إ¨°•√♥ ذا أنتي مطلقه شاركينى؟ "تم دمج المواضيع المتشابهه من قبل الاشراف"¨°•√♥

[جوجو.]

رد: إذا أنتي مطلقه شاركينى؟

خطبني 4 مراات وانا من اول مره مابيه يمكن لاسباب تافهه رفضت بس كان بداخلي اني مو متقبلته ولا حابته

ممممممم نصيب سبحان الله

 

[جوجو.]

رد: إذا أنتي مطلقه شاركينى؟

تصدقين

كبيره كلمة مطلقه وخصوصا اذا كانت البنت صغيرهـ
كبيره صح بس الافضل لج انج مطلقه او انج اتعيشين مع شخص ماتبينه طوول عمرج ؟؟


شنو ذنبي اني ماحبيته ؟! بتقولين تحملي ؟ بقول صرت مانام الليل ؟ ولا اذوق الاكل ؟

لا بالعكس ماتتحملين هذا نصيب والله مو كاتب لج انج اتعيشين معاه عالعموم هذا شي صار وانتهى والحين احمدي ربج دايم على هالنعمه

 

[جوجو.]

رد: إذا أنتي مطلقه شاركينى؟

مشكوره اختي ورد جوري
على ردج واهتمامج بالرد على الكل كلج ذوق حبيبتي
فعلا الواحد ما ياخذ الا نصيبه اهم شي ان الواحد ايحط في باله
انه كل شي اي من الله سبحانه في خير

اول شي انا كنت متأثره نفسيا من الي صارلي ولاني كنت احس اني مظلومه
بس الحين انا متأكده في خير لي الي صار والحمد الله على كل حال
وانشالله الله يعوضني بزوج صالح

دموع الروح حبيبتي دايما الانسان اذا مر بسالفه معينه يتأثر له جم يوم جم شهر

بس الواحد دايما يذكر ربه ويوكل امره لله سبحانه والله يفرجها عليه سبحانه ماينسى عبده المسكين المظلوم
ابدي حياتج اليديده وانسي ماضيج لانج الحين بأحسن حال ​

 

[جوجو.]

رد: إذا أنتي مطلقه شاركينى؟

ها بنات منو فيكم اتحب اتقولنا مشكلتها

 

[!.. رمش وأهداب ..!]

رد: إذا أنتي مطلقه شاركينى؟

تسلمين يالجوووري والله انج عســل ..

ردج ونسني يمكن لاني محتاجـــه تشجيـــع واني ارجع ثقتــي بنفســـي بعد هالوضع ..


والله يعوضنا خير ويرقنا من فضله من حيث لانحتــسب ..:gathering:

 

[الجووورى]

رد: إذا أنتي مطلقه شاركينى؟

الله يعوض عليكم جميع وخواتى كل شى لنا بالدنيا اختبار من رب العباد والشكوى لغير الله مذله الله يعوضكم باللى يعرف قيمتكم ويخاف الله فيكم اسال الله لى ولكم التوفيق

 

[دموع الحزن]

