كل كويتيه غيووره تدخل !!!!

[om al ghaleen]

حسافة عليج يا كويت



دخلنا في سنة 2008 .. يعني صار لنا 18 سنة من الغزو .. يعني اللي انولد ذيج الأيام ، تخرج من الثنوية و يبي يدش الجامعة و يبي يتزوج .. يعني فيه جيل يديد طلع .. يعني السنين مرت ..

يعني بدينا نكبر و نشيب ..

خلال هذي الفترة ، جم شغلة تغيرت بالكويت ، نقولها للأمانة:
فتحنا سوق شرق و المارينا .. و توه هم بطلوا الأفنيوز.
الجمعيات صارت شوية كشخة.

المدينة الترفيهية صار فيها قطار ينقلب!

و يمكن جم إشارة سووها دوار .. و حطوا نفق بالدائري الخامس ، صار له دهر و ما خلص ..
للأسف ، راحت الأيام اللي الناس كانت تحسدنا لأنا كويتيين ، يوم كنا النموذج ، الناجح و الكل يشوفنا و يقلدنا ، و وده إصير مثلنا ..
صرنا آخر عمرنا المساكين اللي نكسر الخاطر ، الناس كلها طايرة ،

و احنا بالغصب نلحقهم على 'عربانة و حصان' ..

شوفوا الخليج اشلون قام و صار مشاريع و استثمارات و تخطيط

ورؤية و تنمية و ناطحات سحاب ، و احنا لما الحين مستانسين على برج التحرير ، لا و ما يخلونا نصعده بعد !!

في دبي ، بنوا أربع جزر صناعية تنشاف من القمر ، و بالكويت مو عارفين شيسون في فيلجا !

في السعودية ، بنوا مدن طبية و مستشفيات تخصصية ، و بالكويت لما الحين قاعدين يصبغون مستشفى الصباح و يرقعون الرازي و يطفون الجهرا !

في قطر ، قاعدين يسون مدينة كاملة للطاقة ، و بالكويت ،

و بعز الحر ، كل يوم يدقون علينا ، يبونا نسكر المكيفات عشان ما تطفي علينا الكهربا !

حتى المنتخب فشلنا و رفع ضغطنا ..

مسرحياتنا صارت مليقة ، مسلسلاتنا صارت سخيفة ,,

و الكويتية إن طارت بالموعد صفقوا للكابتن !

جسر الصبية خو من انولدت و أنا أسمع فيه ، القدس راح تتحرر

و احنا ليلحين نسوي دراسة بيئية حقه !

الأسعار شبت نار ، و المعاشات ما توكل خبز ، و العيشة كلها أقساط .. بيوتنا أقساط .. سياييرنا أقساط .. حتى حريمنا قمنا ناخذهم بالأقساط !
و عسى ما صارت عطلة أو إجازة ، إن شاء الله 3 أيام ، شفت الناس كلها هجت و سافرت و الديرة خلت .. و الله ما ينلامون الأوادم ، و ين نبيهم يروحون الجزيرة الخضرا ؟؟ و لا النافورة الراقصة ؟؟
حرام و الله الكويت تصير جذي ، بس تدرون ..

المشكلة مو فيها ، المشكلة فينا !

بقلم دكتور كويتي

السلام عليكم ورحمه الله وبركاته

ببلش بالموضوع بدوون مقدمات


طبعا الاقتباس هذا حصلته بأحد المواقع الخليجه ومن بينهم كويتين

ويوم شفت الردود والله يابنات عيوني دمعت من الكلام اللي شفته كله مذمه بديرتنا

والمشكله انا نفسنا احنا أهل الديره نذم ونتذمر من هالوضع

السؤااااااااااااااال ليش كله نتذمر وموعاجبنا شي الكويت شكوو ؟؟؟؟؟؟؟


يعني المشاكل قاعده تصير بينا احنا الشعب ؟ والحل بيدنا وان شاء الله كل شي وله حل

وازمه وتعدي والله يحفظ الكويت واهلها وشعبها الوفي من كل شر



المطلوب يابنات اذا شفتي هالنوعيه من المواضيع رجااءا ردووا بغيره وطنيه

كأن الموضوع انكتب عن امج او اخت << بعيد الشر عندهم

يعني ردووا وانتوا تدافعون عن الديره مو تذمونها


علشان لانصير مهزله للي مايحبونا .. عارفه موضوعي قااسي بس من حبي للكويت


وطني


وديريتي

وامي اللي فتحت قلبها لي وماعمرها هانتي



\\

والحمدالله مااعتقد في كويتي عليه قااصر الا اذا اهو مايعرف يتصرف بميزانته


أمانه كل وحده ترد علي اذا سافرتي ديره ثاانيه تحسين بالامان والحريه كثر ديرتنا ؟؟؟؟؟؟؟


