هل لديكم طفل يعاني من التوحد- خلونا نتجمع

[سنع ومنع]

أختي خبيرة الأعشاب ..
ما شاء الله أختي emanova كفت ووفت .. فعلا الأكل يلعب دور كبيييييير في تصرفات الأطفال واستيعابهم للأمور وتركيزهم فيها ..
أضيف على كلام أختي emanova انج تحاولين تعطينه أكل يحتوي على omega 3 ولو تشوفين بالنت راح تلقين الاكلات اللي تحتوي على هالمادة اللي تساعد بشكل كبير على التركيز ..
بس أختي نصيحة لله روحي فحصي الولد وشوفي شنو فيه..
انا الكل الكل الكل كان يقولي ولدج ما فيه شي أنت ليش توسوسين .. حتى أبلاته في الحضانه كانو يقولون لي ولدج ما فيه شي وطبيعي بس الولد مزاجي !!!! شوفي التحليل ما شاء الله ..
وديته مركز التوحد الدكتور اللي هناك شافه وسواله اختبارات وقالي مافيه شي !!!!!
وديته مركز فاطمة العوضي افحصته وسوت له اختبارات قالت لي ما فيه شي بس يحتاج جلسات نطق وتعديل سلوك !!!!!!!
يا ربي الولد فيه شي مو طبيعي مو حاله حال اليهال .. آآآآآآخر شي وديته حق الدكتورة عبير عوض قلت بس هذي آخر وحدة وموديته بس جذي أدري بتقولي ولدج ما فيه شي .. ثقة
شقالت لي .. ولدج فيه توحد :0bee2e8d89:
من ما فيه شي لي مرة وحدة توحد
وفعلا بالتحليل الولد جسمه مخزن مادة الكازين والجلوتين بالآلاف شي مو طبيعي ..
اللي بوصله ان الكل كان يقولي مافيه شي والولد طبيعي بس قلب الأم يحس اذا كان ولدها طبيعي ولا غير عن اللي بعمره .. ولو كنت داريه من أول تشخيص له ان فيه توحد جان قاطعه معاه شوط أكبر ..
بس هم الحمدلله ان عرفنه شنو فيه ..
وديه عشان أنت تطمنين وتكونين سويتي اللي عليج ..
واذا بغيتي أي شي احنا موجودين يالغاليه ..

 

[ريمه الكويت]

والله صاجه سنع ومنع الام اهي الي تحس بظناها بس ماقالت لج الدكتوره شنو سبب تركز هالمادتين بالجسم عشان نتجنبها حق باجي اليهال هل اهو من اكل الام بحملها ولا من الجو وهالتلوث الموجود ولا من اكل المطاعم والبلاوي الي فيها والله يشفي جميع المسلمين والمسلمات

 

[سنع ومنع]

والله يا ريمة بالنسبة لهالمادتين اهما موجودين بوايد من أكلنا.. الكازين موجود بالحليب ومنتجاته والجلوتين موجود بالقمح وجميع منتجاته ..
اكتشفوا العلماء ان جسم أطفال التوحد والمعدة عندهم ما تهضم هالمادتين وتخزنها بالجسم .. تنتقل بعدين للمخ وتسبب لهم مثل الخدر بالضبط على كلام الدكتورة مثل المورفين .. فتشوفين الطفل بعالم ثاني وكله بروحه .. الياهل مو حولج ..
وطبعا هذا الخلل بس عند اليهال اللي فيهم توحد .. يعني احنا ناكل الحليب ومنتجاته والقمح بعد الحمدلله ما صار فينا شي لأن المعدة عندنا قادرة تهضم هالمادتين ..
بالنسبة لطفل التوحد نتبع معاه الحمية الغذائية اللي تبعده عن هالأكل فيرجع الياهل طبيعي .. طبعا السالفة يبيلها صبر كلش مو هينه ولا اهيا سهله والحمدلله ان في بدائل وايد بالكويت ..

