دوانيه شلة منتظرات نتيجه عملية اطفال الانابيب والحقن المجهري

[منوة الزين]

قررنا واخترنا الدكتوره الزفيت مع زوجها ناصر العازمي

والخيره فيما اختاره الله

 

[BARBI]

اها موفقه يارب دام ماشاء الله وصل دروركم
عبالي طول بالعكس روحي عند الدكتور اللي ترتاحين له
وتبينه هذا يعتبر نص العلاج

والدكتوره الزفيث والدكتور ناصر وايد ممتازين
ونفس خطوات الدكتوره رائده وبختلاف البرنامج على حسب حالة
الزوجين ..


ربي يوفقكم ويرزقكم وتبشرينا قريب عن حمالج انتي وبنات المنتدى ..

 

[منوة الزين]

امين امين ياربي

(برنامج القصير)

الله يفرح قلبي ويبشرني بحملي

 

[منوة الزين]

وينكم بنات

عيون عمشه

باربي


الباقين

 

[منوة الزين]

وينكم

باجر موعدي الثاني

سونار تشوف حجم التبويض وتحاليل

يااااارب ترزقني الحمل

 

[BARBI]

حبيبتي الله يبشرج خير ياااااارب

 

[BARBI]

بشرينا اشصار معاج منوه

 

[منوة الزين]

هلا والله باربي

الحمدلله كل شي ماشي سليم من فضل الله

كملت على ابر المنبور ومع ابره ثانيه بلعبه جاهزه

والثلاثاء موعد ان شاءالله

 

[منوة الزين]

بنات

تذكرون اني سويتها شهر ٨ الي طاف ومالله كتب الحمل

ادعولي هالمره ربي يفرحني ببشاره حملي

 

[Fashion]

يارب يامنوه يفرح قلبج وتبشرينا هالشهر بالحمل الثابت السليم اهم شي احسني الظن بربج وربي يكتب لج الصالح

 

[BARBI]

هلا والله باربي

الحمدلله كل شي ماشي سليم من فضل الله

كملت على ابر المنبور ومع ابره ثانيه بلعبه جاهزه

والثلاثاء موعد ان شاءالله

ربي يتمم عليج استخدمت الابر الجاهزه نسيت اسمهم اذكر لونهم عنابي

وقوتهم 9000 او 900 واذكر احط رقم معين واستخدمها ع بطني اذكر عشرة ايام وزود استخدمتها ..

 

[BARBI]

بنات

تذكرون اني سويتها شهر 8 الي طاف ومالله كتب الحمل

ادعولي هالمره ربي يفرحني ببشاره حملي

ثقي بالله وربي بيرزقج .. والله اذكر 4 مرات سويتها ورا بعض والحمدلله ربي اكرمني ..

 

[BARBI]

ثقي بالله وربي بيرزقج .. والله اذكر 4 مرات سويتها ورا بعض والحمدلله ربي اكرمني ..

اكرمني بالحمل الاخير ادعوا للبيبي ربي يعطيه الصحه والعافيه
ويخليه لنا ..

 

[منوة الزين]

الحمدلله الحمدلله والله يحفظه لج

باجر موعدي ويارب خييير

احتمال تحدد موعد العمليه السحب الخميس او لين السبت على حسب

 

[nonlove]

السلام عليكم.... والله انا اروح وارد على هالموقف احس السوالف مع اللي نفس الحاله تريح الواحد..... باربي مبروك الجمال... منو الزين الله يفرحج يارب بالحمل... انا عن نفس توني مسويه وناطرة النتيجه بعد اسبوعين والله يسهل... بس انا تعقدت لأن المره اللي طافت سويت أنابيب وطلعت حامل بس للأسف صار نزيف عقب وماصار حمل بس حاليا ترجيع اجنه كنت مسويته 2016 واللحين رجعت كان عندي 5 بس طلع بس واحد اللي قدروا يردونه وان شاءالله يكون قوي ويثبت يارب

 

[BARBI]

منوة ربي يرزقج يااااااااااااارب وتفرحيني ياعمري وبدعيلج وادعي للبنات من كل قلبي .. شربي بروتين او مصل اللبن هالفتره ..


نون حبيبتي ربي يفرحج وتبشرينا خير .. عادي انا قبل جذيه حملت
واجهضت بالاسبوع 6 يعني بداية الحمل بس ماكنت مسويه فحص اجنه
بعدين سويت بعدها عمليتين وسويت فحص اجنه وطلعوا اجنه مشوهه عندي
والعمليه الاخير سويت فحص اجنه وطلع واحد سليم بين 10 اجنه مشوهه
والحمدلله ربي اكرمني فيه .. وولدته بالسابع عسى الله يحفظه ..

 

[BARBI]

نون لوف عند منو سويتيها

وشنو كانت مشكلتكم بالحمل

 

[Fashion]

نون لوف ومنوه ربي يسهل اموركم وتفرحون بالقريب العاجل
باربي دكتوره رائده سوت لج منظار بعد الدوره قبل السحب وهل التحليل ضروري اتسويه اعتقد التحليل للكروموسومات

 

[nonlove]

مشكورين ماقصرتوا....عند فوزيه القطان... مشكله بالرجل.... والله يكتب الي فيه الخير يارب

 

[BARBI]

نون لوف ومنوه ربي يسهل اموركم وتفرحون بالقريب العاجل
باربي دكتوره رائده سوت لج منظار بعد الدوره قبل السحب وهل التحليل ضروري اتسويه اعتقد التحليل للكروموسومات

اي سويت منظار رحمي ..

يالنسبه لفحص الاجنه موشرط اذا ماعندج ميزانيه
بس هي تقول اذا سويتيه نسبة النجاح تكون اكثر
وانا سويته لانه ادري انه معاي اجنه مشوهه ولازم اسوي الفحص ..

فاشن انتي بلشتي علاج ووين وصلتي ..