دوانيه شلة منتظرات نتيجه عملية اطفال الانابيب والحقن المجهري

[لولو 0]

لولو حبيبتي لاتتحركين وارتاحي كثر ماتقدرين


وصدقيني ان ربي كاتبلج تمام الحمل بتم
انا والله من الشهر الثاني بلش معاي دم قوي وتنومت بالمستشفى
اسبوعين ولما تممت الشهر الثالث انزلت المشيمه مع نزيف قوي قلت خلاص اجهاض وتميت همن بالمستشفى اسبوعين ..وبالخامس ارتفعت المشيمه .. وأخر السادس انبط الماي معاي وتنومت اسبوعين وولدت اول السابع .. والحمدلله ..

انبط الماي من شنو عفيه انا صار معاي قبل بس انا بسبب التهابات

 

[سمو النفس]

اخباركم بنات


ربي يتمم حملكم يارب


مرامي ربي يرزقج ياكريم

 

[BARBI]

انبط الماي من شنو عفيه انا صار معاي قبل بس انا بسبب التهابات

المشيمة ارجعت وانزلت بنهاية السادس واتوقع من المشيمة

إن شاء الله ماتجربين اللي جربته .. وتممين شهرج حبيبتي ..

 

[منوة الزين]

هلا منوة الحمدالله اموري تمام بس دوخه والم بالظهر

الحمدلله يارب
الله ياجرنا ويسهلها علينا

 

[مش حائول]

ذبحني الصدااااااع قوي مرره وماخذ بندول مدري احاف يضر

 

[BARBI]

منوة الزين مش حائول ماتشوفون الشر
وربي يتمم عليكم ..

 

[مش حائول]

الله يسلمك باربي بس زايد عندي الصداع تهقون مو ضغط
بكره عندي موعد وبشوف

والبنادول الكل يقول اتركيه طيب والحل

 

[سمو النفس]

مش حائوول ماتشوفين شر حبيبتي يمكن هبووط بالضغط ترا يتعب حييل انتي اذا حسيتي بعوار بالراس على طول روحي مستوصف يقيسون الضغط عشان تعرفين هو ولا لا

 

[سمو النفس]

مرامي طمنينا علييج

 

[مش حائول]

قدر الله وما شاء فعل
رحت موعدي الحنين ميت له شهر
الله يعوضني قلبي متقطع والمشكله بنتي رايحه معي للموعد اه يا قلبي مستعجله تبي تعرف جنسه وانصدمنا بالخبر

 

[مش حائول]

والمشكله الاكبر ولا نقطه دم ولا افراز بني ولا شي هالمره غير
وبطتي شوي انتفخ
ياربي ضايق صدري حيل من جيت من المستشفى ودموعي ماوقفت

 

[منوة الزين]

قدر الله وما شاء فعل
رحت موعدي الحنين ميت له شهر
الله يعوضني قلبي متقطع والمشكله بنتي رايحه معي للموعد اه يا قلبي مستعجله تبي تعرف جنسه وانصدمنا بالخبر

لاحول ولاقوه الا بالله
حبيبتي ربي يعوضج خير
قطعتي قلبي
قوي قلبج يااارب

 

[منوة الزين]

والمشكله الاكبر ولا نقطه دم ولا افراز بني ولا شي هالمره غير
وبطتي شوي انتفخ
ياربي ضايق صدري حيل من جيت من المستشفى ودموعي ماوقفت

يعني واقف عمره من شهر ماكبر قصدها
روحي مستشفى ثاني تاكدي
مادري هذا الي بسالج عنه ما حسيتي بشي
الله يستر ويعوضج بالخير

 

[مش حائول]

ايه المفروض عمره ١٢ وبالسونار ٨ اسابيع ومافي نبض اه يا قلبي
جدجد متضايقه ومكتووومه حملي موب سهل وكم محاوله سويت تعب نفسي وجسدي ومادي وتعلقت فيه احس بضيقه يا بنات اسمحو لي بس حابه افضفض

 

[منوة الزين]

لا ياعمري لاتضايقين وافا عليج فصفضي
حبيبتي حاسه فيج وكلنا حاسبن بمعانات بعض
الله يصبر قلبج حبيبتي

 

[BARBI]

قدر الله وما شاء فعل
رحت موعدي الحنين ميت له شهر
الله يعوضني قلبي متقطع والمشكله بنتي رايحه معي للموعد اه يا قلبي مستعجله تبي تعرف جنسه وانصدمنا بالخبر

حبيبتي قدر الله وماشاء فعل
لعل في الأمر خيره
ربي يكرمك من عنده إن شاء الله

 

[BARBI]

ايه المفروض عمره 12 وبالسونار 8 اسابيع ومافي نبض اه يا قلبي
جدجد متضايقه ومكتووومه حملي موب سهل وكم محاوله سويت تعب نفسي وجسدي ومادي وتعلقت فيه احس بضيقه يا بنات اسمحو لي بس حابه افضفض

بعد عمري انتي ماچدامچ الا خواتج واغلبنا مر بهالشي ..

انا في مره من محاولتي سمعت النبض وبعد ماسمعته وفرحت
سبحان الله في المراجعه اللي بعدها وقف النبض ..

وبعدها بمحاولتين ربي اكرمني .. والفال يارب لج ولاخواتي اللي معانا
وجميع من تمنى الضنى

 

[BARBI]

منوة الزين اخبارج بشري عنج
إن شاء الله امورج تمام

 

[مش حائول]

بس عمري ٣٩ واخر محاوله طلعت ٤ بويضات فقط مدري العمر له دور مافي انتاج كبير للبويضات وهذا الي مضايقني

 

[H.al]

بس عمري 39 واخر محاوله طلعت 4 بويضات فقط مدري العمر له دور مافي انتاج كبير للبويضات وهذا الي مضايقني

الله يعوضج خير ويصبر قلبج ... وعسى ان تكرهوا شىء وهوا خيرا لكم وعسى ان تحبوا شىء وهوا شر لكم