استراليا ..ولا.....اورلاندو؟؟؟؟

[malekatsabaa]

السلام عليكم بنات..

صايره نجره بيني وبين ريلي اهو فجأه قرر ان يروح استراليا..او فرنسا..:0bee2e8d89:

وانا بخاطري اروح ديزني لاند ب امريكا..يقولي الظاهر انتي الياهل مو عيالج!لووول! :dddds:

بنات الي راحت الديرتين ..

:gathering:ممكن تشور علي ..اشرايها؟؟وليش؟؟واشحقه؟؟لووول!:gathering:

ويعطيكم الف عاااافيه..​

 

[aa7zan]

شوفي اختي بصراحه انا رحت استراليا وفرنسا وبنسبه لي استراليا سفرة عمر واحلا ديره رحتلها بحياااااااتي وترا فيها نفس ديزني وبصراحه الحين بخاطري اروح امريكييييييي بس محد راضي يوديني بس ميخالف سمعي كلام ريلج وروحي استراليا وفرنسا وصدقيني ماراح تندمين وبطعا اذا رحتي استراليا لازم تروحين جولدكوست هل منطقه عجيييييييييبه ولازم تمرين على سيدني ومالبورن عشان تزلج على الثلج واذا رحتي فرنسا لازم راح تروحين متحف اللوفر اللي فيه الموناليزا و لازم تروحين قصر فرساي قصر لويس الرابع عشر بصراحه فرنسا جوها خيااااااااااااال

 

[malekatsabaa]

مشكوره ياعمري عالمعلومات .

ما تقصرين

 

[كويتية أصيله]

السلام.
أختي نصيحتي لج تروحين أستراليا أول بعدين أمريكا .أورلاندو حر خيسه ورطوبه والطابور على اللعبه ياخذ فوق الساعه وما انصحج تروحين بالصيف . بس أستراليا(قولدكوست روعه والجو عجيب وانصحج تاخذين قطار وتروحين برزبن منطقه وايد حلوه ). آنا السنه إللي طافت كانت حالتي بالضبط نفس حالتج .وعزمت على أستراليا وما تندمت.والسنه ناويه أروح كاليفورنيا لأنها بارده بس الله يسهل الفيزا وتطع .بس مممكن سؤال ؟ كم أعمار أعيالج؟ إذا تحت العشر سنين روحى أستراليا من غير تردد

 

[malekatsabaa]

السلام.
أختي نصيحتي لج تروحين أستراليا أول بعدين أمريكا .أورلاندو حر خيسه ورطوبه والطابور على اللعبه ياخذ فوق الساعه وما انصحج تروحين بالصيف . بس أستراليا(قولدكوست روعه والجو عجيب وانصحج تاخذين قطار وتروحين برزبن منطقه وايد حلوه ). آنا السنه إللي طافت كانت حالتي بالضبط نفس حالتج .وعزمت على أستراليا وما تندمت.والسنه ناويه أروح كاليفورنيا لأنها بارده بس الله يسهل الفيزا وتطع .بس مممكن سؤال ؟ كم أعمار أعيالج؟ إذا تحت العشر سنين روحى أستراليا من غير تردد

مشكوره يا عمري..بس عندي اشويه اساله....عالخاص!!!

 

[شندوخه]

اورلاندو ماتصلح بالصيف زحمه وحر وقيله خلج على استراليا احسن

 

[كويتية أصيله]

آنا حاضره حق أي أستفسار أختيMalekatsabaa بس تري آنا جديده علي هالمنتدي وما عرف يعني شنو الخاص إذا قصدج الإميل حياج الله آنا في أنتضارج....ويسعدني الرد علي أستفساراتج

 

[malekatsabaa]

آنا حاضره حق أي أستفسار أختيMalekatsabaa بس تري آنا جديده علي هالمنتدي وما عرف يعني شنو الخاص إذا قصدج الإميل حياج الله آنا في أنتضارج....ويسعدني الرد علي أستفساراتج

حبيبتي الخاص يعني

في تحت النك نيم مالج اول ما تفتحين المنتدى مكتوب الرسائل..طقي عليه تلقين رسالتي واصلتج!!!!

