هل لديكم طفل يعاني من التوحد- خلونا نتجمع

[سنع ومنع]

صاجة emanova والله حرام عليهم اللي قاعد يسوونه بالأهالي ..
الله كريم

 

[ريمه الكويت]

هلا والله: الحمد الله ولدي فيه تغير عليه طيعا مو وايد بس شوي طخ وما قام ينط, وحركاته خف عليها شويه, بس طبعا بعد يبيله صبر لان تونا باديين ماصارلنا شهر ونص..

بشتريني الله يفرح قلبج وانشالله للاحسن يارب :ggdw:

 

[ناني سيكرتس]

سنع حبيبتي .. لا تعورين قلبج ... مركز التوحد فاشل بس انا ما حبييت اقولها اشكره .. بس مادام انتي بطيتيها ...انا بكملها و اقول نصابيين .. و كل شيء بفلوس حتى السلام

هو ..؟ هذا اي مركز الي وين فيه بالضبط..؟

 

[سنع ومنع]

اللي بالروضة ..
ناني حبيبتي بشريني على وليدج شلونه الحين .. عسى حب الكورن فليكس ؟؟؟

 

[* العروب *]

إختي حالمه : أنا جديدة على المنتدي وكل ما فتحت الرسائل الخاصة ما يفتح . معلش أنا غشيمة بالنت علميني شلون أفتح الخاص؟

 

[Emanova]

السلام بنات اشلونكم و اشلون الورعان ان شاء الله بخير

 

[ناني سيكرتس]

الورعان بخير الحمد الله..

 

[سنع ومنع]

هلا emanova الورعان بخير توني مطلعته ملعبته ومتعشي وبينام :ch12:
حبيبتي أبي أسألج انا أول مرة طلبت حق ولدي أدوية من النت وصلوا لي بيتي .. يعني مثل ما تقولين عدت على خير :O_SHH_:
الحين ما ودي آخذ من result الأدوية اللي باقية لي .. لو بطلبها من النت لما توصل الكويت المفروض استلمها من وين ؟؟؟ المستودعات الطبية ؟؟ ولا وين ؟؟ اذا عندج فكرة عن الاجراءات يا ريت تعطيني فكرة ..
ويسلموا يالغاليه

 

[ريحانة_14]

السلام عليكم ورحمة الله وبركاته

أولا يابنات .. أحب أعرفكم بنفسي ..

أنا معلمة متخصصة بالتوحد وإشتغلت بمركز التوحد لمدة 8 سنوات .. ورجاءا وبليييييييييييييييز ما أقبل أي وحدة تقول عن المركز إنه فاشل

وثانيا يابنات ... كـــــــــــــل أولياء الأمور والأهالي إللي سمعوا أو الدكتورة سميرة نفسها لما سمعت إن في علاج للتوحد كانت بنفسها تسافر وتراسل كل الجامعات والمستشفيات إللي تقول إن في علاج للتوحد .. لكن كلها جذب بجذب

لأن التوحد مافي له علاج جذري أو علاج للطفل إنه يتشافى تماما ..

وللعلم بعد .. رحت دورات بكندا وفرنسا بخصوص التوحد .. والكل أجمع على إن التوحد ماله علاج جذري وهالكلام للأسف الأهالي ما يتقبلونه لأنهم مثل الغريق إللي يتعلق بقشه ويبون أي بصيص من النور يعطيهم الأمل إن ولدهم يكون مثل باجي الأطفال وإنسان طبيعي جدا ... لكن ولله الحمد والشكر مافي ,, لكن كل شي بإيد رب العالمين والأبحاث جاريه أولا لمعرفة أسباب مرض التوحد لأنه للحين ماله سبب محدد .. وثانيا لمعرفة طرق العلاج

وحاليا توصلوا بكندا وفرنسا وأمريكا إلى طرق العلاج الوقتية لمرض التوحد إللي الحمية مثل ما قلتوا .. وثانيا الخطط التعليمية والتدريب المستمر للطفل .

