{ ...الدكتورة رشا الصفي تجيب على استفسارتكم ..} استضافة اسبوعية

[د. رشــا الصفــي]

دكتوره ممكن اعرف شنو اعراض حساسية الامعاء..لانى عطيته ولدى قبل يكمل 4 شهور..

اعراض حساسية الأمعاء :

ترجيع

عدم اكتساب الوزن

انتفاخ بالبطن و غازات

هزال بالأفخاذ و المؤخرة

يعني لما نشوف الطفل يكوت بطنه منتفخ و مؤخرته و فخوذه ضعاف بالعامية جذي

ممكن طفح جلدي خفيف

الخروج يكون اما اسهال او امساك مو شرط يعني

 

[أم حيدر]

السلام عليكم

شرفتينا بانضمامج لنا دكتورة

اسألتنا عن اليهال ما تنتهي .... ولدي العود عمره سنة وتسع شهور تقريبا وزنه حاليا 10 كيلوات وشوي وعند الولادة كان 3 كيلوات
شهيته للاكل مو ذاك الزود مع ان الاكل اللي اسويه له كله شغل بيت وصحي ومنوع 100% ضيفي على هذا ان ماشالله تبارك الرحمن يحووووووووووووسوايد ما يقعد ، هل وزنه طبيعي؟

مشكورة

 

[د. رشــا الصفــي]

مرحبا فيك دكتورة بمنتدانا وبغيت أسألك ما عليك أمر بنتي عمرها 3 شهور ونص وفيها عيب خلقي من الولادة الحمد لله هو بسيط بس أي استفيد منك وين أوديها ابي المكان الصحيح حق مثل هالحالات إذا مارة عليك. بنتي كف ايدها اليسار ماتقدر تفتحه كامل يعني فيه قصور باللحم. اشرح لك أكثر.. أصابع اليد الطبيعية مقسمة إلى ثلاث أجزاء( اللي نستخدمهم بالتسبيح )هي عندها الجزء الأخير اللي تحت( اقرب شي من راحة اليد )لاصق باليد تقريبا يعني السلسلة الأخيرة موكاملة النمو . السبابة والخنصر حالتها احسن من الوسطى والبنصر بس كلهم فيهم قصور بدرجة متفاوتة . دكتور عظام قال لي العظم سليم وكامل بس الجلد والاربطة تحتاج تجميل عند عمر 3 أو 4 شهور ودكتور ثاني قال لا تسوون لها شي إلى عمر البلوغ بعدين تصرفوا . ؟إنت شرايك شتنصحيني أسوي وين تنصحيني أروح ؟؟؟

flower q8

ما تشوف شر بنتج

انا انصحك انج تراجعبن فيها جراحة التجميل علشان يعالجونها مبجر مثل ما قال الدكتور الأول

تدرين ليش؟

اذا ما استخدمت البنت ايدها بشكل صحيح من عمر 4 او 5 شهور راح تبدا العضلات تضمر يعني تكسل و ما تشتغل عدل بعدين

اذا انتظرتوا لي البلوغ ممكن تتعدل الأصابع بس بالشكل بس الوظيفة مو 100% لانها من الصغر ما كانت

تستخدم الأصابع بشكل صحيح

اول شي تروحين المستوصف يعطيج تحويل لجراحة الأطفال او طبيب الأطفال ما تفرق و هو راح يحولكم

البابطين قسم جراحة التجميل او الرازي للعظام قسم جراحة اليد

طمنينا عليها لا تنسين

 

[د. رشــا الصفــي]

السلام عليكم
دكتورتنا العزيزه..
بنتى عمرها تقريبا شهر و اسبوع .. ساعات و اهى تشرب الحليب تغص و تختنق .. مادري هذا الشئ عادي علشانها بعدها صغيره و الا شلوون؟؟
و اقدر اعطيها حلبه و الا لا؟ انا اللي اعرفه انه مو زين لها الحين توها صغيره بس الناس دايما يقولون لى لا عادي ما يضرها !! فمادري شرايج؟
و اسفه على كثر الاسئله حبيبتى .. و بارك الله فيج

ممكن يشرق الأطفال وقت الرضعة اذا الفتحة مالت الحلمة كبيرة عليها فتصب حليب وايد

و لما تعطينها الرضعة حاولي ما تنطرين لما تجوع حيل لانها تبي تمص بسرعة و يطلع لها حليب وايد و تشرق

و بالنسبة للحلبة ليش تبين تعطينها حلبة؟ ما له داعي

تسوي لها مغص وايد الحلبة

 

[سما الكويت]

اعراض حساسية الأمعاء :