ناطره ردودكم ومشاكاتكم \\ وأعذروني ع الاسلووب

 

[خشف العرب]

ووووووووي مالت عليه هاللي كاتب يحمد ربه ويارب لايغير علينا انا اذا سافرت يوم ماحس بالامان غير اهنيه جعل ربي يخليها لنا ذخررررررر يارب ولايحرمنا منها بظل ال الصباح يارب مومقصره معانا بشي وكل شي عندنا موعند غيرنا وكاهي المعاشات زادوها بعد اشيبون ولو ان احنا نطمح لاحسن والارقي بمرافقنا ومستشفياتنا بس هذا مايمنع ان احنا نحمد النعمه وغيرنا ماعنده هالنعمه واللي يسوي ويكتب جذيه ماعنده احساس ولاغاريه ويمثل نفسه فقط اشكر نقلج حبوبه وصج ناس بطرانه موعاجبها العجب

 

[om al ghaleen]

أمين ياارب ويحفظج حبيبتي

والله حلاته اي شخص يذم بالكويت يسحبون جنسيته وتسفير علشان يعرف قدر الكويت

مشكووره على المشاركه الطيبه

 

[amazing_heart]

يا عزيزتي .. هذول اللي اصواتهم اتجعجع واصراخهم يزيد .. وكلامهم كله سخريه وتطاول .. اتحداهم اذا راحو اي ديره .. انهم يرفعون صوتهم يالسلام حتى واهم واقفين جدام باب بيتهم ( هذا اذا لقولهم بيت ) .. يا عزيزتي .. انا ما ادعي الكمال ولا اقول احنا الأحسن .. بس النصيحه .. والأماني .. والأحلام ما تصير ابهالأسلوب .. ترى اللي حوالينا يضحكون ويذمون علينا لأن بلانا منا وفينا .. بس ما أقول غير ..

واااااااااااااااااااااااااي .. عليج ياديره كلوج لحم وقطوج عظم .. وخنت حيلي ياكويت ..​

 

[نــور1]

موضوعج قريب من موضوع طرحته احدى الخوات من فترة


كلامه فيه الصج بنسبة 99%


معرفة الخلل والتقصير اولى خطوات الاصلاح

 

[بنت الشاميه]

ماإعتقد اللى ذموا الكويت كويتين هذولا ماتوا على الجنسيه وما عطوهم لأنهم ما يستحقونها والحمدلله إحنا نقول إلى نبى ومانخاف وننام وباب بيتنا مفتوح (ماكو زوار الليل)الحمدلله على كل النعم

 

[بطاطا]

لو درت الدنيا و لفيت -- ما ألقى مثلج يا بلادي

الله الله يا كويت -- الله يا كويـــــــــــــــــــــــــــــت




و أقول لكل من ذم : خل نكون صادقين مع نفسنا شوي و نشوف هل اللي عطيناه ايي ربع اللي خذيناه ؟

و بعدها ذمووووووووووا .. :eh_s(1):



و مابي اكمل كلامي اخاف افتلت :eh_s(14):​

 

[أميرة الورد]

مشكورة صاحبة الموضوع

انا معاج ومو معاج ..اهم شي انه نحط ايدنا على الخطأ ونصلحه وبنفس الوقت ما ننتقص من قدر الكويت بقلوبنا ونرفعها فوق ..هاذي الكويت صل على النبي ...بس الواحد ساعات من القهر يقول هالكلام الواحد من حبه للكويت يقول هالكلام بس بقلبه كل الحب..انا وحده من العضاوت وايد اتنرفز على أي خطأ يصير او حدث يصير بالكويت ؟ ليش؟ ماحب ديرتي؟ بس بعارض وخلاص ؟ لأ هذا من حرقة قلبي على ديرتي ...الواحد من الحزن ساعات يقول كلام يفسلر انه هجوم وذم ولكن أهو غضب على اللي قاعد يصير بالديرة


ومشكورة على غيرتج على الكويت والله يكثر من أمثالج يالغاليـــــة

 

[نواره الدنيا]

