تجمع للمسافرات لامريكا هالصيف

[rawona]

السلام المنطقة قريبه من نيو بورت بيج في لوس أنجلوس كاليفورنيا. وشكرا

ماعندي فكره والله ..

انشالله البنات اللي راحو كاليفورنيا يقدرون يفيدونج .. حاولي تسوين سيرج بالانترنت ويمكن تحصلين شي ..

موفقه حبوبه ​

 

[tofy]

رونة حسافة ريلي الغى اورلاندو رفيجة توه ياي ويقوله الحر مو طبيعي والرطوبة تغمت

وإذا ماكو رطوبة ايي مطر قوي مع رعد

خلا ريلي يقتنع ومحنا رايحين اورلاندو

 

[دمـوع الشـموع]

والله اورلاندو تستاهل حتى لو حر يختي شي مو طبيعي

 

[rawona]

والله اورلاندو تستاهل حتى لو حر يختي شي مو طبيعي

وييييييييييييييييي توفي حسافه اورلاندو اتهبل والحر مو اللي ما تقدرين تستحملينه واهيا كلها امطار ورعد بس عادي الناس اهناك والسياح متعودين لدرجة ان مره كنت توني نازله من لعبة اللي تصعد فوق تنزل كنت راكبه ويا بنتي ما مدانا ننزل الا هلت هالمطره اللي ماشالله ب 5 دقايق غرقت الدنيا والناس عادي راكبين اللعبه بالمطر وشغلوها لهم ..

انا كنت رايحه اورلاندو قبل وكنت مو متحجبه ولما تحجبت قلت لريلي اخاف مع الحجاب اموووت من الحر ولا والله رحت وعادي اصلا من الوناسه تنسين الحر .. انا عموما احب الصيف في ناس وايد ما يحبونه بس والله حسافه مثل ما قالت دموع الشموع اورلاندو ما تتطوف ولو حاره ..:eh_s(8):​

 

[ام _خلودي]

يااجماعة انت تقولون حرر وحررر يعنى جم توصل درجه الحراره؟ يعنى انا ريلى يقول نطب بنيويورك نقعد يومين او ثلاث ايام وناخذ سياره وننزل ارولاند طبعا احنا راح نمر بكذا منطقه مو عارفه اسميهم بضبط فى طريجنا يعنى كل منطقه نقعد فيهاا اشويه بعدين راح نقعد بارولاند اسبوعين ونطلع نروح ميامى وناخذ الكروز الكربيناا اسبوع وبعدين نطير نروح شيكاغو نقعد اربع ايام بعدين نرد الديره
بس المشكله مو محصلين حجز طيارنااا تصدقون المكتب صارلنا اسبوعين معطينه صور الجوزات مومحصل غير الخطوط التركيه والتذكيره 390 احس مو شىء الطيران روان جان زين اذا تقدرين تحصلين لنا حجز على الانترنت رخيص وكويس يعنى على القطريه او الاتحاد او klm

 

[مشمشة رمانة]

انا انشالله بروح على نص سبعةمع زوجي وعيالي بساي خطوط مادري وهذي اول مرة اروح فيها أمريكاوالولايات الي مفكرة اروحها لاسفيقاس لانة حماي عايش هناك وبعدين بنطلع معاهم اهو وزوجتة وعيالة على كاليفورنياوبعدين والله مادري هذا التخطيط الاولي , بس عفية شتنصحوني فية ماأطوفةمن ولايات ومن اسوقة وهسوالف حياتي انتو فيدوني عفية!!!!

 

[عروس الدنيا]

بنات شلون عل فيزا ؟؟؟ متى نقدم و شلون طريقتها و جم سعرها ... الي عندها معلومات تخبرني بليز

 

[أوكسجين]

احنا تونا نقرر انشالله هالصيف بنروح امريكا
بس ثلاث ولايات نيويورك وفلوريدا و مادري شسمها الثالثه
وليلحين ماحجزنا انشالله اذا حجزنا اعطيكم خبر

 

[tofy]

بنات شلون عل فيزا ؟؟؟ متى نقدم و شلون طريقتها و جم سعرها ... الي عندها معلومات تخبرني بليز

ادشين سات السفارة الأمريكية وتطبعين فورما

وبعدين اتعبينها وتاخذين موعد حق المقابلة


انا موعد مقابلتنا طول تقريبا اسبوع بس الفيزة ماطولة رحنا الأربعا وقالو لنا تعالو استلموها الأثنين

 

[اوركيدا]