مع الشكر.:tek:..​

 

[kajool]

حبيبتي انا رحت استراليا طبيعه حلوه وهوا حلو كان في شهر 7 و 8 وفعلا استانسو اليهال
ورحت امريكا في شهر 7 و 8 وفعلا انا واليهال استانسنا وانبسطنا

والحين لما اسأل اليهال وين ودكم تسافرون يقولون امريكا اورلاندو لان العاب فيها وايد اكثر من استراليا ونيسه

مع العلم انا سافرت امريكا اول شي بعدين استراليا

بس دائما يقولون العاب اورلاندو احلى مع هذا انبسطنا في استراليا مع الكنغر والكولا :ggdw:

 

[Fanar90]

السلام عليكم ...انا بقول لج وانتي اختاري أمريكا حلوه والناس حليوين اول شي قعدت في اورلاندو وايد حلوه وهاديه بي مشكلتها الجو حر ورطوبه وانتي تدرين احنا متحجبين بس هم مريت على لوس انجلوس حلوه وبارده بس اورلاندو اونس حق العيال ...لمى كبرو عيالي وديتهم استراليا الطريج ممل بس استانسو قعدنا في قولد كوست الجو عجييييييييييييييييييب براد على كيف كيفج وقبالج المحيط والممشى على المحيط ويوم الجمعه بالليل يسوون سوق على البحر في شغلات يدويه عيالي سموه سوق الجمعه ...وفيه رحلات وايد اصلا مايمديج اتروحين كل مكان والناس حليوين احسن من الاوربيين ...وسدني حلوه راقيه متطوره ومجمعاتها مثل امريكا ...تبين الصج ولا ولد عمه الله يرحمنا برحمته الصراحه عن نفسي ادور البراد انا قاطه قاطه ...او اي شي انا حاضر اذا تحبين الريلاكس والهدوء روحي كاردف بريدات وخضره ..والله يسهل عليج وعلى أمة محمد

 

[اوركيدا]

اورلااااااااااااااااندوووووووووووووووو .. صج انها حر لكن الوناسه اهناك تنسيج الحر ..
الالعاب غير .. والناس غير .. والسوق غير ..
سوق استراليا حلو بس سوق امريكا غيـــــــــــــر ...
انصحج بأورلاندو Big Time ..
حتى الفنادق اسعارهم ارخص .. ومن اورلاندو تقدرون بسهوله تروحون ميامي للتغيير .. بتحسون كأنكم رحتو دوله ثانيه .. _03BA:
او تقدرون تاخذون طياره داخليه لي لاس فيجس ..
بالنسبه للي قالت بتروح كاليفورنيا لانها ابرد .. حبيبتي بالعكس .. ثنتينهم حاريين .. بس اورلاندو رطبه او كاليفورنيا ناشفه وحرها وايد قوي .. :eh_s(14):

استراليا وقت صيفنا عندهم شتى عشان جذي جوهم احلى بهالوقت .. فاذا الجو شي مهم وايد عندكم روحوا استراليا ..
لكن ترى اورلاندو حرها كلش عادي يحتمل يعني .. المجمعات مكيفه وفليل الجو حلو .. :ggdw:

خيارج صعب الله يعينج :cxxxp:

 

[malekatsabaa]

كاجول حبيبتي

انا بعد حاسه ان عيالي بيستانسون في ديزني خاصه انهم وايد يتقمصون شخصيات ديزني!!
مشكوره عالرد..​

فنار..

ماقصرتي حبيبتي ..شرحج يشجع .. بس احسها حق اكبار اكثر ..وحق سوالف التمشي والريلاكس!!!
عموما خنشوف الله وين يودينا!!
يلا بنات لاتوقفون ... احب اشوف آرائكم!​

 

[كويتية أصيله]

هلا Malekatsabaa أعمار أعيالج مناسب جدا لأستراليا .

شوفي أمريكا إذا بتروحين لازم تخططين قبلها بفتره طويله علشان مسألة الفيزا .الحين بالنظام الجديد تاخذ حوالي شهرين .

العام أغلب أهلي أنصحوني أروح أستراليا قبل ليش ؟ لأن عيالي صغار ويحبون الحيوانات وآنا أحب الطبيعه .بس ترى أستراليا كلش كلش بالنسبه لرايي الشخصي ما فيها سوق . بالنسبه للجو روعه روعه روعه ولا تخافين على عيالج


وسامحيني بغيت أرد عليج بالخاص بس ما يسمحلي ......

