غسالة صغيرة

[شكليطه]

السلام عليكم

شخباركم خواتي

بليز بغيت أسألكم من وين ألقى غساله صغيروووووووووووووووووووووووووووووووووونه احطها تكرمون بحمامي

احس وايد اريح.......لان صارلي يومين داشه ببالي هالفكره

ماتدرون وين القاها وتكون نوعيه جيدة

وبعدين شلون على بلاكها؟

انا ماعندي بلاك بالحمام.........اقدر اوصله خط من برا؟؟؟


ياريت تفيدونا بتجاربكم


واكون شاكره لكم

 

[شكليطه]

صباح الخير

 

[ام الزين كله]

حبيبتي شوفي غسالات ال جي او ويرلبول هذيل وايد زينين ،،، وعلى الكهربا يبي الكهربائي وهو يمدلج توصيلة للغساله و لازم يكون عندج فتحة صرف للماي من الغسالة.

 

[شكليطه]

مشكووووووووووووووووووووووووووووووووووورة اختي ام الزين كله

وانا اشهد انج ام الزين

بس صراحه اول مره اسمع بهالماركه (( ويرلبول ))


انا دورت في كارفور مالقيت

 

[SweetHeart]

انا مره طلبتها
من هذا الي يحطون دعايات بالتلفزيون
808808
كانه هذا رقمه مو متاكده
الي ايبون لي البيت
حلوه صغيره والوان منها
سعرها تقريبا كان 19 دينار
حتي لما اروح الشاليه اخذهااا معاي

 

[E7SAS]

ولله يا اختي امي شرتلي هذيك المره غساله صغيره

وايد حلوه وفيها نشافه ولونها بنفسجي

قالتلي خذتها من سيتي سنتر يمكن اب 60

ان شاء الله فدتج

 

[شكليطه]

انا مره طلبتها
من هذا الي يحطون دعايات بالتلفزيون
808808
كانه هذا رقمه مو متاكده
الي ايبون لي البيت
حلوه صغيره والوان منها
سعرها تقريبا كان 19 دينار
حتي لما اروح الشاليه اخذهااا معاي

لا يكون حبوبه اللي صناعه مصريه.........اسمها الرغوجية.........شفت دعايتها تقدرين تحطينها بالسيارة وتاخذينها معاج اي مكان

بس خفت انها تكون من بوطقه


شلون شغلها اوكي والا لازم خفيف؟

 

[شكليطه]

ولله يا اختي امي شرتلي هذيك المره غساله صغيره

وايد حلوه وفيها نشافه ولونها بنفسجي

قالتلي خذتها من سيتي سنتر يمكن اب 60

ان شاء الله فدتج

مشكوره اختي على المعلومة

بس بغيت أسألج.......انتي تقصدين النشافه اللي تطلع هوا حار وتنشف الهدوم مره وحدة؟
والا النشافه اللي نسميها عصاره بس تعصر الهدوم من الماي وبعدين لازم تشرينهم بالشمس؟

 

[نطوووعه]

هاي شكليطه حبيبتي شوفي انا عيزت بالفتره اللي طافت ادور غساله صغيرونه حق تكرمين لباساتي و كان شرطي تكون اوتوماتك لان العاديه متعبه يبيلها مجابل و تغيير ماي المهم الزبده مالقيت اوتوماتك صغيره اصغر وحده 5 كيلو كبيره يعني بس جانج تبين عادي فمكوده بكل مكااااااااااان اليوسفي الغاااانم حتى لواااازم العائبه انا شفت بالشاميه و معاها نشااافه بس ماتنشف طبعا مجرد تعصرلج الهدووووم

 

[شكليطه]

هلا والله نطوعه.....شخبارج

صاجه حبوبه انا بغيتها حق ملابسي الخفيفه وعالسريع

يعني انتي تشوفين الاوتوماتيك احسن.؟

لان انا سمعت انها وايد تصرف ماي......فعشان جذي غسالاتنا كلها عاديه


انا قلت اسألكم لان بغيت شي كوالتي ويعمر معاي......مو غسله ثنتين وتخرب

وانا خبري باليوسفي ماقط شفت عنده صغار


بس بروح الغانم ان شاءالله

 

[SweetHeart]

لا الي اعرفه مو مصريه
مادري والله
انا شفتها وطلبتها
صارلي جم سنه استخدمها وقتلج حتي للشاليه اوديها
حق ملابس عيالي
بصراحه حلوه وزينه
واهي مو اتوماتيك
عاديه

 

[شكليطه]

لا الي اعرفه مو مصريه
مادري والله
انا شفتها وطلبتها
صارلي جم سنه استخدمها وقتلج حتي للشاليه اوديها
حق ملابس عيالي
بصراحه حلوه وزينه
واهي مو اتوماتيك
عاديه

مشكوووره حبيبتي على الرد........وعليج بالعافيه ان شاءالله

 

[النويرة]