 

[ناني سيكرتس]

اشلونج ناني و اشلون ولدج؟

يا هلا حبيبتي, انا الحمد الله نفسيتي بدت تطخ شوي لان الوضع هذا كان يديد على بس الحين الحمد الله قمت اسيطر عالامور. ولدي الحمد الله ليما الحين ماشي مع الفيتامينات والاكل الخاص الي قاعد ياكله, طبعا البدايه كانت صعبه وياه بس الحين الحمد الله تغير اكله شوي وقام ياكل اشياء ماكان ياكلهامن قلب , بس المسكين مقطع قلبي يبي ياكل ايس كريم بالكاكاو واهو طبعا ممنوع عنه.


واذا عاليمعه :gathering: انا حاضر عندكم رقمي وشوفوا متى راح تتيمعون وقولولي..

 

[ناني سيكرتس]

أختي خبيرة الأعشاب ..
ما شاء الله أختي emanova كفت ووفت .. فعلا الأكل يلعب دور كبيييييير في تصرفات الأطفال واستيعابهم للأمور وتركيزهم فيها ..
أضيف على كلام أختي emanova انج تحاولين تعطينه أكل يحتوي على omega 3 ولو تشوفين بالنت راح تلقين الاكلات اللي تحتوي على هالمادة اللي تساعد بشكل كبير على التركيز ..
بس أختي نصيحة لله روحي فحصي الولد وشوفي شنو فيه..
انا الكل الكل الكل كان يقولي ولدج ما فيه شي أنت ليش توسوسين .. حتى أبلاته في الحضانه كانو يقولون لي ولدج ما فيه شي وطبيعي بس الولد مزاجي !!!! شوفي التحليل ما شاء الله ..
وديته مركز التوحد الدكتور اللي هناك شافه وسواله اختبارات وقالي مافيه شي !!!!!
وديته مركز فاطمة العوضي افحصته وسوت له اختبارات قالت لي ما فيه شي بس يحتاج جلسات نطق وتعديل سلوك !!!!!!!
يا ربي الولد فيه شي مو طبيعي مو حاله حال اليهال .. آآآآآآخر شي وديته حق الدكتورة عبير عوض قلت بس هذي آخر وحدة وموديته بس جذي أدري بتقولي ولدج ما فيه شي .. ثقة
شقالت لي .. ولدج فيه توحد :0bee2e8d89:
من ما فيه شي لي مرة وحدة توحد
وفعلا بالتحليل الولد جسمه مخزن مادة الكازين والجلوتين بالآلاف شي مو طبيعي ..
اللي بوصله ان الكل كان يقولي مافيه شي والولد طبيعي بس قلب الأم يحس اذا كان ولدها طبيعي ولا غير عن اللي بعمره .. ولو كنت داريه من أول تشخيص له ان فيه توحد جان قاطعه معاه شوط أكبر ..
بس هم الحمدلله ان عرفنه شنو فيه ..
وديه عشان أنت تطمنين وتكونين سويتي اللي عليج ..
واذا بغيتي أي شي احنا موجودين يالغاليه ..

سنع انتي نفس حالتي , انا الكل يقولي ان مافيه شي بس انت توسوسين, لكن طالعي طلع العكس وانه فيه بطئ تعلم وفيه بعض السكات التوحديه, ياربي قلبي كان حاس من الاول بس محد راضي يصدقني.

نصيحه ياخبيرة اعشاب ودي الولد وفحصيه وجيكي عليه ترا اهم شي سلامته, وواعتقد مافيها شي اذا جيكتي عالولد, عالاقل يرتاح بالج..

 

[Emanova]

السلام ... اشلونكم ينات و اشلون اعيالكم

 

[سنع ومنع]

هلا emanova والله كسبتي فينا أجر على هالموضوع
قمت من ادش سيييييييدة أدخل عليه

 

[سنع ومنع]

يا هلا حبيبتي, انا الحمد الله نفسيتي بدت تطخ شوي لان الوضع هذا كان يديد على بس الحين الحمد الله قمت اسيطر عالامور. ولدي الحمد الله ليما الحين ماشي مع الفيتامينات والاكل الخاص الي قاعد ياكله, طبعا البدايه كانت صعبه وياه بس الحين الحمد الله تغير اكله شوي وقام ياكل اشياء ماكان ياكلهامن قلب , بس المسكين مقطع قلبي يبي ياكل ايس كريم بالكاكاو واهو طبعا ممنوع عنه.


