كل كويتيه غيووره تدخل !!!!

[om al ghaleen]

مشكوره اختي عبير على الموضوع

الاقتباس اللي انتي حاطته والكلام اللي فيه كان واصل لي بالايميل

ان قريناه احنا الكويتيين كان بها احنا ادرى بشئون ديرتنا ويمكن هالكلام يكون كنقد بناء وانشالله يتصلح
بس ان هالحجي ينتشر بمنتديات خليجيه ويصير فيها ذم - طبعا هالشي ما نرضاه

لان الحمدلله احنا بديرتنا عايشين احسن عيشه

وقبل ما نحط السلبيات بديرتنا لازم نشوف الايجابيات اللي اذا بكتبها بحتاج صفحات وصفحات


(( لي شفت ظيم الناس بكل ديره - اسجد لربي اللي خلقني كويتي ))

لي شفت ظيم الناس بكل ديره - اسجد لربي اللي خلقني كويتي


هذي بس تكفي

مشكووره عزيزتي ع المشاركه الطيبه

\\

 

[بيوتي]

حبيبتـي عبيـر ..

بصـراحـه أنـا أشكرج على طرحج لهالموضوع وإللي بيـن فيـه غيرتـج على الكويت فديـــتـهـا وفديــت اترابـهـا ,,,, حبيبتــي هالاقتباس إللي ماخـذتـه ماعنده غيـر الكـلام ، الحمدالله ديرتنـأ على طوول تتطوور ,,, وأنــا يابنــات اذا سافررت لو لمـدة أربـع أيـاام وربـي اني أبكـــي ليـمــن أوصـل الكويت مرره ثانيـه ,, لأنـي جد ما تعوودت انـي أفارقهـا ,,,

الكوويت هـي امنـا واختنـا اللـي تربينـا على كنفهــا ’’’ وســلامتـــكم ...

 

[كريستال ليدي]

موضوعج قريب من موضوع طرحته احدى الخوات من فترة


كلامه فيه الصج بنسبة 99%


معرفة الخلل والتقصير اولى خطوات الاصلاح

صح الموضوع موجود بالمنتدى قبل يومين و البنات ردوا عليه بما فيه الكفاية و عمرنا ما راح نتغير اذا راح نرضى باللوقع اللي احنا فيه

 

[المبدعة]

الكويت اهي امي


و ما في اععظم من الام اللي تحسين فيها بالامان و الحب و الحنان

الكويت = امي = حبي

 

[ام فواز وضاري]

بسم الله اول شي الله يحفظ الكويت من شر الحساد وانا بسألكم سؤال شنو فايدت البنيان وناطحات السحاب والالعاب الترفيهيه والجزر والتطور والعقل فاضي مافي ثقافه والقلب فاضي مافي حب وغيره على الديره والنفوس كلها حقد وكراهيه على بعض الحمدلله ماعندنا طائفيه ولا قبليه حتى شيوخنا ماخذين حضر وبدو وسنه وشيعه وكلنا نحب ديرتنا التطور يكون بالعقل والفكر لاتغركم التطورات والبنيان ترى كلها بفلوس الغرب وديون على الحكومات والله محد ينن الكويتيين الا دبي ترى دبي ماانبنيت الا بايد الغرب والدخل الشهري كله لهم المهم ترى كلامه صح بس هذا حده حده بالدواوين واليمعات الحريم مو بمجله ومنتدى وترى ديرتنا فيها الخير واهلها فيهم الخير والبركه وشوفوا لما تصير عطله صغيره المجمعات كلها خليجيين هذا دليل حبهم لنا واذا في عروس خليجيه بتجهز تيي الكويت تجهز ومسرحياتنا لو مليقه مالقت كل هالاقبال الجماهيري حتى من دول الخليج ومسلسلاتنا فيها الزين والشين ... وآسفه عالاطاله بس انا ماارضى عالكويت وكنت انطر موضوع جذي علشان اوضح حق كل الناس ان الكويت كانت وبقيت وستبقى درة ودانة ولؤلؤة الخليج رغم انف الحاقدين
وتحياتي حق خواتي االخليجيات اللي يحبون الكويت بسسسس

 

[ام فواز وضاري]

بليييز ابي الموقع بقرا الردود بلييز حطيلي الرابط

 

[Hello_kitty]