رد: إذا أنتي مطلقه شاركينى؟

السلام عليكم

انا يديده بالمنتدى الروعه هذا وما دشيت الا عشان اقول الي في قلبي وارتاح لان ماعندي احد اشتكيله غيركم
انا يا بنات متزوجه من اربع سنين وعندي ولد وبنت ومشكلتي بدت من اول يوم زواج
ريلي مشكلته ان وايد عصبي ومسيطر واذا قال لا يعني لا حتى لو الشي خاطري فيه لو اموت واحيي ما احصله اذا قال اهو لا
يعني ساعات احس اني جني ياهل لازم اشاوره في كل شي واذا رفض اسكت ولا اتحجى
لما اقول اشاوره اقصد يعني حتى بالاشياء الخاصه فيني مو بس بحقوقه الشرعيه مثل الطلعه من البيت
يعني لازم استأذن اذا بغيت اروح السوق واشتريلي شغله اذا هل شي مو عاجبه ما اخذه
والمشكله الثانيه الي اعاني منها انه وايد عصبي ومايتفاهم واذا عصب يقوم يغلط ويهين وما يثمن الكلام الي يقوله
و وايد قاسي بالمعامله معاي يعني ما احس بحنانه ولا اهتمامه ولا اي كلمه حلوه منه
والمشكله انه انا عصبيه بعد....حاولت اغير هل شي فيني بس ما قدرت والدليل اني داشه سنه خامسه زواج وليلحين مشاكلنه ونجراتنا على نفس المواضيع
واليوم كانت اخر هوشه بينه والي من عقبها قاعده افكر جد بالطلاق
ومتردده وخايفه من المستقبل اذا رديت بيت اهلي مطلقه وعندي 2
شبقولون الناس علي وفي وايد ناس راح تتشمت فيني وانا ادري
ماني قادره اعيش معاه واحس بالسعاده والراحه
كله احس انه في شي ناقصني واني استاهل احسن من جذي
مادري شسوي وقاعده افكر بعيالي شلون بيعشون
والمشكله انه انا امي مطلقه ولا عندي خوات واخوان وابوي علاقتي فيه حيل ضعيفه يعني هم اهو حاس اني انا ضعيفه وماعندي ريال يدافع عني
وهذا الي يحز في نفسي
وكله اقول لو عندي ريال جان ما سوه فيني جذي
يعني حتى لو تطلقت انا ادري انه امي الله يخليها مو دايمتلي
حاسه بضيقه حيل وانا كتبلكم واحس اني بموت من القهر
اليوم تناجرنه على موضوع سخيف وفقدت اعصابي عليه ومد ايده على وانا عمري محد سواها فيني من قبل وطقني
احس اني بعد ما اقدر اطل في ويها ولايعه جبدي منه
ساعدوني شسوي هل الحل بالطلاق
صارلي 4 سنين صابره واذا صبرت اكثر راح تييني امراض الدنيا من القهر الي انا فيه

 

[!.. رمش وأهداب ..!]

رد: إذا أنتي مطلقه شاركينى؟

حياتي دموع الحزن الحين آجلي فكرت الطلاق مبدئيا ..

واقري سورة البقره يوميا شوفي شلون راح تتعدل اوضاعج ..

سبحان الله تأثيرها عجيب وتريح وربي يسخر لج زوجج ..

قريت اكثر من موضوع لبنات بالمنتدى نفس حالتج تقول قعدت اقرى البقره وماخلصتها الا ريلي قاعد عندي يتاسف وبعدها

وانا مرتاحه واهاو تحسنت معاملتهه معاي ..

قبل كل شي لام تبذلين الاسباب وتشوفين شنو مقصره فيه مع ربج .. يمكن عصيته بشي وهذا جزا اللي ذنبج ..

راجعي حساباتج واصلحي مابين وبين ربج ويصلح مابينج وبين ريلج .. واقري البقره وان شاءالله تتحسن احوالج ..

والله يوفقج ويسهل لج يارب

 

[جوجو.]

رد: إذا أنتي مطلقه شاركينى؟

دموع الحزن حبيبتي ترى مو كل مشكله حلها بالطلاق
اول شي هذي مشكله بينج وبين زوجج ان انتو اثنينكم عصبيين ولاواحد منكم قادر يتنازل عن اعصابه
انتو اثنيناتكم اسمحيلي اقولج انانيين اتفكرون بمشاكلكم واهواشكم واعصابكم ومافكرتو بعيالكم ونفسياتهم وشلون بيتربون فبيت كله اعصاب

انا من رايي حبيبتي انج اتوقفين نفسج من الاعصاب واتقولين حق نفسج واحد بالبيت عصبي كافي
دايما تذكري عيالج وحطيهم جدام عيونج خليهم يعيشوون حياة طبيعيه بدون تأثير مشاكل ولاطلاق ولا اعصاب

زوجج مو اول زوج هذا حاله خليج انتي سلسه وعاديه واهو راح يتعدل مع الوقت

 

[دموع الحزن]

رد: إذا أنتي مطلقه شاركينى؟

مشكورين على النصيحه وراح احاول اخفف من اعصابي وأداوم على قراءة سورة البقره

الله كريم

 

[!.. رمش وأهداب ..!]

