالت : شفيج
ولفت مكان ماتطالع ليال وقالت : منو هذا
ليال بصوت مخنوق وودموعها تنززل : اهو اهو الي اعتداء علي
ياسمين استوعبت @@ : عبدالررحمنن
عبدالرحمن من صدمه ما يدري يروح يكلمها ولا يوقف ولا يطلع من المكان
فجأه جراح جاي من صوب البنات وراح له وقال واهو رايح صوبه : حمني ( وطلع التلفون من جيبه )
جراح استغرب ليش عبدالرحمن يخز ياسمين جذي نسى اللي معاها وتنرفز ولف عالبنات شاف ليال تبجي وحاطه ايدينها على فمها
استوعب جراح وراح لعبدالرحمن وقال : اهي صح
عبدالرحمن مو مصدق عيونه ولف لجراح : اااهي جرااح اهي نفسهااا اللي جداممي
جراح لف عالبنات شاف ليال توخر ايد ياسمين واهي تركض ولحقتها ياسمين واهي تناادي ليال
جراح : صراحه انا كنت بقولك انه اهي نفسها ليال بنت خالة ياسمين اللي رحت لها بس كنت شاك واليوم ياسمين كلمتني وقالت للي
عبدالرحمن : صج تكلم جرااح
جراح : اي والله وان شاءالله تكون من نصيبك
عبدالرحمن بضيقه : امين .. بس لما شافتني اخترعت وقامت تبجي
جراح لف عليه : شي طبيعي اللي سويته مو شويه بحقها ترى
عبدالرحمن :ادري وتنهد وقال : وين تلفون
جراح عطا عبدالرحمن تلفونه وراح عبدالرحمن
جراح اخذ السله يدور البنات ودق عللى ياسمين
عند يا سمين
ياسمين : ليول حيااتي خلااص هدي
ليال تمسك ايدها واهي تبجي : مو قاادره مو قاادره احس في شيء اهني يعوؤرني ( وتأشر على قلبها )
ياسمين كسرت خاطرها ولمتها واهي تمسح على ظهرها : خلاااص حبيبتي خلاااص ان شاءالله يكون من نصيبج
جراح كان يدق عليها بس وقف لما شافهم وشافها تبجي بس المكان غلط وراح لهم وقال
جراح : ليال خلااص هدي وان ششاءالله تنحل المشكله
ليال استحت من وجود جرااح وامسكت نفسها وقال جراح : هدي المكان مايسمح تررى ,, انج تبجين لو شافوج البنات راح يسألون شفيج
ليال اسكتت ومسحت ادموعها
جراح يكلم ياسمين : تبون تاخذون شي بعد
ياسمين : لا خلصناا بس هذي اغراضنا
جراح سحب السله وقال : يالله امشوا الكاشير
وصلوا الكاشير وكانت ياسمين ماسكه ايد ليال وتهديها
فجأه طلعوا جدامهم تحرير وداليا وشلون منظرهم
ضحكوا ليال وياسمين من قلب
ياسمين : انتي من صجج دالييا
داليا : ااي
مشاري يمسكها من زندها وبحده : اانززلي خلاااااااص
داليا : زززين
واهي تمسكت بتحرير عشان تنزل ونطت وانزلت بنفس الحظه مر واافد (من جنسيه عربيه) اهو وزوجته يطالعون فيها ناقدين عليها
داليا طنشت
مشاري : هههههه ولج فضحتيناا فضحتييينااااا
داليا : اصلاا عااااادي (وقالت واهي تمد بالكلاام واهي رافعه ايدينها وتسوي حركه الاقتباس "حركة يعقوب عبدالله بمسلسل البيت بيت ابونا ") i don't care بالعربي مو هاااااامني شاااااي
جراح : الحمدالله وشكر
ليال بعفويه : الحمدالله على نعمة العقل
داليا : حيااتي خليت العقل لج والله مايعيش بدنيا الا اللي ماعنده عقل واللي عنده يشييب راسه
مشاري : انتي مافيج طب
تحرير : هههههه من زمااااان
وحاسببوا وطلعوا واركبوو سياره وردوا المخيم
....