ترجيع

عدم اكتساب الوزن

انتفاخ بالبطن و غازات

هزال بالأفخاذ و المؤخرة

يعني لما نشوف الطفل يكوت بطنه منتفخ و مؤخرته و فخوذه ضعاف بالعامية جذي

ممكن طفح جلدي خفيف

الخروج يكون اما اسهال او امساك مو شرط يعني

ممكن اعرف دكتوره شنو علاج حساسية الامعاء؟؟

 

[د. رشــا الصفــي]

ممكن اعرف دكتوره شنو علاج حساسية الامعاء؟؟

ولا شي بس ازالة القمح من النظام الغذائي​

 

[د. رشــا الصفــي]

السلام عليكم

شرفتينا بانضمامج لنا دكتورة

اسألتنا عن اليهال ما تنتهي .... ولدي العود عمره سنة وتسع شهور تقريبا وزنه حاليا 10 كيلوات وشوي وعند الولادة كان 3 كيلوات
شهيته للاكل مو ذاك الزود مع ان الاكل اللي اسويه له كله شغل بيت وصحي ومنوع 100% ضيفي على هذا ان ماشالله تبارك الرحمن يحووووووووووووسوايد ما يقعد ، هل وزنه طبيعي؟

مشكورة

ام حيدر

ولدج طبيعي وزنه

لا تحاتين

بالعمر هذا شهية الاطفال تقل ووزنهم يقل لانهم في طور الحركة و استكشاف الدنيا اللي هم فيها

طالما الوزن طبيعي و النشاط ما شاء الله توب لا تحاتين ولا تشغلين بالج

بالنسبة لعمر ولدج اقل وزن نقبله انه طبيعي هو 9 كيلو تقريبا و جم غرام​

 

[أم حيدر]

مشكورة والله يطمن بالج

 

[كيت كات]

بارك الله فيج وعسى الله يجعله بميزان حسناتج
وتسلمييييييييييييم على الجهد المبذول

 

[الجوريه البيضاء]

يعطيج العافيه دكتوره بنتي اليوم كملت الشهر التاسع بس الي الان ماطلع لها ولا ضرس بس من الرابع وهي تحك لثتها وشهيتها للاكل مو زود هل هذا طبيعي ولكي جزيل الشكر

 

[شيخه البيت]

شيخه البيت

ما قلتيلي جم اطوال عيالج

ممكن تحطين اطوالهم علشان نشوف هل طولهم طبيعي ولا قصار؟

و ما سمعت انه فيه اكل يطول

ما عندي فكرة . اعتذر منج

انتظر اطوال عيالج اوكي؟

هلا حبيبتى
طول ولدى 106سم وعمره خمس سنين وبنتى طولها 93سم وعمرها ثلاث سنوات
وانا منتظره ردج على احر من الجمر:eh_s(8):

 

[كويتيه وربي الله]

السلام عيكم
دكتورة انا عندي ولد عمره سنه وثمان شهور عنده حساسية ضد اللاكتوز ومنعه الدكتور من جميع
منتجات الالبان مثل الاجبان والحليب وغيره صار ماياخذ الا شي خاص بحالته المشكله ان الولد بدا يعاف كل شي ووزنه بالنازل وحترت معاه كل شي سويته يبدا ياكل بعدين يتوقف ويرفض انه ياكل اي شي يعني اذا سويت له رز لازم يكون معاه زبادي او لبن والا ما ياكل نهائي وعلى هالحال فشنو الحل والى متى يمتنع عن الالبان ؟؟؟؟؟؟ ولكي جزيل الشكر

 

[miss fabulosity]

مساء الخير دكتوره


بنتى الله يحفظها طلعت لها بقع حمره كبر 50 فلس ومع الايام تنشف واتصير سوده ويوم وديتها الطبيب يقول هذ مثل الاكزيما اتحوش اليهال وتختفى تقريبا بعمر 3 سنين

انت اشرايج دكتوره وقالى لى ماتحتاج اى علاج بس دايما رطبى المكان بالكريم ولا تخلينه ناشف
وبغيت اعرف دكتوره صج الكاكاو اتهيج هالبقع ولا مالها علاقهمعنى مااعطيها الا بالاسبوع مرتين تقريبا



ومشكوره وماقصرتى

 

[bambena]

شلونج دكتوره

ولدي عمره 3 سنين بالضبط والكل من يشوفه يقولي وايد شكله صغير وماياكل وايد وزنه 11 او 12 وطوله 90 سم وويهه اصفر

شتنصحيني اسوي ؟ تحاليل ؟

وهاليومين فيه تكرمين امساك وايد ومؤخرته تعوره شنو الاكل اللي يسهل ويساعد ؟

مشكوره

 

[د. رشــا الصفــي]

يعطيج العافيه دكتوره بنتي اليوم كملت الشهر التاسع بس الي الان ماطلع لها ولا ضرس بس من الرابع وهي تحك لثتها وشهيتها للاكل مو زود هل هذا طبيعي ولكي جزيل الشكر