الغسالة الأتوماتيك مريحة ولا تصرف ماي ولا شي قطي الملابس بس فيها وروحي شوفي شغلج واختار نظام الغسل اللي تبين غسل سريع ولا غسل بطانية ولا غسل رقمي ولالا وحتى كمية الماي تحددينها
فيه منخفض جدا وفيه منخفض وفيه متوسط وفيه عالي
بس بشرط اختاري اتوماتيك فتحتها من فوق ولا تقربين عند اللي فتحتها بالوسط لانها ما تنظف حتى الماركة الامريكية وايربول كانت عندي وما ارتحت عليها والحين عندي غسالة صغيرونة من سامسونج اشتريتها من الغانم مثل الغسالة العادية بالضبط وبنفس مستوى الغسل بس الفرق انها اتوماتيك وتوصيل لها هوز وتغسل بروحها بالنظام اللي اخترتيه واذا تبين توقفين الغسيل بأي مرحلة ممكن توقفينه وتغيرين نوع الغسيل واذا تبين تسبعين بس ممكن او تنشفين بس

ولها هوزين واحد للماي البارد وواحد للحار اذا حبيتي تستخدمين ماي حار
بس انا ما وصلت لها الا ماي بارد وانا اللي ركبت الهوز بنفسي في حنفية كنت مركبة عليها فلتر وشلته وركبت هوزها مكانه
وبس

 

[بطاطا]

قوة

انا رفيجتي يوم تجهز خذت وحدة حق تكرمون حمامها الخاص

من اوزان " الكتروزان " اللي بالشويخ تقول حدها صغيرة و تلبق باي مكان بالحمام


اما طريقة الاستخدام اكيد تحطين موزع اذا حبيتي تستخدمينها

 

[الفرج مني قريب]

السلام عليكم و رحمة الله و بركاته،،،،
انا خذتها من سيتي سنتر صغيرة بس ديري بالج من البلاك لا يحوشه ماي و الغسالة عليها كفالة .شحلاتها صغيرونه

 

[شكليطه]

الغسالة الأتوماتيك مريحة ولا تصرف ماي ولا شي قطي الملابس بس فيها وروحي شوفي شغلج واختار نظام الغسل اللي تبين غسل سريع ولا غسل بطانية ولا غسل رقمي ولالا وحتى كمية الماي تحددينها
فيه منخفض جدا وفيه منخفض وفيه متوسط وفيه عالي
بس بشرط اختاري اتوماتيك فتحتها من فوق ولا تقربين عند اللي فتحتها بالوسط لانها ما تنظف حتى الماركة الامريكية وايربول كانت عندي وما ارتحت عليها والحين عندي غسالة صغيرونة من سامسونج اشتريتها من الغانم مثل الغسالة العادية بالضبط وبنفس مستوى الغسل بس الفرق انها اتوماتيك وتوصيل لها هوز وتغسل بروحها بالنظام اللي اخترتيه واذا تبين توقفين الغسيل بأي مرحلة ممكن توقفينه وتغيرين نوع الغسيل واذا تبين تسبعين بس ممكن او تنشفين بس

ولها هوزين واحد للماي البارد وواحد للحار اذا حبيتي تستخدمين ماي حار
بس انا ما وصلت لها الا ماي بارد وانا اللي ركبت الهوز بنفسي في حنفية كنت مركبة عليها فلتر وشلته وركبت هوزها مكانه
وبس

مشكووووووووورة حبيبتي على هالرد المفصل................لكن سؤالي: هل في غسالة اوتوماتيك ((صغيرة)) ؟؟


انا ابي صغيره حقي....احطها تكرمين بالحمام واغسل كميات قليلة من الملابس




واكرر شكري ..........ماقصرتي على الرد

 

[شكليطه]

قوة

انا رفيجتي يوم تجهز خذت وحدة حق تكرمون حمامها الخاص

من اوزان " الكتروزان " اللي بالشويخ تقول حدها صغيرة و تلبق باي مكان بالحمام


اما طريقة الاستخدام اكيد تحطين موزع اذا حبيتي تستخدمينها

هلا والله بطاطا.............عاد اوزان كلللللللش محد يمدح شغله.........وانا بعد مرة رحت شفتهم
شغل البوطقه احسن منهم


مادري........ما ارتاح لهم........


انزين حبوبه رفيجتج من زمان شاريتها والا توها؟


يعني دار عليها سنتين عالاقل؟

عشان نعرف مستواها

 

[شكليطه]

السلام عليكم و رحمة الله و بركاته،،،،
انا خذتها من سيتي سنتر صغيرة بس ديري بالج من البلاك لا يحوشه ماي و الغسالة عليها كفالة .شحلاتها صغيرونه

وعليكم السلام ورحمه الله وبركاته

زين والله انتي ثاني وحدة تمدح سيتي سنتر........شجعتوني والله اروح اشوف

 

[بطاطا]

هلا والله بطاطا.............عاد اوزان كلللللللش محد يمدح شغله.........وانا بعد مرة رحت شفتهم
شغل البوطقه احسن منهم


مادري........ما ارتاح لهم........


انزين حبوبه رفيجتج من زمان شاريتها والا توها؟


يعني دار عليها سنتين عالاقل؟

عشان نعرف مستواها

هلا و الله

لا و الله للحين مادار عليها سنتين


عاد صج اوزان مو شي قايلة باخذ لي ماكو الا اسالها ان شاء الله

 

[شكليطه]

مشكووووره بطبطب على الرد