ساعه 6 المغرب البنات حاطين لهم فرشه وحلوياات وكاكاوات ... ألخ ومسوين لهم جوو
داليا : ووووييييع شوفوا منواللي جاي
ياسمين : بدا بدا ازحف الصهيوني
تحرير : هههههه اي و الله صاجه
جراح ومشاري وخالد وسلطان وفيصل
فيصل : السلاااام عليكم ي الحلووواات
البنات : وعليكم السلاام
قعدوا الشباب معاهم
داليا : ههي انتووا منو عزمكم يلاا قوموا مانبيكم
خالد :طسيي اقول مو عللى كيفج
مشاري : منو اللي وادكم الجمعيه
البنات يتحلطمون وموعاجبهم باصوات متفرقه : ندري منو .. انت .. انزين المطلوب .. خلاص قوموا
جراح : شنو بعد نبي ناكل معاكم
سلطان ياخذ كاكاو : الله حركااات مسوين لكم ججوووا
جراح : منو شب لكم الحطب ؟؟
تحرير : باباتي
جراح :ووويع مو لااايق (يقلدها ) باباتي
فيصل : جراح شلون قالتها ؟
جراح يقلدهاو ينعم صوته : باباتي
قامو يضحككون
تحرير : هها هاهاها مليغ ماتضحك ترى
داليا بملل : انززين شتبون الحين مانبيكم
مشاري : تبينا نقوم يعني
البنات : اأأأأي
جراح وخالد مدووا ايدهم عالصحون يبون يشيلونها
كل وحده نقزت من مكاناه : لأأأأأأ لالالا
سلطان : خلااص اجل نقعد وانطموا خل اشوف عنز فيكم تكلم
البنات كل وحده يطلع دخاان من اذنها معصبين ماعاده ليال لانها مو مهتمه عادي
مشاري كل شوي يطالعها واهي حاسه بنظراتها بس تسوي روحها ماتشوف لانه تدري بنهايه مو لها
عند جراح تذكر شيء وطالع داليا وضحك ويشوفها واهي تكلم تحرير (وقال بقلبه انا اوريج ) الصوره االجمعيه كتب عليها مطلوبه لأمن الدوله دزها على قروب خواله (القروب فيه خوال ياسمين وعمامها لانهم اساسا يصيرون البعض )
داليا : بنات شرايكم نلعب
تحرير بملل : وويييع انتي صج فاضيه
ياسمين : شهالمزااج اللي علييج
داليها : شفييكم احسن من قعدتنا هذي وبس نبللع
فيصل حاط صحن البطااط بحضنه وياكل وبأيده كاكاو ايي احسسن رووحوا ألعبووا خفففوا اللي اكلتوا منساع
ياسمين : حررريمتكك والله عشاان نخلي هذا كله لكم
خالد : مصيببه صابتها مايطوفها ششيء
سلطان فجأه : هههههههههههههه
الكل طالع فيه مستغرب ماعدا جراح يبتسسم على خفيف
مشاري قاعد جنب سلطان وقال: شفييك
سلطاان عطى تلفوننه مشاري
مشاري ماات من ضضحكك وقال : شوفوا القرروب بسررعهه ههههه
االكل مسك تلفون ودشوا القروب فجأه الكل : ههههههههههههههه
وتعليقات بالقروب كله ضغاط على داليا
ماعدا داليا وجهاا صار احمر وعصبت وقامت وواخذت معاه بطل فريز فاضي واهي تقول : انا مطلووبه لأمن الدوله انا اوريك
جراح حط رجله وانحاش وداليا تلحقه : تعااااااااال
مشاري : يويلك انقلبت اثيوبيه ههههههههه
تعبت واهي تلحقه وقفت واهي تنفس بسررعه
جراح من بعيد : هههههه هااا ماعندج لياقه حراام
داليا حذفت بطل الفريز جدامه بزعل وقالت : لاتكلمني ززين
ورجعت واقعدت بمكانها
جراح رجع وقعد واهو يضحك : شدعوا ميت عليج الحين [ قلت لكم جراح غشمرته مالها حدود ]
بعد فتره الكل لاهي بسوالف سلطان لف لاخته لاحظ هدوئها وقرب منها وقال
سلطان بهمس : شفيج
داليا تلمس نظاراتها الكارتير (الايطار مربعات كبار واسود ,ماك جكن,) وتحركه كاتمويه تخفي ضيقتها
داليا بهمس : شفته شسوى دز االصوره عالقروب
سلطان :...
