بلاك بول

[henoo]

مرحبا

حبايبي ابي الخبيرات ببلاك بول يفيدوني

انا ناوية اروح انشاء الله بس اي اوفر اسكن بفندق او شقة علما بانة العدد 3 كبار 4 صغار واسامي الفنادق الي تنصحوني فيهم او الشقق وارقام تلفوناتهم اذا ممكن وجم ممكن احصلهم...... النظافة اهم شي عندي اذا كان وصخ اتحسر بالسفرة .......


السفرة معتمدة عليكم اذا ما اتكلف وايد راح نسافر واذا تكلفا وايد قاعدين بالكويت :0bee2e8d89:


ناطرة ردودكم:cxxxp:

 

[ملح مكتت]

حبيبتي لاااا تحاتييين بلاك بوول نظييفة ورخييصة انا انصحج اذا انتي رايحة لجم يوم اخذي البيد اند بريكفست كل اثنين بغرفة ومع ريووق نظييف واذا كنتي مطوولة روحي اجري شقة او بيت لان الاجار الاسبوعي للبيت ب 70 باوند يعني 35 دك بكل مكان وبس للي يعرف الفنادق لييش حرام لان بلاك بوول كلة انتوا بالشاارع و السوقة يعني الوناسة ببلاك بول ليي الليل ماكو فايدة من الفنادق اخذي الشقق اللي عالبحر او اللي ورا الاكويريووم ومسافط السيتي سنتر ترا ايننوون و رخااص و رومانسيين للي متزوجيين شوفي احنا عندنا بيت فلنن بلانكستر وانا دايما كل صيف ببريطانيا لازم وكل سنة اخذ معاي 3 الاف كويتي منها الف للماجلة والتذاكر والسيارة والفيزا لي انا وزوجي هالالف و تبقى الفين يعني 4 الاف باوند الطريقة العجيبة للاقتصاد بالسفر انج انتي 50 باوند وزوجج 50 باوند باليوم وشوفي شكثر تشترين اغراض ببلاك بوووول و تستانسين وتاكليين و كل شي ويبقى بعد فلوووس انا اقعد فبريطانيا 2 شهر و ارد بالف كوييتي واللة واكملها اروح البحرين والعمرة واللة انصحج بهالشي انا اعرف حق لندن زيين واللي تبينة انا حاضرة ياعسل اي نسيت اسالج بتروحين على اي طيراان؟؟ واي مطاار؟؟تبيني اعلمج الطريقة الاسهل والارخص انا حاظرة وبالشوفة.

 

[henoo]

والله ما قصرتي وبيض الله ويهج انشاء الله

انا حجزت على الاتحاد بس اذا عندج طريقة اسهل وارخص يالله على ايدج

وعندي اسئلة وايد،،،،،،،،،،،،،،،،،،،بس اذ عزمت باذن الله وحجزت الشقة او الفندق راح احط خطة الاساوقة والرحلات

 

[ملح مكتت]

شوفي حبي انتي حجزي عالطيارة اللي تطب مطار مانشيستر ارخصلج ومانشيستر اقرب حق بلاك بوول من لندن و الطيارتين اللي يطبون هناك الاماراتية والقطرية بس مو متاكدة عن الاتحااد

 

[henoo]

الاتحاد اطب ابمانشستر انا حجزت عليها بس بغيت أسأل اشلون الطريقة اذا بنروح فرنسا وبالتحديد دزني لاند اشكثر المسافة لها وهل نقدر؟؟؟؟والاسعار اذا عنج فكرة

 

[ملح مكتت]

تقدرين بس لازم تكون فيزتج شنجن يعني اوروبية و في بقطااار و بطياارة وارخص من الحجز من الكويت بس مادري جم

 

[جاردينيا_2000]

شنو بلاك بول ..منطقه او منتجع ؟ بصراحه انا مارحت لندن

 

[henoo]

مشكورة يا ملح امكتت وما قصرتي على معلومتج...................

والاخت جاردينيا2000 بلاك بول منطقة سياحية في ابريطانيا يمدحونها وايد وتصلح حق يهال لانه فيها مدينة العاب كبيرة والمنطقة مطلة على البحر

 

[عروس الدنيا]

ملح مكتكت ... انت السكن ببلاش حبوبه ؟؟؟
اخاف عشان جذي ما يكلفج ؟؟ شلون شهرين بلندن ب 2000 دينار ؟؟؟ ايدي على ايدج ابيج تعلميني
انا و ريلي و عيالي 2 صغار 7 و 6 سنين .... قوليلي اشكثر يبيلي اذا بروح 3 اسابيع

 

[ملح مكتت]

ملح مكتكت ... انت السكن ببلاش حبوبه ؟؟؟
اخاف عشان جذي ما يكلفج ؟؟ شلون شهرين بلندن ب 2000 دينار ؟؟؟ ايدي على ايدج ابيج تعلميني
انا و ريلي و عيالي 2 صغار 7 و 6 سنين .... قوليلي اشكثر يبيلي اذا بروح 3 اسابيع

حبوبة انا عندي بيت بلانكستر بس قاعد اقول لكم 3000 الف منهم بس حق السكن والماجلة والسيااارة واللة مو غالية اللي تاخذ بيت او شقة ارخص لها من الفنادق وهالشي للي يعرف ودامفي بلاك بوول مالة داعي سياارة لان كلشي فيها حلوووو ويم بعض ماكو خوووف بالعكس بس مشييييييي يعني الالف الكويتي حق السكن والاكل والفين يصيرون 4000 باود عاد حسبتكم الام والابو كل واحد 50 باوند يعني 25 دك تشترين الاكو والماكو باليوم الواحد واليها اذا يحبون المشترى حطي بيدهم كل يوم 20 باوند ماكو غيرها طوول اليوووم واللة يكفي لاا ويزيييييييييييد..