واذا عاليمعه :gathering: انا حاضر عندكم رقمي وشوفوا متى راح تتيمعون وقولولي..

أختي ناني سيكرت انتي نفسي انا قاعدة أعااااااااااني اذا يا "راعي البرد" عند البيت بالزوارة ..
تخيلي اطر اطلع مع ولدي بهالظهاري وأرجع البيت :eh_s(16)::eh_s(11)::eh_s(16):
والكل يقول قعدي قعدي تو الناس !!!!!!؟؟؟؟؟؟ انزين شلون بقعد والولد قاعد يطالع الكل ويتلزق فيهم عشان يعطونه برد ويبولع بريجه :eh_s(14): ولا أقدر أمنع كل اليهال عشان ولدي هم مو عدل ..
الحمدلله الحمدلله لقيت برد بمركز سلطان طبيعي وما فيه مواد حافظة وينفع حقه .. عاد الزوارة اللي فاتت قمت و فرغته بقوطي برد ثاني عشان لا يحس بالفرق .. والحمدلله
:ggdw:نجحت الخطة :ggdw:[/SIZE]

 

[Emanova]

سنع: تري المهم في البرد ما يكون فيه حليب... انا كنت اشترييه ويا ولدي و آكل معاه علشان لا يحس ان بس اهو اللي ياكل .

 

[سنع ومنع]

هلا حبيبتي emanova لا تحاتين قريت عليه ان شاء الله 100% مافيه حليب ..
تعرفين برد صاروخ شلون تحسينه فواكه مثلجة ؟؟
هذا نفس الطريقة فاكهة بس كلها طبيعيه ومثلجة

 

[هندالكويت]

ماعندي كلش

 

[Miss_Hopless]

هلا وغلا فيكم جميعا
كل كلامكم عدل وعلى العين والراس بالنسبه للاسباب مو معروفه
انا عيالي لما كانو بالاشهر يطلعون اصوات واذا اقعد اصورهم يطلعوني ويسوون حركات ومثل ما قالت الاخت ايمانوفا من عقب التطعيم تغير حالهم:0bee2e8d89:
اهما ليلحين مايتكلمون ووصلو 4سنين ونص وموهادين البامبرز والحليب وطبعا مو اي حليب اشتريه من شركه ناب للاغذيه اسمه rice dream واهو حليب عيش مافيه كازين
وديتهم حق د. مدينه وسوت اختبارات وجذي بس مو بذيج الفايده وقالت اذا تبون اسوي جلسات نطق وجذي بس الصراحه مانقدر نتحمل تكاليف مدرسه وجلسات يعني الوضع متعب بالنسبه لنا
الخرافي حلو وايد ومفيد لهم
الشغله اللي تضايقني اهو عدم وعي الناس ومايفهمون الوضع ويستنتجون بكيفهم وانا الصراحه بالبدايه كانت نفسيتي تتعب من جذي بس الحين مايهمني لان ماعندي وقت اشرح الوضع لهم
في دكتور هندي عايش بدبي يعالج الحالات اللي جذي بالاعشاب واحتمال يي الكويت آخر الشهر يقولون انه وايد زين وانشاله خير
اللي حابه تعرض ولدها عليه تدزلي رساله علشان الشركه اللي تبي تييبه تبي تعرف اشكثر عدد الحالات اللي يبون يشوفونه بس يقولون الاستشاره والادويه ب250
اي استفسار ثاني انا حاضره
ويعطيكم العافيه وتسلم ايدينكم

 

[سنع ومنع]

أختي Miss hopples ..