الغلط مو بس ببلادي الكويت
الغلط بكل بلاد العالم
اما الكويت غيرها عمري ماحبيييييييييييييييييييييييييييييييييييت

 

[حناينq8]

مشكوره اختي عبير على الموضوع

الاقتباس اللي انتي حاطته والكلام اللي فيه كان واصل لي بالايميل

ان قريناه احنا الكويتيين كان بها احنا ادرى بشئون ديرتنا ويمكن هالكلام يكون كنقد بناء وانشالله يتصلح
بس ان هالحجي ينتشر بمنتديات خليجيه ويصير فيها ذم - طبعا هالشي ما نرضاه

لان الحمدلله احنا بديرتنا عايشين احسن عيشه

وقبل ما نحط السلبيات بديرتنا لازم نشوف الايجابيات اللي اذا بكتبها بحتاج صفحات وصفحات


(( لي شفت ظيم الناس بكل ديره - اسجد لربي اللي خلقني كويتي ))

 

[سواري الليل]

مشكوره أختي عبير على هالموضوع وهم أنا مثل راي أميرة الورد معاج ومومعاج
أول شي وأهم شي كنز قل وجوده فهالزمن (( القناعه كنز لايفنى ))
فالرسول صلى الله عليه وسلم قال بما معناه
ان من وجد قوت يومه ومسكن ونام وهو آمن فقد ملك الدنيا وفعلا هذي أعظم النعم على أي أنسان ولله الحمد ننعم بها منذ الأزل والله سبحانه وتعالى يقول (( وأن شكرتم لأزيدنكم )) فأحنا اللي علينا نحمد ربنا على هالنعم العضيمه أما الباقي فهي أكسسوار ماتقدم ولا تأخر وماوراه ألا الفتن والمعاصي والعياذ بالله
وبنفس الوقت لازم نتحجى من الغيره أغار لمه أشوف غيري أحسن مني وهذا يدعونا للمنافسه الشريفه لكن أختيار الألفاظ يلعب دور فموعيب لمه نذكر الأخطاء الموجوده لأن لو سكتنا ماراح يتعدل شي لكن مثل ماقلت أختيار الألفاظ تلعب دور
وآآآآآآآآآآآآآآآآآآآآآآآآآآسفه عالاطاله .

 

[pretty sarona]

المشكلة ان هالموضووع انا قاريته بمجلة طبية مالت أسنان ,, واللي كاتبة دكتور ,, احنا لو الله يفكنا من هالاشكال اللي ما تشوف الكويت بعين الذبان جان احنا بخير ,, مشكلة الذبان انهم ما يشوفوون إلا الوصخ تكرمييين
انا اقول حق الدكتور مادري منو اللي عزك و رزك و سواك دكتور !! مو الكويت بس والله بدال لا نقول حسافه عليج يالكويت نقول للكويت ما تستاهلين اللي قاعد يصير لج , حسافه عليكم يالكويتييين والكويت باقية رغم انف كل حاقد حتى لو كان يزعم ان كويتي !

 

[ام سعودمنبطحه بين القشع]

شكوووووووووووووو شكو تشكي مشكالنا للغرب بعدين اشتبون احسن من جذي ديرة كل هذا عشان جم مشكلة صارت فيها ماعدتو تحملونها وتشتكون منها:eh_s(14): وهي تحملتكم على بلاويكم كل هالسنين:eh_s(14): ولله الكويت بلدة امنة ورب غفووووووووووووور وسلامي للجميييييييييع:tek::tek:وشاكرتلج ياقلبي على الموضوع الحلو ياحلو:tek:

 

[zoba]

الله يعز الكويت والله ديرة الخير
بس كلام الكاتب فيه شي كبير من الصحه
صج ديرتنا عامره ومزدهره بس لو نقارنها بغيرنا من الدول نلقانا اخر ناس
راحت ايام اللي كنا احنا اللي جدام واحنا اول ناس .. تاخرنا الحين وصرنا ورا
الشعب تغير وهذا مانقال عنه ذم بس هذا حجي ولازم ينقال
ماعادت الكويت اهي اول اهتمامات الشعب واحسن دليل اعطيج ياه اهو مجلس الامه
لو كل عضو يدش المجلس يكون همه مصلحة الوطن فقط لا غير جان احنا بوضع وايد احسن من وضعنا الحالي بس اللي انا اشوفه ان في وايد اعضاء يدشون حق مصالحهم الشخصيه مو مصلحة الوطن
لو كلنا غيرنا طريقة تفكيرنا واهتماماتنا واولياتنا بنرد مثل ماكنا قبل الغزو واحسن
بس بالنهايه الحمدلله على كل حال واكيد وضعنا بالكويت احسن من واااااايد دول ثانيه