الجوريه البيضاء

الله يعافيج

عادي موضوع الأسنان انها ما تطلع لما الشهر التاسع مو مشكلة

و الشهية للأكل دام وزنها طبيعي و نشاطها طبيعي لا تحاتين

اهم شي جيكي وزنها

 

[د. رشــا الصفــي]

هلا حبيبتى
طول ولدى 106سم وعمره خمس سنين وبنتى طولها 93سم وعمرها ثلاث سنوات
وانا منتظره ردج على احر من الجمر:eh_s(8):

شيخه البيت

هلا فيج اختي

الولد طوله طبيعي لا تحاتين

بعمره الطول يكون بين 101 الي 119 سم

و البنت هم طبيعي طولها

بعمرها الطول يكون بين 88 - 102 سم

 

[nouna82]

السلام عليكم دكتورة

بنتي عمرها شهر و انا ارضعها طبيعي بس اعطيها رضعتين باليوم صناعي (ابتاميل كمفورت ) صارها يومين مغص قوي و امسااااك موطبيعي حيل تتعصر .... و انا اصلا فيني امساك
فهل لان فيني امساك يصير فيها اهي بعد ؟؟؟
و شنو الحل لها ؟؟.

 

[د. رشــا الصفــي]

السلام عيكم
دكتورة انا عندي ولد عمره سنه وثمان شهور عنده حساسية ضد اللاكتوز ومنعه الدكتور من جميع
منتجات الالبان مثل الاجبان والحليب وغيره صار ماياخذ الا شي خاص بحالته المشكله ان الولد بدا يعاف كل شي ووزنه بالنازل وحترت معاه كل شي سويته يبدا ياكل بعدين يتوقف ويرفض انه ياكل اي شي يعني اذا سويت له رز لازم يكون معاه زبادي او لبن والا ما ياكل نهائي وعلى هالحال فشنو الحل والى متى يمتنع عن الالبان ؟؟؟؟؟؟ ولكي جزيل الشكر

كويتيه وربي الله

حساسية اللاكتوز في منها نوعين

مؤقت و دائم

المؤقت يمتنع عن منتجات الألبان تقريبا لمدة شهرين الى 3 اشهر

و تنتج غالبا بعد نزلة معوية

و الدائم هذا لازم يمتنع عن الالبان على طول

و يستبدلها بالمنتجات الخالية من اللاكتوز

 

[د. رشــا الصفــي]

مساء الخير دكتوره


بنتى الله يحفظها طلعت لها بقع حمره كبر 50 فلس ومع الايام تنشف واتصير سوده ويوم وديتها الطبيب يقول هذ مثل الاكزيما اتحوش اليهال وتختفى تقريبا بعمر 3 سنين

انت اشرايج دكتوره وقالى لى ماتحتاج اى علاج بس دايما رطبى المكان بالكريم ولا تخلينه ناشف
وبغيت اعرف دكتوره صج الكاكاو اتهيج هالبقع ولا مالها علاقهمعنى مااعطيها الا بالاسبوع مرتين تقريبا



ومشكوره وماقصرتى

ما اقدر افيدج وسومة

لازم البقع هذي اشوفها علشان اقدر احكم

الأمراض الجلدية بالذات لازم تنشاف بالعين قبل التشخيص

اعتذر منج عزيزتي

 

[د. رشــا الصفــي]

شلونج دكتوره

ولدي عمره 3 سنين بالضبط والكل من يشوفه يقولي وايد شكله صغير وماياكل وايد وزنه 11 او 12 وطوله 90 سم وويهه اصفر

شتنصحيني اسوي ؟ تحاليل ؟

وهاليومين فيه تكرمين امساك وايد ومؤخرته تعوره شنو الاكل اللي يسهل ويساعد ؟

مشكوره

bambena

الطول طبيعي صج يميل للقصر بس يعتبر طبيعي

و الوزن بعد هم طبيعي اذا كان 12 بس 11 يعتبر نازل شوية

الخلاصة ان الولد طبيعي بس حجمه صغير شوية ( مو خارج عن الطبيعي بالنسبة للعمر )

و انصحج بمراجعة الطبيب لعمل تحاليل و فحوصات

و بالنسبة للأمساك :

اول شي لازم ننظم وقت التبرز

يعني حاولي انج كل يوم بنفس الوقت تدخلينه الحمام

حتى لو ما يسوي شي اول الأيام بس تتعود امعاءه على هالتوقيت

و بعدين عصير البرتقال الفريش على الريق ممتاز

و عندج بعد التبولة و النفيش ممتازين

و طبعا الفواكه و الخضار و الفواكه المجففة

و الحب الشمسي ( بس بعم ولدج ديري بالج لا يشرق ) عطيه المقشر الجاهز افضل

اتمنى انى اكون افدتج