اللى سوت اسنانها بعياده الميدان تدخل بليز

[^kloOot^]

قوه بنات انا اليوم رحت عياده الميدان للي بحولى مجمع بيرووووت

لانى بشوف شيقول الدكتور لانه عندي جم سن شايلينهم من قبل ولازم يازراعه او جسر

لانى مركبه تقويم بالاميري صارلي سنه تقريبا ولازم اشيله بس دكتوري بالاميري قالي لازم تركبيلج اسنان عشان لا يختربون اسنانج مره ثانيه
المهم قالي دكتوري بالاميري انه مواعيدهم بعيده يعنى يبيلج سنه عشان كل سن والدكاتره الحين مسافرين

ونصحنى اسافر ايران بس انا ما اقدر ارووح
وبعدين ايران الناس كلها قام يصير فيها مرض كبد الوبائي وادواتهم مو معقمه

المهم قررت اروح الخاص ورحت الميدان ومدحولى دكتور نائل عبدالرضا الهزيم قالي انه لازم انسويلج زراعه حق جم سن انا يبيلي 3
وكل سنه 545دينار بالضبط
يعنى 1635 تقريبا
طبعا صدمه لانه السعر وايد غالي
وقالي عندج 4 ضرس العقل لازم انشيلهم بيوم واحد 300دك كلهم

انا امووت خوف من ضرس العقل هالمره 4
يقول ولا يأثر على تقويمج كله:0bee2e8d89:
طبعا دكتوري بالاميري ماقالى عن ضرس العقل
المهم يبيلي 2000دينار تقريبا:cxxxp:

وبصراحه الواحد اهم شيء صحته واسنانه :dddds:
وانا تعبت من التقويم والمشكله اسنانى اللى تحت قامو يدشون ليه داخل ولثتى تعبت
المهم بنات

ابي اللي جربت الميداان وعند الدكتور نائل الهزيم او غيره تقولى شلونهم ايدهم خفيفه ولا لا وتنصحنى فيهم؟


واللي مسويه زراعه بعياده ثانيه ارخص وتكون معروووووووووووووووفه مابي يبدعون باسنانى علبونه رخيص هم تقولى

تكفون بنات

سااااااااااااااااااعدونى وقولولي رايكم شسوى؟

 

[^kloOot^]

شدعوه 5 دشوا ولا وحده ردت


بليز ساعدونى بنات

 

[^kloOot^]

15 هم ماكو ردود

 

[ii DareeN ii]

تبين شغل مضبوط شغل نظيف حيل الميدان بس في عيادات ارخص بس الاحسن والاضبط الميدان

 

[هواجس]

حبيبتي انا مسويه تركيب 7 اسنان في عيادة الميدان عند دكتور جميل /الفروانيه .. بس بعد سنه تعبت لثتي حيل ورحت ل د.بدر الانصاري قالي التركيب غلط والشغل مو مضبوط .. سبب عندي انحسار باللثه .. وقالي لازم عمليه وتركيب جديد ههههههه .. كلفتني بالميدان 2000 د.ك .. وعند بدر الانصاري 3000 د.ك هههههههه ضربه..اسألي وتقصي عدل قبل تروحين اي عياده ... اتمنى لج الشفاء العاجل ...

 

[دندونة]

والله صدمتيني بيشلع 4 مرة وحدة ......... لا تغامرين........ روحي فرع ثاني للميدان وشوفي شيقولك الدكتور ..... هل يطلع نفس الكلام والا لأ؟؟

 

[^kloOot^]

اى والله قالي 4 بيوم واحد انا واااااااحد وبموت مادري شسوي
اهو الدكتور مدير الفرع اللي بحولى وبعد
وانا سالت وحده شفتها بالعياده قالت شغله اوكي وقالت اهو كان بالاميري هالدكتور

 

[أغلى حبيبه]

الله واحد ويذبح من العوار

بعد 4 مره وحده

روحي جم عياده وسالي

 

