في شغله ودي أفهمها
يعني سالفه البخل أهم من علاقتكم الزوجية معاها ؟
يابنات ترى الفلوس موكل شي
صحيح انه زوجج وودج ان ييبلج هدايا ويكون كريم معاج بالفلوس ومايكون بخيل
بس انا ملاحظه البنات يركزون على سالفه البخل أهم من العلاقة الزوجية
يعني الحين الزوج يوم تقدم لج معقوله بخيل ؟
عيل ليش تزوج ؟
اي انسان في الدنيا يبي يتزوج
شي طبيعي
وأول شي اذا فكر بيتزوج
بيتقدم حق بنت الناس ويكون فلوسه جاهزه ومستعد نفسيا بأن يكون مؤهل لفتح البيت ويكون مسؤول عن بيت وزوجة وعيال بالمستقبل
ويكون مجهز
المهر + شقه + عرس + شهر العسل ...الخ
هذي أول خطوه
ثاني خطوه
إذا صار قبول بين الطرفين وأرتاحوا حق بعض بعد الخطبه والسؤال عنه والفحص و و و و و بعدها
تتم الملجه
ثالث خطوه
من أول يوم زواجكم حتى آخر عمركم
معقوله ماراح اييب ربع هديه حتى لو أول يوم زواجكم ؟
معقوله ماراح يصرف عالبيت ؟
معقوله ماراح يييب لج خدامه ؟
معقوله ماراح يصرف عاليهال بالمستقبل ؟
معقوله تزوج عشان يتعمد على معاش زوجته ؟
وشلون يتزوج وبعدها مايأمن على نفسه وبيته وزوجته ؟
وشلون يعتمد على مره
لأن المره مهما كان معاشه ماراح تكون قوامه عالريال والبيت ولو شنو كان ماكان
والمره كائن ضعيف والريال هو كائن القوي اللي يتحمل مسؤولية بيت ومصرف والخ
يعني الحين اي وحده بتتزوج
اهم شي عندها كريم حتى لو كان بخيل بمشاعره ؟
لهالدرجه صار الزواج مشروع تجاري قبل مايصير مشروع ديني وفطري وعاطفي ؟
يعني طالما الريال ينزل له راتب بالبنك ومعيشج وين البخل بالموضوع ؟
انزين
الريال لي تزوج بيزيد معاشه ( علاوة الزوجية + 150 بدل ايجار )
يعني يوم تزوج زاد راتبه ووضعه صار زين
وين قاعد يصرفهم موعالبيت ؟
مو اهوا اللي قاعد يدفع إيجار ؟
موقاعد اييبلج هدايا ؟
عيل وين قاعد تروح عيل ؟
خل نفترض خاشهم وميمع
حق شنو ميمعهم وباخل عليج
معقوله في رياييل بالدنيا جذيه ؟
يتزوج وبعد الزواج يخش معاشه كله ويبخل عليج حتى بهدايا ؟
شي مايدش العقل ؟
ولو نفترض انسان بخيل
شلون قاعد تييبين منه عيال ؟
شلون مستمره معاه ؟
وشلون مستحمله واحد بخيل وهيا تدري انه موقاعد يصرف وياخذ معاشها وليش راضيه بالعيشه معاه ؟
شلون حياتكم قاعده تستمر ؟
عيل وين البخل بالموضوع ؟
عشان دش بيتكم ايده فاضيه بأيام الملجه معناتها بخيل خلاص ؟
لا هذا مومقياس للبخل أبدا
وشنو الفايده تاخذين إنسان كريم بكل شي الا بعاطفته بخيل وفوق هذا كله مخليج بالبيت ورايح عند ربعه ومايدري عن هوا دارج ؟
وياما بنات خذوا ريال كريم بأول ايامه بعدها اكتشفت انه بخيل او مديون
وياما بنات خذوا ريال حسبالهم بخيل ومع الأيام قام ايييبلها كل شي
وبعدين يمكن الريال بأيام الملجه توه مومتعود عليكم
مومهم الريال تعرفينه عدل وتتكلمون عن بعض !!
المهم يدش ايده متروسه ويكون كريم فقط لا غير :eh_s(4):
ليش صاروا البنات جذيه عقليتهم ؟
يعني لي رحتوا المطعم منو يدفع انتي ولا الريال ؟
ويوم خذاج للسياره قالج دفعي البنزين ؟
ويوم خذاج قالج دفعي الأيجار ؟
ويوم شرالج هديه طلب منج قيمتها ؟
اذا اهوا صج صج انه بخيل معناتها ماعنده سالفه تزوج
لأن معروف الزواج يبيله واحد يكون عارف انه وراه مصاريف الدنيا
من مصرف بيت وزوجة ويهال واحضار خادمه ومصاريف الشقه وبالمستقبل يأمن لهم بيت
إذا اي ريال تزوج وفعلا بخيل معناتها ماراح يتزوج خير شر نهائيا
بيقعد يخش من معاشه لمن يموت
وبس هذا اهو البخيل 100%
حبيبتي
اي معقووووله و نص
و صاااارت معاي و كاني رافعه الطلاق عليه بالمحكمه
و منو قال ان كل خاطب ناوي يوجب الزوجه و لذلك هو مو بخيل ؟
الخاطب البخيل حتى المواجيب ما يسويها طال عمرج
المزيون اللي عندي حتى ما عزم اهلي على صمون فلافل و بطاط بيوم دخلتي و انتي تقولين عرس
لا عرس و لا بطيييخ و لا اي شي
و تالي عقب الزواج حط دوبه و دوب معاشي
كلللله ينطرني انا اشتري و اصرف
يتحايل علي محايل و يتحداني و راسه براسي بسسس لاني موظفه
حتى عقب ما يت بنتي للدنيا
ما شفت منه الا الحليب و الحفاظات و الباقي كلللللللله علي
لبسها و سريرها و ديباجاتها و عرباناتها و مراجعات المستشفى و ادويتها و كلللل شي علي انا
البيت ما يجدد فيه و لااااااا شي و لا حتى فوطه بنص دينار
و فوق هذا كله و انا صابره ؛ و ايضاااا ما سلمت من لسانه
يقول انا بخيله و انت احب الفلوس و انا انانيه
مع اني ما اطلب منه ؛ عيل تدرين شنو قصده ؟
يبيني اعطيه بيده فلوس حقه هو يعني بالعربي اصرف عليه توم كروز زمانه!
و ليل نهار طق مطاقق و كله على هالمصرف
و يتمنن علي : انا ادفع ايجار و انا اشتري لج اكل !!
و الخدامه علي
و مصرفي علي
و طلعاتي علي
و العيد و رمضان علي
و راح يبتدي يضغط عليج نفسيا لانج ما حققتي له مطلبه اللي هو الفلوس
يبدا يغثج
ويسب اهلج
ويحرمج منهم
و يغتابج عند الناس و يغتابهم
ويطلع اسرارج
و يا سلام لو يطلع ولد امه و امه نسره مثل اللي عندي ؛ يا سلااااااام
عرفتي ليش نسأل عن البخيل
هذا انا ما سألت علبونه من اهلي و كاني كليت تبن