أول شي أحب أوضح إن التوحد أنواااااااااااااااااااع

1- الأسبيرغر ... وأهو إللي يكون شبه طبيعي لكن فيه بعض صفات التوحد ويتمتع الأسبيرغر أحيانا بقدرات خارقة بشي معين مثل فيلم ميركوري داي حق بروس ويليس إذا شفتوا مع الطفل إللي يحل الألغاز والأحجيات

2- التوحد البسيط .... وأهو فيه صفات التوحد لكن مع التدريب المستمر ممكن إن الطفل يتطور وأحط تحتها 10 خطوط .. لكن ما يتشافى تماما

3- التوحد المصاحب للتخلف ... وهذي الحالات تكون صعبه جدا والأهالي يعانون منها بشكل كبير لأن الطفل التوحدي يكون حامل أيضا لصفات تخلف عقلي أحيانا بسيط وأحيانا تخلف شديد

4- وليام أوتيزم ... وهذا النوع من أصصصصصصصصعب الحالات .. لأن الطفل التوحدي إللي يعاني من هالنوع بالذات من التوحد يكون جامع لصفات توحد + تخلف شديد + شراهة بالأكل غييييييييير طبيعية ... يعني .. أعصاب الشعور والإحساس بالشبع تكون عنده معطلة

وهذي تقريبا الحالات إللي كنت أتولى أنا الإشراف عليها وتدريبها لأني حازمة مع الأطفال لكن أعشقهم عشق غييييييييير طبيعي

============

بالنسبة لمركز التوحد ... مركز التوحد بالكويت أهو المركز الوحيد المتخصص لحالات التوحد .. لو تلاحظون مدرسة خليفه أو دسمان سكول يجمعون أكثر من إعاقه عقلية .. لكن مركز التوحد أهو الوحيد المتخصص في الخطط التدريبية لأطفال التوحد .

ومن قال إن مركز التوحد إعلام وبس ؟؟؟؟؟؟

إدارتنا ودكتورة سميرة السعد بنفسها كانت تتولى الإشراف على تدريبنا بالإستعانه بخبراء من بريطانيا وفرنسا وأمريكا يحضرون سنويا علشان يدربونا والسنة إللي بعدها يحضرون علشان يجيكون إذا طبقنا إللي عطونا ياه بالسنة إللي طافت والا لأ؟

مسألة ضرب الأطفال ....

أولا المركز كــــــــــــــــــــــــــــــــله بما فيه ممرات الحمامات مراقبة بالكاميرات .. وهذا مو قصورا فينا ولله الحمد بالعكس .. حرصهم الزايد على الأطفال وخوفهم عليهم يخليهم يراقبون الأطفال ويراقبون باستمرار تعاملنا معاهم

وبالنسبة لخطط الأطفال التدريبية ...

الطفل التوحدي بالبدايه لازم يتشخص تشخيص مضبوط .. وجميييييييييع الحالات بدون استثناء كانت تيينا من بعد تشخيص الدكتورة عبير بالطب التطوري وإحنا نتولى تدريبها

وغالبية الأدوية إللي ياخذونها الأطفال تكون فيتامينات أو مهدئات .. ولو تبحثون بالمواقع الإنجليزية بتعرفون إن مافي أي دواء أو عقار أو إبر أو عمليات تشافي أطفال التوحد ( عشقي الأول والأخير ) من إعاقة التوحد

والحمدلله رب العالمين ألف مرة وبفضل الله سبحانه وتعالى عندي خبرة بوضع الخطط التعليمية للأطفال والوسائل المستخدمة للأطفال التوحديين


تعبت من الكتابة بنات

أي سؤال أي استفسار أنا موجوده حبيباتي

لكن أتمنى إن أي أم أو أب عنده طفل توحدي إنه يحمد الله سبحانه وتعالى ألف مرة باليوم لأن هذا الطفل راح يكون سبب دخوله الجنان

فهنيئا لكم


أختكم

ريحانة

 

[ريحانة_14]

وااااااااااااااااااااااااااااااااااااااااااااااااااااي حباااااااااااااااااااايبيييييييييييييييييييييييييي عيااااااااااااااليييييييييييييييييي

وأنا أكتبلكم هالرد حطوهم بالتلفزيون قاعدين ينظفون البحر

دمعت عيني لما شفتهم :"")

أحلى أيامي كانت بالتوحد

د.سميرة تدرون شكثر فاتحه بيوت حق أهالي ماعندهم فلس واحد يدفعونه وأطفالهم توحديين وأهم غير كويتيين ؟؟؟

والله لها الجنة هالحرمه

 

[wathoo7a]