بسم الله اول شي الله يحفظ الكويت من شر الحساد وانا بسألكم سؤال شنو فايدت البنيان وناطحات السحاب والالعاب الترفيهيه والجزر والتطور والعقل فاضي مافي ثقافه والقلب فاضي مافي حب وغيره على الديره والنفوس كلها حقد وكراهيه على بعض الحمدلله ماعندنا طائفيه ولا قبليه حتى شيوخنا ماخذين حضر وبدو وسنه وشيعه وكلنا نحب ديرتنا التطور يكون بالعقل والفكر لاتغركم التطورات والبنيان ترى كلها بفلوس الغرب وديون على الحكومات والله محد ينن الكويتيين الا دبي ترى دبي ماانبنيت الا بايد الغرب والدخل الشهري كله لهم المهم ترى كلامه صح بس هذا حده حده بالدواوين واليمعات الحريم مو بمجله ومنتدى وترى ديرتنا فيها الخير واهلها فيهم الخير والبركه وشوفوا لما تصير عطله صغيره المجمعات كلها خليجيين هذا دليل حبهم لنا واذا في عروس خليجيه بتجهز تيي الكويت تجهز ومسرحياتنا لو مليقه مالقت كل هالاقبال الجماهيري حتى من دول الخليج ومسلسلاتنا فيها الزين والشين ... وآسفه عالاطاله بس انا ماارضى عالكويت وكنت انطر موضوع جذي علشان اوضح حق كل الناس ان الكويت كانت وبقيت وستبقى درة ودانة ولؤلؤة الخليج رغم انف الحاقدين
وتحياتي حق خواتي االخليجيات اللي يحبون الكويت بسسسس

:ggdw:

صح لســــــــــــــــانح احيي الروح الوطتيه فيج

بصراحه احنا نتغنى بحب الكويت بس اشوف الأغلبيه فقدت الحس الوطني والغيره الوطنيه

صرنا نتطاول ونذم بديرتنا اكثر من العراقييـــــــــن

حرااام الكويت ما تستاهل

ماكو ديره بالعالم عطت شعبها مثل ما عطتنا حتى بالغزو وتحت الإحتلال والديره رايحه

واحنا عايشين بعز وخير ديرتنا ماكو كويتي واحد احتاج حق شي سواء اللي بره ولا داخل

 

[روحـ باباتيـ]

الله يحفظ ديرتنا من كل مكـــروووه

 

[الاسطورية]

الكلام صحيح بس طريقه الطرح موحلوه من كويتيه انها تقط الكلام بسخريه وتتطنز لكن ان يينا للواقع الكويت فعلا تغيرت وردت ليورا ونتمنى ترجع نفس اول لكن الواحد يطرح المواضيع بجديه وبكلام منطقي مواستهزاء مثل اسلوبها

وبعدين البنت هم غيرانه على الكويت ليش وصلت للحاله ولاجان ماطرحت الموضوع بس غيرتها ترجمتها بطريقه غلط لو وحده ماتحب الكويت جان ما همها تقارن وتنقهر على الوضع

 

[redcharger]

لا تاخذون بخاطركم على الي كاتب الموضوع هذا انسان تافه المهم اعرف وحده ميته وتجنس وتذم بالكويت وتقول الله يخلي خير العراق الي وصل الكويت ولا الكويت ما فيها نفط هذا نفط العراق يله شتقولون بذمتكم عن هذي ولا وناطره الجنسيه بعد
والله قوات عين

 

[lawyer-GoMaR]

ماني عارفه شقول ..صج عورني قلبي
انا كل ما ادش هالاماكن واشوف التعليقات اشتط وتموووت قهر ودي ارد بس ارد على منو ولا منو

يا بنات احس الكويت من طيبتها مع هالدول صارت طوفة هبيطة ..فلما عيالها يتكلمون بره ويقولون هالحجي عن ديرتنا ..شنرقع وشلون ندافع اذا ولد خيرها ونعمتها يقول جذي ..اذا اهوا يهدف للاصلاح ومصلحة الديرة كان المفروض باسلوب احسن من جذي ولا يشمت فينا الحاسدين والحاقدين على ديرتنا والي يدورون الشارة عشان يشمتون فينا

 

[مطيريه ماركه]

الله يخلي الكويت

ياعساها من عمار في عمار

ترا كلامه صج بس ياليت ماكان يكتب في منتديات احسه عقوق في امنا الكويت ،

هذا مو طريق اصلاح يسمىـآ تذمر

الكويت ماقالت لك اقترض وابلش نفسك ليش ماسمغت بالمثل اللي يقول مد رجولك على قد لحافك

