رد: حملة القراءة الحرة
والله خوش موضوع وبالنسبه للرواية اللي قريتيها اختي math2020
اعتقد اهي مالت دانيال ستيل صح ؟؟
وااااااااي صج قصتهم تعور القلب وذكرتني بقصة برنسس ديانا ,,
يلا خل اوريكم كتبي اللي قريتها ,,
هذا كتاب اسمه قصتي مع اللوفر حق م. سند راشد دخيل
يتكلم عن امنيته في السفر لباريس وزيارة متحف اللوفر ولما تحققت له الامنية اكتشف انه حظه نحس من خلال مغامراته في هذه الرحلة ومابي اقولكم اكثر عشان ما احرقه على اللي حابه تقراه ,,
وهذا الكتاب اسمه الحافه هم بعد حق م. سند راشد الدخيل ,,
يتكلم عن مجمعه من الحقائق العلمية اللي غالبا ما نقول عنها خيال ,, وبعض قصص علماء ضاعت اسمائهم ونسبت اكتشافاتهم واختراعاتهم لعلماء اخرين مثل تسلا ,,
وهذي رواية حيل روووعة انصحكم تقرونها حق دانيال ستيل اسمها ,,
قصة رومانسية لمحامية تعيش في حياة صاخبة مع مشاكل مشاهير هوليوود اللي هم موكلينها الى ان تلتقي بكاتب يغير مجرى حياتها ,, :eh_s(21):
واخر كتاب اسمه كيف اصبحوا عظماء ؟ لدكتور سعد سعود الكريباني
يتكلم الكتاب عن مجموعة كبيرة من العلماء كيف ناضلوا وجاهدوا للوصول الى النجاح العظيم الذي يحلمون به ,, والكتاب بصراحة انا كل ما حسيت باحباط من الجامعة قريت منه صفحتين عشان ارفع معنوياتي وبس اداوم يرجعون الدكاترة يخفسون بالمعنويات لدرجة تحت الصفر
وبس والله خوش كتاب انصحكم تقرونه ,,
اعذروني عالطواله بس صج خوش موضوع وهذي الدفعة الاولى من الكتب اللي خلصتها ومرة ثانية احطلكم الباقي ,,
تحياتي لكم جميعا وبالاخص math 2020 حيل عاجبني نكج لأني احب الرياضيات وعمري 20 :tek:
هلا يا قلبي
الصراحة وايد استانست لما قريت ردج وصج دانيال ستيل رواياتها عجيبة ورومانسية حيل بس اقرالها روايات اقعد ابجي وايضيق خلقي وما ودي اهد الكتاب
والكتاب الثاني هو الزفاف توني امبلشه في
والكتب الي عندج روووووعه حيل وانشالله اقدر اخلص الي عندي علشان اشتريهم
وشي حلو اني القى احد يقرا لان العرب ما يقرووون وشعب غير مثقف ولا عنده ثقافة يعني ميح انزين ليش ما انطور روحنا بالقراءة
والله لو اتجوفون لشعب الاسرائيلي الي ينعدون بالاصابع يقروووون اكثر من الشعوب في الدول العربية كلها صج ضاق خلقي لما قريت هالخبرية وصج لو اتجوفون الشعب الاسرائيلي شعب مثقف ومتطور لان يبحث ويسال عن كل شي وانا كنت ابحث بالنت عن ثقافة الشعب الاسرائيلي ترى ما عندهم حضارة بل ياخذون المفيد من كل دوله لما صارة هم ثقافتهم الخاصة يعني مثل السفنج الي يمتص ثقافات الشعوب الثانية
وشي حلو منج انج تقرين هالكتب من وين يايبتهم هالكتب انا يايبتهم من مصر لانهم مو موجودين في الكويت
وبنات الي تقدر اتسويلنا شعار للقراءة وانسوي حمله قوية والله ترى شي حلو راح ايصير وهذا الي راح ايميز منتدانا عن باقي المنتديات لان الدوله تتطور بثقافة شعبها يالله خلونا انطور منتدانا وانخليه في مقدمة المنتديات الثانية :eh_s(8):