يااجماعة انت تقولون حرر وحررر يعنى جم توصل درجه الحراره؟ يعنى انا ريلى يقول نطب بنيويورك نقعد يومين او ثلاث ايام وناخذ سياره وننزل ارولاند طبعا احنا راح نمر بكذا منطقه مو عارفه اسميهم بضبط فى طريجنا يعنى كل منطقه نقعد فيهاا اشويه بعدين راح نقعد بارولاند اسبوعين ونطلع نروح ميامى وناخذ الكروز الكربيناا اسبوع وبعدين نطير نروح شيكاغو نقعد اربع ايام بعدين نرد الديره
بس المشكله مو محصلين حجز طيارنااا تصدقون المكتب صارلنا اسبوعين معطينه صور الجوزات مومحصل غير الخطوط التركيه والتذكيره 390 احس مو شىء الطيران روان جان زين اذا تقدرين تحصلين لنا حجز على الانترنت رخيص وكويس يعنى على القطريه او الاتحاد او klm

رحلتج تقريبا نفس رحلتنا .. بس احنا ميامي اول شي 4 ايام ..
او بعدها بناخذ لكروز .. بنرجع من لكروز تاريخ 3/8 او بنروح على طول اورلاندو ..
اسبوعين في اورلاندو .. بعدين بالسياره بنروح نورث كارولينا او سوث كارولينا .. جورجيا (اتلانتك سيتي) يقولون تشبه فيجاس شوي .. كلهم على ليلتين .. او بعدين واشنطن او بعدها نيويورك .. 4 ليالي او بنرجع لندن ..

احنا حاجزين ومخلصين فاذا عندج اي استفسار انا حاضره
:eh_s(8):

 

[ام _خلودي]

اى والله جان زين تلحقنى وين حجزتوا وشلون وبجم بليز مو محصلين حجوزات طيران كله اسعارهم وايد غاليه

 

[speed]

السلام عليكم


حبيبتي كنت داشه هل قسم ادور احد منزل موضوع عن امريكا ولقيته وان شاءالله تفيدوني في المعلومات ..


1. على اي طيران ناويه تروح؟

حجزنا على الكويتيه على نص سته ان شاءالله

2. الولايات اللي بتزورها؟

نتنقل من ولايه لي ولايه ومدت السفره شهر ونص

3. المدة اللي بتقعدها اهناك؟

شهر ونص

4. بتأجر سياره والا لآ؟

اي اكيد

5. منو بيروح وياها (الزوج / الاولاد / الاهل / الاصدقاء.. )؟

امي وخالتي واخواني الصغار ورفيجة خالتي في امريكا تنطرنا ..

6. الاماكن اللي ودها تروحلها وتزورها؟

اول زياره لي ودي اشوف كل شيئ يشرح الصدر ويونس .. واهم شيئ احاتيه السوق بصراحه .. _03BA:

7. الاسواق والمحلات اللي في بالها؟

ودي اتسوق لاني توني متخرجه من الجامعه وحابه ادور لي ملابس كشخه وراقيه للعمل ان شاءالله ..


ياريت احد يفيدني من البنات الي زاروها وراحوو لها ... سفرتي مدتها شهر ونص جم يكفيني بس مصرف سوووووووق بس حق السوق جم اخصص لي .. الصراحه ما ابي اروح هناك واخلي شيئ بخاطري ودي اشري واجهزز حق الدوام وحق الستايل اليديد من جناط لي جواتي لي ملابس لي كل شيئ ..

جم تنصحوني 800 دينار كويتي بس حق سوق كافي ولا ازيدهم ؟ بنات نصحوني عفيا :eh_s(1):

 

[غلاتي الكويت]

بناات شنو الولايات اللي تنصحووني فيها


ابي ولايات باارده مو حر ورطووبة !!


انزين اسبوعين ونص تكفي ؟ او 3 اسابيع بهالحدود ما نقدر نقعد اكثر ؟!


ابوي يقول ما تسوى لازم اقل شي شهر

 

[speed]

كل الي راح حق امريكا يقولون حلات السفره مو اقل من شهر ونص عشان تشوفونها ..

