رد: تجمع مواليد شهر 
يوليو 2015 ان شاء الله
اي صح ام سلمان بولادتي ببنتي كانت ممتازة
خصوصا الخياط وحالتي ماكانت صعبة كنت واصلة
المستشفى انا مفتوحة ٨ سانتي ماطولت يمكن ٤ ساعات
وقعدت عندي طول المده وشفطتها وطلعت بالسلامة
اما بولدي الصراحة لعبت بحسبتي مرة تقولي البيبي
راسه كبير مره تقولي لا راسه اوكي هذا بالمراجعات وكنت
اقولها انا حوضي صغير دكتورة؟ تقدرين تسوين شي
تتاكدين اذا حوضي صغير او لا؟ لان مرة قالت انتي
شكلج حوضج صغير وسكتت بعدين قالت لا عادي
مافيه شي وبوقت الولادة فوق ال١٢ ساعة اطلق
والولد تعب ومخليتني انا مفتوحة ١٠ سانتي لمدة
٣ ساعات واهي رايحة عيادتها تستقبل مراجعات
ومطنشتني!! لما دكتور الطواري صدمني قال الولد
تعبان نبضه قل وراسه صار فيه ورمات من كثر ماطق
بالحوض وموقادر يطلع ياحياتي حوضي كان صغير
عليه قالي يابنتي انتي ماراح تولدين طبيعي
هني انصدمت ويت اهي بارده مبرده يله دخلوها
عملية ياالله نلحق عالولد قبل لا يصير فيه شي!!
مااحب اتذكر ولادتي لانها كانت مأساة وصدمة وتعب