داليا طالعت بأخوها : شفت تعليقاتهم
سلطان : من الاول ليش تركبين السله.. شهاللقافه؟
داليا بحزن وتحاول تبلع غصتها : شفت الجمعيه فاضيه قلت بستانس شوي اهو صورني بس قال بدزها بس ماتوقعت انه من صجه عبالي يتغشمر
سلطان عدل قعدته وقرب لداليا وحط أيده وراء ظهرها وقربها له : تبيني ادوس بطنه
داليا بضيقه :... سللطان انا من صج متضايقه وانت تستظرف
سلطان : خلاص ولا جنه شي صار وانتي تعرفين جراح غشمرته ثقيله
داليا لفت على اخوها وصارت مقابله لوجهه : بس ماتوقعت لهدرجه والله قهرني انت شفتهم شقالوا بالقروب انا ما غثتني الا دللاللووا هذي وواحمممدوو الفق..
سلطان حط ايده على فمها وقال : عيبب هذا خالج ما يصير تكلمين عنه جذي
طالعته بنظره اهو يعرفهاا عدل وحافظها قرب ايده ودخل اصبعه تحت النظاره ومسح طرف عينها وقال : ماتوقعت دلووي تنزل دمعتها على تفاهه
داليا سكتت واهي رافعه حاجب وتطالع تحت
سلطان : خلاااص دالليوو والله الجو بدونج موححلووو طالعي شووفي يحاولون يستضرفون دمهم ي اخي والله دقيقه تمر بدون السانج هذا انا ما احبها
داليا ضحكت غصب
سلطان : اي جذيي ورييني ضحكتج ,,(وفجأه لف راسه وقال) ااناااا جوووعااان متى يحطططون العشااا
داليا ضحكت عليه تو يتكلم معاه ويواسيهاا
خالد: اي والله صاج ذبحنا الجوع
فيصل : تحرير روحي ششوفي خلص العشا ولا بعد
تحرير بكسل : ووويه مالي خلق
فيصل بحده : ولججج خلصصصصي
مشاري : ولج ولج ولك ولك وين قاعدين احنا
تحرير قامت واهي مالها خلق
خالد : نلتقط من بعض المصطلحات ال...
مشاري يدقره : جب جب جب جب جب
خالد : اي الهيس انا اعلمك
مشاري ينسدح : ماللي خلق خله بعد العشاااء
خالد : يصير خير انا اوريك
مشاري لف لـ ليال طول الوقت ساكته يتمنى لو يدخل مخها ويعيش بأفكارها وتنهد وهو يطالعها
عند جراح رن تلفون ورررن ورنن
فيصل : جرااح ررد على تلفونك هذ لأ اكسره
جراح : مالي خلق ياخي رقم ماعرفه شكو ارد عليه
فيصل : ايي يمكن احد يعرفك
جراح : ياخي ماني راد اخاف يطلع احد انا ساحب علييه وقاطع عنه وانا توني مغير رقمي مالي خلق
مشاري : شووف جريح يا تردد ي انا برد على الرقم وخل يطلع بسس من هالناس اللي تكلم عنهم
جراح فز وقال : لايبا خلااص (واخذ تلفونه وقام وابتعد عنهم )
ونطر ارقم يدق وفعلا ماطال انتظاره
جراح : ألوو
..:أهلييين
جراح ميز صوت بانه بنت واستغرب من ألحاحها بالاتصالات : هلا اختي بغيتي شيء
البنت : اامم انت جراح الـ.... عدل
جراح : اي نعم خير في شيء
البنت : لا بس انا حبيت احذرك
جراح بستنكار : تحذريني ؟
البنت : ياسمين
جراح استغرب اكثر : ياسمين شعرفج ففيها انتي تعرفينها ,,,, لحظه لحظه تحذريني منها
البنت بهدوء غريب ونبره هاديه : اعرفها اكثر من معرفتك لها
جراح زاد استغرابه :...
البنت : ديربالك منها ترى تخطط وترسم عليك واليوم كلمتني تقولي خطتها وانا صراحه خوفا عليك قلت احذرك
جراح بشك : شنو الدليل على اني اصدقج
البنت : ههههههههههههه
جراح تفاجئ من ضحكتها الغريبه :...