بنات أنا وديت ولدي حق الدكتورة فاطمة العوضي و كتبت بالتقرير رقم 28 بالتوحد! شنو يعني؟ أنا ولدي عمره ثلاث سنوات و جم شهر و محتاره شسوي فيه بالصيف كله يبجي و ملول و يحذف الأكو و اللي ماكو و ين أوديه؟ والشغلة الثانية اللي أحب أفيد فيها إن في كتب مفيدة عن التوحد و كيفية التعامل معاه في مركز التوحد و بأسعار رمزية أنا شريت جم كتاب و ااايد فادوني:klhfl:

الحمدلله الذي لايحمد على مكروه سواه

 

[eman-77]

وضوحه

28 يعني درجه التوحد من 100

شقالوا لج ان طيف توحد ولا توحد؟

لان انا بنتي 24 من 100 وقالوا لي ان طيف معاها

 

[Miss_Hopless]

يعطيكم العافيه بنات
حتى انا متوهقه مادري وين اودي عيالي ياريت اللي تعرف تفيدنا

 

[Emanova]

هلا emanova الورعان بخير توني مطلعته ملعبته ومتعشي وبينام :ch12:
حبيبتي أبي أسألج انا أول مرة طلبت حق ولدي أدوية من النت وصلوا لي بيتي .. يعني مثل ما تقولين عدت على خير :O_SHH_:
الحين ما ودي آخذ من result الأدوية اللي باقية لي .. لو بطلبها من النت لما توصل الكويت المفروض استلمها من وين ؟؟؟ المستودعات الطبية ؟؟ ولا وين ؟؟ اذا عندج فكرة عن الاجراءات يا ريت تعطيني فكرة ..
ويسلموا يالغاليه

حبيبتي سنع .. يمكن يوصل البيت و الحتمال الكبر يوصل عندي في الدوام ...dhl راح يقولون لكم وين الطرد ... و اذا كان عندي لا تهتمين اهطيج اياه ابسرعه

 

[Emanova]

ريحانه: انتي شنو تخصصج بالضبط بدون الدورات ؟

يعتي انتي دارسه علم نفس؟ و لا عمل تطوعي + دورات؟

و لا تزعليين من كلامي ... بس الللي في المركب مو نفس الغرقان اللي يحاول يتقضب فيه ....

و محد اهني قال ان التوحد يتشافى 100 % ... الي يتعدل اهي السلوكيات و الاختلاط في المجتمع و معرفه الغلط من الصح..

و بسأل اذا مرطز التوحد قمه و ببلاش ... ليش لما رحت اسأل سؤال قالي اخذي موعد ؟

و ليش النشرات بفلوس؟ و ليش الاستشاره ب 15 او 20 ؟

و ليش المركز قديم ..توكم يالله قاعديين تبنون واحد.

و ليش ما عندكم نشرات توعوييه حق اولياء الامور؟

و ليش ما نشرتوا الوعي بالمجتمع عن التوحد؟ علشان الناس لا تنحاش و تخاف من اطفال التوحد؟


و في اشياء وايد بس انا ما ابي اعور قلبي الصراحه ...

و اذا انتي تبيين اتساعدينا عطينا معلومات بدون دعايه حق مركز الكويت للتوحد

 

[سنع ومنع]

الصراحة شي يعور القلب ...
الوحدة من تشك ان ولدها فيه توحد سييييييييدة اللي ايي بالبال مركز الكويت للتوحد .. والواحد عباله بيروح يشوف شي معتبر وبياخذ التشخيص من أخصائيين معتبرين لهم كلمتهم ..
بس مع الأسف .. عن نفسي الأحصائي اللي شفته مايدري وين الله حاطة ...
أختي ريحانه انا أكلمج عن تجربة شخصية .. ويمكن كل البنات هني مروا بتجارب مع المركز... كل وحدة لها قصتها ...
للأسف المركز تعيس تعيس تعيس ...
وحبيبتي emanova لا تعورين قلبج .. الحجي وايد حلو بس وينه على أرض الواقع ؟؟؟ الكل يدري شنو مركز الكويت للتوحد..

