الماي؟ قبل ولا بعد الرياضة؟

[brooad]

مساااااااكم الله بالخير...
عندي سؤال محيرني!
متى أشرب الماي اذا حسيت بالعطش أثناء الرياضة؟:cxxxp:
قبل الرياضة والا بعدها؟ والا وانا قاعده ألعب؟

 

[bnt-obooha]

انا اعرف ان اذا تبين تشربين ماي بعد الرياضه ... شربي بس مو وراها على طول .. عطني نفسج ربع ساعه جذي من غير ماي .. لان راح البعض يسويلهم غازات حبيبتي

 

[^^ROSE^^]

انا اتدرب وايد على شريط سيندي كروفورد واشرطة ثانية بعد
وطول التمرين يشربون ماي
مو يشربون بطل كامل مرة وحدة لا بس يعني كل ماتموا يشربون جم يقمة
مو زين تظلين عطشانة مو تحسبين انج بتضعفين اكثر ترى مو زين ينشف ريجج وتشرقين وانتي تتمرنين

وترى اغلب المدربين يقولون keep your body hydrated
يعني حافظي على جسمج رطب بالماي يعني ان لازم تشربين ماي
ومثل ماقلتلج جم يقمة بس
وانا ترى خبيرة بالرياضة وهذا اللي اسويه كل ماتميت خذيتلي جم رشفه لان بالرياضة تناهدين وانتي تلعبين وينشف ريجج وتتعبين
فلازم شوي تشربين ماي ولاتخافين ما يأثر على نتيجة الرياضة عادي بتضعفين

 

[noty]

متى ما تبين شربي

واايد احسن انه تشربين مااي انا ايام النادي ماي الصحه كله معاي

كل ما حسيت اشرب

بس مو بارد ,, وسط

البارد واايد مو زين

 

[خوش بنيه]

ومنكم نستفيد

 

[*نوفه*]

شربي الماي الدافي مو بارد ولا حار

بس تمارين المعده لا تشربين قبلها معاي مو زين


بس باجي التمارين عادي

 

[Miss Golden]

مثل ماقالوا البنات

يعطيكم العافية

​

 

[kuwaitya-frawla]

ومنكم نستفيد

 

[سويتي الحلوه]

شربوا ماي بس مووووووووايد

علشان لاتلوع جبدج مع اللعب



ولاتشربين ماي بارد حيييييييييييل عقب اللعب مو زين علي قلبج

 

[ناني سيكرتس]

انا اتدرب وايد على شريط سيندي كروفورد واشرطة ثانية بعد
وطول التمرين يشربون ماي
مو يشربون بطل كامل مرة وحدة لا بس يعني كل ماتموا يشربون جم يقمة
مو زين تظلين عطشانة مو تحسبين انج بتضعفين اكثر ترى مو زين ينشف ريجج وتشرقين وانتي تتمرنين

وترى اغلب المدربين يقولون keep your body hydrated
يعني حافظي على جسمج رطب بالماي يعني ان لازم تشربين ماي
ومثل ماقلتلج جم يقمة بس
وانا ترى خبيرة بالرياضة وهذا اللي اسويه كل ماتميت خذيتلي جم رشفه لان بالرياضة تناهدين وانتي تلعبين وينشف ريجج وتتعبين
فلازم شوي تشربين ماي ولاتخافين ما يأثر على نتيجة الرياضة عادي بتضعفين

وانا اضم صوتي لصوتها..

 

[kakooka]

شربي ماي عادي قبل الرياضه بس مو وايد شويه واثناء الرياضه بعد ما يمنع انج تاخذين رشفه من الماي عند احساسج بالتعب والعطش وطبعا بعد الرياضه مسموح شرب الماي على الكمية التي تشبعج

 

[السدرة2]

خوش معلومات مشكورين

 

[سبلاش]

انا الي اعرفه انه لازم تشربين ماي على طول التمرين كل ما عطشتي لان لازم تعوضين الماي الي خسرتيه من جسمج وكثرت الماي بعد تجمل البشره وتطريها وتنظفها فما بالج مع الرياضه وجسمج يتخلص من السموم الي فيه

 

[حمام شاقني فنه]

انا اشرب طوول التمرين وقبل وبعد كل حزه

لانه جسمي حييل يعرق يخسر ماي واااجد فاهلكك

لازم اشرب



مشكوورين على الافاده ياجماعه

 

[نوارة البيت]

أنا مشتركة بنادي فلكس والمدربة دايما تعطينا بريك أثناء الحصة وتفول اشربوا ماي لازم لأنه يساعد علي حرق الدهون

 

[bent_nadia]

ماقصروا الخوات
وموفقه يارب

 

[كلي دلع!]

ألي أعرفه ما تشربين ماي بعد الرياضه لمدة ربع أو نص ساعه

 

[toofee]

الماي ضروري مع الرياضه

 

[AL-N7EESAA]

يسلموووووووووو

 

[dan]

اثناء الرياضه نشرب ماي

انا مشتركة بنادي و بنص الكلاس تقولنا المدريه شربو ماي

بس حق تمارين المعده لا تشربين قبل ولا اثناء بعدد التمرين بشوي