البنت : مو لازم تصدقني انا اللي عندي قلته بس ياسمين راح تسوي شي انت بنفسك بتنصدم منها بس انطر ساعه 1 بليل سساعة الموعد المتفقه عليه تنفذ خطتها وشوف بعينك بااااي ي حلوو
جراح :ألوو الو لحظظه
بس انفصل الخط استغرب من المكالمه الغريبه تحذرني من ياسمين لكن قال فجأه الحمدالله وشكر وانا مصدق خل تولي زين لا الا ياسمين مستحيل لو تقول الصبح ليل والليل صبح بصدقها واجذب العالم كله انا اثق فيها مستحييل ..استغفرالله انا شفيني خل الروح اقعد معاهم احسن
خالد : هااا شصار منوو
جراح :....
خالد : جراااااح
جراح : هلاااا
خالد : منو اللي كان عالخط
جراح بلع ريجه وقال : هندي غلطان
الكل : هههههههههههههههههههههههه
ياسمين ماتت ضحك : الحين شاد حيله ويدق علييك كسر تلفونك من الاتصالات واخرتها هندي غلطان
جراح يطالعها بنظظرات وقال واهو يبتسم بغرابه : بعد هندي مخه مقفل
" اللي صار من ساع ولا جنه صار ماصار شيء مسحت المكالمه كلها من مخي " (والحقيقه انه صدق كلام البنت ودخل مخه ولكن يحاول يقص على روحه بالحوار اللي دار بينه وبين نفسه)
جراح : وين العشا ترى صج جوعانين
تحرير : يلاا الحين تجيبه قلت لها تجيبه اهني
فيصل :زين احسن
مشاري : تعال سلطان حامد وينه ؟
سلطان : يبا حامد بس اول يومين قعد بالمخيم بعدها رجع الديره
مشاري: انا مادري وين يطس هذا
فيصل : يبا مو شيء غريب هذا حامد مانشوفه الا بالسنه مره
مشاري : انزين يروح وين
خالد : ماندري عنه يقعد معانا ويضحك ويسولف فجأه يختفي
فيصل : والله انا حاس انه هالحامد وراء مصيبه
سلطان : يبا اسكت مو ناقصين مصايب احنا بروحنا مو مترقعين
جراح : اي و الله صااج
...
بمكان ثاني
بخيمة نهايه ساعه 11 بليل
بثينه وهنادي
حاطين القهوه و الشاي
بثينه : والله احسن شيء سويتي انج حطيتي القهوه واشاي بخيمتج وعزمتينا
هنادي : انتوا شفتوا بنت بسمه وي لا حيا ولا مستحى هالبنت
نهايه : اي والله نست نفسها ونست شنو سوت قبل 4 السنين
بثينه : الشرهه مو عليها الشرها على اخوانها اللي ما قطعوا رقبتها
هنادي : لا ياليت لى هذا وبس الاخت طايحت له سوالفه ومياعه مع جرااح حشى جنه زوجها
بثينه : حلات احد يقط نغزه على بسمه اهي وبنتها يحسون على دمهم شوي
نهايه : وششدعوا ما قطينا نغزات
بثينه : صصج وشقالت
نهايه تقلد صوت بسمه : وي اصلا اهم خوان ورابين مع بعض (وردت لصوتها الطبيعي ) وطبعا لازم يتكلم المحاميي (تقصد منال وقالت ) ردت علي اي شفيج نهايه من عمر ياسمين واهي بيتي ومع ولدي
بثينه : الحمدالله والشكر بس الله لا يبلانا مو مسستوعبه انه بنتها اكبررت ولا شنو
نهايه : لا وهذاك اليوم انا بيت بسمه ولا ياسمين جايه من الكليه ساعه11 بليل وممع منو جرااح والله العالم اذا صج جايه من الكليه ولا من وين ؟؟(زادت بهارات شوي ولا صج ساعه قريب 9 )
هنادي تحط ايدها على راسها : وي وي وي مصيبه هذي ماتستحي اهو وللد مايعيبه شي بس اهي بنت
نهايه : لا واكثر من هذا كله منال تدافع وووي شنو احتررريت وقتهااا
بثينه : قطييعه صج لي قالوا ان لم تستحي فافعل ما شئت
هنادي : وشكلها متعوده الاخت تطلع ماترد الا 11 وفوق