[MELANO]

شوفى حبيبتى روحى عياده الميدان بالفروانيه في دكتور هناك اسمه دكتور عبد الله مع انه يشتغل بالميدان بس ينصحج يعنى ما يزيد ولا ينقص يقولج شنو محتاجه انا رايحه اسوى تقويم قالى لا مو محتاجه واللى قالج محتاجه يضحك عليج

ومثل ما قالوا الخوات شوفى اكثر من راى قبل لا تسوين انا وحده اعرفها سوت عند الانصارى واسنانها زينه بس هم سالى بالاول اكثر من دكتور بعد 2000 دينار وايد الله يديم نعمته عليج وعلينا ان شاء الله

 

[الكويت]

انا سويت 6 اسنان تلبيس بالميدان اللي بفحيحيل عند الدكتور ايمن قبل7سنوات ماشاءالله للحين تهبل وصغار وبيضه وبدون ان تتعب اللثه.(اللهم لك الحمد)
وهذا الشي عطى خواتي وبنت اختي دافع يروحون له.بنت اختي سوت تقويم طلع شكل حلجها يهبببببببببل​

 

[عاقده النونه]

السلام عليكم

قريت موضوعج وحبيت اشارك مع خواتي لاني احتريت من هالدكتور اللي بيلعب فيج لعب

شوفي اختي انا لي 5 سنين مع عيادة الميدان مع دكتوره ساميه انصحج تروحين لها

وتوني قبل جم يوم عندها ملبسه ضرسين ومحشيه ضرس انا ضروسي رايحه فيها

من صغرتي وبالنسبه لضرس العقل هذا ناوي عليج نيه 4 بيوم واحد وانتي مجنونه اذا

طعتيه وسويتهم انا مسويتهم عند دكتوره ساميه من جم سنه

وكنت بموت منهم بس ماشالتهم لي بيوم واحد مثل

ماقالج هذا لانه مو زين اصلا واذا تبيني اوصي عليج مستعده راسليني علي الخاص

لاني اعرفها حيل وصدقيني ايدها خفيفه والله واهي طيبه وجهها يشرح القلب

للامانه واقسم لج بالله العلي العظيم اني ما امدحها عشان شي بس ابي

هالشي يرفعني عند رب العالمين لانها شهادة حق والله يشافيج بس لاتغامرين

عند هالدكتور الجزار مع احترامي لج​

 

[فبراير]

قبل سنتين جربت عند د.رولا عيادة الميدان فرع شرق وايد زينه وتنصح وايدها خفيفه بس صراحه ما جربت تركيب او خلع الحمدلله بس سوالف حشوات وتلبيس....

 

[ام مضاوي]

اختي انا سويت تلبيس ضرسين وشغلهم نظيف
وشلت عصب
طلع 300

والفوزان اطلبو على نفس هالشغلتين590 دينار

شفي الفرق
تقريبانص المبلغ

وزراعة الاسنان

انا امي سوته بالاميري الله سخرلها الدكاتره وبسرعه سوو لها

لانه فيها سكر واول حاله تمرعليهم سكر وزرعو الاسنان

يوم الموعد لقيت دكاتره وطلبة طب ودكتور امريكي
كلهم متجهزين بيسوون لامي عملية الزراعه وطلعوني من الغرفه ماخلوني اقعد

وبالنهاية اكتشفنا انه كل هالسالفه علشان امي اول حاله مرض سكري يسوون زراعه لها
وطلعو يباركون والحمدلله اذكر تمت بنجاااااح

هالحجي قبل لااتزوج من 3سنوات تقريبا

 

[^kloOot^]

بناااااااااااااااااااااات امبيه لاعت جبدى مادري شسوى من عقب كلام الدكتور بسويلي زراعه 3 اسنان بيوم واحد وبيشيلى ضرووس العقل 4 بيوم واحد شسااااااااااااااااااااااااااااالفه
والله تعبت نفسيا شكلى بغير الدكتور

