منو تضرر من السرايات الي صارت امس؟؟؟؟

[ام حسوني]

السلام عليكم

شلونكم وشخباركم

بعد الجو العجيب الي امس

بصراحه السرايو الي صارت امس

كانت اول مره تصير بتاريخ الكويت و هذا ما اكدته الاحوال الجوية

اذ وصلت سرعه الرياح 80ك م بالساعه

الحمد لله انها عدت على خير

بس حبينا نتطمن عليكم

و الي صارت معاها اي اضرار ببيتها تقوووول لنا شلوون

و الي عندها صور توضح الاضرار خل تحطها لنا

و انا اول وحده ابي ابدي

و اقول لكم الاضرار الي صارت لنا

مظلة السيارات في بيتنا اخفست و بغت تطيح على السيارات بس الله ستر و لحقنا عليهم

و خطوط الهاتف الارضية انقطعت كلها بمنطقتنا الرميثية


و الي عنتدها شي تحط لنا

الله معاكم

 

[Om_RayooMa]

خطاكم السو
الحمدلله ماصار شي بس مظله جارنا طاحت على سياييرهم

 

[ام عفاف الكويت]

لاحول ولاقوة الا بالله
الله يستر عالكويت

 

[ام حسوني]

انا عندي جم صورة

مصوؤهم اخوي

راح ان شاء الله

انزلهم لكم

و خطاكم السوو

 

[Artya 【ツ】●]

آنا الحمدالله ،، ما صار صوبنا أي شي

و خطاكم السو

والله يحفظناااااااا من كل شر

 

[حناينq8]

الحمدلله ماصار لنا شي جايد

بس الستلايت اختفى لوووووووووول

والشير طبعا على كبر الشارع طايح ومظلات جيرانا طاحوا على السيارات

اهداء بعض الصور

 

[ناعمة]

الحمد لله ما صار لنا شي . و الله يكافيكم الشر

 

[ارواني]

الحمدلله ما صار شي بس قطعتنا الشير كلا طايح و المظلات مسكره على البيبان يعني مستحيل يطلعوون اهل البيت

 

[D!aM0nD]

الحمدالله على كل حال وخطاكم السو
الحمدالله صوبنا ماصار شي

 

[ألوان الطيف]

والله احنا مظلة السيارات طااااااارت وطاحت على المظلة الثانية وكسرتها وتضررت سيارة من سياراتنا

وحتى البيت حاشه طشار انكسر جزء صغير من البيت وطاح بالحوش

والشبة إلي جدام بيتنا طاحت

الحمدلله الله ستر كنا في بيت يدتي ولا جان خرعتنا جايده

تمينا في بيت يدتي لي وقت متأخر لأن كانوا يايين الشرطة وابوي واخواني وربع ابوي يايين يساعدون

والمظلة كانت مسكره الشارع

وخطاكم السو كلكم يا بنات

 

[*ستايل*]

انا كنت مع بناتى بالمدينه الترفيهيه

بس دخلونا بغرف وكل العوايل اللى منخشين بمطاعم واللى تكرمون بالحمامات :dddds:

بس الحمد لله ربي ستر

بعد ما نزل المطر .​

 

[nono78]

خطاكم السو بنات

انا بس شفت غيمه سوده اشكبرها مغطيه مشرف كلها قلت الله يستر


بدت بعاصفه قويه الي مت من الخرعه وبعدها مطره رعديه قويه

الي صكرت شترات شقتي كلها

 

[داجه ومن المدرسه هاجه]

الصراحه انا كنت طالعه امس العصر وصار غبار مو طبيعي وبعده مطر وطبعاا انا للحين مو مصدقه اللي صار مع اني شفته بعيني شلون الشجر طاحواا وانا كنت طالعه رايحه معرض بالري عااد يوم طلعت الغبار كله دخل بعيني << اهئ اهئ ..
بس الحمدلله عدت على خير عااد اخوي كان بالسياره الحمدلله ما صار فيه شي ...

 

[داجه ومن المدرسه هاجه]

هذي الصور لقيتهاا وحبيت احطهاا علشان اللي ما شاف يشوف ...

 

[موزة ام فارس]

الحمدلله على سلامة الجميع

وهذي السرايات معروفه باليوم نشوف 4 فصول لا اله الا الله


كنت قاعده بداري احوس والا اسمع صوت قرقعه بره
قمت ونقزت عبالي واحد من هالشباب بالبراحه داعم باب بيتنا :eh_s(1):
المهم يوم طليت بس عند الباب والا اشوف جينكووو طااااير وراح الصوب الثاني
وتناقزنا انا وخواتي واندعسنا داخل الدار :dddds:

بس ياحلو البردي عاد يوم شفناه

 

[ام حسوني]

الله يخطا الجميع السوووووو

 

[مطيريه ماركه]

الحمدلله ماصار شي

طق يامطر طق

بيتنا يديد

وناااااسه

اللهم اسقنا الغيث

 

[mo3lema2007]

الحمدالله على السلامه

هذي فيديوات باليوتيوب

شوفوا سوق شرق شنو صار فيه

http://www.youtube.com/watch?v=G-bwOhA_-KQ

وهذي بعد
http://www.youtube.com/watch?v=Gd6J-JpxkPs

 

[ام حسوني]

 

[داجه ومن المدرسه هاجه]

الحمدالله على السلامه

هذي فيديوات باليوتيوب

شوفوا سوق شرق شنو صار فيه

http://www.youtube.com/watch?v=G-bwOhA_-KQ

وهذي بعد
http://www.youtube.com/watch?v=Gd6J-JpxkPs

الفيديو الاول اشكالهم نكته يمسحون الماي ويرد لهم >> كاااااااااااااااااااك
الفيديو الثاني .. المراا اللي تصور زوجهاا يقولهاا بس لا تصورين جدام الناس اهي تقول علشان يصدقون انه سوق شرق ... :dddds: