دوانيه شلة منتظرات نتيجه عملية اطفال الانابيب والحقن المجهري

[منوة الزين]

نبي تجارب جديده

 

[كتكوته22]

السلام عليكم
كيف الحال
ان شاءالله اني مقبله على عمليه طفل انابيب
هذي ثالث تجربه التجربه الاولى فشلت
والثانيه نجحت والحمدلله
وهذي الثاالثه اسال الله ان يوفقني فيها

الله يوفقج يارب ويرزقج بتوم ويرزقني ويرزق جميع المحرومات
ويين بتسوينها وفي المره الي نجحت عند اي دكتور ويااااارب هذي المره يثبت ويفرح قلبج

 

[منوة الزين]

هلا حبيبتي
جزاج الله خير
نزلت الدوره وراجعت الدكتوره وللاسف ماكانت موجوده
داومها بيكون يوم الاثنين
مابيصير اسويها هالشهر الاثنين بكون اخر ايام الدوره
خيره لعلها خيره الحمدلله

 

[منوة الزين]

الله يرزقج ويرزق جميع المحرومات

 

[كتكوته22]

اميييين رب العالمين الله يجبر بخواطرنا اجمعين يارب

 

[ام البناتت]

السلام عليكم

الله يرزقنا كلنا يارب بالذريه الصالحه


انا اليوم لي ثالث يوم من ترجيع الاجنه
رجعولي اثنينه
اللي مستغربه منه عزكم الله كثرة التبول يعني كل ساعتين او ساعه ونص انحسر معني مو قاعده اشرب سوائل مادري هالشي طبيع
ي ولا لا

 

[ماي الورد]

طبيعي وكثري من السوائل افضل لج

والله يثبت اجنتج يارب

 

[ام البناتت]

حبيبتي الله يطمنج ماتقصرين
احس بعوار الدوره خفيف واحس بعوار بمبيض اليسار

 

[دمعه وفه]

ان شاءالله بعد العيد ببتدي للمره الثالثه الله يرزقني هل مره

 

[ام البناتت]

ان شاءالله الله يسهل عليج ويرزقج

 

[فنر 7]

صباح الخير
انا هالمره سويتها عند ناهض
ورجعت ليله العيد
ومنتظره النتيجه
ما احس باي اعراض ولاشي

 

[فنر 7]

حبيبتي الله يطمنج ماتقصرين
احس بعوار الدوره خفيف واحس بعوار بمبيض اليسار

بشري حبيبتي حللتي ان شاءالله خير؟

 

[فنر 7]

مسكت الموضوع من صفحه 500 وانا اقرا
واقرا قصص البنات وانفعالاتهم وبومياتهم حتا قريت محاولتي اللي طافت بسنه 2015
واشوف البنات ومراحل انكسار الامل للاسف من ان اتأمل لين تدش وتقول ماتم حمل
واشوف فزعه البنات لها ومواساتهم
عورني قلبي
قليل جدا جدا اللي حملو بالموضوع هذا ينعدون علي اصابع الايد
والاغلبيه فشل علاجهم وانكسر الامل فيهم
يارب اجبر قلبونا كلنا ولاتسكر لنا خاطر

 

[ماي الورد]

اهم شي لا تتسبحين ولا تجهدين نفسج وانتظمي بالعلاج وصلاتج تكون ع الكرسي وشربو ماي وايد والله يفرح قلوبكم ان شاءالله

 

[فنر 7]

اليوم لي تاسع من الترجبع
مرجعه اجنه باليوم الخامس
حللت منزلي وطلع نيغتف
الحمدالله علي كل حال

 

[فنر 7]

اهم شي لا تتسبحين ولا تجهدين نفسج وانتظمي بالعلاج وصلاتج تكون ع الكرسي وشربو ماي وايد والله يفرح قلوبكم ان شاءالله

هالمره طبقت المكتوب والتوصيات كلها
قبل العلاج عدلت دمي وعالجت الانيميا صار طبيعي
بعد الترجيع
ماكو حركه الا بسيط واول جم يوم راحه تامه
ماتسبحت الا باليوم الثامن وماطًولت
اكلي بروتين صحي بدون دياي كل وجبه اكل معاها بروتين
اشرب كوبين كبار حليب مع نشا باليوم
اشرب ماي عالاقل لترين
اكل سفرجل وخس
ممنوع جاي قهوه بهارات زعتر وكل محرضات الرحم
عطور وبخور وكريمات ماكو

واراده الله وخيرته فوق كل شي



مو اقولكم هالتجمع كسره للامل

 

[فنر 7]

ودي وحده تدش تبشر بالحمل الاغلب ماحملو

 

[منوة الزين]

فنر الله يعوضج خير

 

[* Snow White *]

السلام عليكم





انا صارلي ثلاث سنين متزوجه
وصار حمل طبيعي بعد زواجنا بسنه واجهضت وسويت تنظيفات بمستشفى خاص
وعقب الاجهاض قمنا نراجع عشان الحمل وماكو فايده والحمدلله وبعدين بشهر 5 اللي فات رحنا حق دكتور ناهض حمايه عساس انسوي اطفال انابيب والدكتور ماشاءالله عجيييييب بس رفض يسوي لنا عملية اطفال انابيب وقالنا ماتحتاجون انا بس عندي مشاكل تكيس وضعف مبايض وعطانا علاج دقيق من اول مراجعه له وماشاءالله حملت لكن للاسف اجهضت وسويت عملية تنظيفات بمستشفى حكومه قبل شهر والحمدلله والشكر لله

الحين ردينا له والظاهر مو ناوي يسوي لنا عملية اطفال الانابيب وبيعيد لنا كورس العلاج، وحالتي للحين مايتلي الدوره من عقب التنظيفات. وفي امل يصير حمل بعد التنظيفات ومراجعة الدكتور ولا التنظيفات تاثر وتاخر الحمل؟ ودي اسوي اطفال انابيب وماشاءالله عمليات الدكتور ناهض حماديه لاطفال انابيب دقيقه وناجحه باذن الله

وعسى الله يرزقكم بالذريه الصالحه يارب

 

[فنر 7]

حبيبتي سنو وايت الله يعوضج خير ان شاءاللله
الاولين يقولون العوار ايده بايد اخوه
ان شاءالله تحملين سيدا بدون علاج