رد: إذا أنتي مطلقه شاركينى؟

دموع الحزن


الله يوفقج ويسهل عليج امورج يااارب ..


واكيد راح ندعيلج بظهر الغيب ..

 

[جوجو.]

رد: إذا أنتي مطلقه شاركينى؟

دموع الحزن زين اتسوين ونشكرج على تقبل النصيحه وننصحج لان انحبج والله
وحياج الله معانا ياقلبي

 

[الجووورى]

رد: إذا أنتي مطلقه شاركينى؟

خواتى وحبايبى وبنات ديرتى وخواتى بالجنه اللهم امين
الدنيا تجارب ومو معنا ان الانسان فشل وقفت الدنيا بالعكس ياليت نخلى الفشل دافع يقوينا ويرفعنا ويقدمنا جدام
خواتى انا ما اقول هالكلام بس كلام بالعكس من خلال تجربه لاعز الناس على وهى اختى
بس الحمد الله ليش كنا معاها بهالتجربه وساعدناها على هالمرحله والحمد لله وقفنا معاها وصار الموضوووع دافع لها انها تكمل دراستها والحين اختى تخرجت
خل ننسا الحزن والزعل ونعرف ان كل شى مكتوب وله سبب واهم شى نحمد الله على كل احواله وصدقونى كل ابتلاء سواء كان طلاق ولا مرض
اهم شى الصبر وصدقونى بتلقووون اخر الصبر والتعب خير
قطوا الماضى وراكم وابدوا صفحه جديده بس اهم شى نتعلم من الماضى دروس لجل لا نكرر الغلط
وعرفوا ان الحقد والغضب مايفيد بشى بالعكس يضر بس صاحبه وعوار قلب عالفاضى انسى ربك من رحمته عطانا نعمه النسيان
صفوا النيه لله وبتلقون خير
ولو قدرتى تسامحين سامحى واعفى وخلي الحساب لرب العباد
والعفو عند المقدره
وبتلقون اللى احسن ان الله عند حسن ظن العبد
والله مايضيع اجر المظلوم ولا تعب الصلبر
بس قبل اى شى حطى ورقه وحطى اخطائك بحياتك قبل وعاهدى نفسك انك تتغيرين
وانج من اليوووم انولدتى من جديد بقلب ابيض كريم يسامح يخاف الله
وعسالله يهدينا بهدايته ويكفينا شر قضاءه امين

 

[جوجو.]

رد: إذا أنتي مطلقه شاركينى؟

الجوري مشكوره ياحبي عالكلمات الحلوه

 

[!.. رمش وأهداب ..!]

رد: إذا أنتي مطلقه شاركينى؟

الله يفرجه الضيقه ويبدلها بافراح

 

[اناجي الليل]

رد: إذا أنتي مطلقه شاركينى؟

مشكلتج بسيطه حبيبتي وماكو ريال كامل هونيها وتهون
درسي شخصيته عدل والنجره والهواش ولاشي هذا ريال شرقي
عادي عادي
لاتييبين حاليا عيال اكثر
صلي وادعيله
هدي شوي ترا الدنيا ماتسوى
تدلعي ودلعيه
تغيري شوي بتلاقينه يتغير ان شاء الله
حبيه من قلبج
حاولي
والله يصبرج ويهنيييييييج يارب​

 

[جوجو.]

رد: إذا أنتي مطلقه شاركينى؟

اناجي الليل حياج الله معانا

 

[الحب الضايع]

رد: إذا أنتي مطلقه شاركينى؟

اكثرشي ندمت عليه شبابي راح هدروماستفدت منه الا عيالي معاي والله يشيل وفك ضيقت كل وحده فيها هم يارب

 

[جوجو.]

