هل لديكم طفل يعاني من التوحد- خلونا نتجمع

[^kloOot^]

بنات يعنى شنو التوحد فهموني ودي اعرف بالضبط
وشلون نعرف اذا الياهل فيه توحد


انا ولدى بكل شىء تاخر حتى بالكلام والحين اسمله عليه عمره بيكمل 4 سنوات وفي احرف مايقوله عدل

خرعتونى

ابي اعرف كل شيء

 

[كبْرٍيآء]

عسى الله يشافيهم ويعافيهم ويحفظهم من كل سوء

 

[Emanova]

زينه حبيبتي:

اعراض التوحد وايد بس اول شيء يخليج تنتبهين ان ماكو اتصال بصري: يعني عينه ما تيي في عينج كأن عينه تايهه
2- لما تنادينه ما يرد عليج
3- تكونيين مثلا تلعبين معاه و يهدج و يركض للمطبخ علشان سمع صوت الخلاط من بعيد
4- في بعض اليهال يرفرفون في ايدهم او يسوون حركات متكرره
5- تأخر الكلام
5- تحسين انه مايفهم
6- ما يعرف الالم
7- يكرر الكلام مثل الببغاء
8- عدم وجود علاقات اجتماهية : يعني ما يلعب مع اليهال و لا يعرف يلعب بالالعاب

و اشياء وايد كثيره على حسب شدة التوحد

اتمنى اني فدت اللي كانت تسأل .......... و الوسواس مو زين ( لا توسوسين)

 

[Miss_Hopless]

الله يشافي الجميع ان شاء الله ويعطيكم العافيه

 

[ريمه الكويت]

انزين اذا السبب الابره مالت سنه ونص ليش يعطونها اليهال اللحين انا اخاف اعطيها بنتي الصغيره اخاف تتكرر الماساه ولا شرايكم

 

[ناني سيكرتس]

أختي ناني سيكرت انتي نفسي انا قاعدة أعااااااااااني اذا يا "راعي البرد" عند البيت بالزوارة ..
تخيلي اطر اطلع مع ولدي بهالظهاري وأرجع البيت :eh_s(16)::eh_s(11)::eh_s(16):
والكل يقول قعدي قعدي تو الناس !!!!!!؟؟؟؟؟؟ انزين شلون بقعد والولد قاعد يطالع الكل ويتلزق فيهم عشان يعطونه برد ويبولع بريجه :eh_s(14): ولا أقدر أمنع كل اليهال عشان ولدي هم مو عدل ..
الحمدلله الحمدلله لقيت برد بمركز سلطان طبيعي وما فيه مواد حافظة وينفع حقه .. عاد الزوارة اللي فاتت قمت و فرغته بقوطي برد ثاني عشان لا يحس بالفرق .. والحمدلله
:ggdw:نجحت الخطة :ggdw:[/SIZE]

لا لا لا ترا بزعل يا سنع..:0bee2e8d89:

لقيتي البرد وما قلتيلي عسلا فيه منه كاكاو..؟ ابي حق يسوفي..

 

[ناني سيكرتس]

بنات لا تخافون من الحمال, انا عندي 2 صبيان غير بوسف الكبير,والحمد الله ترا اهم وايد احسن من يوسف وبالعكس قاموا يساعدونه عشان يتكلم زين, واهو بعد من شافهم يتكلمون عدل قام يقلدهم ويتكلم معاهم عدل, وبعد قام يلعب معاهم من عقب ما كان مطنشهم , الحمد الله شالوا اخوهم شيل.

بالنسبه لي الحين ما افكر احمل لان وقتي صار مو ملكي لان عندي 3 يهال ومافي الوقت ولا الامكانيات اني ابييب الرابع, الا ماشاء الله بس الحين انا مو ناويه لما اشوف وضع ولدي اشلون بصير بعد ما ادخله المدرسه.

وبالنسبه حق تساؤلات الناس ويه الله يعينا, تخيلوا من يسالوني اشفيه واقول فيه شبه توحد ياكلوني بالحجي ويجعموني ويقولون: لا لا لا مافيه شي الولد كاهو عاجل ولا فيه شي, او يقولون: وي اخاف الفراشه الي بالمدرسه امسويتله شي ولا مخرعته عشان جذيه ما يتكلم عدل, ولا يقولون: اقري عليه مافيه الا الاعافيه, اقري عليه والنعم بكلام الله بس لما يقولولي جذيه جنهم يلمحون ان ولدي مينون ولا فيه جني..

 

[ناني سيكرتس]

ايه صج ابي رقم عبير 2 الي عندها تعطيني اياه..