 

[ريحانة_14]

هلا والله حبايب قلبي وأمهات عيالي

بخصوص نشرات التوعية أولا أول ما تصير معارض أو مثلا يوم التوحد العالمي أو يوم المعاق أو أي شي من هالقبيل هذا كنا نتوزع بالمجمعات .. نصنا يروح سوق شرق مثلا ونصنا بالمارينا ونصنا بالبستان ونصنا بالفنار وبكل مجمع تقريبا وكنا نلبس تيشيرتات التوحد ومعانا نشرات نوزعها على الناس إللي تمر ونسألهم أول شي سمعتوا عن شي إسمه توحد وإذا قالوا لأ طبعا نعطيهم نبذه عن الإعاقه .. إذا شفنا إن إللي جدامنا ماله مقاقه يسمع سكتنا .. وإن شفنا إن مهتم زدناه .

أما بخصوص إن المركز قديم والا يديد ... إنتوا عارفين إن د.سميرة سعت بكل إللي تقدر عليه علشان يكون المركز تابع للوزارة التربية وتابع للأمانة العامه للأوقاف علشان من التربية ومن الأوقاف تقدر توظف مدرسين وتدربهم وتصرفلهم رواتب .. والمبنى هذا عبارة عن وقف .. وكان أساسا بيت أئمة المساجد ماقصروا الأمانة العامه للأوقاف حطوه وقف حق أطفال التوحد .. ومن خلال المجلة إللي يصدرها المركز ( صرخة صامتة ) إللي تضم كل شي جديد وقديم بخصوص التوحد ومن خلال الكتب والأشرطة وتبرعات أهل الخير مثل الصقر والغانم والمرزوق وإنتي طالعه من سنة 1994 لي يومج قدروا يجمعون هالمبلغ علشان يشترون فيه أرض إللي إهي بغرب مشرف يم الكلية الأسترالية وتالي إندفع مبلغ ضخم غيره حق خريجين كلية الهندسة إللي قدموا أكثر من تصميم وعقبها إنحط مبلغ تقديري وأهو تقريبا 4 مليون إلا ربع حق بنيان المركز من غير الأثاث والوسائل التعليمية ..

وعلى فكرة ... أنا ما أقول هالكلام دفاعا عن سميرة السعد لأ ... بالرغم من المشاكل إللي صارتلي معاها ومع الإداريات إللي بسببهم طلعت إلا إني أعشق الشغل مع الأطفال ,, وبصراحة تدريبهم قوي جدا حق المعلم .. والمعلم والمعلمة يتحاسبون على كل صغيرة وكبيرة تصير للطالب ,, من الحوادث لاسمح الله لييييييييييييييييي عدم تطور الخطط التعليمية مع الطفل ..

مثل ... أنا لما أستلم عدد من الطلاب بأول السنة لازم أسويلهم تقييم غير رسمي لمدة 3 أسابيع على كل شي يعرفونه ومايعرفونه .. وعلى أساسها أحطلهم خطه تعليمية لطول السنة وعلى أسس معينه

ويكون في متابعه أول بأول من الإدارة على خطط الأطفال ودرجة تطورهم .. وإذا صارت وإن الطفل ما تطور بنشاط معين أنا حطيته له .. أكون مقصرة وأحاسب حسابا عسيرا

أما بخصوص تخصصي الله يسلمج أنا خريجة جامعة الكويت قسم علم نفس .. وإلتحقت معاهم بالعمل التطوعي في فترة الصيف بالمخيم الصيفي

وأنا ماقلت يابنات إن مركز التوحد ببلاش للكل ... أحب أوضح

المركز بإجتهاد من سميرة السعد تاخذ حالات البدون إللي حالتهم المادية تعيسة جدا وعندهم طفل توحدي ومستعدين أهل الخير يتبرعونله بمبلغ دخوله المركز تدخله .. طبعا يكون مخاطبة المتبرع عن طريق أدارة المركز هذي شغله

أما الشغلة الثانية ... إهي إن المجلس الأعلى للمعاقين يدفع حق الكويتي إذا ماني غلطانه نص المبلغ ...

والإستشارة هم بــ 15 والا 20 دينار لأن هذا هم شغل ياقلبي ... أهم مو عالباب راح يجاوبونج على سؤالج وخلاص لأ .. راح تقعدين معاهم وتاخذين موعد وعقبها تسألين عن إللي تبينه ...

