مشالله موضوع جدا حلو والصور تشووق عليكم بالعافيه
واحس تجربة ما تنسي ...
ياحلات ديرتهم وطبيعتهم
ماحبيت امر بدون لا اعلق على بعض الصور لاني راح اظلمهم
تصويرج حلو واحس عندج نظره فنيه مبينه ببعض الصور اذا مو كلهم
وبعضهم شوي كان يبيلهم تضبيط اكثر يعني بالنسبه للزاويه للمحتوى
بس ماالومج الواحد وده يستمتع بالسفر اكثر من التصوير...
قواج الله ونشكرج على مشاركتج لنا الصور .. استمتعتنا مع الموضوع
بعض الصور اللي ودي اعلق عليهم...
http://aycu27.webshots.com/image/46306/2004010450913912762_rs.jpg
- يمكن تستغربين اذا قلت لج هالصوره.. ههههه
لا بس جد فيها شي غريب.. يمكن البعض يشوفها شي عادي
بس شوفي اختلاف الجياس والوانهم .. والطوفه اللي مشخبط عليها ورا + الخشب اللي على جنب
احسها لقطه ما تتكرر
http://aycu21.webshots.com/image/46340/2006116475874967725_rs.jpg
- هاذي شي عجيب.. بس لو ما الاخت رازه ويها .. لا يعني اما انها تكون طالعه بالصوره بشكل كامل
او موموجوده.. بس جذي نص ونص خربت علينا المنظر..
http://aycu03.webshots.com/image/47282/2001463512563607933_rs.jpg
- هاذي شي خيااال!! كأنها بالاحلام مو صج
http://aycu16.webshots.com/image/46015/2004898426457588807_rs.jpg
- هاذي بعد مووووصج
حتى زاويتج حلوه.. احنا تعونا نشوف صور للاسكله من النص
بس انتي التغيير اهني حلى الصوره اكثر..
http://aycu13.webshots.com/image/46652/2002284451911087881_rs.jpg
- المنظر جدا حلو اهني.. مع الغيم اللي ورا حسينا بهدوء المكان
- صور الغروب وانعكاس اضاءه الشمس على الماي شي عجيب
http://aycu21.webshots.com/image/45060/2005287608597551177_rs.jpg
- هاذي حلوه والورده حلوه.. بس حسافه الفوكس (نقطة التركيز) صايره على الرمل ورا مو على الورده
http://aycu33.webshots.com/image/46192/2005226203496402169_rs.jpg
- شي خياال .. بس عاد جان عدلتي الميلان شوي بالفوتوشوب علشان تصير ميه ميه
- عجبوني صور ليتاتهم بالاكواخ وحياتهم عموماً واكواخهم شي بسيط ومنظره حلو حيل بالصور
http://aycu27.webshots.com/image/46386/2002514671835046390_rs.jpg
- والصورتين اللي تحتها للاكواخ نفسها... شي خياال .. اكتفي بالمشاهده والمتعه
http://aycu38.webshots.com/image/47397/2003085047740973406_rs.jpg
- حبيت تأطير الصوره بالقش اللي فوق مع وجود الزرع على جنب تحت.. قلت لج عندج نظره فنيه واضحه