 

[ملح مكتت]

الطيران مانشستر مو العاصمة اررخص

 

[عروس الدنيا]

اقول ملح مكتكت .... الحين قوليلي اذا بروح لندن و ماني طابه لندن ما احبها وايد الصراحه ...ز اطب مانشستر و اقعد فيها ؟؟؟ يلا سويلي جدول لشهر و قوليلي اشكثر يبيلي تذاكر و مصرف و سكن ... و اذا عندج عناوين بعد

 

[شهد _ الكويت]

مساء الخير ممكن اسألج اختي شلون احجز حق الشقق اللي قلتي عنهم ؟ في مكاتب بالكويت ؟ والا احجز من المكاتب اللي بلندن لأني اول شي بروح لندن . ومشكووورة

 

[ملح مكتت]

اقول ملح مكتكت .... الحين قوليلي اذا بروح لندن و ماني طابه لندن ما احبها وايد الصراحه ...ز اطب مانشستر و اقعد فيها ؟؟؟ يلا سويلي جدول لشهر و قوليلي اشكثر يبيلي تذاكر و مصرف و سكن ... و اذا عندج عناوين بعد

حبوووبة مانشيستر تيننننننن كل شي فيها انتي من تطبين مانشيستر طبعا اول يوم بس تحجزون فندق وبعدها تسالون راعي تكسي عن الشقق والبيووت وهم يدلونكم ماكو بالكويت حجز حق البيوت والشقق هذي سوالف مايعرفها اي كويتي قعدي بمانشيستر ويبيلج حق شهر واحد غير الالف مالت السكن والماجلة الف ونص يعني 3000 باوند حسبي ذا انتيوزوجج وولدين صغاار باليوم تصرفين 150 باوند بس ومنشيستر فيها الاوبن زوووو و اللوثري بارك والمولات 5 كبااار غير الترففورد سنتر و السيتي سنتر والبراي مارك و ملاهي مانشيستر والكاملوت والالتون تاور والوناسة بالليل بس بقوول لج شي اشكرة ترا اهي شوي خطططرة مو نفس بلاك بووول فيها عبيييد و هنووود وايد وفيها مشااكل بس حلوة حلوة بس بالليل قعدوا بالشقة ولا تطلعون يالمسلميييين بحجاباتكم واللة نصيييحة.

مساء الخير ممكن اسألج اختي شلون احجز حق الشقق اللي قلتي عنهم ؟ في مكاتب بالكويت ؟ والا احجز من المكاتب اللي بلندن لأني اول شي بروح لندن . ومشكووورة

شووفي مو مكاتب الحجزز وانا لندن العاصمة ما اواطنها كلها طرطو وبلاوي وتحرش فينا ويييع والحجز يكوون ليمن تلقين الشقة انتي والتاكسي تخلين التاكسي يدق ويتصرف مع لمالك و تحجزونها بالشهر تقريبا مو فوق ال 200 دينار بس ماكو مكاتب تحجزين فيها البيوت والشقق.

 

[عروس الدنيا]

خرعتيني ملح مكتكت ... اقول حق ريلي المغرب بنقعد بالبيت بيذبحني ... اذا جذي لازم ادور لي احد نروح معاه يسلينا عل اقل

 

[ملح مكتت]

هههههه واللا لبسي كاااب او اي شي يغطي شعرج بس مو حجااب هنااك وايد ملعن

 

[caramella]

امبيه اشدعوه آنا كنت بالصيف اللي فات اسبوع كامل في مانشستر
متحجبه وامشي عادي ولا أحد منتبه علي عادي ومتروس متحجبات اهناك
وبعدين مانشستر مشهوره الهنود المسلمين وايد متحجبات اهناك غير جذي المطاعم الحلال وايد حتى بالمجمعات صوب المطاعم ماكدونالدز وكنتاكي والربع تلقين مطعم حلال روحي وانتي متطمنه عادي:dddds:

 

[ملح مكتت]

اي انا ما قلت شي ادري كلها مسلمين بس بليل خطرة واللة يوم انا كنت هناك مرتين صار لي هالموقف حبيبتي انا قاعدة عند القطار الصغير مع زوجي بالليل وانا ماكنت متحجبة ويمشقرة الشعر ومو مبين اني من الكويت واساسا ملامحي مو كويتية وفي يمنا اماراتيين مروا سووود واللة وقاموا يسبونهم ويقولون عنهم حجي موشي ليش عرب ومسلمين

 

[اخت فروحه]

بلاك بول اتهبل بس في مرة اختي راحت لها كانت موت حر

 

[a7la tooota]

حبيبتي بقولج عن تجربتي حق بلاك بول يمكن تستفيدين منها ,,

احنا كل سنه لما نروح لندن لازم نروح بلاك بول يومين ونرد بعدين منطقتنا

طبعا نسكن بفندق حلو ورخيص ونظيف وبمنطقه تبعد عن بلاك بول ربع ساعه بس والله كان ودي احط اسمها بس ما اعرف ان شاء الله بسألج أبوي وبقولج ,, بس ترى ربع ساعه وتوصلين بلاك بوول والعمليه مو متعبه ولا شي وابوي ما شاء الله عليه يدل لندن عدل والفندق اسمه prmeir inn

[/url][/IMG]


وهذا شكل الغرف من داخل مع الحمام

[/url][/IMG]

[/url][/IMG]

[/url][/IMG]


سامحيني حبيبتي هذي الصور اللي لقيتها وحطيتها حقج وادري انهم صغاار سوري


واتمنى اني فدتج :tek:​