بالنسبة حق الأخصائي إللي سألتيه سنع ومنع ... إذا ماني غلطانة إسمه أ. وليد

أهو أخصائي بالتخاطب والتواصل .. وبصراحة كنت أتعلم منه وايد شغلات مفيدة لما كنت آخذ عيالي التوحديين عندة بجلسات التخاطب

مادري شسألتيه وشرد عليج وليش مستاءة منه

بالأخير كلنا بشر يابنات

ومركز التوحد اليديد إن شاءلله بيكون مركز للتوحد على مستوى الشرق الأوسط

وياريت نطالع نص الكباية الملبان

ما أدري والله بالضبط يا سنع ومنع شصاير معاج لكن لا تحكمين على المركز من خلال نص ساعه قعدتي فيها معاهم .. لأن أنا بنفسي كنت معاهم

عن تجربتي إللي إستمرت 8 سنوات وتمنيت إنها تطول أقولج إن كنا نتعب ونعطي كـــــــــــــــــــــــل طاقتنا حق هالأطفال .. وأقولج ياها فعلي كل طاقتنا

أنا مشكلاتي كانت مع مسؤولتي المباشرة مو مع الأطفال .. بالعكس كل الستاف إللي يشتغلون هناك لااااااا شعوريا حتى وإحنا بالبيت نفكر بعيالنا بالتوحد شنو نسويلهم وشلون نطورهم .. هذا ما كان إحساسي أنا بس لأ إحساس كل المعلمين إللي يشتغلون بالتوحد ..

تصدقون بنات إن في عائلة أم كانت تيينا وعندها 3 أطفال توحد أخوان .. وكلهم حالة التوحد إللي عندهم تصاحبها تخلف شديد ..

يعني كأن عندها فصل كامل بالبيت .. وكنت أتصل عليها أقولها باخذ عيالج أخليهم عندي من الصبح لي الليل لا تحاتين أنا آخذهم وأنا أرجعهم البيت هذيل عيالي وأنا مدرستهم أعرف أتعامل معاهم .. وإنتي روحي طلعي إخذي راحتج يوم واحد مافيها شي ... تقولي لأ أبوهم يخاف عليهم

وفي عوايل غير هالمرة هذي يبون الفكة من ولد واحد أو بنت وحدة ..

وعلى فكرة .. في مدرسين بالمركز يسوون أشرطة بلبنان ويبيعونهم بالمركز وريعهم لأطفال التوحد ( وقفية التوحد )

وأنا ما أحط على نفسي ولا أحط بذمتي وأسوي دعاية على قولتج على شي ما يستاهل

لأن بالأخير بتقولون ريحانة قالت

لأ يابنات يستاهل

وعندهم مخيم صيفي بعد .. وعندهم برنامج التدخل المبكر إللي أهو العصر حق الأطفال من سنتين أو 3 سنوات يدربونهم على الحمام عزكم الله ويتعلمون السلوكيات الأولية مثل القعدة على الكرسي والإستماع وطريقة الطلب .. بعدين يتعلمون على الأنشطة المعقدة بالتدريج في البرنامج الصباحي

وعندهم بيت الشباب .. وأهو عبارة عن دوام من الساعة 1ونص الظهر لي الساعة 8 بالليل وأهو حق الأعمار التين إيج والمراهقين وأغلبها تكون ورش عمل .. يكون فيي مثلا ورشة الطبخ للبنات وورشة صناعة الورق والخياطة وغيرها ..

وطبعا كل برنامج بسعر لأن في مدرسين بيكونون مع الطلبة ولهم رواتب إضافية


وأي سال أنا موجودة حبيباتي

والله جذي تشيشوني أصير بيبي سيتر حق أطفال التوحد بالسيف شرايكم



أختكم
ريحانة_14

 

[همسات ليالي]

للأسف المركز تعيس تعيس تعيس

 

[ريحانة_14]

إي عاد ليش تعيس

إذا من بعد هالتعب إللي نتعبه مع الأطفال بتقولين تعيس يا همس الليالي من غير بيان سبب واضح من حقي أعترض

وأتمنى تبينين الأسباب

لأن المجهود إللي نبذله مع الأطفال ماكان مجهود قليل

فأبي أعرف ليش من وجهة نظرج تعيس ؟؟؟؟؟؟

 

[همسات ليالي]

اعتقد افتحت صاحبة الموضوع مساحة للحوار ولكن مافي مساحة اعلانية بس ارجوكم كل وحدة تقول التجربة او اسم الدكتور ونتايجة سواء ايجابية وسلبية واحنا اجتمعنا في ستاربوكس و لن لقاء ثاني باذن اللة تعالي واللي حابة تشرفنا حياها اللة