بثينه : اي يمكن ليش لا بعد اللي صار ,,انتي شفتي صورها كله شورتات حفر و وفوطه لافته وتوصل لي فخذها
نهايه : اي والله ولا شباب اللي دقووا للأحمد وصالح ومبارك يتشكون من ياسمين
بثينه: مصيبه صابتها تدور ريااجيل ام رياجييل
هنادي : والله مو لاقيه اللي يضفها اصبري لاحقه على رزقج (تقصد الزواج)
بثينه : وشدعوا اهي بتزووج ولا اهلها راح يرضون
نهايه : اي والله صج
هنادي : بس مصيرها راح تزوج البنت
بثينه : حبيبتي اللي طلعت عليها سوالف وانفضحت وطلعت سوالفها وسهرات اللي تروح لها اخر الليل ومع شباب توقعين انها بنت .؟؟ اكيد مو بنت وابصم بالعشره مو بنت
نهايه : لا وبعد شوفي جم واحد نايم معاها وشبعان منها
هنادي : وي استغفرالله لاتحطوون بذمتكم الا هالشيء عاد
نهايه : وانا عند ربي صاجه اهي بنفسها ماراح تزووج وماراح يزوجونها الا الواحد اخوانها يدفعون له عشان يستر عليها
بثينه : ومنو اللي بيرضى على نفسه هالشيء
نهايه : والله حبيبتي ضعاف نفوس وااجد ويموتون بالفلس
بثينه : انتي شوفي لبسها كله ماركات اكيد يدفعون لها فلوس بمقابل
نهايه : ويع خلاص ترى لاعت جبدي من الموضوع احس كل ماشفتها تلوع جبدي منها
بثينه : اكيد زباله هذي
نهايه : وي خلاص مانبي نتكلم عنها انا وراي بنت بعد (صح النوم )
بثينه : اي والله استغفرالله الله يستر علينا وعلى بناتنا
تكلموا عن البنت ووطعنوا بشرفها (قذف المحصنات ) يعتبر من الكبائر ماخفوا ربهم فيها ناس قريبه منها طعنوا بشرفها واولهم عمتها نهايه ,
" إِنَّ الَّذِينَ يَرْمُونَ الْمُحْصَنَاتِ الْغَافِلَاتِ الْمُؤْمِنَاتِ لُعِنُوا فِي الدُّنْيَا وَالْآخِرَةِ وَلَهُمْ عَذَابٌ عَظِيمٌ " (سورة النور: 23)
....
نرجع لشله *_^
فيصل بعصبيه : داليوووا قومي شوفي هذي ماصارت عشا والله لو خرووف جان خلص بدري
مشاري : اي والله صج ماصارت قومي ولي يعافيج شوفي خلص ولا بعد
داليا تخز فيصل : والله مو عشانك بقوم بس عشان هالانسان المحترم اللي يقدر الناس (واهي تأشر على مشاري ) لوما تكلم والله لو تزحف اهني ماقوم (وراحت تشوف العشا)
ياسمين : ههههههههههه
فيصل اندقر ويطلع بياسمين يعني شاللي يضحك
خالد يضحك : والله زين تسوي فيك تستاهل
فيصل : والله عاد انا مالي خلق اعدل اسلوبي انا ميت جوع و مايطلع الاسلوب الحلو الا اذا معدتي انترست اكل
سلطان : بطيني
عند جراح سرحاان و يفكر
ياسمين انتبهت له قامت وقعدت جنبه بينهم مركه وحطت ايدينها عالمركه وقالت : شفيك
لف وطالعها وقال : ولاشيء
ياسمين : أحلف قص على غيري مو علي انت من رحت تكلم بالفون وانت وضعك مو طبيعي
جراح بملل : ياسمين ترى ماللي خلق حنّه قلت لج مافيني شيء لاتقعدين تحللين نفسيتي اوكيه
ياسمين طالعته واهي مستغربه وقالت : كيفك هالشره علي اللي ججايه اشوف شفيك
جراح طالع فيها : ان شاءالله احترق مالج شغل اوكيه
ياسمين : اوكيه
وقامت وقعدت عند ليال
ياسمين : شفيج انتي بعد
ليال تنهدت : ولاشيء على نفس السالفه
ياسمين : ولييه مو قلت لج خلاص انحلت السالفه ليش تحاتين بعد
ليال طالعت فيها : مادري قلبي مو مرتاح