 

[wolfa]

أنا سويت زراعة أسنان عند الدكتور نائل عبدالرضا ، ومو بس زراعة لا وبعد رفع جيوب أنفية وزراعة عظم ومن بعدها البراغي ، المهم زرعت 5 أسنان عنده ، وأخر ضرسين ركبتهم قبل 5 أيام من بعد انتظار دام شهور ، وشغله لو أبي أمدحه يمكن راح أبالغ شوي ، لكنه ببساطة دكتور متمكن لهذا النوع من العمليات وباقتدار ، وما يعيب عيادة الميدان أي شيء خدمة ممتازة ورعاية وعن تجربة شخصية .

 

[^kloOot^]

أنا سويت زراعة أسنان عند الدكتور نائل عبدالرضا ، ومو بس زراعة لا وبعد رفع جيوب أنفية وزراعة عظم ومن بعدها البراغي ، المهم زرعت 5 أسنان عنده ، وأخر ضرسين ركبتهم قبل 5 أيام من بعد انتظار دام شهور ، وشغله لو أبي أمدحه يمكن راح أبالغ شوي ، لكنه ببساطة دكتور متمكن لهذا النوع من العمليات وباقتدار ، وما يعيب عيادة الميدان أي شيء خدمة ممتازة ورعاية وعن تجربة شخصية .

صج والله ريحتينى بس ابي اعرف التفاصيل اكثر ياقلبي نفسيتى اتعبت والله
اهو سوالج اكيد مو كلهم بيوم واحد صح

 

[lomy]

حبيبتي دكتور نائل الهزيم معروووووووف بالزارعه من ايام الأميري .......... فعلا الناس كانت تدور مواعيد عنده من شغله النظيف .........

وسالفة بيوم واحد تشيلين ضروس العقل عادي حتى بالحكومه يشلونهم بيوم واحد .......... اذا ميزانية عندج مش ولابد

روحي اخذي موعد جراحة بالاميري ......... عشان يشلون لج ضروس العقل عند دكتور أحمد الرفاعي ..........

وكملي الزراعة بالميدان .............


وانا بعد كنت مسوية زارعة بالاميري بعد اربع سنين اكتشفت انهاااااااااااااااااااااااااا غلط وتوني شايلتها بالميدان ........ لأني تعقدت من الحكومه ,,,,,,,,,,,,,, ونطرين العظم يبني مره ثانية لأنه الزرعه الأولى فتت عظمة الفك ,,,,,,,,, يبيلي 6 شهور عالأقل ......زز على ما ازرع .......... مع انه ودي ازرع اليوم قبل باجر .......................

وانا اراجع عيادة الميدان - فرع صباح السالم ...... ونسيت اسم دكتوري ..... لي تذكرت بقولج بس بصراحه ايده خفيفه


وعلى فكره انا مدحت دكتور نائل من سمعته الطيبه اللي كانت بالاميري .......... وانا للاسف زراعتي كانت عند دكتور ثاني الله يسامحه على اللي سواه فيني ...........


وبالسلامه ان شاء الله

 

[^kloOot^]

واى ريحتو نفسيتى صج ما قصرتي (لومي ) ارتحت نفسيا

بنات عفيه ابي تجاربكم مع دكتور نائل

تكفون


ابي الزراعه تعور ولا لا وبالخاص فيه تخدير

 

[NiFeeSHa23]

د.نائل وايد زيين و ايده خفييفه انا شايله عنده العقل و كان بيبشلعلي 2 مع بعض عادي يسير بس انا خوافه فشلعت واحد بس بس مثل ما قلت عن تجربه دكتور ممتاز و لا تحاتين دكتور فاهم توكلي علي الله

 

[اللوتس]

والله أختي مسويه تركيب عند الفوزان بالمهلب وحلوين حيل