وبعد بغيت اسالكم وين سويتوا التحاليل ملوت عيالكم..؟

 

[همسات ليالي]

عبير حالات صعبة وكبار وايد

 

[Emanova]

السلام عليكم يا بنات ..

 

[حالمهـ]

الله يشفي عيالكم وياجركم على تعبكم ويصبر قلوبكم

ماشالله عليكم

مادري من الي قريته حسيت ان فيه اشياء تنطبق على اختي

اهي عمرها 18 سنه

بس تشخيص حالتها باثبات الاعاقه انها تعاني من تخلف عقلي

والله هالزمن يخوف

الوحده تييب الياهل الحمدلله شزينه فجأه يصير توحدي!!

مادري قمت اوسوس

ليلحين موعارفه متى اقدر اشك ان الطفل فيه توحد

يعني باي عمر اقدر احكم عليه!!

 

[حالمهـ]

http://www.childguidanceclinic.com/main%20Autism%20page.htm

لقيت هالموقع حلو ان شالله يفيدكم

مع تمنياتي لاطفالكم بالشفاء العاجل

 

[* العروب *]

مرحبا بنات : وحدة من البنات انصحتني أدخل تجمعكم عشان أكمل لكم مشواري مع ولدي.
لما صار عمر ولدي سنتين ونص فكرت أدخله حضانة عادية يعني مو احتياجات خاصة عشان الولد ما يقلد حركاتهم ويتاثر وفعلا دخلته عالم الطفل بالقرين .وتعلم من الحضانة الانضباط, القعدة على الكرسي , النظام, وبدا يخزن المعلومات من غير ما ينطق ولا حرف . وبالصيف دخلته معاهم النادي الصيفي عشان يطلع معاهم الأماكن العامة مثل حمامات سباحة وركوب الخيل والحدايق , لأنه معاي كان يفشلنا لما نطلع ينبطح على الأرض يعشق السلالم الكهربائية بشكل مو طبيعي. المهم استفاد من الحضانة أول سنة الانضباط .
وعرضته على الدكتورة عبير واقتنعت بالحمية لأن المعدة بيت الداء وطلبت الفيتامينات من امريكا.لكن ولدي صعب جدا ما يقبل الادوية نهائيا يحطه بحلجه مدة طويله وبعدين يطلعه. أما الحمية ولدي كره منتجات الحليب ولله الحمد بس عقدتي القمح . جربت معاه خبز الصويا والشعير لكن ما حبه, المهم أنا متأكدة لو أسوي معاه الحمية عدل مع الفيتامينات راح يكون فيه نتيجة.
وقبل ما يتم الثلاث سنين جبت له أخصائية نطق بالبيت , والله يا بنات ماشفت مثل تعامل ولا أخلاق هذي الاخصائية. والله يا بنات ماكان ينطق ولا نص كلمة . بس اسألتني شنو يحب أكثر شي قلت لها التلفزيون جابت له اللاب توب وبرامج وألعاب تقوي التركيز لأن التركيز كان عنده ضعيف جدا. ومن خلال اللاب توب بدت تعلمه الكلام ومخارج الحروف. وإن شاء الله باستأذنها واحط لكم رقمها. والله يابنات طلبتها تعطي ولدي حصص بعد قالت الولد خلاص مايحتاج جلسات نطق يحتاج دراسة يعني كتابة وقراءة .
ولما قعد في الحضانة 3 سنوات يعني خلص من الروضة بديت أدور له مدرسة خاصة والناس يقولون لي دخليه مدرسة عربية هو ياالله تكلم عربي تبين تشتتينه بالانجليزي, تدرون شنو سويت ؟ أنا اعرف معاملة العرب كلش سيئة وما في انضباط في العمل وما يهتمون بنفسية المعاق هذا من نظري. دخلته الوحدة الخضراء (احتياجات خاصة) بكويت انجلش . بس والله يا بنات ما يقبلون بأقل من 70 بالمئة نسبة ذكاء . سووا له اختبارات تقريبا 3 ساعات واقبلوه. والحين ثاني سنة فيها . والولد يرطن انجليزي أحسن من العربي وطبعا هذا مزعجني مو مفرحني ودي العربي والاجليزي بس شسوي الولد اسهل له الانجليزي ما أدري ليش.؟ والحين بروح أصلي وبعدين أرجع أكمل لكم تفاصيل السنتين في الوحدة الخضراء

 

[سنع ومنع]

لا لا لا ترا بزعل يا سنع..:0bee2e8d89:

لقيتي البرد وما قلتيلي عسلا فيه منه كاكاو..؟ ابي حق يسوفي..

هلا حبيبتي .. والله سامحيني من اللوية اللي انا فيها ..
للأسف ما في كاكاو بس فواكه مثلجة .. يعني شي يمشي الحال شنسوي ..