رد: إذا أنتي مطلقه شاركينى؟

اكثرشي ندمت عليه شبابي راح هدروماستفدت منه الا عيالي معاي والله يشيل وفك ضيقت كل وحده فيها هم يارب

لاتحسفين على شي راح

خلاص عيشي الياي وانسي اللي صار
والبركه بالعيال أمل المستقبل

 

[عهود الحب]

رد: إذا أنتي مطلقه شاركينى؟

السلام عليكم بنات شلونكم اتمنى تكونون بخيرررررررررر ومتهنين بحياتكم وبطاعة الرحمن


انا معلقه سابقه ولاحقه ومدى الحياه
رديت لزوجي ولغيت قضايا الطلاق و ظليت معاه شهرين كاملين
مادري شلون
ذوقني الغيره والقهر والحره
والحره
والحره
والحره
بمعنى الكلمة
بمعنى الكلمة علمني شنو يعني تموتين تنقهرين و يجي يصب على جروحج ملح


انفصلنا من جديد
للأسف طبعا بس هالمره طلعت من التجربة مهزوزة مومثلي قبل
ومع الانفصال حسيت روحي عاهه ومجنونة ومعقده نفسيا وقريب ادش مصحه نفسيه

رجع لشننو ماادري
واانا ليش رجعت له ؟؟؟؟ ماادري

هي سلسلة اكاذيب عشتها معاه
وكانت الاخيره قبل ننفصل اخر مرة
سبحان الله


مادري شنو اوصف او شنو اقول
بس كنت قريب اموت روحي لانه اقنعني اني انسانه موصاحيه
وقدر يهز فيني الثقه بالنفس وقدر يحطمني ويكسرني كسوووووووور لو اعيش عمري كله ما اطيب منها


ماادري شنو اقولكم بنات
بس انا عندي سؤال واحد يدور براسي وذابحني



شلون الانسان ينسى عشرة عمر وزوجه وعيال

ويروح مع زوجه ثانية ويبني بيت ثاني بيوم وليلة
والاولانية
طز فيها عساها تموت ؟



تبون الصج

انا زين للحين عايشه موميته



اهم شي استفدته من هالتجربة


اني صرت انسانه ثانية

معقدة وساكته على طول
وضايعه بهالدنيا وهمومها



هي كلمة صبرتني واتمنى تصبركم بنات بهالدنيا



{ لاحول ولاقوة الا بالله العلي العظيم . اللهم اجرني في مصيبتي واخلفني خيرا منها }


في دعاء دايما اقوله

احب اشارككم فيه







اللَّهُمَّ إنَّكَ تَسْمَعُ كَلاَمِي، وَتَرَى مَكَانِي، وَتَعْلَمُ سِرِّي وَعَلاَنِيَتِي، وَلاَ يَخْفَى عَلَيْكَ شَيْءٌ مِنْ أَمْرِي، وَأَنَا الْبَائِسُ الْفَقِيرُ، وَالْمُسْتَغِيثُ الْمُسْتَجِيرُ، وَالْوَجِلُ الْمُشْفِقُ، الْمُقِرُّ الْمُعْتَرِفُ إِلَيْكَ بِذَنْبِهِ. أَسْأَلُكَ مَسْأَلَةَ الْمِسْكِينِ، وَأَبْتَهِلُ إِلَيْكَ ابْتِهَالَ الْمُذْنِبِ الذَّلِيلِ، وَأَدْعُوكَ دُعَاءَ الْخَائِفِ الضَّرِيرِ، دُعَاءَ مَنْ خَضَعَتْ لَكَ رَقَبَتُهُ، وَذَلَّ لَكَ جِسْمُهُ، وَرَغِمَ لَكَ أَنْفُهُ.. أَسْأَلُكَ أَنْ تَغْفِرَ لِي جِدِّي وَهَزْلِي، وَخَطَئِي وَعَمْدِي، وَكُلُّ ذَلِكَ عِنْدِي. اللَّهُمَّ إِنَّ مَغْفِرَتَكَ أرْجَى مِنْ عَمَلِي، وَإنَّ رَحْمَتَكَ أَوْسَعُ مِنْ ذَنْبِي يارب العالمين