 

[om al ghaleen]

يا عزيزتي .. هذول اللي اصواتهم اتجعجع واصراخهم يزيد .. وكلامهم كله سخريه وتطاول .. اتحداهم اذا راحو اي ديره .. انهم يرفعون صوتهم يالسلام حتى واهم واقفين جدام باب بيتهم ( هذا اذا لقولهم بيت ) .. يا عزيزتي .. انا ما ادعي الكمال ولا اقول احنا الأحسن .. بس النصيحه .. والأماني .. والأحلام ما تصير ابهالأسلوب .. ترى اللي حوالينا يضحكون ويذمون علينا لأن بلانا منا وفينا .. بس ما أقول غير ..

واااااااااااااااااااااااااي .. عليج ياديره كلوج لحم وقطوج عظم .. وخنت حيلي ياكويت ..​

اي والله صدقتي ياا اختي بس شنقوول مشكلتنا نتفاخر بالكلام وبالاخر ينقلب علينا

منووره عزيزتي

\\

 

[om al ghaleen]

موضوعج قريب من موضوع طرحته احدى الخوات من فترة


كلامه فيه الصج بنسبة 99%


معرفة الخلل والتقصير اولى خطوات الاصلاح

مو مشكله اختي في اسلووب احسن من اسلووبه \\ يتكلم بمنطقيه

ويطرح وجهه نظره بأحترام !! نحل مشاكلنا بينا بعيد عن الغرب

وشاكره لج مرورج

\\

 

[om al ghaleen]

ماإعتقد اللى ذموا الكويت كويتين هذولا ماتوا على الجنسيه وما عطوهم لأنهم ما يستحقونها والحمدلله إحنا نقول إلى نبى ومانخاف وننام وباب بيتنا مفتوح (ماكو زوار الليل)الحمدلله على كل النعم

الحمدالله على هالنعمه والله لايغير علينا

ونفتخر بديرتنا

ومشكووره يابنت ديرتي على المشاركه

\\

 

[om al ghaleen]

لو درت الدنيا و لفيت -- ما ألقى مثلج يا بلادي

الله الله يا كويت -- الله يا كويـــــــــــــــــــــــــــــت




و أقول لكل من ذم : خل نكون صادقين مع نفسنا شوي و نشوف هل اللي عطيناه ايي ربع اللي خذيناه ؟

و بعدها ذمووووووووووا .. :eh_s(1):



و مابي اكمل كلامي اخاف افتلت :eh_s(14):​

والله مابلقى مثل اللي حصلته تخيلي انا مااشتغل ومعااشي يووصل لي للبيت امانه في ديره تعطي جذيه !!

ماشاء الله والله لايغير علينا

مشكووره حبيبتي ع المشاركه

\\

 

[om al ghaleen]

مشكورة صاحبة الموضوع

انا معاج ومو معاج ..اهم شي انه نحط ايدنا على الخطأ ونصلحه وبنفس الوقت ما ننتقص من قدر الكويت بقلوبنا ونرفعها فوق ..هاذي الكويت صل على النبي ...بس الواحد ساعات من القهر يقول هالكلام الواحد من حبه للكويت يقول هالكلام بس بقلبه كل الحب..انا وحده من العضاوت وايد اتنرفز على أي خطأ يصير او حدث يصير بالكويت ؟ ليش؟ ماحب ديرتي؟ بس بعارض وخلاص ؟ لأ هذا من حرقة قلبي على ديرتي ...الواحد من الحزن ساعات يقول كلام يفسلر انه هجوم وذم ولكن أهو غضب على اللي قاعد يصير بالديرة


ومشكورة على غيرتج على الكويت والله يكثر من أمثالج يالغاليـــــة

كلامج ع العين والراس وصحيح مافي انسان مايحب الخير لنفسه ولديرته \\

بس الذم يكون بينا وبين اهلنا مايطلع براا والكل يقرااه


ومشكووره عزيزتي ماننحرم هالتواجد

\\

 

[om al ghaleen]

الغلط مو بس ببلادي الكويت
الغلط بكل بلاد العالم
اما الكويت غيرها عمري ماحبيييييييييييييييييييييييييييييييييييت

عشتي وعااش قلبج الطيب

تسلمين ع المشاركه المنوره


\\