كتكوته22
New member
- إنضم
- 30 سبتمبر 2009
- المشاركات
- 1,689
- مستوى التفاعل
- 0
- النقاط
- 0
السلام عليكم وانا عضوه قديمه بهذا التجمع وألف الحمد والشكر لله ربي أكرمني بالحمل هذي 6تجربه الاولى والثانيه فشلو والثالثة ربي رزقني ورديت عدت التجربه بعد 5سنوات والرابعه كانت شهر 12السنه الي طافت ويوم الارجاع الدكتوره قالتلي مانقدر نرجع الاجنه رحمج ما يستحمل وما راح تنجح العمليه ولا تشوفون النفسيه وقتها بعد التعب والإبر وبعدين رديت الاجنه شهر 3 وفشلت وبعدها عدتها برمضان شهر 6وهم فشلت ونفسيتي كانت صفر والدنيا ضلمت بعيني لي درجة شلت من بالي أني أعيد التجربه وكان عندي مجمد والدكتور طلب مني أني أسوي منظار للرحم قبل لا ارجع المجمد والحمدلله ربي لك الحمد والشكر ما شاءلله عدتها شهر 10الشهر الي طاف وربي كتبلي الحمل الف الحمدلله والله دائماً ادعيلكم وما نسيت احد ملاك صغيرون ومرامي ونو لف وكل البنات سامحوني اذا نسيت اسم احد بس دائماً ادعيلكم يارب يفرح قلوبكم جميعا الهي امييين وشلون قضيت فتره الانتظار انا في كل المرات نهايئا ما اتحرك والتزم بالفراش هالمره كنت يائسه وقلت نفسيتي راح تتعب وآخر شي ماكو حمل وقلت حق الدكتور عادي أمارس حياتي الطبيعيه قالي بس اول 5ايام لا تتحركين نهائي بس انا اول 8ايام يعني أسبوع ما تحركت واليوم التاسع رحت زواره بس ما تحركت وايد الأغلب كنت منسدحه واليوم 11بعد رحت زواره ويوم 12حللت والحمدلله النتيجه حامل والاكل كان آكلي العادي بس طبعا مكثرا البروتين يعني اكل لحم وسمج واشرب كل يوم حليب المراعي طازج وشريت من الصيدلية حليب بيشور مدحوه بنات التجمع أحط قفشنين مع الحليب وكثرت خيار وموز وتفاخ من نصايح الدكتور وطبعا قالي وخزي عّن العطور والبخور وأدوات التنظيف الي لهم ريحه قويه لأنهم يأثرون على الاجنه وما تسبحت الا عقب التحليل ادري عذاب بس اغلب البنات ينصحون بهذي النصيحه ومشيت على كلامهم بس كنت اغسل جسمي بماي فاتر على السريع والصلاة على كرسي وادعولي بنات الله يثبت حملي انا الحين بالشهر الثاني يارب ويرزقكم جميعا بالذريه الصالحه الي تفرح قلبكم الهي اميييين ودكتوري ناهض حماديه وأي استفسار انا حاضره