وكنت ناسخته من النت وحاطته بتلفوني وكل شوي اقراه وادعيه وربي يلطف بحالنا




وهذا ثاني



ربي لاتكلني الى احد ولاتحوجني الى احد واغنني عن كل احد يامن اليه المستند وعليه المعتمد وهو الواحد الفرد الصمد لاشريك له ولا ولد خذ بيدي من الضلال الى الرشد من كل ضيق ونكد




وثالث


ياعِمادَ مَنْ لاعِمادَ لَهُ وَياذُخْرَ مَنْ لاذُخْرَ لَهُ وَياسَنَدَ مَنْ لاسَنَدَ لَهُ وَياحِرْزَ مَنْ لاحِرْزَ لَهُ وَياغِياثَ مَنْ لاغِياثَ لَهُ وياكَنْزَ مَنْ لاكَنْزَ لَهُ وَياعِزَّ مَنْ لاعِزَّ لَهُ ، ياكَريمَ العَفُو ياحَسَنَ التَّجاوُزِ ياعَوْنَ الضُّعَفأِ ياكَنْزَ الفُقَرأِ ياعَظِيمَ الرَّجأِ يامُنْقِذَ الغَرْقى يامُنْجِيَ الهَلْكى ، يامُحْسِنُ يامُجْمِلُ يامُفْضِلُ أَنْتَ الَّذِي سَجَدَ لَكَ سَوادُ اللَيْلِ وَنُورُ النَّهارِ وَضَؤُ القَمَرِ وَشُعاعُ الشَّمْسِ وَحَفِيفُ الشَّجَرِ وَدَوِيُّ المأِ . ياأللّهُ ياأللّهُ ياأللّهُ لا إلهَ إِلا أَنْتَ وَحْدَكَ لاشَرِيكَ لَكَ يارَبَّاهُ ياأللّهُ صَلِّ عَلى مُحَمَّدٍ وَآلِ مُحَمَّدٍ وَافْعَلْ بِي ما أَنْتَ أَهْلُهُ .




ورابع




اللهم اكفيني ماهمني وما لاأهتم له اللهم زودني بالتقوى وأغفر لي ذنبي ووجهني للخير أينما توجهت اللهم يسرني لليسرى وجنبني العسرى اللهم إن كانت عظمت ذنوبي وآثامي وخطاياي وحالت بيني وبينك بقضاء حوائجي فإني أسألك بجلال وجهك وعظيم شأنك وأتوسل بك وأتوجه إليك أن تغفر لي وترحمني وتقضي حاجتي وتفرج عني كربتي وما أهمني




وخامس






اللهم من اعتزّ بك فلن يُذل، ومن اهتدى بك فلن يضِلّ،ومن استكثر بك فلن يقلّ،ومن استقوى بك فلن يضعف، ومن استغنى بك فلن يفتقر، ومن استنصر بك فلن يُخذل، ومن استعان بك فلن يُغلب، ومن توكل عليك فلن يخيب، ومن جعلك ملاذه فلن يضيع، ومن اعتصم بك فقد هُدي إلى صراط مستقيم، اللهم فكن لنا وليّاً ونصيرا، وكن لنا معيناً ومجيرا، إنك كنت بنا بصيرا




















هذي هديه مني لكم خمس ادعيه على عدد عيالي يارب مايحرمني منهم



وانا ابدعي لكل مطلقة الله يفرج همها


والله يفرج همي واتطلق
ولا اظل معلقه

وكل حالي معلق


حتى النفس صار بالحلقوم من الضيم عالق



تدرون شنو اصعب من الطلاق
انج تكونين زوجة بس بالورق وكل شي للثانية
وانتي مالج الا الاهانة و الدوس



ضيم مايعرفه الا الي جربه
ولاتقولون لي حاسين فيج محد يحس فيني الا انا
والله انا مادري شلون حيه للحين
شلون ماادري

اسفه اذا مشاركتي مو مفهومة او مشوشة انا بكبري
مو فاهمه روحي