 

[سنع ومنع]

انزين اذا السبب الابره مالت سنه ونص ليش يعطونها اليهال اللحين انا اخاف اعطيها بنتي الصغيره اخاف تتكرر الماساه ولا شرايكم

أختي انا نفسج وايد كنت خايفة من التطعيمات سألت الدكتورة عبير بالنسبة للبيبي الثاني شلون ؟؟؟؟؟ هم أخاف تتكرر نفس المأساة ..
ووريتها جدول التطعيمات عصبت وقالت والله قاعدين يبدعون بالناس . شنو هاللخبطة ؟؟ فرقت لي التطعيمات اللي جرعتهم وايد مع بعض .. يعني الشهر الرابع فيه وايد تطعيمات .. فرقتهم عن بعض .. وقالت لما يكمل البيبي 10 شهور نسوي له فحص مناعة عن طريق مختبر البشر وعطتني الورقة من الحين ..
البلوة ان ابرة السنة ونص قاموا يعطونها من سنة :0bee2e8d89:
فقالت لي حسب النتيجة .. اذا البيبي مناعته قوية نعطيها له وعمرة سنة ونص .. اذا مناعته ضعيفة نعطيها وعمره سنتين ..
الصراحة الواحد ما وده تتكرر المأساة ..

 

[Emanova]

اشكر حبيباتي الامهات المكافحات ( همس الليالي , سنع و منع , ناي سيكريت) على حضورهم و على تجمعنا اليوم و على الفضفضه الحلوه اللي صارت.

و اتمنى هاليمعه ما تنقطع و زيد عددناو يزيد اصرارنا على جعل اعيالنا فعاليين في مجتمعهم .

والله يطمن قلب كل ام و ما يضيع تعبنا و عوض صبرنا خير باذن الله .

 

[eman-77]

السلام عليكم

انا عندي بنوته عمرها 3 سنوات - الله يخليها لي-
ابتدت عندها المشكله من بعد ماصار عمرهاسنتين والظاهر هالشي صار من بعد ماطعمتها ولا قبل كانت بنتي طبيعيه تتكلم وتبني جمل وتلعب مع البيبيات..يعني كانت بنت طبيعيه

المهم اللي لاحظته عليها اول شي انها صارت تايهه وماترد علي لو ناديتها
وصارت تقعد بالزاويه عند البلكونه وتلعب بنفس اللعبه وماتبي تغيرها
وبعدها تعلقب ببارني صرنا نشوف بارني طول اليوم!!! وساعات تعلق على حلقه وحده ونصير نطالعها بالاسابيع
وبعدها اللي خوفني ان صارت ماتتكلم, وماتخاف من شي

شكيت وقلت هذا كله مو طبيعي! بس ريلي وامي يقولون لي اني وسواسيه وان البنت زينه

المهم وديتها مركز الكويت للتوحد وسوولها اختبار وقالوا ان فيها طيف توحد, ونسبه التوحد عندها 24/100
تحطمت وانهرت وبجي والمهم ان سافرت مع ريلي وتركنا الكويت لان عنده شغل بره

انا يمكن انزل الكويت اخر الشهر لمده شهر..شنو تنصحوني بنات ياليت استفيد من تجاربكم
اروح حق منو؟ ومنو تنصحون من الدكاتره؟

الله يساعدنا كلنا يارب ويصبرنا والله ساعات احس ان نفسيتي وايد تعبت واصير ابجي بس استعين بالله ادعي الله ان يقويني ويثبتني ..الله كريم انشالله ويشافي عيالنا كلنا يارب

 

[eman-77]

واحب اوجه شكر خاص لاختي سنع ومنع على مساعدتها لي وردها على رسالتي بالخاص

الله يشافيلج عيالج ويطمن قلبج يارب

 

[ناني سيكرتس]

اشكر حبيباتي الامهات المكافحات ( همس الليالي , سنع و منع , ناي سيكريت) على حضورهم و على تجمعنا اليوم و على الفضفضه الحلوه اللي صارت.

و اتمنى هاليمعه ما تنقطع و زيد عددناو يزيد اصرارنا على جعل اعيالنا فعاليين في مجتمعهم .

والله يطمن قلب كل ام و ما يضيع تعبنا و عوض صبرنا خير باذن الله .

بعد عمري حياج الله بكل وقت , انا وايد استانست لاني حسيت اني ماني بروحي وان في احد اقدر اكلمه واساله, مشكورين وان شاء الله لنا لقاء اخر :gathering:

 

[ناني سيكرتس]

العروب حبيبتي بغيت رقم الاخصائيه بسرعه عشان ولدي..