ليش ما تودينهم للمجلس الأعلى وتتحول تكاليفهم كلها على الحكومة ؟؟ بالنسبة لمصاريف التدريس اذا عندهم تأخر النطق ؟؟؟ لأن الصراحة المدارس الخاصة وخصوصا للاحتياجات الخاصة تكاليفها ما نقدر نتحملها .. مكلفة وايد وايد ..
وبالنسبة للناس أتوقع كلنا نعاني من هالشي .. أتضايق لي أحد سألني عن ولدي وقعد يتفلسف على راسي .. يعني مع احترامي لخبرة الأمهات بس محد يدري بأنجح الطرق للتعامل مع العيال إلا أمهم ..ودي ودي ودي أقولها مشكورة بس مو شغلج :eh_s(14):.. حلات الحريم الكبار ساكتين ..
ودي يوم أزور وما أنسأل فيه .. ما تكلم للحين؟؟؟ يعني الخميس اللي فات ما كان يتكلم بيتكلم هالخميس ؟؟؟؟؟؟؟!!!!!!!!!!! :eh_s(14)::eh_s(14):
أختي جربتي تودينه للدكتورة عبير ؟؟؟؟ ترى ممتازة .. وانا ولدي بحضانه فيها دكتورة نطق فعنده يوميا جلسة للنطق ..
اذا حابه أفيدج بأي شي ما يردج الا لسانج ..
وأتمنى ان ايي اليوم اللي أشوف موضوع تكونين أنت كاتبته .. يقول عيالي تكلموا
ويتغير اسمج من Miss Hopples إلى hopeful لأن في أمل ان شاء الله
قولي آمين

 

[ريمه الكويت]

امين رب العالمين سنع ويارب يفرح قلبج وتشوفين يقرق على راسج

ومثل ماقلتي الي ذابحنا تدخل الناس وفتاويهم الي يقول يمكن ماتطلعونه من جذي خواف ولا يقولون يمكن ماتجابلونه وتكلمونه ومن هالكلام الي لايودي ولاييب بس انا عندي تفائل ان عيالنا راح يتعدلون انشالله لاتشيلون هم خلوها على الله

اختي مس هوبلس وايد غالي 250 حق اعشاب وخاصه انا عندي موعد اول شهر 6 عند د عبير وتكاليفها تقريبا 200 دينار

يعني شيسوي هالدكتور الهندي بس يعطيج اعشاب ولا يتابعه ياريت توضحين

 

[Emanova]

انا ابي اشوف هالهندي ماني خسرانه شيء

 

[سنع ومنع]

انزين أختي hopples تقدرين اتفيدينا باسمه عشان ندور عنه بالنت ونشوف الناس شتقول ؟

 

[Miss_Hopless]

هلا والله انا وديتهم حق د.عبير وشخصت وعطتني كل شي بس مادري الوضع ماتغير من سنه ليلحين. الدكتور الهندي حطوه بقناه العربيه ويعالج اليهال مثل كورس ادويه لمده 4شهور وبعدين شغله بالاوكسجين ماني عارفه بالضبط لان ام صبي مع اليهال بالمركز قالتلي عنه وسألتني اذا اعرف احد يبي يشوف الدكتور علشان يعرفون اشكثر يقعدونه بالكويت وجذي.انشاله احاول اخذ منها رقمه او ايميله وتتفاهمون معاه اذا حابين تكلمونه. بالنسبه اذا راح يتابع بعدين او لا ماعندي فكره بس انشاله راح اسأل وافيدكم باذن الله.
عبير2 فيه مدرس نطق ويعطيهم جلسات نطق والحمدلله ملاحظه بواحد من عيالي تحسن واحرف وايده يطلعها وبالعكس وايد مستانسه من التطور اللي فيه. الله يسمع منج يارب وانشاله الفال حق اليوم اللي نبارك فيه بعض على شفاء عيالنا اللهم آمين.
مشكله الناس ماعندهم وعي كافي ويبون يعرفون كل شي اشلون بتفهمينهم اللي فيهم هذي القمنده

