مطلوب نادي صحي جيد في محافظة الفروانيه

[سنفــــــور غضبـــــان]

السلام عليكم .. شخباركن حبيباتي ؟


بنات انا اللي عندي كلش ملش محد يشجع على الرياضه

لا اهلي ولا رفيجاتي

وان قلت لهم .. يضحكوون .. ويقوولوون ليش تبين تضعفين !


جنه محد يسوي رياضه الا اللي يدور الضعف


أنا احب الريااااضه ... صج فيني كسل


بس ناويه اغير حياتي .. ابي اخلي الرياضة شي اساسي بحياتي

قلت بشترك بنادي .. بس اخاف بروحي ماتم حد ماسألته من خالاتي وبناتهم

ورفيجاتي .. محد بيروح .. ولا بعد يضحكون

واللي يبط الجبد يقولون الحمدلله والشكر ( بإستهزاء )


بنات شجعوني مافي الا الله ثم انتم .. وماتعرفون نادي بمحافظة الفراونية

بس ابي سنع .. ناس تكانه .. مو زقاير وبلاوي

السعر مو مهم .. بس اخلي الرياضه جزء بحياتي ​

 

[Dancing^Queen]

رد: لو أهلكم مثل اهلي .. أو رفيجاتكم مثل رفيجاتي !

عندج استعداد تتحملين النتائج؟
ترا ان هديتي الرياضه تمتين
يعني لازم يكون لايف ستايل علي طول حبيبتي

 

[خاشووقه]

رد: لو أهلكم مثل اهلي .. أو رفيجاتكم مثل رفيجاتي !

صرا

 

[خاشووقه]

رد: لو أهلكم مثل اهلي .. أو رفيجاتكم مثل رفيجاتي !

صراحه نوادي بالفروانيه ما اعرف

جربي حطيه على قناة رياضيه
وله اخذيلج شريط رياضه

وقعدي بدارج وقفلي عليج
ولبسي اللي تبين تلبسينه

وسوي رياضه على كيف كيفج :ada: :weight_lift:
:ceaf32e183:
وبجذيه تضمنين متى ما فضيتي تسوين
ولا تحاتين وقت متاخر وما اقدر اطلع
وله مالي خلق اطلع بالشمس الحاره

هالشي عن تجربه ذاتيه :050103nbh_prv:

اشرايج فيني اكيد :s142:

والعقل السليم في الجسم السليم
:eh_s(8):

 

[dan]

رد: لو أهلكم مثل اهلي .. أو رفيجاتكم مثل رفيجاتي !

انا اشجعج تمارسين رياضه شي صحي و بتشوفين نفسيتج مرتاحه و تعطيج قوه

بالنسبه لنوادي الفروانيه ما اعرفهم بس شوفي موضوع نوادي الكويت

 

[سنفــــــور غضبـــــان]

رد: لو أهلكم مثل اهلي .. أو رفيجاتكم مثل رفيجاتي !

خاشوووووووووقه والله افكاااااااااااار .. بس ابي بشر معاي يسووون هههههههههه

جان الجهال اجمعهم واقص عليهم ..


وتسلمووووون يابنات ..


زين قريب من محافظة الفروانية ...

 

[سمسميه]

الرياضه ممتازه للصحه والليلقه والنفسيه بعد
ان شاءالله البنات يفيدونج
تم تغيير العنوان بواسطة المشرفه

 

[وجدان الكويت]

ياليت يحطون واحد سنع عندنا بس ماكو
اذا في نوادي تلاقينهم من لصغار مومعروفين وينخاف منهم بصراحة
بس شوفي اللي بفندق رامادا وفي بعد اللي بكراون بلازا
سنفورة شرايج نكلم واحد من التجار ويتبنانا صحيا ورياضيا ويحطلنا نادي سنع

 

[سنفــــــور غضبـــــان]

هههههههههههههههههههههههههههههههههههههههههههههههه وجدان


ليش لا .. نروح نكلم مرشحين الدائرة الرابعة بعد


ننطر الباجي

 

[Fantazya]

هههههههههههههههههههههههههههههههههههههههههههههههه وجدان


ليش لا .. نروح نكلم مرشحين الدائرة الرابعة بعد


ننطر الباجي

والله جان زين نروح جميع
تدرين نقول حق المرشحين بدال مايحطون بهالبوفيهات حق المتن يحطون بمقرهم خيمه ماثثه مكيفة نسوي اللي نبيه :ggdw::ggdw::ggdw:
جنا مصختها:gathering::gathering:

 

[صدى الأفراح]

حبيبتي انا بالفروانيه عندك النادي اللي في برج الفرقد هادئ ومحترم اشتراكه اول شهر 15 دينار وبعدين كل شهر 10 في العماره اللي جنب بيتي على طول سمعته حلوه وانا جربته وفي الأفضل بيت الرشاقه على الشارع الرئيسي اللي مقابل الفروانيه كأنك رايحه خيطان هذا فعلا روووووووووووعه راقي جدا اشتراكه ب 25 يمكن وأحيانا يعمل عروض الثلاث شهور ب 40 دينار وهيك انشالله اكون فدتك

 

[سنفــــــور غضبـــــان]

صدى الاحزان .. يعطيج العافيه .. بروح اشوووفهم ..

 

[F.A]

حبيبتى صدى الاحزان برج الفرقد وين صاير بالضبط ؟؟ وفيه حوض سباحه؟؟

 

[غيمةالشوق]

انا اروح نادي جدام المنطقة التعليمية بالفروانية واهو بخيطان جب صيدلية المطار اسمة الرشاقة سنتر ومكان حلو ومرتب والناس واللة محترمين وانا اروح مالي شغل بحد بس ادش حمام السباحة ومنهد حيلي ومالي خلق اسولف مع اي وحدة يعني اللي بتدخل النادي نصيحة ولا تخذ ولا تعطي مع الناس الواحد بس جاي يلعب رياضة ويطلع مو دوانية داشة

 

[F.A]

أختى غيمه الشوق ما عليج أمر جم اشتراكه بالشهر ؟؟ واذا كنا ثنتين فى عروض وخصم وجزاج الله خير

 

[•!¦[ زاهـ¦¦ الکحـل ¦¦ــي ]¦!•]

غيمــه لا يكون النادي اللي بالسرداب ويمه مطعم بو لافته برتقاليه ( نسيت أسمه ) ...


اذا هذا استغفر الله محكر حمام مو نادي !! زحمـــــه وريحه خاايسه و المسؤوله السمره اللي بالنادي نفسيتها نفس ناديها .. و ادخل البنات على كيفها .. حرام فيه اشتراك 40 دينار .. بصراحه مو شي اذا هذا اللي تقصدينه !!!


طبعا نادي فندق الرقعي رحت شفته ما عجبني هم ضيج والأجهزه فيــه شوي ...



انا كنت بالهلال الصحي .. اللي بالصليبيخات وابي اغير الحين .. يمكن اشوف اللي قالت عنه الأخت صدى الأحــزان

 

[dl3 q8]

انا مشتركه حاليا بالرشاقة سنتر بخيطان مقابل قرية الطفل الترويحيه ..

والله اهو زين والناس اللي فيه محترمين وتعرفت على رفيجات وايد هناااك ..

والحمدلله ضعفت عليه ,,

انصحج اشتركي فيه بس وقت الزحمه على الاجهزة مشكلة أزلية أتوقع بكل النوادي ..

مري عليه وشوفي

 

[سنفــــــور غضبـــــان]

تسلمين اختي دلع

وحياكم ربي خواتي

 

[Angel Houry]

حبيبتي انا بالفروانيه عندك النادي اللي في برج الفرقد هادئ ومحترم اشتراكه اول شهر 15 دينار وبعدين كل شهر 10 في العماره اللي جنب بيتي على طول سمعته حلوه وانا جربته وفي الأفضل بيت الرشاقه على الشارع الرئيسي اللي مقابل الفروانيه كأنك رايحه خيطان هذا فعلا روووووووووووعه راقي جدا اشتراكه ب 25 يمكن وأحيانا يعمل عروض الثلاث شهور ب 40 دينار وهيك انشالله اكون فدتك

انا كنت قاعده ادور علي نوادي بفروانيه و لقيت هل موضوع!
ما عليج امر اختي وين صاير بالضبط؟

 

[Angel Houry]

انا مشتركه حاليا بالرشاقة سنتر بخيطان مقابل قرية الطفل الترويحيه ..

والله اهو زين والناس اللي فيه محترمين وتعرفت على رفيجات وايد هناااك ..

والحمدلله ضعفت عليه ,,

انصحج اشتركي فيه بس وقت الزحمه على الاجهزة مشكلة أزلية أتوقع بكل النوادي ..

مري عليه وشوفي

سلام عليكم
ممكن تقوليلي جم شهري؟