 

[malekatsabaa]

اوركيدا حبيبتي..


يعطيج العافيه... انا وايد خاطري امريكا.. بس فعلا سالفة الفيزا ما كنا ندري عنها.

الظاهر ان ماراح يمدي..لان السفره لازم اتكون شهر سته ..:0bee2e8d89:

عموما احنا بنحاول والي الله كاتبه يصير!! الله كريم..


كويتيه اصيله


ياعمري والله اذيتج معاي.. مشكوره وايد..​

واغلب الظن اني بروح استراليا بسبب الفيزا..

اشوه طمنتيني عالجو..

بس عاد انا ما احب اروح حدايق الحيوان.:cxxxp:...الله يعيني...​

 

[كويتية أصيله]

حبيبتي آنا نفسج كنت ما أحب حدائق الحيوانات . بس عندهم غير...... الجو مخلي المكان روعه ...إذا عزمتي تروحين قوليلي علشان أعطيج أسامي الأماكن وأسم الشقه إللي قعدت فيها ...تري إذا حجزتي من الحين يطلع لج السعر أرخص وايد

 

[malekatsabaa]

كويتيه اصيله

والله بديت افكر غير..تدرين خلاص انا بقول حق ريلي سو الي يريحك وانشاله اذا عزمنا على استراليا اكيد بحتاجج وايد..

عاد الله يعينج علي

بعد عمري والله..انتي من الحين مو مقصره !!!!

 

[pinky_gurla]

يسلمووووووووووووووووووووووو

 

[alhaymaa]

مساء الخير ياملكة سبأ
اختاري استراليا وانتي مغمضه...استراليا عالم غير العالم اللي احنا عايشين فيه
انا عن نفسي تحسفت ماخذيت بنتي بصراحه هالديره حاسبين حساب لليهال بكل شيء
تصلح للسفر العائلي بمعنى الكلمه بس ديري بالج بالصيف يكون عندهم الشتاء يعني برررررررررررررررررررررد:0bee2e8d89:
انصج تروحين مالبورن وبعدين جولد كوست وبالاخير سدني عشان تطيرين من مطار سدني اللي راح تتعجبين منه فخاامته
اتمنالج التوفيق وانا حاضر باي سؤاال:bye22:​

 

[malekatsabaa]

مشكوره حبيبتي الهايمه

انشاله لي عزمت وقرب السفر .. بكون على اتصال معاج!!

 

[Fanar90]

الله يسهل امرج ...اذا على الجو بالنهار تلبسين لازم شي تحت هدومج وبالليل لازم شي ثقيل ..بس تنبين الصج برد حلو ... ولدي كان عمره ست سنوات كل يوم ينزل حمام السباحه مكشوف تحت عندنا بالمجمع السكني واسم الله عليه تعود يسبح بهالجو البارد بس ماي حمام السباحه دافي اصلا الناس كلهم الاجانب يسبحون في المحيط ..عندهم مناعه سبحان الله ... حبيت انبهج على شي ترا مرايرضون يدخلون مأكولات ديرتهم :tomato2: يعني مثلا زوجي مدخن دخل 4 كروز زقاير نادونا بالتفتيش وقالو نسجلهم لك أثنين ولزوجتك اثنين ..هذا شي يعني اي شي من المأكولات حبوب مايدخلونها بس اللي مطحون بودر عادي ...لانهم مايبون احد يزرعها انا سألت واحد فاتح بقاله اماراتيه فيها كل شي عربي تبينه ... وهم شي حلو لاحظته انكم لما تروحون الاماكن الترفيهيه مثل السي وورد و موفي دريم فيهم اماكن حق الصلاة يعني ماتحاتين تطوفج صلاتج ..ماقصرو اهل الامارات اهم اللي مسوين هالشي وهذا موغريب عليهم ( أحب الامارات وأهلها ) ...اذا على السوق انا قلت لج من الاول سدني سوقها ومجمعاتها مثل امريكا واروبا مريها آخر شي ..والله يوديكم ويردكم بالسلامه وأمه محمد يـــــــــــــــــــــــــــــــارب