ياسمين : خلاص انتي لاتفكرين بشيء وعبدالرحمن ان شاءالله راح يتحرك بسرعه ويخطبج
ليال تنهدت : ان شاءالله
ياسمين : يلاا عاد اضحكي وسولفي وانتي من قعدنا بس سااكته
ليال ابتسمت : شتبين اسوي
ياسمين :اضحكي سولفي شوفي خالد ضغط تحرير ليين انتفخت واهي تضغطه وانتي جراح علق عليج منساع بس ابتسمتي ونزلتي راسج
ليال ضحكت : المحامي مايقصر ( تقصد مشاري )
ياسمين : لا صج عااد مو لهدرجه الموضوع هذا ماخذ كل تفكيرج حتى بأنج تستانسين باللحظات الحلوه ترى احنا مانتجمع الا اذا في مناسبه ومناسبتنا من وين لي وين
ليال : امممم ...انا مو متعوده على جراح وفيصل وسلطان اول مره اشوفهم وخالد ومشاري عادي يعني متعوده عليهم وعيال خالتي بس الباقي فشله استحي منهم
ياسمين : اشوفج سااكته اثاري الاخت مستحيه ما عليج الحين اطردهم بيت شعر
ليال مسكت ايدها : لالالا بتفضحيني انتي خليهم كيفهم لاتحرجيني تكفين عاد هذيل ضغيّطه والله ما يخلوني اليوم (تقصد جراح وفيصل وسلطان )يستلموني
ياسمين : ههههه اوكي
ليال : تعالي بسألج انتي شلون متحمله جراح
ياسمين : ليش شفيه
ليال : مادري احسه ثقيل طينه ماينبلع غصب بيسوي جو و انه ( ياسمين تضحك طول الوقت )انا اللي ما خذ الجو كله وانا اللي دمي خفيف لدرجه حتى وانا ساكته علق علي وانا ماقلت شيء احسه لو مالقى احد يضغطه يضغط نفسه عااادى ( ياسمين مستمره بالضحك )...يااسمين شفيج انا اكلمج جد وانتي تضحككين والله
ياسمين : ههههههههه امبيه لا يسمعج جراح والله يبجيج اليوم
ليال: لالالا تكفين ياسمينه لاتقولين له انا الخبله اللي قلت لج اصلا للاتفضحيني عنده
ياسمين تمسح دموعها واهي تضحك : ههههه شفيج يبا شايفتني خبله اروح اقوله ..
ليال بأرتياح :اششوه عبالي
بعد دقايق
جت داليا وقعدت
فيصل يطالع فيها : نعم
داليا مستغربه : انت اللي نعم
فيصل : انا شحقه دازج المطبخ
داليا :ااايي الحين يجيبون العشا
فيصل : وليش ماتجيبنه انتي شناقصج
داليا : وويه والله عاد مالي خلق اشيل العشاء عشان حضرة جنابك ماتزعل الله مكثرهم هالخدم متروسين بالمطبخ
فيصل : شهالدلع اللي فيكم انتي باجر لي تزوجتي شبتسوين
داليا : الخداممه قبلي تدخل
خالد يطالع فيها : عفيا جيل والله مو رجال متزوج الخدامه مو متزوجج
ياسمين : انزين شفيكم ماقالت شيء داليا انتو اكلتوها حسستوني انه انتو ماشاءالله مافي شي ماتسوونه
خالد : اي اكيد حبيبتي احنا ماقصرنا قايمين بواجباتنا انتو وين وحريم اول ويين
تحرير : واهي شقالت عشاان تأكل..
قاطعها خالد : نعم انتي شتبين احد كلمج
تحرير تطالع فيه : لا بس اقول يعني (احترت منه طول الوقت يدقر فيها انقهرت منه بس تبي تصيد عليه )
ياسمين : للاا صج تبي نرجع عل ايام قبل اوكيه خلاص سيارات مانبي نسوق وانتو تودونا وتجيبونا و وماجلة (اغراض البيت )البيت عليكم ودوام تودونا وبالمره نريح تعبنا من سياقه لاعت جبوودنا ومصاريف تعطوونا
مشاري : ياليتك ساكت فتحت علينا باب
خالد : بل عليج لسان
سلطان : حرييم ماينقدر عليهم
...
وبسسس
شرايكم بالبارتات وتوقعاتكم لبارتات الجايه
والوعد ان شاءالله يوم السبت عيديتي لكم 4 بارتات *_^