انا شدني النك << دكتور كويتي

ليش هذا منطق دكتور

واذا عالمشاريع اللي ماتنتهي من رايي كله من مجلس الأمه ناس تحلف تحترم الدستور وان يذود عن الكويت والشعب الكويتي

والكويت مو على بالهم غرتهم الماده

متأمله خير من المجلس الجاي

ويابنات كلنا بنات هالديره اللي ام واللي طالبه واللي موظفه واللي معلمه

اغرسوا حب الكويت بنفوس الناشئه

وعماآآآر ياكويــت​

 

[el7ob Klah]

بصراحه كلامه صحيح

بس الكويت مالها شغل

الكلام المفروض يكون موجه للحكومه والمجلس

الكويت بريئه من كل الذمم الكويت امنا و ابونا وفداها روحنا والله

اذا في عيب فالعيب فينا مو في ديرتنا احنا الي وينه عنها

وين رجالنا عنها ما يعمرونها ولا يقفونها الكويت واقفه والحمدلله

بس للاسف وقفتها مايله اشوي وان شاءالله نشوف عيالنا يردون لها ضحكتها يا رب

وحسافه والله صرنا طوفه هبيطه للي يسوا والي ما يسوا

 

[ام فواز وضاري]

كيدي عظيم صدقتي حبيبتي والله يخلي لنا الكويت دوووووم وعمااار ياكويت رغم انف الحاقدين ويكفي انها عاجبتنا احنا اهلها وبس والغرب مالهم شغل فينا

 

[ناعمة]

الله يعز الكويت ويحفظها

ليش اهو ما يشوف الايجابي ؟

الجامعات زادو .. الديمقراطية زادت .. الجرايد زادو .. القنوات زادو .. الاهتمام بالدين زاد .. صار فيه حملات دينية و توعوية .. الاهتمام بالتكنلوجيا زاد .. الحمد لله ما عندنا خمر بالكويت و احنا الدولة الوحيدة بالعالم مع السعودية اللي ما نسمح لدخول الخمر .. هذا شرف والله

 

[بدويه اصيله]

.


خوااااااتي كلامه صحيح ميه في الميه بس ماينكتب هالكلام في منتديات مو كويتيه



وإحناااا لازم ندور حل اللحين الكل يضحك عليناااااا ويقووول ديرة شصغرهااا والنفط اللهم لك الحمد مو قادرين



تعمرووون الكويت من جديد




لالا لازم نتحجى . .







ونشوف آآخرت هالمسؤوليين الي بس فاضين للمجمعات بس




.






ولا أهووو أخطأ أن الموضوع طرح في موقع مو كويتي . . !!!!!!!

 

[سفيرة العشق]

حبيبتي ليش تتهربون من الصج
وليش تعتقدون ان الكلام اللي انقال فيه مذمة الكويت
عيال الديرة عمرهم ما يذمون ديرتهم بس هم يبون لها الأحسن
بعد ما كانت الكويت هي درة الخليج

والكويتيين يتباهون فيها ... شاللي صار الحين ؟؟؟

قاعدين نتقدم أي بس مثل السلحفاة بين الخيول

الناس اللي ودها ان ديرتهم تكون احلى ديرة بالكون

اكيد يغارون عليها وما يرضون عليها ...

صارت الكويت مصالح شخصية في وقت لو يتكاتفون

شوفو الكويت اشلون راح اتصيير


بس اكيد ما نرضى احد يذم بديرتنا الحبيبة يمكن هذي تكون دعوة للعطاء والتطوير

 

[TeAcHeR_BeZaRiN]

!!

وين الغلط في الكلام ؟؟؟؟؟؟؟؟

اذا احنى صج انحب الكويت وغيورين عليها لازم انشوف الخطأ وين فيه وانصلحة

مو نقعد على طمام المرحوم واكابر واقول الكويت احلى بلد !!

اي نعم احلى بلد يعيونا مانرضى انعيش برة الكويت اصلا ما نقدر نتفس واحنى برة هالديرة

لكن قاعدة اتصير اخطاء بهالديرة ولازم نعترف فيها .. عجلة التطور بالعالم ماشية 240 واحنى بالديرة عجلتنا يادوب تمشي 60 !!
اذا نحب الكويت لازم انحط جدام عيونا الاخطاء وانحاول انصلحها

 

[وائليه]

ياعمري ياقلبي ياديرتي ياكويت ... أحبج أحبج أحبج يادانتي الحلوه

 

[بنت الارسنال]

والله الي يقول جذي اكييييد من كثر ماهو محترق قلبة على ديرتة انا معاج حبيبتي وانشاءلله اوضاعنا تتحسن