المهم بنات فيدوني تنصحوني حق السوق جم أخصصص مبلغ .. حقي انا بروحي 800 دينار كويتي بس حق سوق واشتري على راحتي من ملابس بنواعها وجناط وجواتي وعطورات ومكياج يكفيني ... ؟؟؟؟

يعني انا بنت وتوني متخرجه من الجامعه وابي اشتغل بعد الصيف .. قعد اعطيكم فكرا عني عشان تشوفون جم اخصص لي .. مبلغ لي بروحي حق السوق ؟ ؟

ووين تنصحوني اتسوق الاقي بدل راقيه وتناسب متحجبات يعني تنانير مكسي وبلايزهم جواتي وجناط .. ؟

المحلات الماركه الي تصير رخيصه واماكن تصير معينه ..
امانه بنات ابي اروح وانا راهيه حق السوق نصحوني جم اخصص لي ؟ عشان من الحين اسوي حسابي .. ؟ ووين اروح مناك

ومشكوره صاحبة الموضوع جدد بتسهلين علي معلومات ...

 

[دمـوع الشـموع]

اختي نزلت موضوع عن محلات التخفيضات بنيويورك امكانك الاطلاع عليه

 

[rawona]

يااجماعة انت تقولون حرر وحررر يعنى جم توصل درجه الحراره؟ يعنى انا ريلى يقول نطب بنيويورك نقعد يومين او ثلاث ايام وناخذ سياره وننزل ارولاند طبعا احنا راح نمر بكذا منطقه مو عارفه اسميهم بضبط فى طريجنا يعنى كل منطقه نقعد فيهاا اشويه بعدين راح نقعد بارولاند اسبوعين ونطلع نروح ميامى وناخذ الكروز الكربيناا اسبوع وبعدين نطير نروح شيكاغو نقعد اربع ايام بعدين نرد الديره
بس المشكله مو محصلين حجز طيارنااا تصدقون المكتب صارلنا اسبوعين معطينه صور الجوزات مومحصل غير الخطوط التركيه والتذكيره 390 احس مو شىء الطيران روان جان زين اذا تقدرين تحصلين لنا حجز على الانترنت رخيص وكويس يعنى على القطريه او الاتحاد او klm

ياقلبي ولا يهمج .. عطيني عدد المسافرين واذا في يهال ابي اعمارهم والتواريخ والمناطق اللي تبونها وانشالله اشوفلكم شي مناسب
:tek:​

 

[rawona]

انا انشالله بروح على نص سبعةمع زوجي وعيالي بساي خطوط مادري وهذي اول مرة اروح فيها أمريكاوالولايات الي مفكرة اروحها لاسفيقاس لانة حماي عايش هناك وبعدين بنطلع معاهم اهو وزوجتة وعيالة على كاليفورنياوبعدين والله مادري هذا التخطيط الاولي , بس عفية شتنصحوني فية ماأطوفةمن ولايات ومن اسوقة وهسوالف حياتي انتو فيدوني عفية!!!!

والله اذا ناوية تروحين لاس فيغاس ةكاليفورنيا اعتقد كافي كاول مره رايحين فيها امريكا علشان تاخذون راحتكم بالاماكن السياحية ةالاسواق وامريكا كلها نفس الشي ومادام عندج حماك اهناك انشالله يضبطكم وبسويلكم بروجرام حلو ..

موفقين :tek:​

 

[rawona]

بنات شلون عل فيزا ؟؟؟ متى نقدم و شلون طريقتها و جم سعرها ... الي عندها معلومات تخبرني بليز

توفي ما قصرت .. :ggdw: وموفقة انشالله ..

ميرسووو توفيه على الافاده :tek:​

 

[rawona]

احنا تونا نقرر انشالله هالصيف بنروح امريكا
بس ثلاث ولايات نيويورك وفلوريدا و مادري شسمها الثالثه
وليلحين ماحجزنا انشالله اذا حجزنا اعطيكم خبر

موفقين انشالله وناطرين اخر اخبار سفرتكم .. :eh_s(8):​

 

[rawona]

رحلتج تقريبا نفس رحلتنا .. بس احنا ميامي اول شي 4 ايام ..
او بعدها بناخذ لكروز .. بنرجع من لكروز تاريخ 3/8 او بنروح على طول اورلاندو ..
اسبوعين في اورلاندو .. بعدين بالسياره بنروح نورث كارولينا او سوث كارولينا .. جورجيا (اتلانتك سيتي) يقولون تشبه فيجاس شوي .. كلهم على ليلتين .. او بعدين واشنطن او بعدها نيويورك .. 4 ليالي او بنرجع لندن ..

احنا حاجزين ومخلصين فاذا عندج اي استفسار انا حاضره
:eh_s(8):

برنامجكم وايد حلو وتروحون تردون بالسلامة انشالله ..

موفقين :eh_s(8):​