اختي سنع ومنع احنا غير كويتيين يعني مانندرج تحت المجلس الاعلى للمعاقين يعني احنا نتحمل كل شي من الالف لي الياء والله المستعان.
د.عبير راح تشرحلج الحاله وتفهمج على نظام الدايت وتعطيج مكملات غذائيه نصهم تطلبينهم من امريكا و2 من التطوري اذا عندج ملف هناك تقدرين تاخذينهم واذا لا تطلبينهم مع ربعهم من امريكا
اللي اعرفه مشكله المعادن الثقيله اللي بالدم ولازم ينظفون دم اليهال منها ويقولون انها السبب بهالمشكله او التأخر اللي صارلهم.
الله العافي والمشافي ويفرح قلب كل ام مكلومه على ولدها ويحفظ المسلمين من كل شر يارب

 

[Miss_Hopless]

نسيت اسالكم عن شغله وايد تطري على بالي وابي اعرف اجوبتكم
عندكم عيال غير ابنائكم المتأخرين الله يحفظهم وجم واحد؟؟؟؟ قبلهم او بعدهم؟؟
واذا لا
مفكره تحملين بعد؟؟؟ مو خايفه يصير مصيره نفس اخوه او اخته؟؟ ومو خايفه تحبين البيبي الطبيعي اكثر من ولدج او بنتج المتأخره؟؟
وشنو احسن وقت تحملين فيه؟؟ يعني لما يوصل عمر ولدج او بنتج المتأخره جم؟؟

 

[Emanova]

نسيت اسالكم عن شغله وايد تطري على بالي وابي اعرف اجوبتكم
عندكم عيال غير ابنائكم المتأخرين الله يحفظهم وجم واحد؟؟؟؟ قبلهم او بعدهم؟؟
واذا لا
مفكره تحملين بعد؟؟؟ مو خايفه يصير مصيره نفس اخوه او اخته؟؟ ومو خايفه تحبين البيبي الطبيعي اكثر من ولدج او بنتج المتأخره؟؟
وشنو احسن وقت تحملين فيه؟؟ يعني لما يوصل عمر ولدج او بنتج المتأخره جم؟؟

انا ابيج اتغيرين اسمج الى مس تفاؤل

ولدي عمره 6 سنوات و عسى ما كلمت احد قالي حملي و شوفي التغيير اللي راح اصير ويا البيبي اليديد...
فان شاءالله يرزقني و احمل ... و اللي من الله حياه الله .. انا راضيه ..

الله ما يبتلي الا المؤمن ... و علشان احصل اجر من ولدي لما اهتم فيه ... و ان شاء الله الله يشافيهم كلهم و يرزقني اخوان حق ولدي يا رب

 

[سنع ومنع]

نسيت اسالكم عن شغله وايد تطري على بالي وابي اعرف اجوبتكم
عندكم عيال غير ابنائكم المتأخرين الله يحفظهم وجم واحد؟؟؟؟ قبلهم او بعدهم؟؟
واذا لا
مفكره تحملين بعد؟؟؟ مو خايفه يصير مصيره نفس اخوه او اخته؟؟ ومو خايفه تحبين البيبي الطبيعي اكثر من ولدج او بنتج المتأخره؟؟
وشنو احسن وقت تحملين فيه؟؟ يعني لما يوصل عمر ولدج او بنتج المتأخره جم؟؟

بالنسبة لي دريت شنو اللي بولدي وانا حامل :ggdw::ggdw::ggdw: خوش توقيت ها :23_asmilies-com:
وما أعتقد اني لو شنو بييب من عيال بحبهم حب ولدي المريض .. مستحيييييييل .. أحس هذا معزته غير صج انه موكلني هوا بس أموت عليه ..... :nbvppw:
وعقب ما عرفت شنو فيه حاليا مأجلة فكرة الحمال إلى أجل غير مسمى .. أحس لو بحمل و بييب بيبي ثاني ظلم للأول .. حرام ييبيله عناية ورعاية من نوع خاص مو وقته ياهل ثاني :ioljnmlk:
اذا الله كتب له وشافاه وصار زين ان شاء الله